CHOO CHOO (已結業)

我見人地上網影的相幾靚同評語幾好所以特登同男朋友來試下。地點唔係就腳,落左車仲要行好一段時間。因為午餐時段,選擇唔算多。咁我點左個龍蝦汁大蝦意粉,男朋友點左西班牙海鮮飯,加左個是日餐湯。餐湯是南瓜甘荀湯,足料唔錯既,加8蚊是抵加既。龍蝦汁意粉都唔錯,蝦不會太老,但無menu上所講既蒜香味,意粉好掛汁,亦唔會太淋。但講到呢個西班牙海鮮飯,我真心真係未食過咁難食晚西班牙海鮮飯,百幾蚊份量少過個意粉成倍,得3啖飯,仲細過我碗餐湯。又有陣苦味,係直頭入口覺得苦。真心無下次,個經驗太差。