Chilli Lime (形點 I)

营业中

休息中

今晚約咗個好耐冇見嘅好朋友食飯，預咗會雞啄唔斷，上網睇呢度環境唔錯，加上我哋都鍾意食泰國菜，於是我哋就決定喺度食晚餐。樓底好高，枱同枱之間有適當嘅距離，完全唔會有壓迫感。我哋個位啱啱好對住螢幕，可以一邊傾偈一邊睇奧運。好抵！炸蝦餅個個都圓轆轆脹卜卜，食落去熱辣辣又彈牙，唔錯唔錯。我朋友話佢琴晚已經諗定要食呢個Gado-Gado.食泰國菜點可以唔食通菜㗎？呢度嘅芝士Nasn就咁食已經好好食，點埋butter chicken 個汁味道更上一層樓呀！強烈建議要一齊食😋😋嗌到成枱都係都只不過係$400。總括而言呢度食物嘅味道唔錯，每碟嘅份量都唔少，呢個價錢真係物超所值呀！

近日於Yoho Mall閒逛，發現開了一間以泰菜為主的新餐廳，特意與家人前去午餐~ 餐廳樓底特高，空間感十足. 店內裝潢以啡色為主調，牆上掛滿了油畫，都幾有特色.  午市套餐共有八款，定價為$98- $128，包括前菜、主食及飲品，都幾豐富~ 前菜: 烤玉米鮮蝦沙律 雖然只是一客前菜，但份量也十足. 沙律有3隻爽口彈牙的大蝦，配以粟米及青豆，加上酸酸辣辣的醬汁，頗為惹味，令人食欲大增.  炭燒雞柳 (兩件) 即烤的炭燒雞柳都很大件，雞肉外脆內嫩，配以少少辣的青色醬汁，都幾好吃! 牛油雞咖喱配黃飯及烤餅 ($98) 牛油雞咖喱辣度輕微，醬汁濃稠且creamy，配以有咬口的黃飯幾適合. 淨下的醬汁用來配外脆內軟的烤餅，一滴汁也不會浪費，個人相當喜歡這份主菜.  泰式濕炒海鮮河粉 ($118) 海鮮河粉配料很多，爽口大蝦、青口、魷魚圈及蟹柳，再加上草菇、西蘭花、椰菜花及粟米芯等，伴以幼滑的河粉，都幾有水準.  凍檸茶餐飲選了凍檸茶，有助飯後解膩呢!

一路都鐘意食泰菜，於是帶埋屋企人黎元朗yoho呢間食，係openrice睇到都幾高度評價。主菜我地點左泰式牛油雞咖哩再order左薄餅：咖哩咪道濃而不膩，好重椰香味，唔會太辣搶晒啲味。點埋薄餅食就愈食愈滋味。泰式青咖哩雞炒飯：青咖哩撈白飯就食得多，炒飯就真係無點見過，估唔到又幾好食，香料夠晒香，而且飯底炒得好均勻。馬來炒粿條：有鑊氣，有點似干炒牛河但又多左香料同無甘咸。小食就試左豬頸肉：塊塊厚度適中,唔會太乾，咬落仲食到有肉汁。原隻燒魷魚：好大隻，而且唔會太韌咬唔開，食到有燒魷魚鮮味。馬拉盞炒通菜：翠翠綠綠，中意佢味道剛好，唔會得個死咸。

餐廳掛左泰國🇹🇭特式既掛畫🖼仲有多國菜野食🍽 🇲🇾🇹🇭🇮🇳最重要係野食🙅🏻‍♀️唔加味精❣️ᎷᏚᏩ FᎡᎬᎬ❣️ 冇味精👨🏻‍🍳都煮得咁好味😋一定足料靚料先做到🥰~•~•~•~•~•~•~•~•~•~•~•~•~•~•~•~•~•~•~• ▪ Lunch Set ☀️ ($98 - $128) ▪包左💁🏻‍♀️ 前菜🥗 & 主菜🍽 & 餐飲🥤或可加錢升級果汁🧃或汽水🥤 (+$15) / 酒精類🍺🍷 (+$35)仲可以加錢配甜品🍮 (+$48).▪️ 前菜 ▪️ 有3️⃣款可揀，💁🏻‍♀️餐湯🥣 / 沙律🥗 / 小食▫️ 烤玉米鮮蝦沙律🔥🌽🦐🥗面頭有3️⃣隻爽口彈牙既蝦🦐下面係ᏟᎾᏞᎾᏌᎡFᏌᏞ💛❤️💚既蔬菜🥬開頭以為粟米一排排🌽，會連芯🤍原來係起左肉，成排粟米粒💛🌽仲有蕃茄🍅同菜🥬.▫️ 酸辣炸魚湯 🌶💥🐟🥣好足料，炸魚🐟都有3️⃣舊配料有草菇🍄同蕃茄仔🍅酸酸辣辣好開胃😋.▫️ 牛油雞咖喱 配黃飯 • 烤餅($108) 🧈🐔🥘 💛🍚 • 🫓擺盤幾靚，分成3️⃣ᏢᎪᎡᎢ牛油雞咖喱 🧈🐔🥘 : 你以為預俾你撈飯🥣同點NᎪᎪN🫓就得汁就錯晒啦😆🎼雞全部都係雞🐔全部都係雞🐔全部都係雞🎶入面有勁多舊✨炆到淋曬既雞🐔牛油咖喱汁🧈🥘勁惹味

餐廳嘅午市套餐都幾抵食，有前菜、主菜同埋一杯餐飲，選擇都幾豐富架☺️涵蓋左泰國、印尼、馬來西亞等嘅菜式。媽咪偏好泰國菜，所以就order左黎試下。我發現呢度嘅泰國菜都幾有特色，喺其他泰國餐廳比較少見🤩前菜我簡左冬蔭功雞湯，睇佢嗰樣清清地咁，但飲落冬蔭功味好足、好正宗👏🏻而且雞肉大大舊，仲幾嫩滑。媽咪就簡左素菜餡角，外皮酥脆之餘唔會好厚粉，裡面嘅餡係蔬菜蓉，適合素食人士，望落以為味道會比較寡，原來個醬係咖哩角果種醬，微辣，都幾滋味😋主菜黃咖哩雞炒飯配泰式青瓜甜醬🐔本來預期中呢道菜係有碗黃咖哩，然後裡邊有d雞肉，再配炒飯😂但原來係用黃咖哩去炒飯，都幾有驚喜！炒飯粒粒分明，軟硬度適中，咀嚼飯粒嘅時候散發出黃咖哩嘅味道，唔係好濃烈果種咖哩味，食完唔係成個口都好重咖哩味，但黃咖哩味係滲透左係飯粒度，味道調較得岩岩好，椰香味比辣味多🥥而且個飯好足料，雞肉切粒搭配三色椒黎炒，色澤好靚，另外仲搭配左幾塊酥炸過嘅雞件，雞肉幾嫩滑，呢幾塊雞件可以點泰色青瓜甜醬黎食🥒又係另一番風味🥰炒魷魚鹹鴨蛋配白飯🦑🥚呢一道係其他泰國餐廳比較少食到嘅泰國菜，但其實喺泰國係幾正宗同地道嘅菜式黎。魷魚酥炸過，而且用鹹蛋黃漿嚟炸

Grilled Squid $108一共有兩條小魷魚，咬落去唔靭，配有一個酸甜醬，味道正常Morning Glory Sambal $88馬拉盞炒通菜，味道不過不失Butter Chicken $128好香嘅咖喱味，而雞都算多，所有雞都係一口嘅sizeClams $128炒蜆，香香辣辣嘅味道其實係幾開胃嘅，用嚟送飯一流！但係數量唔多😂Roti Canai $28佢嘅尺寸其實算大，但數量唔係好多，味道屬正常口味，亦都唔算話特別好重牛油味。所以屬於不過不失嘅水準Pineapple Rice $138菠蘿炒飯，味道其實同一般嘅菠蘿炒飯無異，但係佢呢個菠蘿殼挖得好淺，所以我覺得其實分量係有啲少，以$138來講唔算話好抵食包括咗雞豬牛，其實幾香口，亦都幾好咬。味道唔錯總結叫咗咁多樣餸基本上樣樣餸都係無伏嘅，但驚奇欠奉，以呢個價錢來講，亦都唔算話係好親民，都係一般商場餐廳嘅水準，食完之後記憶點唔算太深，所以唔算特別推介

今日同朋友黎左元朗形點呢間東南亞菜 chili lime , 入到去氣氛又幾好，環境好大好華麗，三個人一路食一路傾計，忍唔住都叫左好多野食3 點後仲有 tea set , 不過想試唔多既泰國菜，所以最後都係散叫食。好多東南亞式既擺設同壁畫，環境好舒服。蟹肉魚肚羹，又幾好飲，魚肚份量好多，三個人分住飲都岩岩好。烤羊里脊肉，賣相已經好靚，羊肉一啲都唔騷好易入口，燒得剛剛好，點埋薄荷醬真係一流原隻炭燒魷魚，真係好大隻抵食。炭燒豬頸肉，次次食泰國菜都必食，又真係幾好味，肉味又夠香，同朋友都大讚佢既豬頸肉，必試芝士烤餅，好大塊好飽肚，烤得好香口好好味，又夠鬆軟。食泰國菜點少得芒果糯米飯，有三味三色糯米飯，賣相吸腳得黎亦都好甜好煙韌。芒果好新鮮，一啲都唔酸。再黎多個甜品，越式炸香蕉，外面有層脆皮包住香蕉，外脆內軟，點埋蜜糖超甜夠 juicy待應好有禮貌，想改單都即卡幫我地改，上菜都上得好快下整體黎講都真係幾出色，值得一推

元朗出名嘢食多！今次叫埋朋友過來就試下新餐廳🤣不過認真估唔到原來地下會有個咁多植物包圍嘅餐廳！🥺裝修仲要好有泰國風味，店員仲只會講英文！佢哋Lunch Menu選擇都唔少，大多都係泰國必食嘢添！仲有跟埋小食同飲品～最後同朋友叫M2+M5，炸薯餅～薯餅係雜菜薯餅，所以都有啲口感。炸得香口再點埋醋，Match!泰式茄子沙律！有驚喜，無諗過凍茄子可成為一個前菜，加埋粒粒辣椒，酸甜開胃泰式炒金邊粉好多隻大大大蝦啊💓蝦肉結實大隻，口感爽口。粉炒得剛好，有曬芽菜花生碎等配料，口感相當豐富～ 椰漿牛肉飯～估唔到佢又跟飯又跟薄餅飽到痴線啊真係😂咖喱偏甜身，唔會太辣，香料味重！用薄餅點醬汁真係一流～飯身乾身， 粒粒分明，係傳統長條形飯！正宗！

朋友話yoho mall新開咗泰國餐廳，約咗我今晚去試吓，去到見到環境都幾大，樓底幾高，所以有好多燈飾，睇落都幾high class我哋叫咗炸蝦餅，牛肉泰式沙律，仲有青檸梳打，椰汁雞湯，同埋一個泰式炒麵。其中牛肉泰式沙律好好味，下次一定會再叫。湯嘅料都好足，分量好夠，兩個人都有好多碗。蝦餅好大舊，點啲甜酸醬食，好開胃。每樣嘅水準都唔錯，亦都符合商場嘅價位，而且個環境好適合飲嘢談心。現時都見唔少情侶食。

好耐無去過元朗喇，屯馬線開通咗，一嘢去到元朗站，約咗個元朗返工嘅friend食嘢，佢帶咗我嚟呢度，佢話上次同同事嚟食過都幾好食。入到裡面岩岩坐咗係落地玻璃旁，本身樓底好高，加埋一齊個view好開揚，佢個匙羹做嘅吊燈加埋d酒好閃～我叫咗個椰漿牛肉咖哩，個friend叫咗蟹肉紅咖哩。我果個有飯又有餅，勁大份，男人食都一定夠飽(所以我最尾食唔曬個黃飯)。我個咖哩辣過friend果個，辣得幾醒神，又唔會過辣。不過我好鍾意食friend個咖哩，試咗佢一舊蟹肉，好鮮味，同時有咖哩香。d員工都好有禮貌，本身唔可以話平，但整體性價比高，下次如果再去元朗就試下佢其他嘢先～

係社交平台到見BOOKMARK左好耐嘅「Chilli Lime」終於分店啦🥳吾洗出到去將軍澳近近地元朗形點就有得食對於新界牛牛嘅我黎講，簡值係一大喜訊🤣.【餐牌】.【Butter Chicken $128】呢個奶油咖哩雞真係好正😍濃稠度比一般咖哩更濃奶香同椰香混雜而成咖哩香味濃郁得黎，吾會覺得膩👍仲有入面嘅雞年好嫩滑，啖啖都係肉建議配搭埋Steamed Jamine Rice $18送飯一洗😎又或者係Garlic Naan/印度薄餅 $28 想要口感軟綿煙韌，可揀前者邊邊位做得厚身又脆口小麥味好香又食到陣陣蒜香味添🥰後者口感薄而酥脆，更香口.【Thai Milk Tea $52】呢杯泰式奶茶真係比到Surprise我🤣大多泰式奶茶相對上都比較偏甜但呢杯泰式奶茶竟然可以自己去調較味道無論係想多奶，少奶，多甜定少甜都可以自己控制😍出黎嘅味道，依然係Keep到泰式果重濃濃風味泰茶獨有嘅茶香加上順滑香甜嘅奶香堅係正哦😋

- 𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁 -環境 : 8.7/10服務： 8.7/10味道： 8.7/10影相： 8.7/10性價比 : 8.3/10回頭率 : 8.2/10➖➖➖➖➖➖➖➖➖➖➖➖➖➖元朗形點又有新店開張仲要係我最愛嘅泰國餐廳添😍有咩理由吾去捧下場呢💕.餐廳環境燈光昏暗裝修俱有濃濃嘅異國風情Feel~可以比到我relax既感覺😎.©Por Pia Sod Je $78呢款越式紙米卷岩哂食齋或想食得健康D嘅朋友煙韌又超薄嘅紙米，包住勁爆餡料有紅蘿蔔絲，越式粉絲，生菜最特色嘅係有埋牛油果😍口感豐富，清爽清脆，配埋濃濃嘅牛油香配搭新穎，又好Match~.©Vegetarian Samosa $68同香港傳統咖哩角吾同皮較厚，但不失香脆裡面係咖哩薯蓉外脆內薯嘅口感，味道更重更香口🥳.©Roti Canai $28印度酥油薄餅口感酥脆，每啖都係濃濃嘅牛油香💕.©Thai Milk Tea $52重點推薦泰式奶茶😎由於佢係將茶，奶同糖漿分開上一開始以為好似西式奶茶咁🙈調較好適合自己嘅口味後就變身成為最岩自己口味又不失濃郁泰式風味嘅泰奶啦🙆‍♀️

今日嚟Yoho新開嘅東南亞餐廳食個午餐。呢度環境幾靚，裝潢高級，樓底高、空間感十足。部份staff係東南亞人、講英文，感覺正宗。🥗 烤玉米鮮蝦沙律呢個好辣，比較開胃，而且幾多料。其中我特別鍾意蝦、蝦米同埋粟米，蝦嘅肉質彈牙，蝦米幾香、帶咬口，粟米清甜～🐓 炭燒雞柳兩舊雞柳幾大份，肉質嫩滑，好抵食。綠咖喱唔會辣，另外啲沙律菜好新鮮，我好快清曬✌🏻🐂 越式生牛肉片湯粉 $98好大碗，生牛肉鋪得幾靚，有4片，牛味同肉質都係唔錯。牛腱肉有4.5舊，比較有咬勁。河粉就算浸得耐都唔會淋，配菜好豐富，令湯底更提味。🦆 紅咖喱鴨配白飯 $128紅咖哩係偏甜唔辣，啱我胃口，而且有菠蘿好開心🥳 鴨肉比較健康，啖啖肉好滋味。飯粒飽滿圓潤，點住咖哩食好惹味。大力推介💯☕️ 凍咖啡（少冰走甜）係苦嘅齋啡，入口順滑～🧋 凍奶茶（少冰走甜）有一小杯奶，可以自己加，就算無加糖都帶自然嘅甜👍🏻呢度嘅staff態度幾好，又坐得舒服，可以再戰～

今次同朋友去食依間餐廳主要食星馬泰、仲有印度菜。好耐無食過東南亞菜式，超期待。柚子鮮蝦沙律蝦肉新鮮彈牙，配上清新柚子汁，開胃之選豬肉碎羅勒包豬肉碎加埋香料同辣椒，辣得黎引人入勝，肉碎帶埋香料汁，用生菜包住非常juicy 的肉碎，令人每咬一啖都覺得香味充滿個口。串燒沙嗲豬牛羊各兩串，最鍾意燒豬肉串，因為佢燒到甜甜地好似叉燒咁，食落又唔會乾晒。牛同羊都表現出色，肉汁都能夠保持，不錯。印度芝士燴菠菜呢個真係第一次食，好有驚喜，原來菠菜同芝士咁夾，菠菜的清新可以中和芝士的濃味，加埋薄餅食就更一流。

已經很久沒去旅行了，一直很想念泰國的味道。朋友介紹YOHO開了一家很有特色的東南亞菜餐廳，所以便前來吃晚餐了。餐廳主打泰國菜，同時亦都有新加坡、馬來西亞、印度等菜式。首先，介紹大家蟹肉魚肚羹。這個魚肚羹和平常大家食開的中式有點不同，我覺得這個泰式更加好食一點。最重要是這裏的蟹肉非常多，啖啖都是蟹肉，令人一再回味。另外非常推介大家吃泰式蟹肉炒飯。可能我真是太喜歡蟹肉關係，點了兩款蟹肉的菜色。炒飯上面加上很多蟹子，入面非常多的蟹肉，而且廚師吵得非常有鑊氣。另外我們亦點了泰式炒菜，亦係同樣令人非常回味，炒得好味而不油膩。不過吃泰國菜，其中飲品是非常重要。我得二點了泰式芒果Milkshake👍🏽飲了一啖，簡直令人回味芭堤雅旅行的感覺。