Chilli Lime (形點 I)

营业中

休息中

每次去親元朗都行形點，今日去果度食泰國菜，呢間餐廳好大空間坐得好舒服😌沙爹半打（豬，牛，雞各兩支） $118 賣相同味道都好一致，燒烤得夠香口又唔會乾，醃得好好味😋點埋啲花生沙爹醬汁（多啲就好）正👍🏻椰漿牛肉咖哩配黃飯和烤餅 $108 牛肉煮到夠晒林咖哩又唔辣啱晒怕辣嘅我！烤餅同飯都跟埋有啲驚喜，烤餅厚得黎煙韌唔會林pat pat，飯就加左啲香料一齊食有特式。泰式青咖喱魚配白飯 $118 甜甜地又香既青咖喱汁魚塊再同啲飯一齊食真係可以再食多碗都得😅芒果糯米飯 $88泰菜必食嘅甜品，仲有三種糯米（白，黑，紫色）蒸到夠林既糯米特別好食，椰汁甜味適中，我認為呢個甜品超水準👍🏻😋

八九月之星生日飯局，想搵間餐廳好坐啲，yoho nall chilli lime望落幾舒服，有空間感，燈光都幾好，唔會太光又唔係太暗，適合傾下計摸下酒杯底。裝修好有東南亞酒店feel，真係有少少掛住泰國了。可能因為呢度預你叫下酒飲，所以上菜真係有少少慢…不過可以接受嘅。叫左個泰式米紙卷，包得幾靚幾飽滿，入面有青瓜絲同蘿蔔絲，米粉牛油果，點啲白醋生蒜，簡單又好味，清清地幾好丫。燒牛肉沙律，$98，商場價位，ok啦。燒牛肉梗係正啦，有陣炭焦香！下面啲沙律係生洋蔥，芹菜，蔥，粟米等等，個汁先係重點，泰式酸辣，真係幾辣㗎，越食越過癮！Pad thai必食，上面有辣椒片同花生碎，自己鍾意點撈就點撈，撈晒嘅話都幾辣㗎，鍾意食辣嘅會好開心(例如我)份量我覺得都ok嘅，夠2～3人份。老實講商場一定唔會係街邊價，但呢間都唔算係好離地。同埋佢真係好坐嘅，亦比你傾下計，可以慢慢食下嘢飲下嘢，服務生大部分非華人，要講下英文，this this this that 指下餐牌都ok嘅問題不大。總括嚟講有下次，食午餐會更抵啲。

Happy Friday 好少留在元朗飲嘢😎 但既然見到有新餐廳， 又約了同是來自大西北既Big C, 就近近地去Yoho Mall 來個初體驗啦 老實講..未看menu都已想入去飲杯野， 元朗地區小店很多，但有feel兼感覺chill 既唔太多選擇特別係有格調既泰國菜，即食埋裝修氣氛果隻呢二人行本身想snacks and drink 就算，點知食食吓上左癮，越叫越多香茅炸雞翼 非一般貨色！ 好欣賞佢加左小辣椒片，整個味道撘配係同香茅work 架同埋炸完都唔會油膩，YUM椰漿牛肉咖喱 很滑，濃得來唔太椰，配個油酥餅剛好， 牛肉也軟軟的真係食唔停泰式甜酸腰果炒雞肉雞肉好味！ 有質感，調味用汁都很香口， 我終於食到同中菜唔同既味道飛天通菜呢個也是偏重口味，冷係清清地食條菜之餘又唔會覺太淡食咁多野梗係要飲吓嘢平衡下啦， 值得提下這餐廳wine list 都算長， 叫做咩都可㨂下，抵讚 Random pick左兩支白酒都同餸好夾抵玩啦

今日又出來元朗形點內既超市補貨，順道在這裡吃午飯；到達商場都已經是下午三時多，發現有間新開泰菜，入面又冇咩人，就入去試下～座位舒適寬敞-由於已過了午飯時間，沒有lunch set，唯有散叫-先來黃咖哩魚柳，是用原個椰子🥥盛著，黃咖哩味道很好，南瓜份量較多及著得淋身，有椰子絲在咖哩內，但魚柳份量就比較小及碎。咖哩配上烤餅食一流，這個烤餅不配咖哩吃也帶有少許蔥香味。最後是小食粟米蟹餅，比較驚喜是發現有真蟹肉混係餅內，炸槳亦不算太厚，好大件，好味但食完有點熱氣。埋單三百多元。

朋友約我到元朗Yoho食lunch，呢間餐廳裝潢設計好有格調，樓底很高，空間感十足，感覺很舒適，牆上掛了多幅巨型的民族風情畫好有泰國feel首先叫了兩份set lunch，包括有前菜、主菜及飲品泰式茄子沙律少少辣，酸酸甜甜好開胃椰漿牛肉咖喱配黃飯和烤餅，牛肉炆得好腍，呢款咖喱好香，加埋熱辣辣嘅烤餅好滋味泰式青咖喱魚配白飯，魚柳冇骨最啱我，青咖喱唔算辣，好重椰香味送飯一流串燒沙爹分別有雞肉、牛肉、豬肉，烤得鮮嫩多汁，加了沙嗲醬可以提升香味同層次芒果糯米飯，芒果肉好新鮮而且好甜，配上三款唔同口味嘅椰漿糯米飯煙靭有口感，飲埋杯熱咖啡已經好滿足

餐廳樓頂很高，設計裝修寬敞舒適，一家人或朋友聚會吃飯都很適合。墻上有一個大屏幕，奧運期間，剛好邊吃晚飯邊看港隊乒乓球比賽☺️Por Pia Sod Poo Nim ($108) 越式軟殼蟹米紙卷鬆脆香口的炸軟殼蟹配上牛油果和沙律菜，天氣炎熱，吃這個清涼的小食，感覺很消暑。Sate Ruam Mit ($62)串燒沙爹醃製得好入味，大大件，雞肉 牛肉 豬肉每一樣都好食，一定要趁熱食Lamb Rogan Josh ($138)傳統咖哩羊肉Roti Chanai ($28)印度蘇油用慢煮的方法用正宗的香料製成，味道濃郁但不會很辣，配上香脆可口的印度薄餅非常完美，好有滿足感。而且這個薄餅的價錢真的不貴。Yok Ma Ni ($68)椰絲班蘭丸子布甸一見到已經被它的“樣貌“所吸引，橙色綠色白色，一絲絲好吸引。喜歡新鮮椰絲味道的一定要試一試這個甜品，斑斕丸子Q 彈，應該是西米一粒粒的，很好吃。Lassi Mango ($52)很喜歡喝芒果奶昔，當然要來一杯

今日去元朗接女朋友收工，女朋友話想食下泰國菜喎！我即刻去搵到呢間位於Yoho一期新開既泰國餐廳！！入到黎感覺成間裝修充滿異國風情又chill既餐廳，名字叫Chill Lime。一坐低即叫左泰國必食既生蝦！生蝦size幾大，好新鮮！生蝦個汁先係最正！配合上黎簡直一流！佢地個豬肉生菜包相當多料！食落去夠惹味當然黎得食泰國野都會叫下個雞肉青咖喱配薄餅味道好正宗！咖哩汁配飯配薄餅都一流！最後叫番個軟殼蟹青芒沙律，夠哂香甜酸辣！

前星期到Yoho新開的東南亞餐廳食飯，以後食飯又得一個新選擇。餐廳環境很大，而且正值奧運，有一個很大的投影屏幕給食客觀看賽事 ，很有氣氛！食物方面，主打泰國、印度、馬拉菜，選擇也很多。我們點了印度牛油雞，配上Naan薄餅和Roti酥餅。牛油雞很香，充滿印式香料的風味，加上牛油香，點上薄餅食很滋味。雞肉則不算太滑，但份量也夠多。食咖哩當然要配Naan薄餅，Naan薄餅充滿蒜油香，單食也很美味，沾上咖哩汁更滋味，而Roti薄餅更好味，它是油酥餅的質地，食起來香酥鬆軟，沾滿咖哩汁食很配合！另一個主菜點了菠蘿炒飯，原個菠蘿裝飾很吸引，份量也多，郁鋪滿了蝦仁、蟹柳、魷魚、肉鬆和腰果，很豐富。炒飯很惹味，香香甜甜的，很滿足。餐廳食物款式很多，味道不錯，下次要和家人再來食，多叫幾款試試！

朋友黎左元朗，一齊搵個地方食下野，揀左Yoho Mall的Chilli Lime，新開張都未黎試過。店內裝修幾靚喎，燈光柔和，坐在沙發位好濶落，枱上仲有酒精揉手液。點左份牛油果米紙卷，賣相幾好睇。呢款係素食黎，米紙裏包著青瓜，紅蘿蔔，生菜，仲有大大片牛油果，入口非常清爽，作為開胃菜很適合。又點左份燒牛肉沙律，用上靚牛扒呢。牛味好濃好甘香，超好味。下面的沙律有粟米，芹菜，生洋蔥，九層塔等，好多香口菜，醬汁酸酸辣辣好惹味。最後仲有菠蘿海鮮炒飯，上枱時好香啊～個菠蘿燒過迫晒啲香味出黎，炒飯入面有超多菠蘿粒同提子乾，入口仲有濃濃嘅椰香添，甜甜地好好味。食物好味，環境濶落，係約朋友傾偈的好地方呢。

早一陣子和朋友來了Yoho這家開了沒多久的東南亞菜餐廳。這裏主打泰國菜、印度菜、馬來西亞菜，menu選擇也非常多，很多菜色都相當吸引！而且餐廳環境也不錯，服務又好。這次和朋友的晚餐主要還是嚐嚐印度菜和泰國菜。Butter Chicken是經典的印度咖哩之一，看到menu有忍不住點了一試。這裡的咖哩醬汁做得夠惹味而且充滿風味！富牛油香的番茄咖哩搭配印度Naan真的特別好吃！太夾了！這裏還有蒜蓉Naan選擇，香酥好吃。菠蘿海鮮炒飯。泰國主食最中意食之一就是菠蘿炒飯。這裡的水準也不錯。炒飯香口而且夠乾身，材料足料，有魷魚、蝦等海鮮，菠蘿酸酸甜甜很開胃！泰式濕炒牛肉河粉。感覺很健康的河粉！因為裡面有很多款式的蔬菜！河粉湯也鮮味十足！

今日朋友帶我嚟到元朗Yoho食好嘢，佢知道我鍾意食一啲地道有特色嘅美食，所以專程同我一齊試吓呢間新開嘅東南亞餐廳。一入到嚟，就俾呢度嘅裝飾佈置吸引住，牆上掛滿一幅幅好大嘅掛畫，充滿東南亞風情，同時又不失富麗堂皇嘅氣派。見到Menu，其實好多都想試，但因為怕食唔晒，所以只叫咗以下幾款。印度烤雞肉呢個係經典常見嘅印度燒雞，以鐵板上菜，熱辣辣嘅雞肉，充滿印度嘅香料味道。再加埋經典嘅薄荷乳酪，非常地道。泰式豬肉碎羅勒葉包一款經典嘅泰國菜式，味道十分濃郁，仲可以揀小辣，味道香濃刺激，又唔會食得太辛苦。印式芝士燴菠菜第一次食呢款菜式，非常有驚喜。口感好creamy，充滿香料嘅味道。Cottage cheese 好正，呢個菜式真係好有特色，好吸引。印度酥油薄餅呢個酥油薄餅熱辣辣，好香好正。用嚟點芝士菠菜嘅creamy醬汁食，簡直係一流

其實元朗yoho，形點都很多食肆選擇，最近很喜歡去Chilli Lime這間東南亞菜館食飯，這是位於元朗形點一期地下的Chilli Lime。餐廳裝修得很有東南亞風，木製牆壁餐枱，牆上掛上藝術的油畫相當有格調。而且店員服務相當殷勤有禮，很主動，讓客人感覺舒服。枱櫈亦很寬闊坐得舒適。我們點了泰式炒河粉，青芒軟殼蟹沙律，原味烤餅，咖哩燴雜菜，甜品是越式炸香蕉。青芒果軟殼蟹沙律，酸酸甜甜好開胃，而且口味清新，配上炸軟殼蟹，可以中和軟殼蟹的油膩感，作為前菜非常適合。泰式炒河粉，蝦仁非常大隻，而且河粉是幼身，加入花生碎與青檸汁，食起來非常入味，好好味。咖哩燴雜菜配原味烤餅，雜菜中和了油膩感覺，而且咖哩好入味，配上烤餅感覺健康又好食。甜品是越式炸香蕉，第一次食這樣的炸香蕉，香蕉表面上有杏仁片，口感香脆，而裏面試軟軟淋淋，配上蜜糖甜絲絲，作為一餐的完結甜品非常適合。

It was a great experience for me. I had so much fun eating the delicious food. The interior design of the restaurant was so welcoming and warm which made me feel comfortable. The staff was nice and careful. They gave your food on time and it looked delicious. Overall, it’s worth it. I definitely recommend going at least once.

🔥Por Pia Sod Poo Nim ($108) 越式軟殼蟹米紙卷酥脆香口的軟殼蟹與牛油果、沙律菜、米粉包裹在米紙卷內，以魚子和英色芥末沙律醬點綴，清涼富口感，非常開胃。-🔥Sate Ruam Mit ($62)串燒沙爹惹味牛、雞、豬肉串燒，配上花生粒沙嗲醬，不過較喜歡較濃花生醬味的沙嗲醬。-🔥Lamb Rogan Josh ($138)傳統咖哩羊肉微辣充滿香料風味的咖喱，配上大塊羊肉。-🔥Roti Chanai ($28)印度蘇油薄餅蘇軟香脆的印度薄餅不能抵抗。配上傳統咖喱100分。-🔥Yok Ma Ni ($68)椰絲班蘭丸子布甸試一下這款香港不多見的丸子布甸。原來是班蘭汁西米丸子，再以椰絲等裝飾，口感特別。-🔥Lassi Mango ($52)泰國經典芒果乳酪飲品，解暑解膩，立即泰國風情滿滿。-元朗泰國餐廳林立，不過Yoho I新開的Chilli Lime令我眼前一亮，食物質素高，環境舒適。從店門入內有種天外有天的感覺，店內寬敞，盡頭是大片落地玻璃，自然光撒進餐廳，增添寫意。餐廳以西式古典風格裝修，有富氣派掛牆油畫和特色吧檯，還有大螢幕，剛好之前可以看東奧比賽！

今晚黎到yoho搵食，揀左呢間主打食東南亞菜嘅餐廳。入到黎好有驚喜，由出邊睇冇估到入面嘅餐廳環境咁大咁靚咁舒服，入面樓底好高有一個大屏幕電視，環境好似入咗外國西餐廳咁。餐廳仲安排咗個靚位俾我哋坐，有得睇到大大概影幕。青芒果軟殼蟹沙律夠曬酸酸甜甜，好有係泰國食緊咁嘅感覺，而軟殼蟹仲要即刻炸，熱辣辣，夾埋啲沙律一齊食，雙重享受。串燒 （雞、牛、羊肉各2串）燒到好有炭燒味，而且燒完出嚟嘅肉質好嫩，唔會好硬，再點埋佢嘅沙嗲汁，非常之好食。干炒河粉（雞/牛/羊）揀咗牛肉炒河，入面有勁多配料 ，有別於普通嘅茶餐廳乾炒牛河，又有菜心又有粟米仔，仲加入左一啲泰式香料，食完好滿足。印度薄餅揀咗蒜蓉味嘅薄餅，薄餅嘅皮好酥脆，而且好香蒜蓉味。雖然我哋冇嗌到咖喱，但都值得一食。芒果糯米飯芒果份量勁多，芒果好甜，糯米飯方面有紫米同藍色、綠色既三色糯米飯，配合埋椰漿一齊食，好味道，而賣相方面用嚟打卡一流。