Chilli Lime (形點 I)

营业中

休息中

Yoho mall新開左一間東南亞餐廳，為食既我緊係要去試下啦！呢間餐廳有泰國、越南、馬來西亞美食提供，類似東南亞fusion菜。午餐有lunch set選擇，價錢以午餐來講唔算平，但裝修好靚，掛住好多畫，好有東南亞風情，係咁嘅環境食飯真係覺得好有feel。前菜 炸薯餅Lunch set既前菜有三款揀， 我哋兩個餐都揀咗炸薯餅，薯餅係啱啱炸好既，酥脆香口。海南雞飯 $118份量好足，好多雞，而且啲雞好肥好多肉，油飯香口得來唔會太油，不過我成個餐最鍾意係佢點雞個汁，酸酸地好香口又開胃。椰漿牛肉咖喱配黃飯和烤餅 $108平時食泰國嘢又會想食飯又會想食烤餅， 呢個餐包飯同烤餅， 一試過滿足晒兩個選擇。呢個餐既牛肉好大嚿， 個汁都好香口有椰漿味，送飯或者送香脆既烤餅一齊食都一流。不過個咖喱汁有少許辣，如果唔食得辣嘅朋友建議叫其他唔辣既餐。

假日中午周圍都係人排隊食飯，同朋友行左成半個鐘發現呢間最空即時可以入座，抱著可能伏啲既心態入去喇，侍應都好快手安排我地，入面多數都係中老年人真係chill住咁食，座位之間都幾闊落好坐。我地係散叫，印象中都冇套餐，叫左以下呢幾樣餸，意外地又幾正宗，足料又好食，價錢合理，另外加幾十蚊叫左兩杯mocktail質素都唔錯唔會糖藥水味，食完頂住個肚出去。所以唔知點解冇乜人黎食同評論，可能係新開加埋冇請打手掛，其他負評講既情況我地又冇遇到，整體用餐感受良好。

呢間店係我見過最靚既泰國館,之一,好多畫,好有藝術FEEL。店員有不同種族,照顧到多國既客人。食物一黎到,我已聞到香噴噴既味,係好香既沙嗲牛肉呀,沙嗲汁有好多花生碎,好地道呀!牛肉有成六串,仲要每一串都好大份,真係食到飽呀!炸越式春卷都好好味,大件夾抵食!金黃既外衣包住左D肉,用生菜同莞西包住來食真係一流呀!飲品我叫左LIME SODA,好FIZZY,好有汽!整體黎講唔錯,價錢亦都唔太貴,坐得舒服。

同朋友係形點買完bb野，就順便係商場搵間餐廳食飯！最後我地撰咗東南亞菜式餐廳，有齊泰國，越南，印度各國菜式！係炎熱嘅夏天就緊係要食開胃菜啦！越式炸春卷$88入邊有粉絲，蟹肉同雞肉，外皮香脆，配埋餐廳自制酸醋，令其油而不膩😋泰式濕炒河粉（牛）$118材料十分豐富，而且營養配搭好唔錯！牛肉，粟米芯，西蘭花，椰菜花，芥蘭，紅蘿蔔，草菇…味道屬於徧淡，重口味朋友仔就未必啱食🤣印色椰香牛肉$148咖喱好creamy，帶點微辣，牛腩肥瘦適中，好有嚼口，配埋印度烤餅一齊食，絕配🤤烤餅（牛油）$28食咖喱又點可以少得烤餅呢！椰絲斑蘭丸子布甸$68甜品一上台，就已經有一陣班蘭味撲鼻而來！外層係新鮮嘅椰絲，內里係一粒粒斑斕味丸子組成，好香甜！

呢日同屋企人去元朗行街，我地見到有一間新開既東南亞餐廳，就入左去食dinner。餐廳既環境好大，坐得好舒服。打開餐牌，見到有好多唔同既菜式，好吸引。我地唔算好肚餓，所以淨係點左兩樣野，首先係呢個青咖哩雞炒飯，炒飯既份量都幾多，落左好多香料，亦都有啲菜，少炒辣，好惹味。青咖哩既香氣滲透哂落啲飯入面，再加埋兩小串既雞肉串燒，正！另外仲點左松發肉骨茶，肉骨茶好香濃，感覺係落足料既，亦都夠哂地道，仲有大大件既排骨，超好味！

其實係咪開呢個位嘅餐廳都一定係好難食㗎呢？對上嗰間又係麻麻哋，今次呢一間都係一般，中下質素。諗住開咗間新野就過嚟試吓啦，見到佢門口大大隻字寫住馬來西亞，又有泰國咁樣，原來裏面全部都唔正宗，簡直係三不像叫咗個午市套餐，連埋+1都要百幾蚊，前菜冬陰功湯，嚇親我，完全冇冬陰功味，白雪雪，係啲泰式香葉嘅湯，但係真係絕對唔係冬陰功，冇嘢好講主菜咖喱炸雞炒飯，個炒飯一般，都好油下，呢啲東南亞食物不嬲都係比較油，如果好味都冇問題，不過唔係幾好食，嗰舊炸雞，啲粉好厚，但係竟然冇乜肉，中間仲要有好多脂肪，好似係合成雞肉咁樣凍檸水得嗰兩片好薄的檸檬，收人百幾蚊一個餐，使唔使杯嘢飲咁縮骨呀？放多兩片檸檬好貴咩？

今日嚟到元朗形點一期，呢度一向出名多好嘢食，不過今日嚟到係專登為咗一間泰國餐廳，因為Chilli Lime終於殺到入嚟元朗🤣。去唔到旅行嘅我，當然要嚟食下泰國菜回味下泰國嘅味道啦😎。柚子沙律平時都係食開木瓜沙律，今次專登叫個柚子沙律嚟試吓🙈，酸中帶少少甜，食落好Fresh好開胃，而且成個沙律菜都好新鮮，不錯😁。。冬陰功湯黎到食泰國嘢當然必點冬陰功湯😂，佢有海鮮同埋蔬菜兩款選擇，我揀咗海鮮冬陰功湯，最大分別就係面頭嗰隻勁大隻嘅蝦🤩，分量勁足，而且入面嘅配料亦都好多，飲落非常之地道，好友泰國風味😋。。炸粟米餅好特別嘅一道菜，食落好得意，非常之香脆😜，而且粟米味濃郁，在點上泰國辣醬，如果配埋啤酒就冇得頂了😆。。青咖喱雞加薄餅咖喱加薄餅呢個經典組合當然冇得輸😎，而且入面嘅雞肉份量好足料，入面嘅泰國茄子亦都好嫩好入味👍🏻。薄餅亦都好好食，鬆軟得來香口，點上咖喱汁，真係不得了😋。。Phad thai食得出好有火候，好足料，不過略嫌味道唔夠重，如果酸味同辣味再重啲，一定會更加好食👍🏻。

Yoho開左間新餐廳😍裏面裝修都幾有泰國風，而且裏面既位置樓底勁高加有落地玻璃，採光勁好🌁好似仲有戶外座位🛋不過都係等天氣凍啲先坐出面啦🤣 室內外既座位都好闊落午餐套餐都幾多選擇同幾抵食！蟹肉魚肚羹泰式茄子沙律一個開胃前菜，都幾酸辣🥗泰式炒金邊粉即叫即炒，份量超多！同泰國食既Phai Thai 一樣味，蝦肉🦐都幾彈牙！椰漿牛肉咖喱配黃飯和烤餅烤餅唔算脆，但我幾鐘意呢種硬度，比較有咬口～咖哩汁超級讚👍🏻香濃香辣又夠熱，必叫！黃飯都粒粒分別，但配埋烤餅實在太飽啦🤣🤣蘋果汁🍹/ 凍咖啡☕️

成日都行型點最近發現有間新嘅餐廳開咗喺型點1嘅地下裝修都幾靚用桃木既顏色裝潢仲有好特別嘅吊燈啲吊燈裝飾唔認真望真係唔知原來係由一支支嘅匙羹排成～好特別～呢間餐廳好多菜式可以揀有泰式、印尼、星洲、印度等今日特別想食泰式～泰式牛肉沙律粟米、新鮮蕃茄、紅蘿蔔、香料配菜呢道沙律都算幾辣，不過我鍾意！牛肉好香～mix 埋微酸既沙律菜～依然蓋唔住佢既肉香，perfect match 泰式辣椒膏炒蜆粒粒大蜆～少少辣～有好多新鮮配菜～青椒、黃椒、洋䓤、西芹等～顏色多彩～辣中帶清鮮甜～

發現又有新店開張，點都要入去試試，是晚人流不算多，店內寬敞，環境舒適🛋🥘布吉椰盅🥥南瓜🎃黃咖喱魚柳🐟：覺得有點特別，所以點選一下。 幸好服務員💁🏻‍♂️提醒我倆，餐牌上忘了寫上🌶🌶，那我倆就說要小辣🌶吧。怎料，小辣的辣也很厲害，吃時並不覺辣，吞下至喉嚨時，才感覺到辣味🥵🇮🇳印度酥油薄餅🧇：咖喱汁🥘配薄餅是不二之選，但一客薄餅居然得一片，唔夠食，叫多幾客仲貴過個咖喱，又貴又唔抵食啊！泰式炒河（蝦🦐）：賣相不錯，蝦🦐都夠爽，河粉炒得幾好味😋🍺King Fisher, Lager, India 🇮🇳 🍺Singha, Lager, Thailand 🇹🇭

越式炸春卷$88外皮好薄，金黃香脆，裡面仲有一層煙韌嘅皮，包裹住雞肉、蟹柳、粉絲同木耳。口感都幾清爽，香口得嚟唔會太油膩，餡料足且味道適中。蘸蘿蔔絲、辣椒同白醋整成嘅汁嚟食更加fresh開胃。印式椰香牛肉$148盛載嘅容器唔大，但好足料，牛肉份量好多反而咖喱就相對較少。咖喱比較濃稠但都好滑，椰香味濃郁，仲有淡淡嘅斑蘭味同小小辣，非常刺激食慾。牛腩爽口彈牙甘香，蘸滿咖喱汁食非常惹味。烤餅(牛油)$28有咖喱點少得烤餅。呢款牛油烤餅，表面小小微焦香脆，相對較乾身，但蘸咖喱汁食就一流。泰式濕炒河粉(牛肉)$118有芥菜、椰菜花、粟米芯、紅蘿蔔、牛肉、草菇算配料，湯汁濃郁而不杰，味道啱啱好，河粉浸住湯嚟食非常易入口。椰絲斑蘭丸子布甸$68表面係新鮮嘅椰絲，好香嘅椰香味，食落都非常甘。斑蘭汁浸到綠色嘅西米，滑得嚟煙韌，香甜可口，係幾有特色嘅甜品。

Chilli lime 淨係個Menu都有10幾頁，Drink menu 都超過30款，緊有一款啱你口味。 椰青配搭迷你紙傘有Fusion 嘅感覺，但重點唔係外型，係椰青夠清甜，飲落好舒服😌唔好以為個蟹肉炒飯分量好少，兩個人食都會覺得飽，因為廚師👨‍🍳係會壓實啲飯，務求令你飽肚同滿足，蕃茄仔酸酸地，食落仲野味😋泰式炒蜆啲蜆大大粒，配埋秘製醬汁，醒胃提神🤣🤣 就算唔食辣都味都可以接受，好味小食仲有叫埋燒魷魚🦑，個醬沖簡直畫龍點精👀 平時魷魚多數都係食個口感，但今次除咗口感好之後，個泰式辣醬辣到連魷魚都覺得入味，兩樣野配合得好好👍🏻芒果糯米飯係用咗幾款唔同糯米整成，有唔同口感🙂 芒果雪得冰涼，一凍一熱，正呀🥳

餐廳環境同食物質素係相輔相成，環境靚食得都開心啲😂Chilli Lime係一間多國菜餐廳，泰國、印度同馬來西亞都有。我同朋友今日比較有泰國心，主要都係叫咗幾樣泰國菜，私心推介椰青，必飲系列😛 其實仲有好多cocktail, mocktail 同酒，睇你心情想揀咩。椰青好大隻，味道冰涼清甜，同辣嘅野食有個強烈對別，好夾。原隻燒魷魚筒基本都係我去泰國餐廳必叫食物，呢間師傅燒到火喉啱啱好，外面微焦，裏面好嫩滑，好難做到呢個效果👍🏻👍🏻 如果想乾身啲可能要叫廚師燒多幾分鐘😉魚肚冬菇蟹肉湯一直俾我覺得係中式湯，類似碗仔翅嘅口感，但估唔到喺呢到都搵到😙 好足料，啖啖唔係魚肚就係冬菇🤣🤣最後叫埋個甜品，同出奇蛋一樣，一次滿足你3個願望。有黑糯米、白糯米同埋藍色嘅糯米（我估係蝶豆花染成）熱辣辣配埋冰凍芒果，甜到入心❤️

琴日係元朗行街，見到呢間東亞野好似幾有特色咁，真係一試無妨。果然無令我地失望，果然係一分錢一分貨😝仲比想像中好食😋咖喱牛油雞我地叫左咖喱牛油雞，呢個有驚喜！醬汁不是稀稀的那種，是很正宗，食落真係好creamy啊😍覺很雞肉份量多，而且肉嫩，完全沒有肥肉呢！我地當然有叫烤餅dip咖喱汁，配烤餅真的是另一種滋味😋炸蝦🍤餅(四大件)個炸蝦餅好好食，肉質彈牙多汁！不是粉團，就係因為係真材實料嘅，所以食落質感係爽脆，而唔係黐牙！勁脆勁香口🥰😌推介喔~~~~👍🏻原隻烤魷魚🦑呢個腳尾燒焦左🙈不過都無影響到我對魷魚既喜愛😘配上秘制泰國香辣汁，係大愛。

The restaurant have excellent servive. Staff is very friendly and ask food taste opinions. There is large food menu selection. many choicesSitting environment very relaxing with lovely large windows and view of garden. Can also enjoy cosy outdoor sitting.