Chez Amis (已結業)

環境睇落一流，佈置唔錯，亦好乾淨。座位有梳化有卡位有Vip有大檯. 但人流唔少，通常都有人留位，閒日去到都唔一定有位果隻。要有心理準備食晚飯有時會幾嘈，始終N個人留定一張檯唔慌靜得去邊。服務唔錯，有位的話侍應會儘量坐響你附近點菜，親切好多。出菜時間，各樣介紹都算係唔錯。除左佢唔主動叫人申請做Member係敗筆之外，各方面都令人幾滿意。價錢偏貴。最低消費為每人一杯飲品。(基本上一定要$32或以上)今日：我同朋友諗住坐低飲杯野就走，估唔到飲品價錢咁貴，論特色果汁算係比較有特色。但係味道都係普通，價錢就... 飲品：朋友叫左"I Love You" , 草莓+沙冰+梳打. 味道唔係特別驚喜，但係好凍下. 都算幾好飲既。我叫左香檳提子乳酸, 其實同葡萄乳酸有咩分別真係飲唔出, 幾好飲, 冇乜特別. 順帶一提，飲品係用膠杯裝，可能怕拎入vip房易打爛/其他原因啦。食品：今日叫左個煙鴨胸伴忌廉炒飯. (跟餐)煙鴨胸食得出係雪藏貨，乾身薄切（珍寶腸片咁啦. )味道可以，個飯亦OK，但話到質素高就不敢苛同啦。散叫價錢都超過四五十元，自己覺得散叫真係唔抵。(提醒: 最低消費係限一人一杯飲品)是日一餐一飲

我今個星期日都去過依間cafe, 我地一行五個人去到, 叫左好多好多野食呀, 仲有酥皮pizza係必選呀,白汁都好好味呀....由其係那個三文魚千層面係好好食喎......焗白汁海鮮飯更加係好食到唔夠分呀....所有野食都好好味同好夠分量呀.仲叫乜有乜喎....全部清晒...食完d waitress都過來同我地收碟....好好服務喎, 佢地做好晒野, 在水吧洗完碗...走出來仲問我地d野食o唔ok呀......仲同我地一齊玩呀.....非常nice......我會再來的..至於會員咭, 我覺得無申請到就係無申請, 無discount係應該呀, 人地都係打工呀, 佢地都係跟老闆指示做啦, 唔話得事呀, 好似我地有個friend成日同班朋友上來玩, 不過佢朋友有會員咭, 佢無, 所以我地依次都係無discount呀, 個waitress須然認得佢, 但係都無法啦, 咁佢地要對數呀嘛....人地都係打工, 無謂要人難做啦, 所以我地好聰明咁一行五人都申請晒.........下次就有discount啦....... 都係俾多幾蚊呀..貼士都唔只依個數啦果日好多人上去, 都有成四十幾人呀, 咁嘈

唔齊野食:星期日晚應預多d野食o卦? 叫飯無飯, 叫野飲無野飲, 當日炸蝦又冇, 成日叫人轉款, 一係唔好落menu, 好阻d客食物水準:大家有心理準備啦~~ 炒蜆天使面超咸, 我退番俾佢話食唔到, 另外一個朋友的面又係咁.....唯有白汁的面好d服務幾差:侍應成日在水吧o個面唔理d客, 個場又嘈根本叫唔到佢地有個唔識答menu 食物問題埋單時問是否會員, 我話上次幫親時又唔提我地入會, 搞到今次冇折, 其實你醒o既都會即時做番discount啦, 我上次是用同一名字book位, 唔會坤佢啦.........所以好激氣, 話以後唔幫親如果服務差到咁, 但係非吸煙, 我寧願去有間開非吸煙但服務好d的cafe!!

由於朋友從新加坡回來,便上openrice找間好cafe一聚.雖然得一個食評,但見唔錯,加上佢全店非吸煙,就book位一試.10月5日...星期四...7:30pm左右...一行6人!因為佢冇set dinner,所以我地就散叫.但餐牌望落都多野揀,價錢就俾一般cafe貴.我地叫左pizza,天使麵等等,共6個主菜,果然好味呀!!芝士味夠濃,蕃茄又香,我地都全部食哂!份量岩岩好!又每人叫左一個飲品,杯杯都唔錯,我叫左青蘋果+咩咩的飲品,個樣都味道一樣......好呀!我地自己hand-made左個cake,餐廳要收切餅費$30,都相當合理.間cafe雖然細細地,但幾個人傾下偈都好舒服,而且去toilet唔駛行出間cafe,感覺唔錯!但預先book位會好d,因為星期五都會full booing.***推薦:特別適合討厭煙味的朋友!

食物一般樓上cafe食物水準都一般，難得呢間cafe o既食物水準非常之高，可以話係係好味，有餐廳o既水準~可能因為個老闆以前已經從事飲食行業啦~有唔同o既飯同意粉~醬汁都有好多唔同種類~當中白汁做得比較出色~烹調方面，「焗」做得比較好~蛋包飯，咖哩同白汁吞拿魚意粉都好味，仲有久違了o既煙斗粉(不過唔知點解叫做蜆殼粉)唯獨係飲品比較失色~環境樓上cafe最重要o既一環，呢間cafe有sofa，卡位，仲有tatami o既vip房可以book~可能因為唔太出名，比較寧靜，最開心係全場禁煙，真係非常好~雖然價錢比其他cafe貴d，不過以咁o既環境同食物質素都值~