影片
以上资料只供参考，请与餐厅确认详情
招牌菜
环境睇落一流，布置唔错，亦好干净。座位有梳化有卡位有Vip有大台. 但人流唔少，通常都有人留位，闲日去到都唔一定有位果只。要有心理准备食晚饭有时会几嘈，始终N个人留定一张台唔慌静得去边。服务唔错，有位的话侍应会尽量坐响你附近点菜，亲切好多。出菜时间，各样介绍都算系唔错。除左佢唔主动叫人申请做Member系败笔之外，各方面都令人几满意。价钱偏贵。最低消费为每人一杯饮品。(基本上一定要$32或以上)今日：我同朋友谂住坐低饮杯野就走，估唔到饮品价钱咁贵，论特色果汁算系比较有特色。但系味道都系普通，价钱就... 饮品：朋友叫左"I Love You" , 草莓+沙冰+梳打. 味道唔系特别惊喜，但系好冻下. 都算几好饮既。我叫左香槟提子乳酸, 其实同葡萄乳酸有咩分别真系饮唔出, 几好饮, 冇乜特别. 顺带一提，饮品系用胶杯装，可能怕拎入vip房易打烂/其他原因啦。食品：今日叫左个烟鸭胸伴忌廉炒饭. (跟餐)烟鸭胸食得出系雪藏货，干身薄切（珍宝肠片咁啦. )味道可以，个饭亦OK，但话到质素高就不敢苛同啦。散叫价钱都超过四五十元，自己觉得散叫真系唔抵。(提醒: 最低消费系限一人一杯饮品)是日一餐一饮品消费$102元. 下半场出水瓶座再食过. 前两日：自己唔系太肚饿去食饭，要我俾评语真系几难俾，除左不过不失之外就系普通。食物：点了个闻名既饺子鸡翼跟天使面，摆到上台俾唔到我想食既冲动，汁料香味真系有待改善。鸡翼唔系特别脆身，亦冇落咩特别既香料去制，"饺子"部分食落去食冇咩Surprise既味道，意粉同汁料唔系话唔好食，一定比茶餐厅好，但距离好食仲有一段距离，食物水准方面，继续努力吧! 饮品唔太记得，记得系果汁既mix，但应该唔系新鲜，系香料／浓缩果汁。同今日果杯一样冇咩特别。该日消费约$8X整体黎讲，四个字：有待进步。
继续阅读
我今个星期日都去过依间cafe, 我地一行五个人去到, 叫左好多好多野食呀, 仲有酥皮pizza系必选呀,白汁都好好味呀....由其系那个三文鱼千层面系好好食㖞......焗白汁海鲜饭更加系好食到唔够分呀....所有野食都好好味同好够分量呀.仲叫乜有乜㖞....全部清晒...食完d waitress都过来同我地收碟....好好服务㖞, 佢地做好晒野, 在水吧洗完碗...走出来仲问我地d野食o唔ok呀......仲同我地一齐玩呀.....非常nice......我会再来的..至于会员咭, 我觉得无申请到就系无申请, 无discount系应该呀, 人地都系打工呀, 佢地都系跟老板指示做啦, 唔话得事呀, 好似我地有个friend成日同班朋友上来玩, 不过佢朋友有会员咭, 佢无, 所以我地依次都系无discount呀, 个waitress须然认得佢, 但系都无法啦, 咁佢地要对数呀嘛....人地都系打工, 无谓要人难做啦, 所以我地好聪明咁一行五人都申请晒.........下次就有discount啦....... 都系俾多几蚊呀..贴士都唔只依个数啦果日好多人上去, 都有成四十几人呀, 咁嘈系应该呀.....个个上来cafe都系同朋友吹下水同玩game啦, 都系大家一齐嘈呀......我记得我之前张枱d人上来倾project, 罗晒电脑出来咁.......要开会都唔会上cafe啦.......waitress好好人, 所以我地都俾左十蚊贴士呀......
继续阅读
唔齐野食:星期日晚应预多d野食o卦? 叫饭无饭, 叫野饮无野饮, 当日炸虾又冇, 成日叫人转款, 一系唔好落menu, 好阻d客食物水准:大家有心理准备啦~~ 炒蚬天使面超咸, 我退番俾佢话食唔到, 另外一个朋友的面又系咁.....唯有白汁的面好d服务几差:侍应成日在水吧o个面唔理d客, 个场又嘈根本叫唔到佢地有个唔识答menu 食物问题埋单时问是否会员, 我话上次帮亲时又唔提我地入会, 搞到今次冇折, 其实你醒o既都会即时做番discount啦, 我上次是用同一名字book位, 唔会坤佢啦.........所以好激气, 话以后唔帮亲如果服务差到咁, 但系非吸烟, 我宁愿去有间开非吸烟但服务好d的cafe!!
继续阅读
由于朋友从新加坡回来,便上openrice找间好cafe一聚.虽然得一个食评,但见唔错,加上佢全店非吸烟,就book位一试.10月5日...星期四...7:30pm左右...一行6人!因为佢冇set dinner,所以我地就散叫.但餐牌望落都多野拣,价钱就俾一般cafe贵.我地叫左pizza,天使面等等,共6个主菜,果然好味呀!!芝士味够浓,蕃茄又香,我地都全部食哂!份量岩岩好!又每人叫左一个饮品,杯杯都唔错,我叫左青苹果+咩咩的饮品,个样都味道一样......好呀!我地自己hand-made左个cake,餐厅要收切饼费$30,都相当合理.间cafe虽然细细地,但几个人倾下偈都好舒服,而且去toilet唔驶行出间cafe,感觉唔错!但预先book位会好d,因为星期五都会full booing.***推荐:特别适合讨厌烟味的朋友!
继续阅读
食物一般楼上cafe食物水准都一般，难得呢间cafe o既食物水准非常之高，可以话系系好味，有餐厅o既水准~可能因为个老板以前已经从事饮食行业啦~有唔同o既饭同意粉~酱汁都有好多唔同种类~当中白汁做得比较出色~烹调方面，「焗」做得比较好~蛋包饭，咖哩同白汁吞拿鱼意粉都好味，仲有久违了o既烟斗粉(不过唔知点解叫做蚬壳粉)唯独系饮品比较失色~环境楼上cafe最重要o既一环，呢间cafe有sofa，卡位，仲有tatami o既vip房可以book~可能因为唔太出名，比较宁静，最开心系全场禁烟，真系非常好~虽然价钱比其他cafe贵d，不过以咁o既环境同食物质素都值~
继续阅读