Chef's Movement

营业中

休息中

我係一個鐘意食野 但又好懶既人 成日都想整個all day breakfast黎食下 如果再加埋杯熱朱古力 會覺得係一個完美既一日但我真係太懶 又要預備材料又要洗碗 所以都係 不了哈 咁岩同個朋友傾開想食all day breakfast 佢就推薦左呢一間餐廳比我 重陪我黎食睇到 餐廳都差唔多滿座 我記得係我等緊野食果陣 出面已經要排隊 可想而知佢都幾多客人 想食就記得早少少到喇 呢間餐廳有一樣我唔太鐘意既係 有d迫坐既時候 同隔離檯好近 如果想要番少少私隱度既話 就唔太適合喇 不過呢 佢都另外有佢既特色 佢行vintage風格 會見到佢既擺設都係有種懷舊風 如果鐘意呢種風格既你 可以黎呢度食下野影下相 講番食物先咁我同朋友就各點左一份all day breakfast我最期待係個egg Benedict 我有上網睇過要點整 但我真係懶人黎所以唔會自己整好味呀我覺得呢度既egg benedict 個汁都調較得適中 唔會太酸 另外重有沙津菜 配埋個salad source 唔錯不過件橙 我就無食喇 因為我驚我一咬落去 d汁會噴到隔離檯...另外要講下件牛角包 好正呀我覺得 熱辣辣 加埋塊

遲來的生日飯，平時都會去大商場的食肆，不過今次朋友説近排經濟麻麻，所以想幫襯下小店。佢甘有心就即管試下未去過的小店。我預早了幾日訂位，但原來去到門口才知有90分鐘限時，不過伙記一早同我講左繁忙時間才會實施。講真，這裡的價錢真係唔平，唔怪得知除了我地之外，只有三兩個人在食野，過左一個鐘之後才再有一兩個人入來，生意真難做。我地六個人，最初叫了四個餐，但太細碟，於是叫多了一個小食。套餐包餐湯及熱飲。餐湯是甘筍湯，很棉很滑。仲有沙律和麵包，沙律都好食。煙三文魚火腿凱撒沙律，很奇怪，唔知點解有麵包，沙律都算大碟，都新鮮的。這個不是餐，加三十蚊改做餐。明太子蟹肉意大利飯，真係幾好食，不過太細碟了，不夠食。朋友就話太鹹，我覺得都可以接受。龍蝦墨魚汁飯，因為飯太少，我只食了一啖，都幾好食。龍蝦算大隻了，味道都好。西冷牛扒配薯條，這個都幾貴，牛扒味道幾好，薯條都好食。這個雞翼很重口味，很燶，不過幾好食，這個不是餐，是小食而已。總結，味道好但有少少重口味，店舖細，枱面都細，叫得多野食有些麻煩。不過我會再來的，希望下次試下午餐。

行過呢邊見倒個裝潢都幾靚全玻璃外牆好舒服雖然已經就關門既時間 (為員工SAY 個SORRY先)但服務很好   叫左個2人SET  五百蚊左右牛扒有牛味有炭燒味  雖然有D肥 (不過我鍾意食肥)薯蓉勁好食前菜加湯都正常野  (沙津醋多左少少)凍盤既蠔好食  不過其他就冇咩味意粉都好食

男朋友生日，所以請左假陪佢平日放假一定係瞓到好晏，今日決定早少少起身，請佢食個生日早餐！之前一直好想去尼間餐廳試下，不過每次去到都係非常多人排隊，唔喜歡等位就一直未試到！今日終於都唔使排隊喇，入到店內發現只係剛好重有一張枱，早餐時間都一樣咁多人早餐嚟講，來來去去都係腸仔、炒蛋、多士⋯，尼度當然都唔例外！同樣有炒蛋同腸仔，不過就多左兩片甜橙同爽口嘅沙律菜，感覺好淸新、好健康另外個芝士牛角包，一啖咬落去係脆脆的，好味道網上評價極高嘅All day breakfast，先講外型就已經好吸引，重要夠晒足料，個黑松露炒蛋好滑，果然係正咖啡我揀左Rose latte，有淡淡嘅玫瑰香氣特別一提，食食下早餐突然聽到生日歌響起，當然唔會係我安排，後來店員捧著一個蛋糕到隔離枱，第一次遇到有人早餐時段切蛋糕慶祝生日，好特別

元朗推介cafe小店，隱藏係小巷中，其實就係鳳琴街體育館對面馬路轉角位置。店鋪地方唔大，所以座位比較迫少少。吃過兩次早餐，特別推介煙三文魚班尼迪蛋，一口咬落去，蛋汁流入口到，真係超正!😋😋😋沙律有兩片橙，新鮮好甜，有種flash嘅感覺!腸仔味道亦唔錯，皮脆肉嫩。朋友點了份Allday breakfast，份量好足，黑鬆露炒蛋好香，薯條都好正。整體有質素，性價比高!👍👍下次要去試試晚餐，期待!

要搵好野食，其實唔洗下下出到去中環銅鑼灣尖沙咀。只要有心去搵，就算係元朗都一定搵到好餐廳。今日就推介元朗嘅「Chef's Movement」比一眾元朗人🤗！由於太懶無出街關係，我只係打左電話落去叫外賣🤣「卡邦尼意粉」好美味，塊火腿亦都好有咬口，蓋係底下嘅香菇亦都好軟身👍🏻👍🏻由於白汁另上關係，令到意粉送到上門果刻都仲係保持住煙韌口感😝！「凱薩沙律」就略嫌多汁左少少，入口比較酸😅不過整體嚟講都幾好食嘅！

要早餐飽足一整天，就要食all day breakfast。元朗雞地食肆雲集，今日試chef movement。set c 40蚊 主要食牛角包 包既溫度夠熱 層次感足夠，微微脆口，100分評分。法蘭克福腸要扣d分，溫度不足，又唔係冷又唔係好熱。炒蛋是麥當勞炒法，我就好ok la，可能落了牛奶炒。沙律同橙片好味，新鮮架。all day breakfast deluxe煙三文魚搭班廸頓蛋 流心蛋 蛋汁流入口中超正。三款腸 都係咁啦！ 炸薯條堅得 有薯味脆口 ，一流。沙律跟橙都好新鮮。鋪頭裝潢唔錯，有落地玻璃陽光滲入餐廳，地方清潔整齊。食得太多公仔麵米粉，movement 小店，加油。

呢間元朗既小店，可以話係隱世高質cafe。之前約左朋友想去早少少食個brunch，就去左呢間餐廳。環境方面有少少海洋風水手擺設，店面唔算太大，但都坐得舒服。佢既食物絕對係igable無論味道定打卡都無得輸。叫左煙三文魚班尼迪蛋，一咬蛋汁已經流曬出黎，煙三文魚鋪底，加埋香橙，沙律菜，勁清新。最抵讚係自家焗既麵包，加左少少錢轉雜莓多士同牛角包。多士勁脆口，早餐黎講絕對係大好有誠意，實在可以再encore。

今日先得閒寫食評😅前幾日男友補祝請佢媽咪食母親節大餐，帶埋我去，我有口福喇😍～嘻嘻！男友知佢媽咪同我都鍾意食海鮮，特登叫咗間餐廳嘅新菜式「原隻波士頓龍蝦鮑魚海鮮鍋配多士」（嘩，個名長到呢～如果唔係有影餐牌都唔記得🙈），不過呢個海鮮鍋有一樣野我實記得，就係⋯⋯好好味丫丫丫👍🏼😋  未食之前淨係見到個鍋乍，Auntie同我一齊🤩「嘩～嘩～嘩～」，之後當然梗係相機食先啦😂！影完後，即刻動手食喇！（我見餐廳裡面有俾客人用嘅洗手盆，我先會豁出去用手食乍😆）隻龍蝦好肥美，成舊龍蝦肉拉出嚟放入口，一個字「正」！食到龍蝦肉好彈牙新鮮，仲有鮑魚、青口、魷魚，正呀喂！除此之外，推薦俾大家必食嘅就係佢哋嘅甜品，超好味！個晚我哋張枱坐近收銀櫃，而我個位正正望到出菜位，我遠望見到老闆娘好細心咁刨檸檬，初頭我都唔知佢整緊咩，後來佢將份甜品擺上我哋張枱，我先知原來啲甜品係老闆娘自己親手整，真係不得了～好味到我想問下佢可唔可以教我點整🤣Auntie同我對呢餐非常滿意，見到Auntie影咗好多食物相，仲即刻upload上網俾朋友睇，佢笑得好開心，佢開心時男友同我都好開心😁😁😁👏🏼👏🏼👏🏼

其實好多人都講話元朗得d大排檔、日本大sushi，講到西餐就好似無咩代表作。其實唔係架，呢間隱世元朗西餐係必去。點解咁講呢？沙律係有柚子味、多士係脆、牛排係嫩、豬手係正。我次次同都屋企人尼。講多無謂，自己睇相，真係見到佢地既食物係有質素架，但野飲可以大杯d會更好。仲有個女服務員好幽默，我地一開始無食哂d菜，佢話唔食哂d菜就唔上塊排比我地。真係好可愛。元朗天水圍人可以去去一戰，但個地方有點難搵，大家認住鳳琴街體育館對面就得。

同朋友約食呢間早餐 舖頭在體育館對面馬路轉角位 都算易搵 玻璃屋設計令天然光充足 感覺舒服 點左3送魚egg Benedict 2 大隻流心蛋加沙律只係48蚊仲已包野飲 在外面真係好少有咁平既egg benedict食！ 😋 我另外加左8蚊要多個芝士牛陸包 嘩 好大個而且上台時仲熱的 非常滿足生個早上呀 🥰🥰

食過好多間all day breakfast，覺得元朗區黎講呢間CP最高，價錢合理而且好食，不枉我等左半粒鐘都要食。原本應該係有兩條德國香腸，但係因為我唔係好食豬肉，所以要求轉做煙三文魚。店員亦非常配合我，仲話比多啲炒姑炒蛋我添！個早餐各方面都好好食，最鍾意個黑松露炒蛋，好香嘅黑松露味，沙律菜個醬都好新鮮，薯條亦都炸得好脆。份量好多，食完真係all day都唔使食啊。同朋友一邊食一邊傾計都係一個假日既享受～

今日一早起床，便是為了吃班尼蛋。早早起床出發去元朗，但有小迷路， 兜了個大圈才找到Chef's Movement.餐廳的裝潢用美國隊長做主題吧，有個盾在牆身在裝飾。我們沒有點All Day Breakfast，因為一大早應該食不完那麼大份，加上Breakfast Set 好像比較划算。車打芝士牛角包熱熱， 酥脆，好好味。沙律的醬是柚子口味，酸酸，好開胃。我最期待的班尼蛋，不失所望，好好食。一份40塊的早餐，一點都不馬虎，很值得推薦！！咖啡也好喝的，用的咖啡豆不錯。早餐時段免加一。

五一勞動節, 庸懶既早上閒遊雞地搵食😪見到Chef movement有all day breakfast 咁附合不勞動既法則😛 舖頭座落係街角, 大玻璃窗加埋高樓底, 用盡咗天然光🌞營造咗舒適氣氛; 小小空間排咗20個位左右, 除左小角落部份, 全部都可以照到天然光, 呢啲餐廳我最鍾意, 影出黎既相係可以提昇一個層次📸 MENU相對簡單, 早餐、午餐、兩個ALL DAY BREAKFAST同埋SET DINNER; 先黎Deluxe all day breakfast; 塞滿一個大碟既早餐🍽️以炸薯條🍟居中, 腸仔同🌭橙🍊打翼, 煙三文魚🐟Benedit 打箭頭, 火腿同菜打後; 除咗樣靚外, 個班尼迪蛋都處理得好出色🍳切開時蛋漿係流出黎, 而蛋白則係全熟🥚 另外仲有墨魚汁🦑鮮魷扁意粉🍝跟餐上係有湯同沙律; 要提一提佢既沙律汁加入左柚小醬帶出酸中清新。而白色碟同墨魚汁既純黑形成對比, 黑到令面既汁包住意粉, 每啖都搞到牙黑嘴黑😬😬 餐飲都係跟嘢食送, 唔駛額外點☕🥛水準不過不失啦; 最後要提餐廳既小裝飾係深藍既牆身上掛住美國隊長既大盾🇺🇲回應番近日Avengers 4😚😚埋單兩個人160

由於近我屋企嘅關係，呢間位於鳳琴街體育館對面嘅西餐小店我經常都會幫襯，貪佢食物水準穩定，小店座位唔多，晚飯時間冇訂位的話多數都要喺門口等。頂級美國prime肉眼牛扒(22oz) $228呢個係我嘅例牌😂😂幾乎每次都係食呢個5成熟，Prime肉眼肉味濃不在話下，師傅亦rest得塊扒岩岩好，一切啲肉汁就爆曬出嚟，配菜亦都唔馬虎，薯蓉好滑好creamy, 墊底嘅菇菜吸收晒油香同肉汁，十分美味😋😋另外今日嘅甜品creme brulee 就甜左小小，要叫杯熱啡中和返😂😂另外小店不收加一亦抵讚。