Chef's Movement

营业中

休息中

【安格斯牛和雞扒生酮all day 】雞扒香脆、入面超多汁，有三塊，份量超多安格斯牛肉煎得半生熟，好過出面好多的西餐廳仲有滑蛋正👍👍👍大啡菇、蕃茄、牛油果、每樣都好好味波菜份量都好多【咸奶油杏仁卷蛋】生酮蛋糕嘅質感同普通蛋糕始終有啲分別，但呢度嘅卷蛋配埋cream都好好食，滿足到食甜品嘅慾望

今日24/5/2025(六)，去左元朗食BRUNCH ,個位置唔難揾，11點半左右到，等左5分鐘，就入得。入到去，已坐滿哂人，有2人座及4人座，大約有8-9張枱，唔太迫，但鋪面只得1職員服務我叫左Set B(中午12點截)，好彩叫到，很幸運吖賣相好靚吖，配有奶咖啡，班厘蛋下有煙三文魚，切落去係流心蛋，橙冇雪過(唔酸及常温)店外隔離有洗手間，夠晒方便，亦唔駛等太耐厘間付款可選:轉數快/支付寶/現金，方便食客

入元朗探朋友朝早嚟到元朗食早餐咁啱經朋友介紹吓 知道呢度有間西餐小店性價比高所以就過嚟Chef Moment 試一試佢哋嘅早餐我哋order咗兩個早餐因為知道佢哋主打都係班尼迪蛋所以我哋兩份早餐都有呢個食材我好鍾意佢哋個醬汁煮得好入味而且兩份早餐價錢都唔貴所以下次入到嚟元朗都想再試啊

一早流流又係出去搵早餐食既時候，今次黎到一間以美國隊長為裝修主題既一間西式小店歎返個靚早餐呢間早餐好抵食，$50 一個set , 我就叫左個芝士牛角包，炒蛋，腸，沙律，其實都唔差，所有野都OOKK 👌 女人叫左個VEGAN all day breakfast, 個菇好juicy , 最鐘意杯亞籽子布甸杯，淡淡既椰香味，配上果肉nuts, 好食！👍叫左杯凍hazelnut latte, 同凍mocha. 咖啡就麻麻地，杯mocha 無咖味呢間餐廳亦都有提供KETO 既餐單，給人多一份選擇。唯一不太滿意就係服務態度，悔悔氣氣咁😮‍💨

💕 ᴄʜᴇғ’s ᴍᴏᴠᴇᴍᴇɴᴛ♥提供生酮餐單的餐廳👍🏻♥呢一間見到好多生酮既朋友都推介，所以趁假期，立即入元朗試吓😗♥Keto All Day +香煎西班牙豬肉眼（$178）呢個all day breakfast 真係好正，唔駛怕食完唔岩，唔駛落單時要走呢樣走個樣😋份量超級多，塊豬扒夠晒大！配上牛油果、啡菇、菠菜、炒蛋、蕃茄！真係成個份量絕對夠飽同夠晒油脂😋😋😋值得一提既係個炒蛋😙😙😙真係好實在、唔係一個「空氣蛋」🤣，同埋好香好滑😚😚😚♥Keto Light （$68）+半個牛油果（$18）Keto Light本身係有芝士菠菜奄列+法蘭克福腸+英式豬肉腸+切肉腸+沙律，自己本身怕唔夠飽，就再加多半個牛油果🥑 咁就夠晒飽😛 個牛油果絕對要讚👍🏻👍🏻👍🏻👍🏻因為唔係貧瘠既牛油果🧏🏻‍♀️ 夠晒大份夠晒飽滿💁🏻‍♀️♥呢間既生酮餐廳，個價錢相對親民❤️❤️♥作為生酮之人，如果重要嚴酮期間想出街食真係唔易🥺🥺搵到間咁出色既coffee shop , 真係要book marked 啊‼️‼️

This restaurant becomes our staff canteen, basically every week a day, we will have our breakfast here. The price and quality of food won’t disappoint you and I am highly recommend this restaurant

元朗出名都好嘢食！想試下西餐就試下呢間！環境優美坐得舒服服務態度唔錯薯條夠脆～煎魚亦都夠香脆～ 夠新鮮！特別推介黑色漢堡夠有特色打卡一流！最後叫咗個忌廉意粉夠飽肚！整體唔錯可以回頭！

朋友最近以生酮飲食法減左30公斤，雖然效果顯著，不過飲食選擇方面難免要作出少少犧牲。但朋友話其實坊間都有唔少Keto Menu，今日就去左元朗陪佢試下。餐廳menu分兩款，朋友當然係生酮menu，我地就揀返正常menu。但其實對比之下可選擇既數量都差不多，我地正常menu就叫左澳洲肉眼、德國咸豬手、炸魚薯條，而Keto Menu就叫左生酮漢堡飽，同埋白汁煮蜆。澳洲肉眼因為朋友唔食得太生，所以我少有叫左medium well，切開後見到火喉控制不錯，唔會太熟，但附送的醬有少少太咸，而且比較多筋，叫做勉強合格。本身已經叫左炸魚薯條，想配薯蓉，但餐廳冇哂，唯有都係食薯條。薯條係粗身款，外皮炸得幾脆，正常發揮。德國咸豬手豬手上時冇特別切，但如果餐廳可以俾多把利點既刀會較好。豬手外皮咬下去好脆，真係有「卜卜聲」，但肉質有少少鞋，而且都係太咸（一陣會再見到哩句）。驚喜位係佢配脆蕃薯，甜甜地中和返。炸魚薯條炸魚係「實的的」款，同出面炸開既「鬆軟」款好唔同，佢雖然唔係正餐，但食落會好飽。生酮漢堡飽配炸牛油果因為朋友都唔係食得太多其他野，我地就冇同佢爭食，聽佢講個漢堡係一般既，而個炸牛油果有點苦，嚼多幾

有Keto Eggs Benedict 及Keto all day breakfast 每日仲會有不同多款Keto cake今次試了Keto Eggs Benedict $118包括了生酮麵包、煙三文魚、菠菜，生酮包似是蛋白包，比較空氣感，表面煎到十分香脆，配埋菠菜及煙三文魚食，味道十分夾，再配埋蛋黃，真係無得輸至於Daily Keto cake 就選了海鹽焦糖卷蛋 $62十足凡人蛋糕既味道，質地食唔出有咩分別，好驚訝，只是甜味淡了點，下午茶陣係過黎食個Keto cake配杯咖啡，一定好滿足。😋我要試埋其他既Keto Cake 呀！

門口泊到車，如果唔洗排隊，早餐一流👍環境帶點英倫風，坐玻璃窗邊較開揚，仲睇到車。熱辣辣牛角包早餐係不二之選，有法蘭克福腸仔，有炒蛋，有沙律菜，有鮮果，有香脆牛角包🥚🥐🍖🍊🍎補差價飲埋杯mocha☕️，香濃既朱古力加咖啡，提神得黎又帶點bitter sweet🥰，肚仔滿足晒小店人手唔多，由派飛等位，落單，執枱，埋單都係得一個人，所以大家可能要放鬆一下，放慢一點，體諒吓小店經營都唔係容易，俾 d d 耐性。香港有良心又好食既小店係值得支持💪🏼

元朗好多野食，但會令我食完又食既餐廳其實一隻手數得晒。今次要介紹既係chef's movement，已經幫襯左2年幾，我地叫佢做美國隊長，因為佢裝修好統一，連牆身都係有花心思，傢俬都有配合主題，就算坐樓梯底，都覺得自己似入左間主題房咁。食物方面，我最愛係燕麥多士，其次係牛角包，egg benedict係抵食，但英式鬆餅比較難切，所以少叫d。每次黎都會估下時令生果係咩，同常都唔同，蜜瓜，橙，西瓜，每次既小驚喜。我地另外會再叫炸魚柳，手掌咁長既魚柳，咬落去啖啖肉，炸粉唔薄唔厚，唔會太油膩，或者食粉多過食魚肉。價錢方面，大約$45一份早餐，加$20一杯飲品，性價比超高!!黎過咁多次，每次都見到唔同人，有一家大細、有行山人士，有良朋知己，地方細，傾偈大聲少少都會俾人聽到，呢樣係美中不足既地方。

喺元朗附近搵吓有啲咩休閒早餐 友人就揀咗呢個 我就揀咗set A (+半個牛油果）圖中可見厚身 焗完好脆👍🏼蘑菇炒蛋都啱啱好 牛油果、沙律、腸各樣都好食 有人就加多左個牛角包 但係賣相好似我個個靚d😁凍檸茶都幾好飲的 但唔記得影相 總括間嘢各方面都唔錯有機會可以下次再過嚟慢慢食😋

~Deluxe($108)🍳其實已經唔記得咗第一次嚟食咗啲咩🤨，不過見到egg benedict幾吸引就揀咗呢個😝。識我嘅人都知我其實唔係咁鍾意食腸😅，呢個餐有法蘭克福腸🌭，切肉腸同英式豬肉腸三種咁多🙃，梗係要開心share咗佢啦😎。另外幾抵讚係佢嘅薯條🍟，夠晒新鮮熱辣辣又夠脆口😋。egg benedict都唔錯😙，係食到啲蛋汁差啲滴埋落件衫到姐🤣。~All day($98)🥐屋企人叫咗呢個每樣都有少少嘅all day🤓。牛角包夠熱同埋鬆脆🥐，配埋黑松露味濃郁嘅炒蛋🍳絕對係all day breakfast嘅基本配搭呀😆。黑醋沙律🥗食得出帶有少少柚子嘅味道🤔，食落去更加清新😙，仲有兩粒時令嘅車厘子做水果添🍒。~意大利濃朱古力(+$14)🍫飲落去真係幾香濃嘅朱古力味😌，原先見到濃朱古力仲以為會係比較苦澀同埋濃稠少少嘅黑朱古力味🤔。不過相比起我更加鍾意呢一杯甜道同質感啱啱好嘅😚，唔會太膩冬天飲落去更加暖笠笠啊❄️。~ Hazelnut latte($14)☕️記得之前喺度飲過vanilla latte幾好飲諗住試返😚，點知嗰日冇🥲，最後就揀咗Hazelnut黎試吓😌。咖啡加上淡淡嘅榛子味都唔

今日早上起身聽朋友介紹就去咗呢間chef moment嘅餐廳食早餐,我朋友話呢間餐廳嘅早餐好抵食，我就嗌咗呢個全日早餐仲加咗兩個炸魚柳添，整體味道都唔錯，最緊要係價錢實惠！

一家三口到這家西餐廳吃午餐。小女及我也不是太餓，我點了酸種麵包配牛油果泥水波蛋，麵包鬆軟，牛油果足料，香濃牛油果味，而水波蛋則十分軟滑，三者配搭天衣無縫，配上黑醋沙律菜醒神開胃，我食半份已足夠。小女的芝士蛋糕，充滿濃濃的芝士味，小女吃一口便大叫好味，整件蛋糕也被她一人獨佔，幾經辛苦才可說服她讓我吃一小口，可想而知這件蛋糕對她多吸引。我先生則點了阿拉斯加鱈魚他他醬漢堡配粗薯條，魚柳外脆內軟，炸得不會太乾身，炸得剛剛好，漢堡包也香脆可口，配上熱咖啡，畫上完美的句號。