Catee (已結業)

我喺荃灣真係留低唔少腳毛🤣 楊屋道街市附近絕對係我兒時既蒲點，仲記得嗰時成日喺度扭閃卡🙆🏻‍♀️ 轉眼已成中女既我，重回舊地發現嗰度已經同以前大不同，估唔到嗰度新開左間以貓做主題既靚靚餐廳😻😽·同朋友叫左2個set dinner慢慢嘆，Set dinner十分豐富，主菜配餐包、沙律、餐湯、餐飲及甜品，食完一定非常滿足💕·烏黑鬆軟既竹炭餐包配上橄欖油，香濃惹味😋 清新既沙律灑上微甜既黑醋，令人感覺非常開胃。粟米忌廉湯很好喝，粟米味道香甜，濃郁非常🤤·☆ Catee's香煎海鮮拼盤 HKD$298海鮮拼盤份量十足，有大蝦🦐 青口🐚 蜆及三款魚肉🐟 每樣食材都好新鮮，當中很喜歡鱸魚及盲鰽😋 魚肉幼滑兼且啖啖肉，魚皮煎得香脆，魚皮下既魚油仍然保留，香濃既油花有錦上添花的作用👍👍·☆ 卡邦尼扁意粉 HKD$118 (另加$50配Set)哩度既卡邦尼醬整得超級濃郁，口感十分Creamy😋 個人很喜歡，細膩既奶油均勻沾滿每一條扁意粉，滿口奶油既感覺真係好幸福呀💕·總括而言，餐廳環境有格調，以貓咪做主題已經夠哂吸引😻 食物質素不俗，相信係我會再回坊既餐廳之一呢~

雖然荃灣對於n_cc來說不太就腳 不過間中都會過來閒逛一下 同相約一下家住荃灣既好友 最近就發現荃灣多左唔少新面孔 於是相約飯腳來荃灣搵好西行下行下就搵到呢間Catee 入面滿滿係貓貓擺設 裝潢頗有特色亦蠻有格調 可能正值快到萬聖節 舖內有著不少節日裝飾 舖面不算好大 坐位間亦不算寬闊 不過坐下來還算舒適 望望餐牌 款式都頗多 而且可以配搭套餐 選擇彈性多元化 餐廳仲有酒類可選 八點前Happy hour更可有買一送一優惠  喜歡嚐酒人士就唔好錯過了Virgin Mary 用上蕃茄汁、檸檬汁、黑胡椒及鹽等調製 口感獨特帶點微辣 黑胡椒味頗突出 配合帶點酸既蕃茄 酸酸辣辣 飲落頗開胃Virgin Mojito經典傳統cocktail 飲落啖啖薄荷香 清新獨特口感爽快 層次感十足 加上青檸 飲落帶點微酸 消膩解滯餐前餐湯 / 餐包 配油醋汁 是日為南瓜蓉湯 質感creamy順滑 飲落啖啖濃郁南瓜味 味道中庸 餐包頗特別用心 香草包crossover竹炭包 外層香脆內裡鬆軟 配以橄欖油同埋黑醋 食法頗有意式風味 健康之選 紅腰豆沙律 材料簡單 

最近去咗呢一間餐廳食我覺得好好味其實我好鍾意貓嘅見到餐廳入邊有好多貓嘅設計我問老闆點解會有咁多貓嘅間餐廳又叫做Catee老闆話因為個個都係貓住咁走 真係笑咗😂😂 明太子蟹肉蟹籽忌廉汁燴意大利麵 $198口感豐富蟹籽食落去好脆口加上天使麵好彈牙忌廉汁嘅味道啱啱好唔會太濃味黑松露野菌燴扁意粉$188意粉味道偏淡 咁樣就唔會蓋過黑松露嘅味道 濃情朱古力每次食飯一定要叫一杯朱古力飲🍫 超級朱古力控🥰好欣賞呢度嘅濃情朱古力 好濃郁嘅味道極力推介👍🏻因為我次次叫朱古力都要同侍應講一定要小冰但呢到既朱古力係一粒冰都無如果加咗冰成杯朱古力就會淡好多呢個係我對朱古力嘅執着😌 甜品叫心太軟 又係賣飛佛💜一切開朱古力醬山泥傾瀉 好似火山爆發🌋😆製作時間啱啱好 太熟嘅話入邊個心就會實晒唔好食心太軟雖然易整 但唔係個個都可以做到流心 呢個真係要睇師傅嘅功力👨🏻‍🍳

同fd reu，book左呢間餐廳，叫左頂級肉眼牛扒、脆皮豬手、烤大蝦龍蝦汁長通粉，都好高質素！就計唔中意食牛既朋友，都話好食！加上環境舒適安靜，又叫左兩杯雞尾酒🍸，成個氣氛好舒服，令人享受美食！

朋友咁啱係荃灣讀書，所以過左去搵佢食飯。經過呢個滿有格調的餐廳，便二話不說就入去填肚仔🤭佢地有不同的set dinner ，如果選擇困難症的朋友仔就唔洗再煩惱啦🤣不過喜歡吃西餐的我，就習慣慢慢揀，不被規限。📍龍蝦湯它沒有加很多cream在湯中，所以不會有滯既感覺，比我個胃有更多位置品嚐其他食物🤣📍烤美國頂級肉眼扒伴濃燒汁叫了medium，肉質較軟，肉味重，配上濃燒汁，入口非常juicy👍🏻📍黑松露薯條薯條周圍都有，但加埋黑松露汁就與別不同😛，令佢口味唔至得咸咁單一，而是有層次感，呢個一定會encore呀～📍曲奇朱古力奶昔以上的食品都是以咸味為主，飲品當然要選擇甜的，中和整個味蕾。整杯飲品非常有朱古力味，配上飲品上面的曲奇，整個賣相更佳✨

好少入荃灣, 對我黎講荃灣好似一隻八爪魚咁, 四通八達, 地標又多, 同時亦係唔少朋友口中的「美食天堂」!難得入黎荃灣一次, 想搵間西餐食下, 為左方便搭車所以就揀左近如心廣場的Catee,原來都好近西鐵站架!我都幾鍾意呢種暗暗地的小店, 唔會光燦燦感覺都幾relax, 如果係節日黎食野加埋店內的裝飾擺設應該會好有氣氛!撞正今晚荃灣有社會活動, 人流變少, 難得店子仍開, 可以靜靜地食餐飯都唔錯丫。睇睇menu 見到有唔同的set dinner, 如果係主餐牌的主菜都可以加$50變套餐, 咁就可以有埋沙律、甜品和飲品。於是我地就點左一份烤美國安格斯牛板胛加一份威靈頓三文魚, 另外想食多d菜所以叫左份黑醋沙律。跟餐的忌廉餐湯好飲!! 好Creamy 唔會稀流流, 有驚喜喎! 然後首先上左份黑醋沙律, 好fresh 夠清新同開胃, 不過呢個價錢就稍嫌細份左少少。食完沙律就到烤美國安格斯牛板胛, 估唔到好大份!!!三件牛再加一大份薯蓉, 仲有好多唔同的配菜, 1個人食一定會好飽!我們點了3成熟,生熟度都滿意, 不過覺得比較多筋, 但肉味濃, 唔沾醬汁都好夠味, 加返分。而威靈頓三文魚就好似威

荃灣有好多大商場，不過大部份都係連鎖店，其實橫街窄巷都有好多小店，其中呢一間位於楊屋道嘅西餐廳就非常之高質。佢叫Catee，雖然入邊冇真貓，但都有好多貓嘅擺設，而且擺設都相當之有心思，夜晚去嘅情調亦都非常好，所以我哋去嘅當日都有好多情侶食飯。夜晚有晚市套餐，如果唔啱嘅話仲可以散叫，可以加錢去升級做套餐，包湯、沙律、飲品同埋甜品。佢都仲有其他好特別嘅小食，最意想不到嘅就係，平時啲餐廳都剩係得清酒煮蜆，但係佢竟然有啤酒煮蜆！咁特別就當然要試吓啦！以為啤酒煮蜆嘅味道會好怪，但原來啤酒同埋顯係咁夾嘅！每一啖都有啤酒同埋蜆肉嘅鮮甜，所以我哋就好快食晒成碟啦我哋其中一份主菜都有upgrade做套餐，個麵包幾好食，有兩款揀，白麵包同埋黑麵包，兩樣麵包都非常之送院，送湯一流！沙律係胡麻醬沙律，啲菜都好新鮮。食完前菜，就梗係到主菜出場啦！我哋要咗個大蝦龍蝦汁扁意粉，隻大蝦做得非常出色，食得出係靚貨，隻蝦夠大隻之餘肉質亦都非常之爽，連個蝦頭都有蝦膏，好正！至於個龍蝦汁比坊間嘅龍蝦汁相對地清少少，食落冇咁漏，但係都食到龍蝦味另一份主菜肉眼扒亦都到啦！舊肉眼扒五成熟，煎得啱啱好，牛扒面層係脆嘅，入面肉質亦都非

一入去環境已經唔錯，而且剛好遇到8:00前Happy Hour 買一送一既酒精飲品就試吓。服務我地果位女侍應都好親切，服務態度一流。而且都有介紹菜式，我地就叫左個牛尾。因為聽講廚師第一次整，有兩三個侍應走過黎都問好唔好食，唔係講笑，好少餐廳整到牛尾肉質係軟滑，但大骨位置有d難切。總體係好食，兩人食已經好飽。最後黎埋個黑松露野菌意粉已經食唔哂要打包不過真係好香既黑松露味最後因為係慶祝生日，甜品一上黎就聽到生日歌；呢間鋪真係好有心思。下次會再試佢既西班牙海鮮炒飯

酒吧o既框架之下，內裡又不經意加入o左好多貓貓元素。唔係講緊可愛風o個d 啦~ 反而係唔少採納o左貓造型o既藝術品，感覺時尚，好似《蒙娜麗莎的微笑》但抱住隻貓，同埋《最後的晚餐》o既貓貓版本等等。先坐低，飲啖冰涼解喝o既青瓜水，再睇下嗌乜。除o左snacks and drinks，呢間酒吧仲有main dish 同埋套餐可以叫。我地點o左一個晚餐同埋一個main，而呢個main 可以加$50 升級做套餐，就會同晚餐一樣有埋沙律o個咋o野。沙律係個紅腰豆田園沙律，以胡麻醬調味。麵包佢可能見我地叫兩份餐，俾o左兩款唔同o既麵包我地試下。遵循意式食法，侍應會將d 橄欖油同黑醋倒落隻碟度，再點o黎食的。另外我幾鍾意佢個餐湯粟米忌廉湯，呢度會比出面飲o既較為濃味一d。西班牙海鮮炒飯($228 未加一) 係晚餐o個個，富有鑊氣，粒粒米飯吸滿呈橙色醬汁o既精華，食起上o黎帶一d 蕃茄同埋異國香料o既味道。上面鋪上大蝦、青口同蜆，尤其係隻大蝦，大隻入味，已經幫你起o左中間d 殼，方便食用。另一個烤澳洲羊架伴薄荷醬($218+50) 就係單叫再升做餐，有三件羊架，感覺都算抵食(另外見到有其他客人叫豬手，

餐廳位於荃灣楊屋道，這條街不是荃灣的主要街道，人流沒有市中心的多，在餐廳慢慢品嘗美食，聊天聊整個晚上，也未有被催速埋單，在香港寸金尺土的環境下，也是一種享受。晚市套餐一個價包了沙律、主菜、湯、麵包、飲品和甜品，由百多元至近三百元的餐都有，豐儉由人，任君選擇。一個餐咁多野食，可讓我們慢慢食、慢慢傾。跟餐的湯是義大利雜菜湯，水準正常。跟餐切片麵包軟稔，沾上橄欖油加醋挺開胃，口味頗佳。這是我的套餐，忌廉蟹肉明太子意粉。明太子意粉應該不是義大利傳統菜色，卻是我喜愛的菜色，原來呢度都有得叫，比起出面嘅餐廳，仲多左蟹肉添，正！這款意粉的醬汁很夠味，每一口的意粉都被濃濃的明太子忌廉醬汁包著，很美味。這是我朋友的主菜，南瓜帶子意大利飯。我嘗了一些，義大利飯充滿南瓜香味，不錯。飯中還有其他菇類配料配搭。跟餐的飲品選擇不少，不是只有奶茶、普通咖啡等基本野，有各式果茶、各式咖啡，都不用加錢。我點了朱古力凍飲，也不用加錢。我朋友點了mocktail, 加了 15 元。食完主菜已經飽飽地，傾多陣計等消化下，先至再上甜品。是晚跟餐甜品係栗子蛋糕🍰，味道都okay 架，為呢一個晚上劃上完美句號。香港人，自小讀書時期

今次揀咗呢間餐廳同男朋友慶祝生日。入到去大概七點鐘，裝飾方面好有特色，有好多同貓有關嘅裝飾品。我哋坐咗喺較入嘅一張二人枱，枱面仲有蠟燭，令人覺得幾浪漫，配合些少昏暗嘅燈光，整體好有情調❤睇睇餐牌發現都好多選擇，而且任何一個 加50蚊就可以轉做套餐，非常之靈活彈性。而酒嘅menu都幾多可以選擇cocktail又或者係red White wine，咁我哋就揀咗飲白酒😛❤ 九點前可以享有happy hour買一送一添，都算係幾抵飲！服務員為我推介咗一款比較甜嘅酒，亦都為男友推介在一款比較酸嘅酒。服務員嘅服務態度非常認真，抵讚！然後我哋叫咗兩個套餐，分別係北海道南瓜帶子扁意粉同埋德國豬手。麵包幾特別，係用竹炭整成，服務員話會更加健康🤗😂餐湯係非常之好飲呀！係一個南瓜湯，飲落非常之creamy，而且真係啖啖南瓜蓉呀！ 我係非常之鍾意佢而依個texture北海道南瓜帶子扁意粉 帶子大大粒，非常彈大牙，好鮮味好好食！加上南瓜汁鮮甜而有濃郁既南瓜味，係扁意粉上面可以沾滿好多嘅南瓜汁，配上南瓜肉令到每一啖嘅意粉都食到南瓜嘅甜味😛我非常之推介呀德國脆皮咸豬手配蜜糖芥末及德國鹹菜上菜時，侍應把原隻德國豬手連

Catee (荃灣). 巴馬火腿蜜瓜.半價的價錢就可以食到parma ham配上勁甜嘅哈蜜瓜，係一個好清新嘅小食！.牛油果帶子沙律.兩大粒肥美帶子，煎得半熟，配上牛油果🥑$118咁大盤沙律🥗好抵！.德國脆皮豬手.外皮香脆，炸得金黃色，微肥，肉質一啲都唔粗糙，非常之惗同軟！.芝士焗原隻波士頓龍蝦.$228原隻龍蝦🦞配上薯蓉，唔會漏，而且價格合理！.威靈頓三文魚.屬於店鋪招募菜之一，以酥皮包裹住三文魚，非常之香！—————————————————————-📍Catee (荃灣)荃灣楊屋道73號地下.—————————————————————-

Catee以貓做主題🐱環境好之餘嘢食都好有心思❤️好似跟set嘅餐包、湯同沙律咁，就一啲都唔馬虎👍🏻餐包分別有兩款，點少少黑醋同olive oil已經好好味🍞沙律配上藜麥同芝麻醬，開胃之餘又健康🥗Main course我哋分別叫咗Salmon Wellington同Seafood Paella🥘前者溫度掌握得好好，唔會overcooked，配埋刁草忌廉汁，相當滋味👍🏻而後者以煎pan形式上碟，賣相吸引🤤海鮮有蝦、蜆同青口等🦐好足料👍🏻甜品綠茶蛋糕細細件，份量啱啱好👍🏻而跟餐飲品仲可以轉mocktail🍹兩個人埋單都係around六百，都幾抵食😋

今日去荃灣行街！行行下見到有間用貓做主題的餐廳內面有種美國西部牛仔的酒吧feel!氣氛好浪有一入去好多情侶！我們點了！兩個套餐一個小食套餐包湯湯好好味沙律都好新鮮德國豬手豬手一上台好有氣勢，一把刀中間！😏🤩好型呀！不過好難切！因為唔太熟手！🤣😂炸魚薯條都好好食不會太油利！炸得外脆內軟！鬆鬆脆脆！三文魚波波內面有三文魚粒粒，內面好似有一點薯蓉！套餐甜品綠茶蛋糕我們加錢$15轉兩個特飲總結價錢 合理環境 氣氛好好味道 不過不失，打卡不錯

是日要去荃灣果邊做野，就搵定間好野同女友共進晚餐，隨便搵搵openrice見到呢間好似不錯，就book左。呢間餐廳以貓做主題，雖然冇真貓，但牆上面掛滿哂貓既藝術畫同相，充滿格調。我地一人點一個餐，佢有dinner set menu，包沙律包湯包野飲仲有甜品，一站式服務！我地揀左牛板胛。另外仲有個special menu，有其他客係度就唔方便影啦，有個牛油果漢堡拼軟殼蟹大啡菇，淨係個名都長到爆，一定好豐富！就揀佢。間餐廳好貼心，會問你係咪share食，如share食既話佢會前後上菜，咁就唔會凍哂！正！先黎餐湯同包，湯係蕃茄湯，勁足料；兩隻包都好鬆軟，秒速食哂！呢杯係Mocha，要加15蚊，唔錯。呢杯係Virgin Mary，都係15蚊，女友話好開胃又解滯。上主菜！一見到我地都呆左，成三塊肉！份量驚人，加分！叫左7成熟，岩岩好，皮脆肉汁多，基本上可以連汁都唔使點已經勁好食。食到差唔多食哂，另一主菜就跟住上，好貼心。呢個好搞笑，個軟殼蟹原隻炸完放上碟，下面有舊大啡菇，呢個組合我第一次食，估唔到係咁正。個漢堡又係大份到喊出黎，咬落去肉汁必出黎，同岩岩既牛胛口感唔同，但肉味一樣咁濃。薯角炸得香口