Cafeholic (已結業)

係沙田新城市漫無目的行行下，去左三期一田，但大裝俢整到四處木板圍住哂，又熱又唔好行。峰sushi都摺左。去左隔離希爾頓中心見到Cafeholic,裝修幾田園 。價錢係沙田來講是正常百頭一個set香茹煙肉意粉，味道蕃茄味的酸加小小甜。幾醒胃。三文魚波菜焗濶意粉上面cheese，下面白汁，好creamy. 感覺有點腻。三文魚都幾多，但偏喊。可以加$18，$28，$38配一至三樣小食。湯，沙律，飲品。是日餐湯甘荀 忌廉湯。好有甘荀味，幾好飲6點幾入座，任座無限時，要係沙田市中心其它餐廳任座真係無可能。環境都清靜，適合吹水。

唔知道大家係咪同我一樣， 都好鍾意食 all day breakfast ！講真喺沙田好多餐廳都係連鎖店已經冇乜嘢好食！今次喺希爾頓搵到呢間西餐廳！佢嘅裝修都唔錯環境都好舒服㗎！再睇睇佢個餐牌原來都唔貴喎！都係正常平民價所以就試咗佢啦！係有少少快餐嘅感覺不過我係可以接受嘅！食物味道方面都唔差服務都唔差！值得一試！

中秋節當天放假，打算到Home Square睇傢俬，午餐先到希爾頓中心醫肚。餐廳取名Cafeholic，因此對咖啡期望甚殷。1. 蝦肉珍珠帶子牛油果醬忌廉意粉: 蝦肉結實，有四大隻，珍珠帶子有很多粒，醬汁隱約帶微綠，雖吃不出明顯牛油果味，意粉還是不錯。2. 鮮奶咖啡 (跟餐加$14): 不知是否奶味過重，而且滿口肥膩感，咖啡味偏淡，有點失望。餐廳入口有一梯級，雖有"小心梯級"提示，但一般向前直望未必見到，敬請小心，慎防絆倒。

約左朋友係沙田shopping,行到攰想搵個地方食下野，傾下計。見到呢間cafeholic個窩夫好吸引，好鐘意食窩夫嘅我就提意入去試下佢喇餐廳入面環境好舒服，可能係下午茶時段嘅關係，餐廳入面唔算太多人，岩哂同朋友仔談心一見到呢個香蕉朱古力雪糕配比利時窩夫已經好興奮，因為佢賣相同餐牌係95%相似一食落去窩夫好足料，份量好多，如果一個人食會食唔哂，同朋友2個人share就岩岩好。窩夫因爲足料嘅關係所以唔夠軟綿綿，如果軟返少少會更好味。朱古力雪糕好濃味，好好味，夾埋窩夫一齊食真係好滿足呀

星期五想喺沙田食飯，但冇book枱，所以冇留喺新城市廣場，而轉戰附近嘅希爾頓中心。睇到Cafeholic喺OpenRice都幾多好評，而且又唔洗排隊，所以就抱住一試無妨嘅心態去試一試！Dinner set價錢比較相宜，但唔算好吸引，我哋散叫咗3款菜式加2杯野飲。·👑 芝士焗雞肉醬千層麵 🧀（$82）9.5/10分自從幾年前喺銅鑼灣食過一個好好味嘅「肉醬千層麵」之後，就愛上咗呢款菜式。喺menu見到有佢，二話不說要order！🙋🏻‍♀️ 賣相同menu有出入，焗得唔太靚，所以扣少少分，不過份量算多，而且味道非常出色，芝士同肉醬一齊焗到好香，趁熱食好yummy，作為芝士控嘅我食完一啖再一啖，推薦！🌟·🍴 四色芝士薄餅🍕配蜂蜜糖漿🍯（$94）7/10分標榜為「Veggie 🌱」嘅菜式，見到有4色芝士🧀，就算平時唔係食開素，都吸引到我去試！佢係薄身餅底，整得好香脆，不過個人比較喜歡厚身餅底，口感豐富d。芝士味唔算太重，唔淋蜂蜜糖漿就咁食，味道剛剛好，否則略嫌過甜。·🍴 燒烤汁焗豬仔骨 🐖（$108）7/10分今晚賣相最靚嘅菜式就係呢個豬仔骨，焗得好香，肉質都好腍，好惹味！

睇展覽聽講座，活動完左好肚餓，於是又貢左入嚟cafeholic. 嗌左個benedict egg with tuna bread and salmon with mayo egg bread. 賣相唔錯，味道幾好架，沙律菜又新鮮。但杯mocha 真係破壞晒成set野，我仲係加廿蚊upgrade 架 🤦🏻‍♀️ 唔轉好過囉。杯mocha咖啡味唔香，偏苦，仲無朱古力味，真係mocha?! 到底沖左杯咩比我飲呀？沖杯咖啡都咁差，仲叫自己做cafe? 仲要-holic？ 😅😅😅 好難飲喎。。。

心血來潮事件簿(22)😋今日中午同朋友黎到依間餐廳食野，人流都比較多，所以都等左一陣先入去🤔同埋繁忙時段都有限90分鐘時段，傾計未必傾到好耐🤔🤔好快本尊就叫左香煎春雞半隻配燒汁，餐菜及飯😎份量方面唔算多，飯係珍珠米，同燒汁都幾配合，可惜食落覺得菜比較凍，同埋個燒雞比較硬，同預期嘅有D落差😪之後叫左杯凍檸水(+$4)，仲有加一，感覺作為午餐就唔係太抵食🤔好彩去到後期過左繁忙時段，同朋友可以坐耐少少😎👍好啦，今日本尊就介紹到依到啦，多啦～

呢晚係沙田新城市搵野食，幾乎間間餐廳都排長龍，人流非常多。所以走到隔離商場，揀左呢間CAFEHOLIC，就等左大概15分入座。是日餐湯：羅宋湯。個湯好「傑」身，好重味，但又完全無雜菜湯料，明顯係味精湯。蟹肉露荀黑松露忌廉燴飯：上菜見到賣相，實在有少少失望，不過食落味道都算唔錯，拉番高D分數！有淡淡黑松露香，又未至於搶走蟹肉味。個人覺得多返D露荀就好喇。焗芝士雞肉千層麵。上菜第一個反應係，好大份！每層夾有忌廉汁雞肉，啖啖都充滿芝士，最後兩個人都食唔晒，食多幾啖就覺得太膩。總括黎講，呢間CAFE比我感覺幾快餐，上菜速度好快，食物質素就一般。

又係5:30，每次黎沙田都會諗起呢度，因為個tea set 實在又豐富又扺食。卡邦尼煙肉忌廉意粉:意粅硬度岩岩好，夠cream。煙三文魚碎蛋沙律、呑拿魚班尼迪蛋英式麵包。男朋友食呢個，每次都會叫呢個，CP值高，甚至我覺得比一d高級餐廳整得仲好食，岩岩上枱個陣，一定要趁熱食，因為底下個包仲係外面脆，裏面軟，成舊食好juicy，勁多料，塊煙三文魚打開係勁大塊既，抵食！兩個人食百零蚊，飽到晚餐都食唔到，環境又舒服，食完仲無趕人走。糧尾首選。

週末走到累了，來到沙田的Cafeholic 歇歇腳、食個下午茶~1. 吞拿魚碎蛋沙律法式多士 ($38)很不錯，雖然是簡簡單單可以在家做的小食，但這個下午茶用料足夠，多士夠脆，還有四件咁多! 為左平衡一下，仲有沙律菜做陪襯~🤗以$38的價錢，加埋杯咖啡，我覺得抵食! 👍2. 香焗比利時窩夫 ($36)這個嘛...嗯...有點求其。只要一部窩夫機就能造出來吧? 我唔明白，名字中的「比利時」究竟是指什麼? 難道是比利時整的蜜糖? 🤔3. 香蕉朱古力雪糕配比利時窩夫 ($68)價錢差不多是純窩夫的一倍，但視覺和味覺享受是兩倍以上的! 不能說是特別好食，但都ok架，是一個正正常常的朱古力窩夫~😊😊

中午食飯高峰時去到沙田市中心，火車站附近的食肆都人山人海，行遠少少去到希爾頓中心，難得有一間不用等位。對於我來說，出外食飯又逼又要等絕對會影響我進食的美好心情，就算你又好食又抵食都係咁話，我會寧願選一間不用等的。這間cafe的裝修風格和座位都十分舒適，服務員人手充足，點菜和上菜都是幾乎不用等的。只是餐廳內部不夠安靜，雖不見其他客人高聲談話，但客人的談話聲和水吧杯盤碰撞的聲音仍然十分響亮，應該是舖位的問題吧，有點美中不足。我點了午餐：黑松露珍珠帶子蝦肉忌廉意粉，可是餐湯要另外加12元。我用來衡量一間餐廳食品質素的工具，就是餐湯和咖啡，所以我也加點了餐湯：雜菌忌廉湯。忌廉湯的賣相討好，濃稠適中，雜菌鮮味香濃，棒。黑松露意粉的味道也很好，蝦肉肉質鮮美，珍珠帶子也不少，忌廉汁的調味剛好。最後咖啡沒有什麼驚喜，一般即磨咖啡味道。這間餐廳比起附近的食肆價錢是稍貴，但坐得舒服、不用等位已是值回票價。

每個沙田友應該都知道要係新城市廣場食個晚飯係唔易的，又要等n 耐又貴😭除非出去第二度食架姐！不過今日正當想放棄，買外賣反屋企食既時候， 經營呢間cafe,正值晚飯時間竟然無人排隊！！！望一望個餐牌，d 野食又幾吸引wo,環境又唔差，一於試下啦😋😋叫左份紐西蘭西冷扒，估唔到又幾厚身幾重分量wo,開頭仲以為會係d 薄扒來！切開之後，仲有肉汁流出來，而且唔韌，仲幾腍滑wo!!雖然唔咪好濃牛香，不過呢個價錢都算對得住啦！而且個焗薯好香口，加埋上面d 酸忌廉！正啊另外仲叫左個全日早餐，好豐富既料竟然有4塊煙肉，仲有兩條腸，真係岩哂我呢d 食肉獸啊！！蛋都炒得好滑總括來講食物質素算中上，最緊要係當你餓到腳軟都搵唔到餐廳果時，呢度竟然有位，仲要環境舒適可能係因為地理環境問題，所以下次大家係沙田新城市等唔位既時候，不防行多幾步去隔離希爾頓商場

是日禮拜六，難得有日得閒就即刻去剪吓頭髮😂，順便出黎食個lunch。雖然住係附近，不過未曾去過希爾頓嗰邊食嘢。見未到lunch hour就急急腳過去試吓先！早上未飲咖啡，所以揀左間西式餐廳食嘢。餐廳食物價錢俾隔離DxxxFxxxxx 便宜少少，食物類型主打熱食，但唔需要自己攞餐。我叫左個餐湯(+$20)同埋菠菜汁意粉(L1)，lunchset都有包嘢飲。意粉份量好夠，係個汁多左啲，味道都OK，其實可能同隔離差唔多😂埋單無加一服務費，盛惠$88。

同朋友放工想搵個舒服既餐廳傾下計，搵到呢間餐廳，見佢裝修又幾舒服，所以決定一試食物方面總類都幾多，我地2個人就叫左一個小食，一個pizza同一個飯煙三文魚黑松露鮮菌忌廉意式焗飯 ($94)又係比個黑松露吸引左不過係好食既！佢個黑松露都好濃郁，而且佢既飯煮得岩岩好唔會係一pat野加上佢鮮菌都幾多，配埋煙三文魚真係一流香蒜雞中翼($42/4隻)雞翼都唔錯！個外皮都炸得好脆，但係入面既肉都仲係好多汁另外佢有好多炸蒜所以個味好正值得一提佢係有啲沙律做伴碟架，用左一啲酸酸地嘅沙律汁所以可以中和返個雞翼！無咁熱氣四色芝士pizza配蜂蜜醬($94)呢一個Pizza真係好重芝士味！如果鍾意食芝士尹，就朋友應該會鍾意不過好彩佢係有蜜糖醬加，所以唔會太齋淨係得芝士味芝士加蜜糖其實都幾夾！而且好少會食到甜嘅Pizza所以都幾特別

假日同朋友去沙田遊逛，中午就要搵飯食。Cafeholic環境優雅，所以就揀左，想舒舒服服同朋友傾下計、食下飯。我地嗌左黑松露忌廉意粉，同蕃茄海鮮意粉。兩碟一放上枱，就各自各有香味散出，互相競逐。蕃茄海鮮意粉既茄香味濃，如果被黑布矇眼做實驗，一聞都一定會知係蕃茄味。而黑松露忌廉意粉就陣陣忌廉奶油香，食落亦有香濃忌廉味。因為忌廉味太強，令黑松露味相對較淡，無咁香。份量適中又好食。不過市場策略就失敗啦。飲野要加12蚊，感覺好差，都唔知飲好定唔飲好，仲話係餐，但湯同野飲都要另加錢...😥