Cafe Zense

营业中

休息中

拍拖行街街，行到攰，諗住搵間cafe抖一下。唔想去連鎖coffee shop，於是上openrice search，揾到呢間，見comment唔差，就上去試下。搭lift上到去，見到只有一隻閂左既門同好大浸酒吧味，同2個女仔周圍裝裝下，好似去錯地方咁。唔理，試下推門，一開門，好彩無搵錯地方，真係cafe黎。原本坐outdoor，可惜天公不作美，落起毛毛雨，唯有坐返一入。但可能樓底唔夠高，回音好大，有d嘈。兩個人，叫左杯忌廉咖啡、紫薯鮮奶同芝士肉醬薯條。紫薯鮮奶(少甜)外表:淺紫色，配上拉花，非常少女。味道：雖然叫左少甜，仍然好甜，越入越甜，有紫薯味既，不過太甜la~忌廉咖啡外表:一大舊忌廉，見到都開心。味道:忌廉軟滑，但味道唔夠香濃，咖啡普通，唔太差亦唔可以叫好。芝士肉醬薯條外表:一大pat肉醬上面仲有半溶芝士，好邪惡ar!味道: 新鮮薯條配半溶芝士，基本上無得輸，只係肉醬有點過咸整體而言，喺cwb行到攰坐下飲野ok，但唔好expect係飲靚咖啡既地方lor~

Cheesy fries ($58)Lam脷: 4/5抵食: 4/5相機: 4/5呢間銅鑼灣既樓上cafe環境幾舒服，呢款cheesy fries 好好食!薯條新鮮炸起，好香口，係Vi最中意食果款薯條 不過芝士唔係拉絲果隻，而係芝士醬,好彩都幾好味 唯一係油份太多All day breakfast ($128)Lam脷: 4/5抵食: 4/5相機: 4/5呢個All Day Breakfast 既份量好大 有腸，炒蛋，煙三文魚，薯餅，蘑菇，茄汁豆，多士同沙律菜,每樣野既質素都唔錯，除左塊多士之外,炒蛋炒得好滑,而炒蘑菇既份量真係好多,食極都仲有，欣賞佢煙三文魚都俾得好慷慨 成個All Day Breakfast一個人好難食唒野莓沙冰($48)Lam脷: 4/5抵食: 3/5相機: 4/5呢杯野莓沙冰好大杯! 沙冰酸咪咪甜甜地幾開胃 同埋好濃味飲得出好足料,整體呢間cafe飲野吹水幾好 P.S.另外試左個白汁pasta好難食,味道好淡賣相又一般

星期日約左友人出去銅鑼灣行下, 無意中友人建議去樓上cafe, 我地係OR搵到這間. 一上來已經俾佢地既環境吸引, 出面有一個好大既露台. 雖然無我出去, 但望到都覺得好舒服, 亦見到店主為左每位客人坐得舒服張張椅都係大大張又舒服的Sofa咁..我地唔算肚餓, 只係點左一個set lunch再加杯飲品...這裡的SET都唔貴已經包沙律, 主菜及餐飲..當日我地叫左個魚柳包SET再加杯香蕉咖啡.我好喜歡這店既咖啡好滑帶微微香蕉味真係唔錯, 而食物都唔錯薯條脆身, 而魚柳包個包都好鬆軟再配旁邊的香茅沙律醬又真係幾特別.下次有機會都會再上來試下佢地既晚餐.

All day breakfast 系列Cafe Zense 係銅鑼灣商廈入面幾鍾意佢有個露台area 好似高樓大廈既一個空中樓閣咁呢個brunch只係$128但份量十足 值得一試有腸有煙三文魚有茄汁焗豆有多士有蘑菇仲有沙律媽呀簡直係為選擇困難症小孩而設味道方面更加是非常唔錯而且用熱鍋上 唔怕d野食會凍好睇又貼心Mixed berries smoothie $48 亦都係非常好飲 口感柔滑而且果味濃郁 透心涼地址：銅鑼灣謝斐道460﹣462號楊耀熾商業大廈4樓

因為很快就要和朋友去旅行，但還未計劃行程， 就打算星期六下午在銅鑼灣找一間較靜的Cafe來慢慢食住野傾。上網搵到呢間，睇落野食和間舖都唔錯，就決定打電話去呢間訂位。（有分indoor同outdoor，但因為天氣比較熱就選擇indoor，遲啲天氣涼啲outdoor應該係個唔錯的選擇～）一來到職員就俾Menu我地睇，點了賓尼迪蛋配煙三文魚蔬菜+自制荷蘭汁蛋、煙肉、面包都配合得唔錯，啲菜配埋酸酸地既汁又好開胃，而跟餐的西柚homemade iced tea亦都十分好飲，有西柚味、唔會太甜又有茶味。舖頭星期六下午客人唔算很多，我同朋友食左一人食左一份套餐，叫多左杯野飲，由一點幾坐左五點幾，打搞左佢地咁耐，職員的服務態度都好好，好有禮貌，野食好味，服務態度又好，我會再黎的！

Before my girl went for the next activity, there was a window for both of us to relax. Then she recommended here. Kind of delicate place, seperated by French windows, so that people could smoke at the outdoor part.A good place for gathering. A fine one.Typical mixed style dishes, from Chinese, Japanese to western. Since we didn't have much time, we only ordered two drinks (Vanilla Chocolate & Berries Smoothie) and the recommended Potato Fries with Cheese sauce.Good looking but nothing special, d

本身想去附近食拉麵，但見到長龍即刻轉plan, 見到有間cafe就上去試試。Burger 個醬辣辣地好開胃，dstaff 話塊豬肉漢堡佢地自己整，估唔到細細間cafe有高級西餐廳水準，食飽都繼續想食埋佢。南瓜雞risotto 南瓜味好濃，雞好滑，perfect match!跟餐可以揀湯或salad, staff話每日唔同，嗰日南瓜湯，因為已揀南瓜飯，所以建議我揀salad食，好貼心。Oreo 朱古力，雖然外面無插住一塊但入面有好多oreo 碎， 好有口咁同好有誠意。石板街朱古力 大大杯好多cream

一直都想找一間可以飲酒同食野的CAFE，朋友有天說銅鑼灣有間坐得舒服，食品質素不錯的地方。因而擒晚訂了8點鐘（訂座時會問要戶外定室 內），2口子拍拖去食飯。今日準時到達，只有一桌客人，感覺舒服乾淨。男待應好快比左水和餐牌給我們，一心黎的原因是這裡有酒牌，但看到價錢都不平（大約 價錢：一枝啤酒＄68，一杯酒＄68，一枝酒＄380）所以最後冇叫到，寧願叫其他特色飲品。最後我們2人因為芝士怪關係，因而即叫了一個 Cheesy Fries和飲品先再叫其他食品。 Cheesy Fries $58：薯條炸得脆同熱，好香口，但吾會好油。芝士醬好香好杰，薯條沾了醬放入口勁濃勁香，好味道，推介！～ Penne w/Crab & Mixed Mushroom in four cheese sauce $98：4款芝士，勁期待！～但黎到似白汁長通粉，芝士味欠奉，要加芝士粉才有少少芝士味，失望。有少少蟹肉都香同新鮮。長通粉有口感，入味一般。這款總 結是失望。 Baked italian meat balls in tomato & cheese $78：賣相不錯，醬汁太少，肉丸是自製但過硬，配料香口吾咸。

傍晚時分，艷陽仍如火球般高掛，剝奪了妹妺趴趴走的雅興。如此酷熱，還是躲在裝潢別緻，風格各異的Café 內較為明智了。是日，去了銅鑼灣謝斐道的Café Zense，地方蠻大的，戶外大露台也設有座位。小店裝潢簡潔質樸，襯以灰色磚牆，每張枱上則放有一盆蘭花擺設，予人高雅清幽之感。先來一杯解渴透心涼的淡紫色雜莓乳酪沙冰Mixed Berries Yogurt Smoothie$38(原價$48)，碎冰頗為挺身，如一座小冰山般露出杯口，賣相帶點粗獷不羈的味道，與坊間常見的幼細順滑沙冰略有不同。沙冰仍未有溶解跡象，難以吸吮。杯中只有兩枝幼身吸管，宜配上長身小匙，以便搯出沙冰來吃。呷一口，冰凍且酸香，甜度適中，清爽無比，帶雜莓的味兒，卻不見雜莓果籽的存在。適時，開放式廚房內，只有一女店員在忙個不停。店內，除了小妹，尚有一行七人的女士，邊享用飲品小吃，邊在開檢討會議。稍候了一段時間，教人甜蜜滿瀉的法式香茅脆糖燉蛋$48送上枱了。焦糖燉蛋的香滑甘甜細膩，總教小妹吃得如痴如醉。小店之作，搞搞新意思，加入香茅，無疑為令平平無奇的焦糖燉蛋注入了新鮮感。起初，小妹也怕香茅味道過份濃烈，蓋過焦糖燉蛋的香甜。可是，

Cafe zense isn't at a very convenient location but there are still lots of people coming up here!I tried the apple crumble and it's just so-so. I wish the outer layer could be crispier and thicker! But the apple inside was well cooked.The pasta was quite good, spicy and flavorful. And the proportion was quite large.

是日蘿拔妹相約好友打算到銅鑼灣吃晚飯，由於同兩位好友永遠都有滔滔不絕的話題，所以想找間可以book位又坐得耐既餐廳。唔，這兩個criteria在銅鑼灣不算很難找，但如果想不太貴的就超難了！蘿拔妹睇勻openrice的樓上café，發覺這間Zense無論裝修、價錢同食物質素都好像不錯！訂位的時候店員注明最低消費是150元，而且人流多的時候用餐時間限兩個半小時。這個嘛，其實大多餐廳於weekend的用餐限時只有一個半小時，所以這裡已經是很不錯了。店員亦指明可以選擇坐室外或是室內，這麼冷的天氣當然選了室內XD訂了位當晚七時來到，發覺這裡坐滿不夠3成！室外和室內的地方各佔一半，但室外的食客大多都是食煙的，所以討厭煙味的我們幸好可以在室內避開他們。肚子很餓，所以我們各自選了一款pasta然後share，還覺得有點不夠喉所以點了個小食拼盤！蘑菇蜆肉白汁闊條麵闊條面非常滑溜但有點煮得過軟，蘑菇和蜆肉都是罐頭貨色欠缺味道，幸好熱度非常足夠，麵條不會粘成一團。蘑菇蟹肉白汁長通粉基本上汁料是和上面一樣的，蘑菇也是一樣，只是加了少許無味的蟹肉和意粉轉了長通粉。長通粉是al dente的，所以這麼chewy的

 第一次因為極度不滿意而打食評真係未試過未開始食就一肚火一黎到見到得兩個員工 一個係廚房 一個係出面坐低左冇耐就落單 諗住得兩個員工可能會等耐d 等左足足成粒鐘都未有野食但係隔離枱叫左冇耐就有 忍唔住出聲去問個waiter 點知個waiter拎返個menu埋黎叫我地再落過 個下真係火都黎埋 個waiter話冇單問我地邊個落 個度得佢一個 緊係佢落單啦 點知佢答我地佢冇落過冇印象 個下真係嬲到震 你發夢發左成粒鐘? 見到有枱完全冇野食既都唔覺得奇怪!依間野既服務態度真係差到！黎過依一次以後都唔會黎！等左成粒鐘真係一肚氣！

想在銅鑼灣找一間寧靜的樓上餐廳與友人慶祝生日，便選了ZENSE。餐廳位於謝斐道，這條以前不太起眼的街道，因一蘭拉麵的關係，每天都有長長的人龍，現在變得好不熱鬧。門口雖寫著"MEMBERS ONLY"，其實沒有關係，餐廳對於不是會員的客人，一樣歡迎。面積不算大，分為室內﹑外兩區。其實室外的氣氛很好，但近日天氣實在太熱，只好留在室內進食。星期六的晚上，客人不算多，大約三分二滿座。店面連廚房不足五名店員，服務態度一般，招呼客人時沒有笑容，不過總算有求必應。一行五人，我們先點了凱撒沙律﹑水牛城雞翼﹑披薩多士﹑香蒜辣椒煙肉蜆肉意大利粉﹑四式芝士煙肉寬條粉和意式蕃茄芝士肉醬長通粉。飲品方面，點了凍薄荷朱古力咖啡和熱檸檬柚子茶，而甜品則選了脆焗蘋果金寶和法式香茅脆糖燉蛋。凱撒沙律的份量不足五人，每人只分到幾片菜。沙律菜的味道尚算新鮮清甜，惟沙律醬稍多，有點膩。水牛城雞翼辣味不夠，明顯是雪藏雞翼，水準只屬合格。反而伴碟的蔬菜沙律表現出色，可以一試。披薩多士與想像中有出入，基本上只是普通法飽配上青椒﹑芝士，再微微焗一會。味道與PIZZA沒有太大關係，失望的一味。伴碟的蔬菜沙律與水牛城雞翼一樣，用上的沙律

全店計埋水吧廚房，得4個人。慢工出細貨無問題，但我真係忍受唔到一間餐廳咩都無！用餐時間係7PM。首先，落ORDER 時，諗住試出名既炸薯條配芝士醬，店員話芝士醬無晒，咁我問有咩醬，佢答我得茄汁同凱撒沙律醬跟住，想叫墨西哥餡餅，佢話等一等，去廚房望一望，出黎話無晒餡餅。心想：要吽無咩，算啦，諗住一人一客甜品補反。食完野諗住嗌4容APPLE CRUMBLE 之際， 佢又話等一等，去廚房望一望，點知出黎話得返一客！！！這是生意手法？我未試過食完間餐廳大家唔滿意到要寫劣評！另外，佢“四色芝士蟹肉雜菌長通粉”，所謂“四色”係指。。。“彩椒” ！！！！ 無咩蟹肉仲要收我＄98大家如果黎呢到食，要EXPECT食到中途轉場機會！

As we dated to have a birthday gathering in Causeway Bay, I searched in open rice, at the end chose this cafe. The enviorment is quite good, sofa sitting, not crowded, not noisy, we can be relax and chat for whole night. For food, they don't have much choices, and there is no set, we have to order separately. and i don't like the menu has no photo. Four of us chose smoothies,there are Tofu smoothies, it's quite special .I got oreo tofu smoothies, it's ok, but my friend's one mixberrry smoothies