Cafe Zense

营业中

休息中

同幾個同事諗住放工找個地方吹下水，吃D好野放鬆下，一路OPENRICE了好耐都找不到適合的地方，朋友就推薦呢間CAFE 話之前試過 覺得不錯我本身對於樓上CAFE都不抱太大期望的，點知呢度真係唔錯，我地叫了一個SNACK PLATTER，有烤雞，chicken wings 、薯條等等最喜歡係個薯條，超香口啊還叫了一個冬陰功pasta，黑松露pasta和chili garlic clam and bacon pasta三個PASTA味道都不錯，但要數最特別的一定是冬陰功，酸辣惹味，值得試也很喜歡餐廳的環境，好靜好CHILL，見到有戶外座位，下次暖返D一定出外面坐，氣氛感覺更加好

香港啲餐廳好多都係速食型，未食完已經想收野趕你走，所以拍拖想搵個好地方傾下計坐下都難。平時啲board game cafe啲大班人reunion又嘈到拆天。難得搵到呢間，野食幾正，又任你坐既cafe。平日上黎都唔會好多人，值得推薦！

朋友介紹下識得摸上嚟，Cafe Zense 比人喺咁嘈咁多人嘅銅鑼灣中搵到一片寧靜、舒適。我久唔久都會嚟吓，尤其同朋友傾嘢就最啱，D嘢食都算高質，佢哋有好多飲品選擇，但我最鍾意都係佢哋基本嘅咖啡☕️，又滑又香濃。個 friend 就話紫薯奶都唔錯。我今日就試左佢哋嘅 Fish & Chips，整得好靚，portion 好夠，我自己一個都食唔晒。條魚炸得好酥脆，切落去仲有魚油流出嚟，外脆內軟，仲要夠晒熱辣辣，好正，我 highly recommend。薯條都好味，又係好酥脆。點魚個 白汁 mayo 都好味，唔會太膩，配薯條一樣咁坐得幾舒服，又有 wifi 同插頭，真係鬧市中的避靜好去處！

朋友一聚，傾到收唔到嘴～ 今次食完晚餐已經11:00 ，諗住搵間靜靜地既餐廳繼續傾計，就上左去了。去過既朋友都知，環境新正簡潔，以木質材料打造，感覺舒適！ 傾計十分自在，絕對唔會吹你走！！ 正！

價格唔高，坐得舒服，唔嘈之餘，食物又有水準！有室外或室內，夏天咁熱又唔食煙都係會揀返室內，本來寫限時2.5小時，但其實去到最後無咩人都唔會趕你走。d卡位好舒服，同朋友談心真係要揀岩地方，好自然叫完一杯又一杯🤣

佢個海膽溫泉蛋意粉真係好有問題，海膽有陣臭味，好明顯係放得太耐而變臭。衛生環境一般，食食下有蟑螂爬上枱。waiter見到捉完就算，無任何表示。仲有個西班牙炒飯，完全唔係嗰回事，得幾舊海鮮就收二百幾蚊，仲要全枱人分一隻匙羹，第一次用叉食飯。以後唔會再去。

同美女知己食完溫野菜之後，仲口痕，所以決定open rice一下，搵間舒服既cafe坐下傾下計，而我依位知己係搵野神手，每次佢係到，我就可以橋埋雙手跟佢去食好野😆依度有戶外同戶內，我地都係野蚊嘅人，所以choose inside😅我都介紹過我知己係好養生，所以佢叫既飲料實非常健康，香蘭檸檬草茶，一聽個名就知特別而我同佢剛剛相反，我叫左杯hoegaarden因為配薯條一流小食我地叫左芝士薯條，但我地兩個都唔食cheese, 所以改左沙律醬同番茄醬，好鬼好食

同事生日，收工後近近地到了銅鑼灣食飯。 去到時7:30到，有乜人，之後越夜越多人呢，餐廳分了室內及室外，室外的露天茶座感覺有情調，我們3位女子，揀了室內，坐的是梳化椅，闊絡舒服，柔和的燈光，感覺relax。 朱古力咖啡沙冰，$48，好大杯呢，濃郁的朱古力味，微微的咖啡香，沙冰入口軟綿，味道不俗。 招牌芝士薯條，$58，必食之選，賣相已好吸引，熱騰騰的薯條，入口香脆惹味，配上香濃幼滑的芝士醬，十分滋味，食到停唔到口呀。 水牛城雞翼，$68，一碟有5件，醬汁份量多，味道酸酸甜甜帶點辣好醒胃，雞翼肉質尚算嫩滑，配上小量的沙律菜，味道十分清新。 意式蕃茄芝士肉醬長通粉，$88，看起來十分濃味，其實唔算好濃，只係比較偏酸，長通粉口感硬左少少，味道普通。 環境坐得舒服，食物味道不俗。

一班舊朋友十幾人聚舊，預計會嘈到拆天，所以希望搵個地方包場玩得開心D。揀左一輪，決定揀銅鑼灣，就腳D，方便大家收工過黎。Café Zense有室內室外兩個area，我地15人包左室內場，係一張大枱圍住坐。佢既Party menu有兩種：Standard (平日$318/ 假日$358)、Deluxe (平日$398/ 假日$438)。我地揀左Standard，沙律、主菜連甜品共12款，另外派對特款任飲。三款任飲飲品。兩款沙律無咩特別。招牌芝士薯條超好味。薯條夠熱，芝士醬另上，夠多夠濃。蜜燒香草雞翼好好味，正！諗住幾好喎，d野食有驚喜喎！可惜…… 中段開始接唔住，d 野食開始咸……芝士葡汁焗雜菜，好咸，d菜亦好硬。泰式冬蔭功炒蜆，繼續咸，仲好辣。唔知大廚係咪聽到我地話咸，佢即時作出調整，跟住出場既醬燒美國豬肋骨，完全無味，仲好老好韌。菠菜芝士龍利魚卷叫做正正常常。意式茄薯煙辣腸雜菌長通粉，都ok。蛋黃忌廉汁煙肉意大利扁麵味道算係幾香，不過依舊稍咸。最後兩款甜品，先上伯爵紅茶奶凍，同行朋友覺得幾好味，但我個人就麻麻地。另一款甜品迷你雲呢拿泡芙伴焦糖醬有驚喜，勁大盆之餘仲好好味。叫做臨尾來個

年頭來食過到而家都無忘記呢度既SMOOTHIE, 因為真係好味。我係未搬前黎食的, 當時未知一定要BK位先有位, 自己WALK IN 黎, 還好有一張枱淨可以俾我地, 入面環境好舒適, 每張枱上都會放上一盆蘭花。除室內位, 亦有不少客人選擇坐室外的平台, 成班人傾計真係唔錯。除左SMOOTHIE好味, 呢度既食物質素都唔錯!即叫即整, 好好味!雖然$52都幾貴ALL DAY BREAKFAST 好足料, 朋友一個人食唔哂$128蛋黃忌廉汁煙肉意大利粉, 蛋黃忌廉汁好creamy, 睇落好簡單, 但味道就不一樣, $89香辣煙肉蘑菇意大利粉, 好惹味, 鍾意食辣同菇既朋友必點, $98最後因為傾耐左唔好意思, 所以再點左個炸魚薯條, 呢個最普通, 炸魚係茶餐廳方式黎炸$98當時我黎就無設限時同最低消費, 所以我地慢慢傾左成晚, 如果有限時都會想再去食多次, 至少為左杯SMOOTHIE, 本身都唔算平, 仲有最低消費就難攪d啦!

星期六帶肥髀去銅鑼灣搵食，四圍都好多人，唯有搵啲樓上舖，打電話店員話有位！上到去門口貼咗只招待會員！入內地方好舒服，淺木小圓枱加梳化！燈光昏暗！無播放音樂，仲有室外座位，好適合傾偈！到埗女店員帶我入座，仲同我講每人最低消費$150，我即刻打個突（因為電話度無講）我攞咗餐牌睇，我同肥髀好難食夠額！所以我想走嘅時候，女店員就話同我問下可唔可以唔計小朋友！最後無問題我先坐低！坐在一張小圓枱！餐牌食物西式為主！即叫即做！四色芝士煙肉火腿闊條麵（$85）賣相簡單！闊條麵有咬口，，白汁剛好包裹住麵！加大量煙肉碎、火腿碎、蘑菇片同爽脆洋蔥！不過啲汁太鹹！所說整體ok!芒果乳酪沙冰（$52）即叫即做，沙冰好挺身，芒果味唔假，酸酸地開胃！唔太甜好味！黑糖咖啡（$44）拉花唔突出，奶泡唔挺，咖啡偏甜，咖啡香味道易入口！不過唔夠熱！焦糖燉蛋（$48）賣相靚！食完麵仲可以加個甜品！份量幾大碗！焦糖脆，燉蛋幾滑味道偏甜！店員只有一男一女，所以要等下先有回應！店員有禮！其他客人唔會好嘈！坐得好舒服！食物唔錯，環境舒服！好適合傾偈！最後都食唔夠數（如果計埋肥髀要$150的話）

當晚朋友生日，我主動建議到這家cafe 慶祝，因之前一直有食開，覺得環境服務食物都OK，結果...在生日朋友到前，我預先放低蛋糕，為了給朋友一個surprise。到吃完所有食物，我襯去洗手間時，跟職員交代上蛋糕，但當時他並未有問我名或是甚麼蛋糕，我以為他們已在我交蛋糕時，填上姓名，或只有一個蛋糕。結果... 當晚有3張檯慶祝生日，他們完全攪不清蛋糕屬於那個客人，然後走過來問我生日的朋友，那個蛋糕是大的還是小的，那時真的很尷尬，而我的朋友亦開玩笑說，他真的很surprise，這方面我覺得職員是可以處理得更好的。然後到了差不多埋單時，由一位短頭髮女侍應負責，我不知道她剛好跟同事吵架，月經到，還是太多碗碟要趕在關門前洗完的關係，面口態度差到一個點，她沒有說話，只是一直黑面，帳單連盤都是掉到檯上，我們完全不知發生甚麼事，而其中一個朋友還撃，臨走前掉回帳單盤給她。我們order 了的食物有...香芋飲品: 嫌香芋味不足，亦太甜 (臨走前朋友再點多一杯香芋，強調不要太甜，朋友評價還不錯)豆腐沙冰:不過不失，飲到最後有點飽，哈哈~2個意粉: 1個三文魚意粉 (汁OK，意粉略硬了一點) 1個Carbo

因為實在太久沒和這朋友聊天了~所以晚上時間也去了一家Cafe，這家是朋友介紹的喔大概是因為星期六的關係，每人最低消費要$150~也有時限!! 朋友說這裡的話一家要點朱古力類飲品！！Ferrero Rocher Chocolate ($52) & Rocky Road Chocolate ($48)朱古力味道的超濃~但又不會苦得難以入口~倒是飲到最尾覺得甜得有點膩。因為不算太餓，於是決定點一份意粉和一份小食Share ! Penne with Chicken & Mixed Mushroom in Cream Sauce ($98)若沒看錯的話，這裡有各式各樣的意粉~就是沒有飯。長通粉煮得比較硬身點~忌廉汁很濃稠，吃起來惹味十足；雞肉很也嫩口，還有做過調味，增添了整道菜式的味道Buffalo Wings ($68) 正常的辣度是有的。但隨後的味道卻是超鹹Orz跟平時吃開會帶酸甜味的不同。最後要用沙律醬伴在一起吃來平衡一下！！時間差不多，店員告知我們還欠少少先到最低消費 (之後我計過每人大約差$3.7)因為時間根本不多的關係，只好點了杯 Lime Soda ($40) 用來沖淡一下那些太濃

同fd子兩個人想吹下水hea下，去番以前黎過嘅cafe zense門口寫住for members only，其實唔使理直接入去就得😁唔係太肚餓嗌咗兩樣野share完全夠飽嗌咗個set lunch有沙律，煙鴨胸扁意粉，加餐飲（熱檸茶）$88本身for一人份量，但份量足，share都絕對夠食，意粉挺身彈牙，味道唔差再嗌咗個回頭率極高嘅cheesy fries,新鮮炸起嘅薯條加上特濃芝士醬，因為佢成日都會想黎多次而且份量絕對對得起五十幾蚊呢個價自己再嗌咗杯oreo曲奇豆腐沙冰，味道ok豆腐味濃，但一杯五十幾蚊會expect佢有特色少少如雪糕球or cream無可否認，樓上cafe黎講，佢係一絕嘅選擇，食個lunch坐成個晏晝，而且比較隱蔽唔多人，侍應亦唔會比壓力你吹你走咁款，環境舒服，肯定會再黎，希望keep到水準，但替佢地收入感到擔憂😂ps:有靚靚室外位，好似空中花園咁，秋冬絕對煞食

開12點..我12點15分已經去到...去到見到冇人...我以為未見..~嗌左個lunch set....有得嗌湯或沙津....我就嗌左湯.....忌廉蘑菇湯好多蘑菇，重黑松露味.....多士好脆....------------------------------之後到MAINS..嗌左美國安格斯牛肉漢堡配車打芝士醬+ 香辣薯條 + 椰菜絲沙津.好大份...大份得好緊要....牛肉半生熟...配左車打芝士醬....再加羅馬生菜係入面......隻薯條好味..但其實一D辣都冇....佢個口感係以前【哈迪斯】咪有隻薯條係圈圈形既...【哈迪斯】咪炸到乾哂既...佢就係果種口感喇..但呢間就係出面脆...入面腍既...同埋你唔會食到乾"憎"憎"既..我覺得幾好.....p.s)整體其實都OK既..建議女仔可以SHARE...唔係會食唔哂....------------------------------再嗌左杯 【荔枝薑蜜】喜歡的，因為我鐘意重薑味而又唔太甜......------------------------------同行友人就嗌左杯【胎菊花茶】帶苦就算想落左honey...都好似