Café Sausalito

营业中

休息中

周六又係嘆口好咖啡的時候，SAUSALITO 裝修過後色調柔和，有raw的感覺，好喜歡他們雲石拼砌的枱面，還有送餐標記的雲石方塊，他們的特色。咖啡當然是這兒的靈魂，品了一口Flat White 幼滑，奶味濃郁，口感順滑，很好的咖啡。Latte 是友人的至愛，泡沫豐盈綿密，好。Avo Cream Cheese Bagel 牛油果忌廉芝士麵包圈🥯口感豐富，bagel 的質感夠煙韌，外皮有嚼勁，內裏鬆軟，配上我們喜愛的牛油果忌廉芝士，配上好咖啡，開心了一個下午。

今日同朋友去南昌公園睇黃花風鈴木，之後就決定去大南街搵食！之前已經試過好多大南街嘅咖啡店，一路好想試呢間，今日終於有機會！環境就唔使講，好chill，適合同朋友坐低傾吓計，輕鬆一下，門口有打卡位。見啲人通常介紹全日早餐，就試吓啦，再加個Flat White。全日早餐用料好足，食物又新鮮，沙律都唔錯。我本身唔特別鍾意食bagel，但係呢度嘅bagel，焗得好香，外脆內軟，真係唔錯，好食過好多麵包舖。我朋友就嗌左個爆芝牛肉bagel，再加杯熱朱古力，佢都話唔錯。總括來講，如果想食得light啲，呢度係唔錯嘅選擇，咖啡都好出色。

星期六同屋企人去下深水埗行吓之前已經經過依間舖頭想食但係排唔到隊☹️☹️今次終於可以食到啦😆💕上網見到佢哋嘅爆芝士牛肉貝果好多人都推薦身為貝果lover嘅我一定要try try💛超足料 好多多芝士！個包上面好多芝士 令到成個包更香口！無令人失望！☺️另外點咗兩份多士，分別係無花果同芝士雜菌 無花果配風乾火腿口感豐富 而且無花果好新鮮好甜💕咖啡☕️方面我自己點咗一杯fat white 佢地嘅綜合豆唔算苦同太深烘焙 適合唔鍾意濃味道嘅朋友！拉花都可以睇到佢地嘅心思💛 有機會會再去！☺️

深水埗小小咖啡店💛完全是被bagel吸引而去的文青咖啡店整間小店都是以水泥牆為主題，面積雖小，但也很吸睛分有室內外的座位，個人建議室內的位置較好 ，不然遇到清潔姐姐洗街真的很尷尬∑(ﾟДﾟ)是次的點單為: ✮ 美式早餐✮ 忌廉燒汁牛肉意粉✮ Mint Mocha✮ Mocha美式早餐的bagel真的沒有讓我失望，面層和底層都煎到有香脆的咬感，煎蛋也是滑滑的 忌廉燒汁牛肉意粉也確實不錯，意粉汁的份量適中，很入味Mint Mocha比Mocha甜，比預想中薄荷味的比例不算太高，相對之下，Mocha偏苦消費:$270左右(2人)CP值:✮ ✮ 交通:✮ ✮ ✮ 環境:✮ ✮ ✮ 食物:✮ ✮ ✮

以工業風設計的咖啡店 Café Sausalito 位於深水埗大南街201號地舖，今次到訪就點了兩款人氣食物「爆芝牛肉麵包圈」及「朱古力咖啡」。 先說說爆芝牛肉麵包圈（HK$65），其牛肉份量頗大且多汁入味，但略嫌有些少油膩，亦因如此麵包變得油淋淋。麵包圈一共有兩款不同的芝士配搭，咸香惹味。另外的朱古力咖啡（HK$42）則正正常常，就是普通的混合了朱古力的咖啡。啡店另設有素食可供選擇。整體來說，表現不過不失，如果麵包少些油及較為烘乾身會較好！！！

深水埗一帶近期開咗好多咖啡室，很早已經坐滿客人，我唔想排隊所以逛下逛下去咗大南街的Cafe Sausalito，一個小海灣的名字，佢哋在這區可說是咖啡店的鼻祖。Figgin’ Toast 無花果風乾火腿多士$65，這個多士很不錯，有着超多的火箭菜、甘香的風乾火腿和甜美的無花果，底層的麵包烘得外脆內軟，質感非常之好，之後灑上少少黑胡椒和橄欖油，一份很好的早午餐。Cafe Sausalito 的Flat White 真係做得不錯，很幼滑，而且個咖啡杯的顏色給人鮮明的感覺，配合之前北歐feel的裝修，簡潔明亮。我特別喜歡他們的枱，用上不同的石塊砌出，整個風格給人舒適的感覺，可以慢慢嘆喜歡的咖啡和食物。

服務態度勁惡劣。。。進入店內時叫個女服務員執枱，佢勁晦氣，大大聲聲、粗聲粗氣，完全趕客嘅態度。另外，俾錢時又重複收錢，仍未知啲錢幾時退還到信用卡。我們只坐了40多分鐘，又係果個女服務員過嚟同我哋講已經超過90分鐘，叫我哋走。。。總之，差到無倫。本想搵間咖啡店休息一下，結果，換來這樣不愉快的經歷。浪費時間，一肚氣！！！我已向店員反映事件，幸好有一名男店員耐心聆聽，態度有禮地回應我。絕對唔會有下一次。

各位新年快樂🥰今日同大家介紹一間係深水埗既cafe圖2️⃣牛油果忌廉芝士麵包圈$62👉🏻 牛油果嘅份量好多，係鋪滿整個麵包，同忌廉芝士配搭埋一齊，好夾👍🏻圖3️⃣秘制蕃茄醬烤蝦意粉$92👉🏻個意粉酸酸地，好開胃，蝦唔算特別突出，有少少雪藏味，但整體來講都幾好圖4️⃣tiramisu $55👉🏻最有驚喜係呢個，識落好滑，又唔會太甜，同埋都好適合打卡圖5️⃣burnt cheesecake $55👉🏻 食落芝士味好濃，但係食得多會有少少濟，如果同人哋share就更加好啦圖6️⃣抹茶鮮奶$48👉🏻分量偏少，味道正常，抹茶味都濃💁🏻‍♀️總括嚟講，都係一間好有誠意嘅小店，所有食物來講質素都偏高，好適合假日去打下卡同朋友一齊Hea下🤣🤣👍🏻👍🏻👍🏻👍🏻

地方細 要排隊大概等左二十分鐘入面地方好窄 枱好細 坐得唔係太舒服如果諗住好chill坐低hea下同朋友傾下計絕對唔好諗呢度叫左兩個main 兩杯野飲想放多兩個碟仔share野食已經要格硬黎食物方面普通 bagel唔係太好食 叫左爆芝牛肉bagel唔係煙韌回彈 又唔係脆 有啲乾硬餡料唔多 冇爆芝 叫返芝士牛肉會貼切啲無謂令人有落差意粉外賣唔吸引 味道普通mint mocha 薄荷味唔特出 冇乜朱古力香 甜左啲食物冇特別賣相打卡 環境冇特別靚 味道又冇特別好搵唔到要特登黎嘅賣點

早聞深水埗區一帶充滿文青風味, 書店, 舊黑膠唱片等商店林立, 當然少不了充滿文清風味的cafe😋 今天我就去咗Café Sausalito食brunch該店在大南街中間, 兩旁都有一些充滿個性的舖頭, 而本身佢嘅門面並唔算大 但入到去就發覺別有洞天; 門口有幾個座位可以對住馬路坐 喝杯咖啡慢活一下 經過長長的走廊 入面還有一些座位 而裝修偏向歐陸風 木造家具和水泥牆形成很大對比 非常有個性食物方面, 佢哋選擇唔算好多, 主打all day breakfast, bagels 和 pasta; Golden Gate Breakfast配有沙律菜, 煙肉, 半份bagel連牛油, 德國香腸, 蘑菇和雞蛋 本身賣相固然吸引, 食落各方面水準都好平衡 尤其是個bagel🥯, 塗上牛油後再加上本身嘅芝麻非常香口 麵包質地剛好; 但食完都唔覺得滯 仲可以繼續食甜品Off the menu佢哋有tiramisu, 正是本人大愛😍 佢唔會整到好甜 唔會覺得膩 但可能因為落少咗rum酒 味覺衝擊並冇預期中強烈, 個人喜好始終比較懷念意大利時食到嘅地道風味咖啡方面點咗cappuccino, 比較fr

新年終於收爐啦~ 放假第一日, 嚟到深水埗就試左呢間餐廳~~~咖啡 Dirty $46咖啡同奶既比例不錯有咖啡微酸風味，亦有奶香Dirty係熱咖啡做base，加入冰凍鮮奶，入口時冷、熱無調和，所以口感好特別，既嚐到熱咖啡口感，亦有冰凍牛奶既口感。唯一不足之處係Dirty上枱時，咖啡同奶並無層次，兩者已經混和，賣相一般Golden Gate Breakfast  $96先讚個Bagel有烘體，入口有些微焦香，同埋芝麻香味，加Sour Cream味道不錯。沙律水準正常，新鮮香甜，食到EVO特有橄欖油既醇厚口感。煙肉、香腸水準正常，不過不失，略嫌香腸煎得不夠焦香。菇有些少undercooked，而且調味不足。炒蛋有輕微生熟不均情況，面係嫩滑，底較熟。

其實Cafe Sausalito已經喺深水埗開咗好耐，並唔係一間新興嘅coffee shop，只不過佢哋以前嘅風格係比較美國小鎮feel (cause apparently Sausalito is a small town in the states!) 只不過係之後裝修咗令到佢變咗一間比較文青嘅咖啡店。All day breakfast and beef bagel 一如以往嘅好食。推薦！無奶咖啡來講亦都建議飲佢哋嘅 cucumberano，非常特別

《廢物女孩👭食の覺醒》#深水埗篇💩·🍴Phillycheese Steak Bagel HKD 65Bagel係all in one bagel 焗到外脆內軟！🥯 係真係食落口有齊兩個口感😂 上下兩邊有兩種芝士 打開就見到好多肉😍牛有好香既燒烤汁味 每塊都岩岩好 幾嫩🐮一開始食都幾惹味既 但食食下就有小小咸(本身💩都幾重口味)另外就係洋蔥碎可以多啲就更開心🙈🍴Bloody Mary Shrimp Pasta HKD 92蕃茄醬帶微微辣味 意粉硬度適中🍝食個陣仲會夾雜住小小蕃茄蓉🍅😋蝦既份量都算多 有5隻😂而且都係爽口既🙆🏻‍♀️🍴Mint Mocha HKD 48拉花加分❤️成杯都好滑 但咖啡有小小被薄荷味蓋過左🌿如果想試呢個又怕唔夠醒神 都可以+hkd 5加多shot☕️

知道最近深水埗區開了很多文青店舖及cafe， 所以便趁假期 立即和朋友去嘗試🤓， 我們逛了一會文青店舖，之後便去chill一下，最終選擇了 sausalito cafe, 我們坐門口位置，感覺都很舒適，我們都各自選擇了自己喜歡的咖啡，我選擇叫了一杯latte, 滿心歡喜一試....... 簡直超級失望😣, 從未飲過如此難飲的咖啡，㇐杯latte都可以咁難飲🤦‍♀️，最終只飲了半杯便放棄，真係飲唔落口，失望，沒有下次！

在深水埗附近經過，試下找有冇好味的抹茶鮮奶，上open rice網 見到這店，評價都不錯，就勇敢試下。舖裝修不錯，文青路線，可惜窄小一點，少許壓迫感。叫了杯抹茶鲜奶，質感滑，有綠茶味，不苦，幾好味!另外要了一件tiramisu cake意大利咖啡蛋糕,正方式的，看來沒有特別的樣子，但食一口後，幾香意大利咖啡味，只是少許蛋糕部分不夠軟滑，奶油香滑，比例算幾好，總結它是幾好味的!个年青收銀員，有礼!值得讚!