Cafe Paradise (杏花邨) (已結業)

今日同老婆經過，比呢間cafe既裝潢設計吸引住🥰因為我本身係好仲意藍色系列既設計💙呢到真係有好多打卡位 仲好多食物飲料款式選擇！我地叫左個香脆豬手配蜜糖燒汁、小食拼盤同黑椒雞脾肉飯三樣野我覺得係份量方面真係好足，而且賣相都好靚，岩哂我影相同打卡！個豬手真係好香好脆，個味道都好夠，食落口啲肉好嫩，外脆內軟！個口感好夾好出色！雞肉都一樣夠哂嫩滑，配埋個黑椒汁真係好正啊！食飽左仲可以慢慢係啲打卡位影下相，未飽既話仲可以試下呢到啲甜品🍮😍

講番前幾日同我既另一半去左間好靚好好童話既既餐廳食飯,特登問朋友介紹既,實際上都好好,仲要唔係得個樣,野食都好好食添!呢餐飯我地食得好開心.餐廳食既野主要係西式既常餐. 我地叫左 Pizza,意粉,牛扒,薯角,講佢既牛扒先啦啦~,個名叫石燒美國頂級穀飼牛扒,賣相已經好吸引食落去仲好多汁,仲唔會好難咬,好正,到佢既pizza 燒得岩岩好,唔會過左隆,配料新鮮,仲有個意粉,好靚好有心思,好會太漏,烟三文魚好好味, 最後,個薯角唔會差得去邊啦,仲要個心好軟,正呀!

三文魚黑松露海蝦闊條麵+卡邦尼意粉+Pizza🧚‍♂️ 三文魚黑松露海蝦闊條麵熱衷於寬條麵嘅我見到有呢款主食，係必定會嗌的！🧞‍♂️🧞‍♂️首先賣相好好，擺盆有用心，三文魚卷到好似花咁擺係麵的頂部，側邊仲有顏色相襯的海蝦。味口都唔錯，寬條麵的口感好好🧞‍♂️ 卡邦尼意粉🧛‍♂️意粉軟硬度適中，有小小嚼口，配料有煙肉、蘑菇等等，味道都比較濃郁。夏威夷PizzaPizza有好多芝士！雖然尺寸不大，但係味道不錯！🧝‍♂️咬落口，濃濃的cheese、菠蘿、火腿等等，pizza底部是比較脆的，所以口感幾正夾埋上面軟軟的料🧚‍♂️

又黎café paradise了，我認為呢間係杏花村性價比比較高的餐廳。今次黎嗌咗鐵板黑椒一口雞脾肉飯 、草莓乳酸特飲 、 四色雞翼 同埋 夏威夷Pizza。 -🥢鐵板黑椒一口雞脾肉飯鐵板雞脾肉飯好香，上台後倒d黑椒汁落去，即時吱吱聲，香氣十足！味道好正，濃香的芝士和黑椒汁，唔會好辣，煎過的雞肉又香又脆！ -🥢夏威夷pizza夏威夷pizza啲芝士好多，食落滿口的芝士味，加埋菠蘿的味道，芝士多得黎又唔會太膩。 🍹草莓乳酸特飲食完野飲杯草莓乳酸特飲，好舒服，酸酸甜甜好清新開胃，又唔會太甜

西餐之日 俾門口既旋轉木馬吸引左 我哋坐得好近旋轉木馬模型🎠 當然就會係到打卡影相 📸鐵板黑椒雞脾肉飯唔好以為啲雞肉會好鞋 但其實佢好嫩滑 佢用左雞脾肉 而且去曬骨 好方便我地進食 黑椒都好入味 做得剛剛好煙三文魚黑松露海蝦意粉🦐🍝用料唔吝嗇 有3－4片煙三文魚 海蝦非常爽口 我幾中意食佢既寬濶面 煮到剛剛好 唔好太淋or太硬 又掛到曬所以黑松露既汁夏威夷pizza🥘叫左個普通pizza 又try下啦 pizza底屬於厚底 因為食唔曬 我地打包反屋企後 依然可以保持到水準 值得讚四式雞翼拼盤雞翼控 當然乜味都想試 只好叫拼盤 秘製咖哩 蜜糖烤 水牛城 蒜香 4款都各有千秋

一見到steak menu中間，寫住大大既“$78 200g 美國頂級穀飼牛肩胛肉眼扒”，即時眼冒心心，咁抵食，有咩理由唔嗌番份試下阿！仲可以配飯或者意粉等等，跟餐有薯條！熱石牛扒近年真係好hit，但佢咁多人食都絕無道理。上台既時候香噴噴，睇住高溫石板上既牛肩胛肉眼扒升起d煙霧，加埋熱到d牛扒灑灑聲，成個感覺好享受。加之最好既就係，熱石牛可以自由選擇生熟度，我地想幾多成熟都得，自己話曬事！有兩款醬汁跟，有燒汁同埋蒜汁，個人鐘意燒汁多d。 

今日同個好耐無見既朋友兩個出去食個lunch，之後經過一間傳聞好好食嘅餐廳就係呢間paradise 。兩個麻甩佬入去呢間咁童話嘅餐廳食嘢好似有啲奇怪，但係一日之計在於lunch， 冇理由食啲唔好食嘅嘢嫁嗎，所以就去試吓呢間。咁我就叫咗杯咖啡cappuccino 飲落去好香醇同好滑，人手沖真係唔同D嘅。之後我哋叫咗個鰻魚拉絲同一個卡邦尼意粉仲有四個唔同味嘅雞翼，四個唔同味今日幾特別幾好食㗎，佢個意粉唔會好流好多cream，食完仲可以食個pizza，好有創意呢個Pizza真係可以拉斯錦麗啲芝士好多好好味有時唔一定即係完全咁麻甩嘅，都可以試吓呢啲女仔野嘅，真係唔錯的確有女朋友嘅可以帶佢嚟食啦。

今日我約左朋友去左杏花新城, 行街買野, 行左陣見有啲攰, 想搵個地方坐低吹下水。 咁岩經過地下有間好有特式嘅咖啡店, 於是同朋友就決定去呢間Cafe Paradise醫肚餓🤤。先講講佢環境先, 非常之靚,有個旋轉木馬, 仲可以坐係南瓜車享受美食, 打卡真係一流。 食物方便面都好高質, 我地點左藍梅梳打, 卡邦尼意粉 石燒美國肉眼扒 曼魚拉絲薄餅 先講講個卡邦尼意粉, 白汁整得好香好濃, 又掛到係啲意粉到, 好出色!! 個曼魚拉絲薄餅, 非常鬆軟 ,芝士配搭上 好惹味, 藍莓梳打, 建議搞搞佢再飲, 藍梅味同梳打,飲落去好爽快, 最後緊係要推介個石燒美國肉眼扒!!! 牛味好足, 咬落去仲好多汁, 石燒可以自己調較熟成度 ,我自己就非常推薦呢間有靚有好味嘅店舖!!

係杏花村我有一間非常推薦嘅店舖 佢裝修靚 食物有夠多樣 味道仲好好 好正 呢間就係Cafe paradisa🥳呢間店舖有好多好有特色嘅食物同飲品 今次我來就叫左個卡邦尼意粉 草莓乳酸特飲 同 石燒美國穀飼牛肩胛肉眼扒 個下個特飲 佢酸酸甜甜又幾開胃 加上佢有淡淡草莓香 飲落個草莓味加乳酸就更加正 之後來左個卡邦尼意粉 卡邦尼意粉嗰擺盤好靚 啲汁都好濃郁 非常順口 最後最期待緊係個 石燒牛啦 牛嘅味道好好 熱石又可以長期Keep到個溫度 肉質夠淋 呢間店我真係非常推薦 杏花村必去嘅店舖

星期六放工已經係下午茶同晚餐的中間~因為未食晏所以就叫d飽肚的野食叫左個黑松露雜菌pizza、黑松露薯條同蒜香雞翼黑森林窩夫仲叫左最鐘意的飲品chocolate paradise 雪糕係movenpick呢度decoration幾像一個遊樂園﹑好有童話feel...幾岩同小朋友來或三五知己來傾下計~而且食物價錢唔貴。，。可以試多款唔同的食品。。。静静地gathering下。真心覺得唔錯。。。。。。。。

呢間cafe 真係好多野食選擇！平時去開都係小食、飯麵同飲品呢間仲會有鐵板燒、漢堡包、All day breakfast 、各種唔同類型飯麵同pizza🍴仲有好多飲料款式的同甜品比你簡👍🏼真係未見過cafe會有咁多選擇！而且呢到既下午茶好抵食！仲會有埋學生餐同兒童餐！到左夜晚都會有二人餐，所以我覺得呢到既消費都唔會貴、呢到既環境好夢幻好親切！無論係主菜定小食，我覺得味道同賣相都唔錯👍🏼薯角炸得又脆得又香,配千島醬真係好好食,仲有個飯同D汁都好好食👍🏼我覺得呢到無論係一家大細定同朋友、情侶，都一樣好適合！

帶住個小朋友緊係去親子餐廳，早排上網介紹港島區有咩親子餐廳就見到介紹呢間，呢到有個大型旋轉木馬，童真feel馬上up up，全店用左藍白色做主題，又播住輕快嘅音樂，比人感覺好舒服，食都食得開心d。田園沙律及餐湯沙律新鮮爽口，份量多，加上胡麻醬酸酸甜甜，另外餐湯係粟米雞蓉湯，粟米香甜濃郁。白咖哩香茅豬扒飯豬扒有2塊，醃得好入味，加上香濃白咖哩好惹味。6分厚切西冷牛扒配燒汁牛扒無得揀熟度，但肉質軟林，唔會有筋 旁邊的薯角炸得香脆可口，配菜都焗得好多汁。

👍🏻環境:裝修得很美麗的咖啡店，打卡一流喔，店內有很多公仔，又有花車及旋轉木馬，以藍白色作主題很夢幻。👍🏻服務:侍應態度有善，不繁忙時段黎，侍應會儘量俾打卡位顧客選擇。食物[👍🏻小食拼盤$78]推薦脆炸三角芝士好好味，有十分濃郁既芝士味；咖哩角不錯放久了還是脆；薯角就比較普通；雞翼全部都很好食，最好趁熱食更美味。[👍🏻卡邦尼意粉$63]蛋漿很出淡淡蛋味，口感十分香滑，味道也濃郁，意粉煮得剛剛好，意粉彈口有嚼勁。[👌🏻芝士奄列黑椒牛肉飯$69]跟pepper lunch很樣似，充滿鐵板的味道，唯獨醬汁方面不一樣，但整體份量較多，啱曬大食人士。

今日阿女去杏花邨面試，臨出發去面試前我地係附近食個午餐，阿女見到呢間餐廳有個大型旋轉木馬我地就入去。 蟹籽海鮮忌廉汁烏冬 $58起多蟹籽，我最中意就係蟹籽，蟹籽新鮮，粒粒爽卜卜，海鮮有蝦，蜆，魷魚等，烏冬沾滿creamy 嘅忌廉汁，多重享受。和風豚肉鐵板飯 $58一上枱熱辣辣芝芝聲，豚肉片好嫩滑，加上燒汁十分惹味。橙汁雜飲 +10老公話童年回憶一定要叫，同細個一樣味道。心太軟配雲尼拿雪糕朱古力唔太甜，切開朱古力漿湧出黎配上雪糕一流。

裝修好夢幻，有中size旋轉木馬😱、南瓜車、成間以淺藍色為主😍好靚，環境好吸引我🥰依個價錢絕對接受🥰-1️⃣拿破倫辣肉腸意大利粉 $73⭐️⭐️⭐️就係蕃茄意粉+辣肉腸，不過蕃茄都唔淡，調味岩岩好，加埋辣肉腸吊味，都不錯/2️⃣龍蝦汁海鮮意大利飯 $83⭐️⭐️⭐️⭐️質感做得幾完美，真係糊仔咁漿口🤣海鮮有青口同蝦，龍蝦汁味就唔太岀，不過反而有鮮味！/3️⃣小食拼盤 $78(咖喱雞翼、蜜糖烤雞翼、水牛城雞翼、蒜香雞翼、炸薯角、炸三角芝士、咖哩角)⭐️⭐️⭐️除左有依個小食拼盤，佢仲有個大食拼盤，但其實小食既份量都已經好多，有好多款雞翼！最好食我就覺得係蜜糖烤雞翼，至於炸三角芝士都係我杯茶，一食就爆芝😍/4️⃣焦糖鮮奶 $39⭐️⭐️⭐️5️⃣玫瑰鮮奶 $39⭐️⭐️⭐️⭐️焦糖既關係，都幾甜，我唔中意太甜所以就覺得玫瑰好飲啲，玫瑰飲落冇乜玫瑰味，但就清小小-環境：9/10服務：7/10好味指數：8/10回頭率：8/10