Cafe Paradise (砵蘭街) (已結業)

之前有去過呢間食佢既意粉,今次再去仲多左個石燒牛既menu.價值都合理喎!.1️⃣石燒法式羊架(2 Bones) $138係熱石上有兩件羊架,上台既時候係半生熟,要再煎多陣先~羊肉唔羶,亦都算腍身.都唔錯喎!另外仲有配薯角,所以都算飽既.2️⃣芝士焗龍蝦拼牛小排(半份) $238呢個牛小排份量就細左D,男仔食就未必夠喇.不過牛小排味道都唔錯,肉味幾香.而我幾鍾意佢既芝士焗龍蝦~爽口,而且上面仲鋪左沙律醬同芝士!好香口!.呢間野味道都唔錯,唯一就係份量可以多少少就仲正!

去太子附近行街，見到間外觀唔錯的café,見open rice 評語幾好，就試下啦。我地見到羊膝比較特別，所以叫左個巴黎式紅酒慢煮紐西蘭羊膝，又見石燒好似幾特別，所以叫左石燒牛肩胛肉眼扒。先講石燒肉眼扒，好好好味丫！石燒又有特式，上菜時塊扒好似好生咁，不過在個石燒上面，肉眼扒慢慢就熟熟地，我地先諗起唔怪得侍應無問我牛要幾成熟。牛肉質好正丫，汁係另上，因為侍應提左唔好淋上石板上。不過，內心有點點擔心係唔係要快啲食，怕佢好快熟曬。薯條就一般啦。另外，羊膝方面，朋友就幾鍾意，因為佢鍾意羊的臊味，羊膝份量大，伴有肥膏，味道是可以的。不過，如果要比較，我個人覺得牛好味好多。餐湯是南瓜湯，偏甜，沙律好普通，反而個甜品芝麻味雪糕唔錯哦。

一間舖最緊要有最靈魂嘅美食，對我來講呢一間嘅靈魂就係水牛城雞翼，雖然我都未食過其他好多嘅菜式，但係呢一個係第一次食已經捉住咗我嘅胃！好食在佢唔係得個醬係水牛城，佢個外皮係脆脆地嘅，再加埋水牛城醬汁就好似咕嚕雞球嘅感覺，酸甜又香脆，令人好想食好多隻，諗起都流口水。由飲過湯開始就已經對間餐廳有一個第一印象，餐湯都係非常之高質，味道好濃郁，好啱我胃口，另外個餐都有埋沙律，可以食少少菜。主食我哋就叫咗芝士焗波士頓龍蝦配牛小扒，呢度幾好係佢可以叫半分，即係半隻龍蝦，雖然都有啲細份，但價錢可以平少少都好呀，兩個人食比較方便。個人覺得龍蝦上面嘅芝士同龍蝦肉好夾，另外龍蝦都有啲蝦子🦐牛小排個人就覺得有少少失色，因為根有一啲啲多，食落去有啲難咬。跟餐仲有甜品送，一個白色嘅雪糕送上嚟，本來仲以為係最大路嘅雲呢拿味，點知又有驚喜喎，原來係豆腐味呀，味道清新解膩，正！

太子呢間西餐日日都好多人排，即使係呢啲時勢，入到店內店家好似同好多人都好熟，似係熟客食完返黎再幫襯！我地點左個半份既芝士焗龍蝦配牛小排🥰呢個擺盤幾靚～ 半邊龍蝦面上佈滿左芝士🤤隻龍蝦仲有蝦子，肉質都夠實，但有少少咸～牛小排雖然order左7成熟，但對我黎講都太生了😂 薯蓉有調過味～好食🤤之後係水牛城雞翼，有驚喜啵又！ 外皮脆口，嫩滑多汁！ 少少辣，我同朋友都好鐘意呢款🥰加左15蚊轉左個芒果沙冰🤤🤤 好好飲最後個甜品係豆腐味既雪糕！值得再黎食～

係openrice碌碌下見到cafe paradise有石燒牛排食，仲要只係$78咋！星期五晚好采book左枱，如果唔係就有排等位～我地就試左最平既美國頂級穀飼牛肩胛肉眼扒，仲有其他唔同價錢既選擇，都係百幾蚊！加30蚊可以轉套餐，有齊沙律，湯，野飲同甜品！石燒牛上枱果陣勁香，一成熟左右，自己cut開一條條煎到岩心水就食得～雖然只係$78，又出奇地好食，好淋又無根，牛味好濃！仲有薯角跟架，好脆好好食！

天堂CAFE，這是不是天堂，我不知道，但我肯定這裡是石燒的天堂！進餐廳以後，我發現差不多每檯都有叫石燒，嚇得我差點以為我去了吃石燒的專門店，哈哈人是群體動物，那我當然要保持隊形，所以我也點了石燒美國頂級穀飼牛肩胛肉眼扒，加了套餐，再加了小吃。石燒美國頂級穀飼牛肩胛肉眼扒　（７８元）（＋３０套餐有餐湯，沙律，甜點，飲品）首先是餐湯，今天的是蘑茹湯，還沒吃就已經聞到濃濃的蘑茹味，吃了以後更是滿口蘑茹味，但對於不喜歡蘑茹味的人可能是惡夢，但我覺得不錯，也很好吃！之後是沙律，份量挺多的，有不同的菜，沒研究所以說不出是什麼菜，但加了胡麻醬的話就不會不好吃！而且也很開胃！然後是飲品，我沒有加錢要特飲，所以叫了英式奶茶，店員也很好人的提醒英式奶茶不會太濃。送到上來，是奶和糖分開上的，可以自由配搭份量，我就當然奶全加了，再落一點糖，喝起來沒港式的濃味，也沒台式的甜，但真的淡淡的奶茶，有點清新的感覺！終於都到主角了石燒美國頂級穀飼牛肩胛肉眼扒，石板有用紙圍了一下，這個好評！石板真的很熱，牛肉放了一段時間後一定要先翻面再慢慢切，以免有一邊太熟了。牛肉送來的時候差不多是只有１成熟，所以看個人喜好再慢慢調整為

一入餐廳環境唔錯，幾有格調，仲會有大大隻Pepe公仔😍！同埋服務員都好有水準，招呼得好周到，會好詳細講解每一樣野，啲菜又上得快，好抵讚！😊😊我哋嗌左兩個set，每個set都會跟餐湯、沙律、飲品同埋甜品。🔻是日餐湯：薯仔煙肉忌廉湯🔻個湯夠creamy，煙肉味好香，忌廉湯幼滑，一啲都唔馬虎👍🏻🔻石燒牛肩胛肉眼扒 200g🔻塊肉眼扒好厚好正啊👍🏻！肉質唔錯😋，只係部分比較多筋位。好鍾意佢上碟個陣只有3成熟，咁就唔會出現熟過龍嘅情況🤩，而且share食都可以調節到唔同人既口味🤭！又可以有個少少烹調嘅體驗，正呀😂！🔻黑松露野菌意大利飯🔻呢個飯係set Menu冇嘅，不過都可以加錢轉做set👍🏻👍🏻！味道唔錯，黑松露味夠香，而且重忌廉，都算係比較軟身嘅意大利飯，同埋都幾多菇，如果share😚會較好，唔怕漏之餘仲可以食多2樣嘢！🔻甜品🔻跟餐嘅甜品係曲奇雪糕🍨，冇乜特別。其中一個跟餐甜品我哋加咗$25轉做心太軟🥰，雪糕係好香嘅雲呢拿味，好好味呀😋，真係好啱做飯後甜品！如果個朱古力流心可以再勁的不得了😝。

今日早放工所以就出去旺角烘培店買下野整麵包同去cafe paradise食個晚餐😋😋呢度的黑松露薯條🍟的黑松露磨醬真係冇得頂，係我食過最好食的💕本身想order個美國安格斯熱石牛，但冇貨~所以就選左個軟殼蟹🦀龍蝦汁🦞天使麵🥰🥰醬汁有🦞味配埋意粉🍝好惹味Angel Hair係意粉類中我的favorite ~已經好耐冇食😋而家食返十分回味再來杯特飲chocolate paradise 🍫

這間餐廳幾乎全場人士也光顧石燒系列轉套餐只需加$30便可有餐湯、沙律、餐飲及甜品還可再加錢升級飲品及甜品石燒美國頂級穀飼牛肩胛肉眼扒 - $78肩胛牛味最為濃厚，肉眼位置的油花遍佈而脂肪散佈，中心紋理細緻外側的肉質較為鬆散，油脂也較多，燒起特別軟腍加上邊位帶筋，吃起來更有嚼勁辣辣芝麻雞翼 - $52雞翼外皮金黃酥脆，咬開內裡藏著雪白嫩滑的雞肉充滿烘香過的芝麻味和惹味的微辣朱古力心太軟配雲呢拿雪糕 - 加配$25香濃的朱古力蛋糕加上流心的朱古力漿熱騰騰的口感再配上一球冰凍的雪糕令人非常滿足是日餐湯 – 忌廉湯濃郁的忌廉味，口感幼滑順口，很creamy還有些薯仔蓉增加口感沙律冰凍的胡麻醬沙律，清新醒胃餐飲 – 凍檸水另配糖水自行調節甜度

卡邦尼意大利粉入口有蛋香，鹹香同芝士香，意粉軟硬適中，每條意粉都沾滿蛋漿，口感滑溜creamy，濃而不膩，香口惹味。美式BBQ 豬排骨排骨份量十足！夠晒入味，肉質軟腍彈牙，BBQ醬增添風味，味道層次豐富，滋味無窮。薯角色澤金黃，外酥脆內鬆軟，好香口。是日蛋糕食完正餐梗係要食番個甜品先叫完美！是日蛋糕係千層蛋糕呀！每一層餅皮薄又細緻，同絲滑嘅cream融為一體，入口柔軟香滑有層次，口感濕潤，甜而不膩。

今次去左太子Cafe Paradise食好東西，餐廳裝修風格走童話式，以白色為主調，有點似歐陸式設計，環境舒適，幾適合約一兩個朋友聚聚舊，地方唔大所以常常爆滿，真係要預早一點到.炸魚薯條炸魚非常大條，應該都有成吋厚，每份魚都係即叫即製，預留時間等候，炸得金黃，不過炸魚漿偏厚，如果薄一點會更好，食落都幾滑同有汁，唔會炸到好乾，仲有粗薯條做伴碟，薯條部分香脆，油溫再高一點，顏色會更好.夏威夷滋味薄餅份量夠哂2-3人分享，批邊烘得好脆口，有點似餅乾口感，菠蘿好甜好好味，趁熱食仲有拉絲呀

嗰日經過太子好想同男朋友試一試真正嘅意大利餐廳。喺香港可能搵到。這間餐廳鄰近地鐵站大概3-5分鐘就到。而家就快到秋天行過去都好舒服。平時假日比較多人需要排隊所以要等位。lunch有好多特價午餐我覺得唔錯。入到去通常點會個忌廉湯畀你飲。這個湯特別就係佢用嘅芝士係純正意大利mozzarella,同出邊嘅西餐廳唔同。男朋友幾多個羅宋湯我覺得羅宋湯好有俄羅斯特色。通常食開牛扒朋友都鍾意食西餐。這間餐廳我就會點只會叫個雜扒餐。D肉汁好豐富多汁而且酸甜。加上鐵板就真係唔錯。配上嗰隻特製嘅凍奶茶簡直冇得彈聖誕節都想再嚟。

竟然忘記點朱古力流心蛋糕😭，軟殼蟹天使麵味道還可以，豬排很大一份，而且味道也還都可以，飲料看推薦點的荔枝沙冰，真的很好喝，味道很濃郁、黑松露薯條味道也很喜歡！

之前嚟過一次覺得呢度環境好好，所以再約朋友過嚟。呢度好近地鐵站，非常方便啊內在環境唔算大，不過幾舒服😌坐得耐適合情侶💑一家大細又或者朋友聚會冷氣好夠凍❄️所以食鐵板燒都冇問題餐牌雖然選擇唔算好多，但係都顧到唔同口味嘅朋友叫咗個石燒套餐，沙律同餐湯先上仲叫咗個意大利肉餡雲吞可能係因為雲吞皮唔同掛，相比起中式嘅雲吞飽肚好多，非常多汁！肉質偏鹹少少，幾好食😋叫埋一份全日早餐🥣薯餅：新鮮炸起，啱啱好唔燶，熱辣辣漢堡扒：熱辣辣炒蛋：個炒蛋幾均勻唔煙肉：微焦，非常之香一場嚟到，叫返壼玫瑰花茶好有high tea feel 仲有凱撒沙律🥗最後上呢個石燒牛肩肉，厚身3種醬汁粗薯條有咬口，岩岩炸起食飽飽之後仲點少得一個甜品🍮心太軟配雪糕今餐真係超級滿足

Cafe Paradise 太子💛-🔍 紅酒燴牛肋條配飯 $72Lunch set 連餐湯加餐飲～ 不過餐湯就唔太吸引了😐 好似粉漿未撈好嘅感覺😖 牛肋條夠林😋 再配上麻醬沙律可以話不過不失-📍Cafe Paradise (太子)太子砵蘭街412號地舖