Cafe Paradise (已結業)

今日係太子行街路上見到一間幾靚裝修嘅cafe 就入去試下！！入到去，店員服務好好，好有笑容，問我地想坐邊度，入面d就會冷氣大d，出面就睇到睇，我選擇左入面，入面坐底見到水晶吊燈同鏡面牆，望落空間感更大，有狗仔公仔伴食，有得玩，好搞笑，環境舒適感覺好好！我嗌左份set！我嗌左香脆豬手配燒汁，仲有田園沙律，粟米湯，甜品，同杯飲品叫黑牛！吾洗好耐就上碟田園沙律，好fresh，入面好多菜同茄，幾好食，好新鮮。個粟米湯都幾好飲，熱辣辣上碟，仲好多粟米，吾會太咸，岩岩好，吾錯。等緊主菜時，我飲住黑牛先，黑牛即係可樂加朱古力雪糕，感覺幾特別，係好飲嘅，特別一讚係個朱古力雪糕，入面仲有棉花糖同nuts？總知好好咬口好好食！！終於上碟我嘅香脆豬手啦！！勁香！好大份！皮好脆，肉就好嫩，十級好食！最喜歡食肉連住少少肥加埋脆皮咁一齊食，口感一流，配燒汁仲正，配有薯菜，薯條都好食，夠熱又粗，好重薯仔味，我喜歡，我想講嘅係，連其他薯菜都好用心，感受到有份誠意！我對呢碟很欣賞，全部都讚！最後甜品二選一我就選左朱古力慕思，較甜，好creamy，不過不失，但真係強烈推介隻豬手！好食！

雖然係地圖望落去餐廳好似離地鐵站有啲距離，但原來五分鐘真係可以行到去！可是幫襯嘅日子落滂沱大雨，幾經辛苦先去到餐廳。食物嘅選擇唔多，但最緊要係貴精不貴多！完全冇諗過＄58嘅意粉會有餐湯跟，雖然係好普通嘅西蘭花忌廉湯，但絕對唔馬虎，都算幾creamy.個長通粉比我想像中突出，個醬調得好惹味，濃烈嘅番茄味之中帶少少辣，十分開胃。個all day breakfast 超級豐富，已經冇叫最誇張嗰個款式，但依然有好多款食物，仲要好多都係打孖上，份量超級足夠！個薯餅同香腸尤其出色好味，蛋亦都炒得幾嫩滑。唯一不足嘅係個漢堡扒，太過乾。個士多啤梨醬搽麵包一流。當然不得不提依度嘅招牌沙冰，就咁睇個樣就好吸引。熱情果嘅味道淡淡地，感覺好舒服，而且份量幾多，可以飲足一餐。環境舒適，唔會太嘈，仲要星期一至日嘅dinner都有得book位，應該好快會再嚟幫襯啦！

上次同男友經過附近，諗住walk in食完去睇戲，誰不知全部都Full booking，不接受walk in...今次決定再接再厲，早了2日book定位去試下呢間cafe 店。1行4人去cafe ，3人早早已決定吃個all day breakfast，只得1個朋友叫set dinner。set dinner 包括有沙律，餐湯，主菜，餐飲及甜品。而在我去洗手間的時候，朋友已鯨吞沙律及餐湯，趕不及試味。*主菜: 黑松露什菌意大利飯。飯的熟度恰好，黑松露味甚重。可惜的是除了醬汁不夠CREAMY外 ，外觀感給食客覺得單調及乏味。*set dinner 甜品，藍莓慕絲蛋糕。*Paradise full x3，友們大多是all day breakfast 迷，一口氣叫了3個齊齊食。上碟後給細心的我發現大廚忘記加上這個breakfast 的精髓 - 煙三文魚!!店員立即替我們補回，服務態度1流炒什菌出奇地好吃，入味次餘帶出陣菌香；多士配上甜甜果肉的草莓醬，非常開胃。另外，蕃茄加上黑椒並加以微煎，香而鮮甜。可惜的是沙律欠缺黑醋汁/芝麻醬及漢堡扒的肉汁完全流失，呈乾而硬身，只吃一半便棄掉。*all da

愛狗如我，周末的人狗同樂日就是我的天堂。可惜今日滂沱大雨，小狗只好留在家，我就向外發展，找到一頭可愛毛毛狗相伴吃早餐。早前從食評得知，這維肖維妙的毛毛狗是Cafe Paradise 其一賣點，想不到，少許心思，如此受落。金毛玩具狗，原來購自IKEA ，毛質非常幼細軟棉，抱得舒適，毛毛狗手長腳長，可塑性高，能夠做出不同表情，而且仿真度高，嘴巴上更有魔術貼令其蔽合，當然還是申長舌頭的模樣最可愛，我亦趁毛毛狗未被人佔據之前，玩弄拍照一番，其實店內有兩頭一模一樣的。小店環境簡約，周六十二時多已經大半滿，見到帶著小孩到訪的年青家庭不少，入門左方掛牆櫃後是廚房，食物就在櫃檯中窗口送出。為了完美，到 Cafe Paradise 當然要嚐招牌 Paradise Full－All Day breakfast。一份早餐，十二款食物，豐富至極，能不滿足嗎？欣賞的是，每款食品皆有心機準備，並非交功課心態。早餐餐蛋似乎無選擇，也許自己忙着玩狗狗無要求，出場已經是炒蛋，炒得滑溜，加進綠色點點香草添美感及辛香，味道不過淡，加了奶同炒有奶味，蛋香一般。煙肉大片厚厚地，煎至微焦，並非其他店用窄身細片，炸至完全香脆硬身，

行完始創想食西餐原來想食下花園或第尾不過朋友話呢2間又貴又難食帶左我來到paradise cafe餐廳外面好靚入面座位不多好彩今天早來到等左一陣已經有位店員話我地好彩平時晚晚全院滿座要book位先食到店員推介set dinner見有沙律有湯主菜同甜品好抵食店員推介美國肉眼扒$168同香脆豬手$148及黑松露野箘意大利飯$118因為我地怕食不了所以冇叫到個飯沙律同磨菇湯好開胃個湯夠熱而且濃而creamy足料之作因為天氣太熱我加左$15轉荔枝沙冰唔會太甜恰到好處消暑良品肉眼扒order了medium rare廚師手勢很好剛剛medium rare有marble red肉質紅潤保留了豐富肉汁肉味濃郁而且冇松肉粉破壞配上薯菜而我order了豬手份量頗大隻外皮脆卜卜如薯片般肉質反而嫰滑無比完全不會過硬而實薄薄油肪令香味滿腔最後甜品是藍莓芝士蛋糕好好昧不過太細件了

一星期有一天在太子工作，又係搵下openrice有咩好食店試新野，見到呢間D食評唔錯，裝修又好似有D特式，所以邀約同事去試下。去到見到裝修都幾靚，但係係間小店，枱與枱之間相距好窄，老實講坐得唔舒服，傾計好似同隔離枱一齊傾咁，所以同同事傾計都有D避忌。我地每人叫咗個main dish. 我叫了黑松露野菌意大利飯 （＄68），同事叫了肉醬意粉（＄58）。首先來了餐湯。一個外貌平平的忌廉湯有D驚喜，味道好濃好滑，真係幾好味。我的黑松露野菌意大利飯講真味道真係好一般，黑松露的味道唔出，而且D米還未熟透。真係稱唔上好食而同事叫的肉醬意粉也是茶餐廳水準，同事食到擰晒頭！加錢可以有飲品，於是同事加＄25叫了玫瑰花茶，用透明玻璃壺上，好似有D格調， 但一般花茶的味道罷了而我就叫了朱古力沙冰，嘩！好高好大杯咁！都係加＄15，好抵！飲落都OK，無咩特別，因為太大杯又唔想浪費，於是叫外賣杯帶返公司慢慢飲，點知要加＄2，好吧。總括黎講，D食物質素真係唔太滿意，坐得又唔舒服，同區有好多類似的cafe。真係唔會再黎。

偶爾也會在相約好朋友後,來到約會前的一小時,突然慘遭"放飛機"的痛苦,更要命的是當你已出門和跟屋企人說好不回來吃飯之後,才收到這個"好消息",只好獨個兒到街上吃晚飯才回家.走著走著,來到了原本約好的餐廳,雖然只剩下我一人,但也來碰碰運氣吧不久後便叫了一個晚餐,餐湯是忌廉湯,老實說,相當平平無奇,只是茶餐廳的質素.味道相當淡,吃到一半已放棄了三文魚配薯條反而不錯,三文魚魚味濃郁,肉質亦非常鮮嫩,薯條亦相當香脆,份量對於女生來說剛剛足夠,但原本會來的那個他可能剛不夠吃了草莓特飲味道不錯,酸甜味道比酒更能解愁,只可恉冰太多,溶掉後整體味道變淡一個人的晚餐,也頗寫意

雲端小聚@paradise cafe約了好友在太子cafe店，一早抽完血，相隔了十多小時沒食物下肚，人已餓得發瘋了。menu粟米白汁湯，奶味濃厚加上即磨黑椒碎更香。田園沙律$48，以此價錢份量同菜蔬種類上略失色，配以油醋汁帶點鹹味，但醬汁味偏鹹濃蓋了菜味哦。西蘭花雞肉意粉， 忌廉白汁rich而且沾在每條意粉上，雞肉也不少只是味偏淡。意粉很爽身a la carte,灑上點乾香草，做得不錯哦。洋甘菊花茶不是用茶包，比較見心思，午餐set加25元就配到， 透明壺注入熱水一邊加熱，待十來分鐘讓味道滲出於水中。街角位的paradise cafe食物令人滿意，躲在這裡涼冷氣喝花茶享受一個下午。平均消費 $120

同一位朋友難得行下街就要想盡方法留多佢多一陣，因為佢好中意童話式既裝飾同擺設，所以當然要帶佢黎食下野，不出我所料，佢見到已經發晒癲為門面留影一下，因為出面既裝橫同其他鋪截然不同，所以要留低佢既身影入到去見到座位竟然有隻宜家傢俬既公仔，真係有夠童話feel xd打開餐牌，主菜，甜品，英式早餐統統都有，而且款式都幾多～超中意食天使麵同三文魚既我，見到依個配搭諗都冇諗就嗌左，黎到成個意粉好香，望睇已經流晒口水喇～煙三文魚蜆肉天使麵，份量好足料，忌廉夠晒多汁，汁唔會太澀，味道香濃幼滑，但煙三文魚偏咸，麵質軟硬適中，特別中意幼身既麵～口感太正了～叫埋個甜品就岩岩好喇～不過一黎到個形就塌左，所以影相比較唔靚朱古力心太軟，流心效果唔錯，內裡微溫但唔會太熱，味道朱古力偏甜，會有少少漿住個口，雪糕都唔錯，食落有少少脆脆，但都算唔錯～

剪草行動前在太子區尋食是指定動作,近來在OR裡不時看到這家咖啡店的食評,最吸引我的不是她的食物,而是店裡兩隻狗狗毛公仔,自己很希望我的早餐有牠們作伴,因而計好時間出發,打算時間一到就衝進天堂,可是到達時距離營業時間還有好幾分鐘,我還是未是時候進入天堂。未有客人的天堂門前傳來悅耳叮叮音樂聲,莫非讓大家進入天堂前已先有愉悅平安感覺??其實是這台充滿童真的旋轉木馬迷你版發出的,要不是天氣有點熱,我也會再作逗留一下。人算不如天算,往外走一圈再回來時天堂裡早有其他天使比自己更早進場,想見的狗狗當沒有了,反而造就一個光線充足的沙發位,這也算另一種幸運。這片天堂比想像中細小,近門口位置光線較天然明亮,裡面掛有水晶燈部份多了昏黃的華麗感,兩者各有長處,各有特色。    沒有狗狗改為欣賞一些小擺設,應是教徒的店主在店裡放有不少聖經金句,這句我是認同的。雖然幾款午餐裡也有合意的,不過目標仍指向店裡三款全日早餐裡去選,全素的一款不太感興趣,最豐富的一款包括興趣不大的煙三文魚,幸好還有走中間路線的Paradise Energy,妙!每個早餐含一杯橙汁,又或是加$15配任何一款咖啡,是日扮健康的來杯橙汁代替咖啡

夜晚走左去太子會親愛的她(朋友)。佢過左外國成年難得番黎，她住太子，而她的屋企附近有間有靜有舒服嘅cafe，就叫左我黎試下，順便聚下舊。入到去覺得環境好舒服、簡約，以白色為主，好多擺設。兩個都叫左個肉眼扒，咁就唔會爭食啦，哈哈。先來個餐湯，聽侍應說係西蘭花忌廉湯，好新穎未聽過，好少食到D會用西蘭花去製的湯。我平時食的西蘭花通常都係中餐的蒸、煮、炒，但今次感覺又OK喎，西蘭花完全融哂入湯裡面，味覺多左一份新的享受，有少少碎嘅西蘭花嚼口，覺得真的唔錯。之後來了一小碟沙律，還是沙律菜和一些車厘茄我平時比較少食，所以只覺得普普通通好一般，有點不太喜歡個沙律。一人一個肉眼扒黎左啦，大大塊咁，竟然比想像中好食喎，牛扒我要左個5成熟，朋友要七成熟，可能係五成熟的關係，我覺得我塊牛肉，比較肉質鮮嫩D而且食得出好多汁，牛的味道雖然唔係好重，但係我覺得味道適中。但友人就話佢個個好食D，佢可能比較喜歡吃熟一D，兩塊肉其實可能都係同一隻牛牛，只係廚師烹調的時間長短問題，令到個味道都有不同。食餃子，一食落口就食得出佢材料好豐富，而且熱辣辣嘅食物永遠都係最好食。佢既配汁，我唔記叫咩名，只知搭配上餃子，感覺好開胃

2015/07/11太子的paradise cafe,等左位一陣大約10mins，店內與外真是天堂與地獄，入到天堂真的復活過來。特地為熱情果冰沙而來。跟餐有湯及飲品，點了卡邦尼意大利粉，黑松露燴意大利飯，沙律，熱情果沙冰（加錢），洋金菊花茶。 吞食魚忌廉不太合我個人口味，湯有點稀，像罐頭的吞拿魚水。 芝士味濃，似是加了橄欖油or檸檬汁，醬汁美味。煙肉味香濃，醬汁cream,有蛋黃香味，雖後食後有點罪惡感，但也值得一吃。 忌廉味濃，聞到黑松露獨有的香味，意大利飯軟硬適中，食落有點似素食，好食而沒有罪惡感。 熱情果沙冰，名不虛傳，果味濃，酸酸甜甜好飲，分量又大杯。 花茶連燭臺，保持茶的溫度，花茶可加一次水。 洋金菊不是用茶包整體以cafe食物比較算好吃，等餐時間還好，價錢也合理。如下次黎再要等位可能會二話不說就轉地方。

在油尖旺區找吃的，真的很讓人頭痛，很怕人太多的地方。這天便到了位於太子，稍離繁華商場，偏一點但不難找的 Cafe Paradise。 這裡地方雖小，但環境不錯，入座便看到小狗陪坐，少女友人開心到不得了。坐上3位女生都不喝冰的，所以加錢轉了壺裝的洛神花茶及洋甘菊茶，有蠟燭座熱著感覺就很不錯，而且有附上蜜糖，可隨喜好添加。餐湯奶味很重，不過不失，沙律也尚算新鮮。炸蠔炸得頗香口，但略嫌炸粉有點厚，但沒腥味也算合格。這道豬手用上先炆後煎焗的做法，外皮微脆香口，肉質仍能保持非常嫩的狀態，而且不會過咸或過油膩，連我們3位怕肥膩的女生都覺得很不錯呢。大家一致覺得這道意大利飯很讚，很濃的黑松露香氣，入口啖啖奶油香草味，但難得不會很膩，而且飯粒的軟硬度剛好，有保留到意大利飯的特式。因為伴著主菜的薯角太好吃，所以我們忍不住再單點了焗芝士薯角，不太差，但口味還是伴碟那款較好呢。跟餐的甜品，朱古力慕絲蛋糕配曲奇雪糕，雖是跟餐絕完全不馬虎，朱古力味濃，慕絲夠軟滑，甜度剛好，雪糕同樣軟滑好味道，而且曲奇的分佈很平均，口感很好。整體服務、食物質素不錯，是一個適合情侶二人晚餐或三五知己談天的地方。

之前大熱的CAFE,本來一直也很想來,但那段時間實在太忙,今天終於抽空跟朋友來了,但跟想像的還是有點差距餐廳環境不錯,頗優雅舒適,座位也十分寬敞食物來了,餐湯是忌廉湯,味道太淡,但湯身則有點兒傑,有點行貨的樣子主菜是德國豬手薯菜,德國豬手外皮香脆,內裡肉質鬆軟,吃起來口感和味道不錯甜品是抹茶雪糕,像是一早雪凍的樣子,完全談不上是甜品的質素玫瑰花茶則相反感覺不錯,茶味香濃4樣東西,優點和缺點都是相當明顯,期望會有改進

係朋友推介底下，得知呢一間cafe paradise!朋友已經排左我間餐廳好多人排隊最好訂枱先！所以前兩日已經訂定位！餐廳位置都幾方便，雖然餐廳唔係好大，但係坐嘅地方都唔會話好好窄！坐得幾舒服！餐廳門口嘅設計比起隔離嘅鋪頭相對地特出，所以去到附近就已經睇到間鋪頭。去到嘅時候啱啱好六點鐘但嗰時已經坐咗三四台客。睇咗陣Menu成間鋪頭已經full左。心裏面諗好彩真係有訂到位，因為門外已經有人排緊隊。嘢食嘅選擇都好多 dinner set 意大利粉 意大利飯 頭盤 飲品最後我選擇左一個啲dinner set!個set有嘅嘢食都幾豐富 餐湯係粟米忌廉湯 沙律 主菜係澳洲肉眼配燒汁 甜品係朱古力慕絲蛋糕 嘢飲士多啤梨沙冰粟米忌廉湯，好重嘅忌廉味而且好creamy！粟米並沒有揸流攤，湯裏面真係都有幾多粟米。沙律冇咩話好特別但係啲菜都好夠新鮮。澳洲肉眼配燒汁，原來係薄肉眼！五成熟！肉眼嫩滑，而且能夠鎖住肉汁。配菜都有好多胡蘿蔔薯菜西蘭花。甜品朱古力慕絲，好明顯見到有三層一層係啲cream第二層係朱古力慕絲第三層係朱古力海綿，入口嘅朱古力就唔算太甜，Cream同埋朱古力慕絲都好滑身