Cafe One 咖啡廳 (已結業)

因為姑拉有柏寧的vip , 所以好多時都會去食!!自助餐吃過 午餐, 下午茶, 晚餐. 好似有宵夜, 不過未試過.本人最愛是下午茶和晚餐. 午餐無特別, 可能因為經常吃, 覺得有點悶, 午餐基本上是抵吃的.因為和晚餐的食物是一樣, 只是冷盤沒有.晚上自助餐, 最愛它的海鮮冷盤. 我本人一向對熱盤無興趣, 又不吃牛, 所以海鮮冷盤是我的回本菜!! 有龍蝦仔, 青口, 長腳蟹, 帶子, 生蠔, 超級好味!!有一part 熱盤我都有興趣, 就係印度式, 有咖啡, 薄餅. 另一part 係車仔麵, 不過好少食, 因為已經好飽!!甜品, 都是我愛的環節, 本身我亦不愛甜品, 因怕肥, 但到這裡點都要吃一點點.因為太吸引 : 有朱古力火鍋, 自助軟雪糕機 (好好玩), 有一些即製的甜品, 有時係’梳乎里’, 有時係’夾餅’, 焗布丁. 總之多數都是我愛吃的甜品.下個月生日, 都可能會再去café 1 , 期待

上星期日同朋友去CAFE ONE試下佢GE TEA BUFFET, 見佢價錢唔算貴, $138/位...心諗可能唔會太多款式揀.... 不過既然O黎左就試下啦~入到去發現原來都幾多野揀wor....熱盤款式較多...雖然無特別突出ge菜式, 但所有食物質素都算中上....以呢個價錢真係算抵食!! 除左有餐飲外, 仲有橙汁/豆漿/雜菜汁任飲....呢樣都算比起其他tea buffet ge 優點。

魚生櫃污槽又亂又少，凍肉沙律唔好食、點心蝦餃只有一轉，其他食物只有說有，但唔會食第二舊！唯一好食的，就係沙律焗扇貝，但一出就冇哂！個個人都想夾，但每次只出二三十隻，排到第六個人已經冇哂！飲品大家記住叫檸蜜，因為真的一人一樽小小蜜糖！

來到龍的正日生日，他的生日飯要求只有一個：可以勁食生蠔。雖然我對buffet好麻麻，還是一早訂了海鮮陣容強盛的Cafe One。　地點便利是餐廳一大好處，環境也算舒服，不過滿座時都幾嘈。食物方面選擇不少，大致紀錄如下：龍的主打海鮮-有各式凍蝦、凍蟹、龍蝦仔、青口、開邊龍蝦及長腳蟹爪，當中龍蝦肉質鮮甜爽口最得我心，龍則最愛長腳蟹爪；當然這是手快有手慢無的。然而，海鮮中獨缺了生蠔，我的失望比壽星更加緊要...有見及此，餐廳經理特地送上一碟香脆肥美的炸蠔，心意值得一讚。　沙律及冷盤類-有十多款沙律與多款凍肉，隨意試了吞拿魚沙律、鮮蝦南瓜沙律、蛋沙律及煙三文魚，水準普通留不下深刻印象。　熱食-中、日、意、西、印多款菜式齊備，我要留肚難以盡試；隨意拿了兩款點心，蝦餃皮厚且稔絕不討好，奶黃千層糕則不錯，燒味類水準則可以；印象最好是鮮甜彈牙茄汁蝦、及嫩滑入味的瑞士雞翼，此外印度咖哩亦香濃，配以薄餅/飯十分惹味。　雪糕/甜品-一早從Oli得知甜品水準麻麻，果然看賣相吸引力只一般，一早就急不及待去拎雪糕了。香棉軟滑的軟雪糕，加上大量朱古力、焦糖醬，還有朱古力碎與杏仁片後，美味得緊，我連吃了兩大杯!!HD

26/9同事請補食生日飯,她有買一送一優惠,最後去了柏寧下午無生蠔,只有龍蝦仔,蝦龍仔味道不俗,幾新鮮,蝦麻麻地,唔算新鮮.青口幾新鮮.壽司食了鮑片和賴尿蝦.細件味道不錯.熱盤無乜留意,見到有咖喱薄餅和肉.刺身只有立魚,三文魚,八爪魚和吞拿魚.立魚和吞拿魚無食,三文魚肥美新鮮,八爪魚爽口.雪糕有得自己斟,類似七仔咁,有朱古力味同唔知乜味.哈根大師有OREO和朱古力味果撻和藍莓班戟,藍莓醬太甜,燕麥加奇異果,又幾好味,唔太甜買一送一後$178環境清靜,食物不俗是食午餐的好去處

想同朋友食tea,呢度都係必選之一，因為港島區又就腳既，以價錢同質素都唔錯既，都無咩揀....呢度所有食物都好似唔轉款咁，我黎左幾次都一樣，得一、兩樣會轉下.....近呢次去仲無埋三文魚刺身lu，得返壽司...而pizza同蝦多士都幾好味，印式燒雞就辣左d，金菇牛肉卷就最好味﹗其他都無咩特別....,所以我主攻甜品~呢度有我最鍾意既cheese cake，不過好多時都要搶咁囉~另外朱古力慕思都幾香濃﹗又有自己唧既軟雪糕，仲有朱古力噴泉，我就唔係點食既...有次見佢壞左都幾搞笑，個大廚同經理走出黎搞過都唔掂......最後大家都係無得食既~

約咗舊同學聚會就約咗去'Cafe One'食自助晚餐好彩一早訂位我地先有窗口位坐我6:30p.m到一坐低侍應就拎住一杯杯果汁問我要唔要我冇咁易上當梗係唔要啦$40一杯架其實侍應亦應該主動話比客人知果汁要收費這樣可避免不必要嘅誤會餐廳內有200個座位食物選擇亦不少自助熟食吧------有粉、米粉、蝦、鮮魷、牛肉、金菇、菜客人自己執好一份再交比廚師灼熟燒牛肉就太熟勒蟹腳及龍蝦手快有、手慢冇這晚的生蠔瘦得可憐但仍然鮮味甜品有------粟子蛋糕、千層蛋糕、藍莓芝士蛋糕布甸、芭芙、拿破崙、水果朱古力梳乎厘。味道不錯但要在梳乎厘出爐前排定隊不然就要等下一輪還有小朋友最喜歡嘅朱古力噴泉呢

睇到好多負面的食評, 都心裡有數了, 不過, 食完又真係忍唔住要自己評o下分...噚晚去食, 雖然星期六晚, 但人唔算太多, 座位同囉野食等候位都ok..食物, 熱野, 種類唔多, 而且質素真係麻麻, 好似燒牛肉無牛味, 羊架無羊味, 兩樣都太生了...沙律種類少, 連生蕃茄都無...魚生, 三文魚都ok的..開邊龍蝦仔, 成日一出就無唒, 數量少, 睇漏眼就有排等...連"的式"生蠔都唔見有, 真奇怪..甜品亦唔掂, H記的雪糕味道少, 而且雪到冰唒..整晚有少少驚喜的係, 火焰雪糕旦糕, 好有童年時的雪糕旦糕feel..其他的, 真係........失望又失望...好在朋友係會員, 有半價, 每人$210.-

星期五同姑媽妹妹堂妹黎食lunch buffet早左少少到去完toliet就食得!一出去望冇左上次最好味果個煙tuna呀!-_-第一round拎左三文魚,pizza,燒羊,燒雞三文魚k,我果舊不肥美 但係妹妹果件好多脂肪!!!*0*明明我地拎果時中間只係隔左1個人....菠蘿雞pizza:好味!個底好脆 料好足 好多菠蘿好多雞!燒羊:個哥哥好似唔gur我咁,切舊好多脂肪既比我-_-(之後佢都好似唔gur我咁-0-)不過都ok既 如果生少少會更加好燒豬:我覺得同五花楠冇咩分別-3- 唔中意食呀!第二round:炸薯仔,煎魚,非洲煎雞,pasta,芝士炸薯仔:好好食!炸既面積比例比一般炸薯條細 比較健康(有冇人知我講乜-_-?)煎魚(龍利柳):幾好呀!之前食過幾次龍利柳都好難食 估唔到buffet都咁好煎雞:佢話係非洲 我就食到有d咖哩味 唔係好岩我pasta:白汁海鮮 我夾好多海鮮但係夾2條長通粉-v- 我覺得最好食係mushroom!芝士:有3種,有2隻唔知咩名堂 有1隻係藍芝士!(因為係藍色)3隻都頂得順,下次可以encore.第三round:淥菜食~要清清腸胃預備係甜品!去淥面檔度

星期六同朋友去食下午茶buffet........都幾多野食.....沙律la....壽司魚生la....好多熟食..例如雞翼...薯條...芝麻多士....即煮河粉.....連煎堆...酒樓點心都有.........仲有好多款cake....朱古力噴泉....同埋軟雪糕....每樣野食一round 已經超飽lu....仲有餐飲.....百幾蚊食咁多野都算抵!! 我覺得唔錯~~~但時間短左小小....食得野黎吹唔到水......3點半食到5點半~~~不過都ok la....有匯豐白金咭有85折...又平左小小~~~

今日試了佢地個Tea Buffet。。。都唔錯！價錢平！用恒生白金卡仲有折，埋單每人＄125三文魚刺身都好新鮮！但鰻魚多左Ｄ骨姐！個扇貝Ｄ味較得唔錯！佢個牛肉金菇卷刻得一鑽。。。。因為個汁好好入面仲有蒸燒賣,糯米雞,炒飯,粉麵等等！三種野飲選擇：橙汁，豆漿，仲有樣特別Ｄ：什菜苦瓜汁而且仲包餐飲架！＜＜食好多buffet 都唔包！但佢地Ｄ甜品我覺得甜左少少啦！（佢個朱古力底做既果撻：正！）

之前睇食評，評價唔係咁好，本著一試的態度去試試Tea Buffet。首先，侍應生很有禮貌，收碟亦快，食物都有好多款式，味道亦OK，三文魚刺身新鮮又大件，壽司同甜品都OK，最好玩是軟雪糕DIY，橙汁/苦瓜汁任飲，以此價錢，不防一試。

昨晚同朋友去食自助餐, 餐廳內部的環境不錯, 座位很舒適, 枱與枱之間也有一定距離. 服務員也很有禮貌! 食物方面, 款式也有很多. 海鮮 ~ 蝦 , 蟹, 青口也很新鮮, 但生蠔卻比較細隻, 也有龍蝦仔, 不過出得不多. 另外三文魚生就一般, 不夠甜美, 夀司的款式也不夠吸引. 中式食品~燒鵝及义燒很好食, 蝦餃啲蝦也很大隻, 味道不錯! 只是沒有蒸石班, 有點失望. 其他的西式食品如燒牛肉, 辣薄餅, 煎魚柳及牛肉湯等, 味道都只是一般. 而甜品方面, 芝士蛋糕的芝士味不夠濃, 其餘各款蛋糕的味道也是普普通通! 而沒有朱古力蛋糕, 真的有點失色!總體來說, 正價每位HKD308.00 相對偏貴. 但因這次有HKD300.00 的優惠劵, 所以結賬時只須 HKD377.60, 平均每人HKD190.00

呢晚同媽咪, 家姐同疑似姐夫去左柏寧酒店食buffet dinner 一入座爭d俾個waiter老點要左杯$40既raspberry drink, 我仲以為係餐飲囉-_- 好彩急急叫停佢! 海鮮都算幾ok, 龍蝦大大隻, 好鮮~ 較失望既係生蠔, 好細隻, 兼有好多細殼0係入面魚生方面就比較好, 較為鮮美, 不過阿師傅就孤寒左d囉最滿意既係甜品, 見到瀑布咁既朱古力噴泉就食指大動, 而且haagen dazs任食, 類似circle k既雪糕機任玩其他cake都算ok特別藍莓芝士cake同朱古力mousse cake藍莓芝士cake好有芝士味同蛋味另外咖啡梳乎里都唔錯~ 估唔到酒店buffet, 最滿意既竟然係甜品-v-''

昨天與朋友聚會，選了cwb柏寧酒店的cafone食tea buffet, 前幾天已經book定位，因位聽聞都好full下。食物質素方面，魚生及sushi都幾新鮮，值得一讚既係個buffet包一杯飲品，另外可任添橙汁/豆漿/苦瓜雜菜汁。其他熱盤、冷盤就好一般，甜品方面有少少失望，因為cake既選擇好少，連普通如tiramisu/黑森林都沒有，只得幾款moss cake，有朱古力噴泉，可惜0的生果”點”完0的朱古力係凝固唔到的，好奇怪! 雪糕方面，只有軟雪糕，但係唔知係咪水太多或未夠時間冷凍，0的軟雪糕好快變水!以$138+10%既價錢，與朋友休休閒閒hea左2個鐘，又可以食下唔同款既食物，算係ok既選擇了。