CAFE @ OFF-WHITE (已結業)

原來潮牌店裡有餐廳可以食飯入到去個感覺都幾舒服，環境乾淨光猛，下午同朋友食飯，見到有午餐就走左去食，價錢100～200左右，仲要有前菜，主食，仲有飲品性價比係唔錯既，個湯都清新鮮甜，食到有蔬菜蓉，飲得出係新鮮食材製造，有驚喜既，到食個主菜，我叫左個黑松露燒雞食，真心唔錯，有淡淡既黑松露味，又唔會掩蓋雞既味道，隻燒雞做到皮脆肉嫰，仲要係雞脾，啖啖肉真心好味，雖然個主菜望落去好似好細份，但我自問都大食，都食得飽，下次會再黎試下佢其他餐

相信有唔少人對OFF WHITE呢個名字都唔會陌生，有一日經過的時候看到原來在Off White的店內開了間Cafe，可惜當日沒有時間，過了數天，終於有機會再去Off White Cafe。最後試了當日既Lunch Set、蘑菇湯、凍檸茶，烤雞口感鬆軟、肉質鮮嫩多汁！價錢唔算貴、都係$140內、賣相同味道都係高水準、性價比黎講十分之高。而且店內同事服務態度好Nice，詳細咁介紹每個餐比我，希望下次可以約埋朋友試埋其他野食。

今次去左cafe off white食左個蟹肉忌廉汁意粉，好好食。好有驚喜，麵係扁意粉食落有口感，唔會好唸。非常推介。而且服務態度非常好，下次可以帶成班朋友黎食。。。

行入港威商場off white ,原來有間cafe 係入面🤔即管試下佢個lunch,叫咗個龍脷柳配帶子set,有埋湯都係$100左右，份量都足夠，味道都唔錯，帶子新鮮，龍脷柳都厚身，值得再去👍🏻

今日入去海港城offwhite入面間cafe食lunch！好隱蔽！環境都唔錯睇到menu原來都有好多個set可以揀最後聽staff推介揀咗個蜜糖烤雞試下果然冇失望！烤雞入面多汁滑嫩 可以揀係咪配飯 而且仲有薯條同餐湯跟！😋抵食！😁

隱藏中的Cafe，經過off white 發現原來開咗間Cafe，好奇走咗入去試吓，環境好舒服，食物出奇地好味，嗌咗燒牛柳飯同羅宋湯，另外有兔仔造型的慕絲蛋糕。性價比高！大家可以去試吓

之前喺海港城行到攰，所以想搵間cafe休息吓，見到呢間cafe喺正offwhite舖頭入邊咁特別就入咗去。我叫左杯chocolate Vanilla milkshake.價錢喺海港城來講算係好抵，仲要都幾有誠意，有彩針圍杯。飲落去味道都幾好，唔會係假朱古力味。下次有機會會想試埋佢嘅食物！

尖沙咀海港城高質cafe呢間cafe比較特別 係off white品牌入面試左一個set lunch前菜可以選擇湯或者沙律都幾大份下主菜係一個豬梅扒 十分軟冧上菜速度都好快價錢都係around $100而且每日都有唔同菜式有新鮮感

今次去左cafe off white食左個蟹肉忌廉汁意粉，好好食。好有驚喜，麵係扁意粉食落有口感，唔會好唸。非常推介。而且服務員態度非常好，下次可以帶成班朋友黎食。。。

之前聽朋友話海港城off-white 入面有間cafe好抵食、去shopping順便去睇吓、然後店員介紹話入去講佢staff no有折、入到去真係幾多人、不過我1個人可以坐吧枱唔駛等、環境幾隱閉、就真係喺off-white入面、試咗個Lunch set、一個沙律加1個海鮮意大利麵、一杯Americano、都係$120有找、賣相又靚、海鮮意大利麵真係足料、而且味道真係唔錯、真係性價比高、而且咁忙情況下服務態度好nice,我見都唔少潮人影相打咭、下次一定要再試pizza同奶昔、我見人地食好正👍🏻

唔係朋友帶都唔知 原來係港威商場一間服裝店入面會有一間cafe仲要係黑白格調既型型格cafe 絕對岩哂想走型格風既人 除左半sofa位 仲有對鏡既吧台位 絕對可以打卡店舖唔係好大 仲要係服裝店入面 真心好易走漏眼 店內提供輕小食同甜品 menu以ipad提供 今次叫左依間cafe既hero product- milkshake 。絕對係打卡必叫既野 今次叫左雲尼拿味 杯邊有一啲色彩繽紛既朱古力作為裝飾 milkshake上仲有一球雲尼拿雪糕 。飲落去味道唔錯 仲要好重奶味當日細雪糕唔多得三款 今次叫左款係朱古力黑芝麻蛋糕 顏色相當搶眼 頂仲要有幾塊金博味道唔會太甜 中間係黑芝麻 食落去口感唔錯 值得一試 。美中不足是蛋糕櫃沒有標明價錢 ，經問店員後 細蛋糕一律$48加一 服務方面 店員都好細心同有禮，會同你介紹啲食物

唔甜飲品，正！士多啤梨🍓奶昔用既係士多啤梨雪糕、cream、士多啤梨醬、維記牛奶。不過一杯野飲成$68，人地請我先飲，可唔可以轉用高級少少北海道牛奶？起碼貨真價實少少！

Ig : iam_notafoodieCafe 是隱藏在一間時裝店中，店面完全不會知道內藏cafe。Cafe 以冷系灰白tone做主調，bar枱以鏡面做牆，打卡一流。這cafe原來還有賣酒精飲品，職員超級nice的向我們介紹每款cocktail，味道特別。現在happy hour，指定飲品買一送一。特別讚賞一下staff，每一位都很nice，很關心客人需要，令我對這cafe評價大大提升！Cafe 有提供lunch set和dinner set，但我們太飽，就沒有嘗試，但價錢略為高，$178起，包starter , main and dissert，但看其他客人點，份量都大。重點 cafe 比較隱蔽，位置不多，少人，不用排長龍是重點，朋友聚餐很舒服。.•𝙱𝚞𝚏𝚏𝚊𝚕𝚘 𝚌𝚑𝚒𝚌𝚔𝚎𝚗 𝚠𝚒𝚗𝚐 $𝟺𝟾炸粉很脆，醬汁不會很酸，我超怕很酸的buffalo Wing，這都非常合我口味，而且醬汁不會令雞翼軟掉，還很脆•𝙱𝚎𝚎𝚏 𝚕𝚊𝚜𝚊𝚐𝚗𝚊 $𝟷𝟺𝟾略嫌乾，少汁，芝士味極濃。•𝐂𝐨𝐜𝐤𝐭𝐚𝐢𝐥𝙼𝚒𝚕𝚘 𝙼𝚒𝚕𝚘 $𝟾𝟾當Staff問完我喜歡什麼類型的Cocktail，就推介了這款，是帶有Was

唔想去太多人既地方，所以揀呢間係衫鋪入面既餐廳，有點難搵。裝修係雲石花紋，幾有格調。Lunch Set $138起, 有埋前菜/湯(每日唔同), 飲品就要加錢。價錢轉得幾快，見佢個menu今年都轉左兩次🙈✨香煎西班牙紅蝦扁意粉 $138意粉好入味，好濃蕃茄同蝦咸鮮味。餐湯:紅蔔葡火雞肉野菜湯，火雞肉好彈牙。跟餐揀玫瑰花茶+$10，味道清清地既茶包一個。✨帶子石斑魚柳配飯 $148帶子同魚柳煎得好滑，唔會過火。伴碟薯仔好幼滑，配開胃酸豆牛油汁。大蝦蘆薈沙律就有水果，酸酸甜甜。🍓士多啤梨奶昔 $68打卡able，粉紅色milk shake加雪糕，杯邊仲有彩虹糖針，好粉嫩好可愛，一見到真係少女心爆發😍奶昔係用意大利雪糕製作，口感幼滑😋

走過服裝潮店，發現內裡有一家別緻cafe. Cafe 裝修有型，是白色雲石紋地版配灰色麻石牆身和灰石枱面，整體十分簡潔時尚，而且座位與座位之間有間板和一定距離，感覺舒適。午餐有五款，主要是西式為主，有意大利飯、意粉、豬柳、魚柳和牛扒等，價錢由$98-$158. 午餐包括沙律或餐湯、主食，可另加$18咖啡。我決定連續去了兩天，試一下cafe 的水準先送上餐湯：蟹肉粟米湯這蟹肉粟米湯的粟米味唔太濃郁，主要是薯仔味多一點。當中有唔少的蟹肉、少少粟米粒，味道鮮甜，味道都ok 的。蕃茄海鮮湯：有著濃濃的蕃茄味，酸甜味剛剛好，當中還有不少蔬菜和蝦肉。蝦肉一粒粒，爽口彈牙，和蕃茄湯相當合拍，幾醒胃。香煎龍利魚柳，魚子沙沙配奶油香蒜辣椒汁配薯菜$108這香煎龍利魚柳真係頂呱呱！魚柳煎到剛剛熟，又嫩又滑，加上微辣的香蒜辣椒汁吊起魚味，配埋自身奶油的香滑，白、滑、嫩，正呀！薯菜是薯仔片和白菜仔，份量唔多，但作為輕盈的午餐，十分不錯！香煎羊架$138這羊架有兩大片！厚厚的，份量十足。羊架煎得十分甘香，連骨的部位特別嫩滑，而且半肥帶瘦，羊脂豐腴，肉嫩又有嚼感，加埋惹味黑椒汁，正呀！薯蓉又香又滑，加埋黑椒汁格外