Cafe Gute (已結業)

原本想去金不換....可惜每次星期六晚去到都係只坐滿三四成, 然後全部留位, 無辦法...再係個場度找找看, 最後老公好決斷地選擇咗呢間佢未試過既西餐! 睇到介紹話係德國菜, 唔太認同....無豬手, 無香腸, 連麵包也只有三數種比較相類似....要改了!我們點了一個 set dinner (連忌廉湯, 沙律, 麥皮餐包, 雞肉串燒, 龍利柳配白飯, 餐飲, 甜品), $73, 沙律一般, 包微暖, 無咩味, 雞肉幾腍, 龍利柳一般, 用珍珠米做飯, 又唔黏, 麻麻地! 甜品係法式布丁, 唔凍, 唔熱, 微暖, 怪怪地! 成個餐咩都有, 幾抵食! 另一個散叫海鮮龍蝦汁天使麵, $55, 海鮮有好多料, 龍蝦汁味足, 天使麵韌度剛好! 侍應好忙, 唔得閒添水, 但叫到亦好快加添!環境唔夠樓下紅螞蟻樓底高舒服, 但平日無咩人食下飯, 傾下計都唔錯!

一行7人的飯局，這裡環境很光猛，人不算多，不會很迫！坐得很舒服！很喜歡這裡的落地玻璃，很好view！食物方面：1. 龍蝦汁天使麵：D天使麵唔會淋晒，又有許多菜苗等伴菜，不會漏！2. 煙三文魚PIZZA：同平時D PIZZA 不同，餅底頗脆，幾好味！3. 二人餐：牛柳＋法式海鮮：牛柳麻麻地，有D 刃.......味道一般，反而法式海鮮幾好味，Ｄ薯蓉好滑！4. 二人餐：蕃茄意粉，呢度Ｄ意粉真的不錯！5. 即磨咖啡：好香！6. 餐湯：很一般！但餐包很不錯！這裡特別是有一個迷你沙律吧，雖然得4盆野：蕃茄片，什菜，粟米，薯仔沙律；但有得重溫想當年的砌沙律，好玩！哈哈！（不過.....最後當然食唔晒.....浪費食物.........）另外有一款沙律醬，兩款沙律汁！價錢都是超值!! 叫了1個SET DINNER，1 個2人餐， 再散叫兩個意粉，1個PIZZA，食到勁飽都係$480.00 !! 每人70元都唔使!! 去荃灣廣場的話，這裡是個不錯的選擇！

很久沒來 Cafe Gute 了, 還要上來openrice 才知他是吃德國菜對我來說, 不就是cafe 嘛....通常我比較懶, 看了看menu 就點 set dinner鑑於多次點牛扒有 5成變10成熟, 3成變9成熟 的經驗今次特地跟waitress 說要3成熟, 反正最後出來都是4,5成左右, 算是很不錯了前菜先來餐飽和紅湯, 餐飽軟硬適中, 紅湯火侯還差一點, 夾起來還算不錯主菜六成熟鐵板肉眼牛扒- 味道不錯, 配菜份量適中 而且鐵板上, 保持扒的熱度三成熟鐵板西冷牛扒- 其實四, 五成來說真的剛剛好, 如果牛扒不夠新鮮, 相信廚師亦不敢煮得太生, 值得一讚- 由於怕鐵板過熱令牛扒變熟, 廚師故意把牛扒放在薯菜之上, 再一讚- 以這麼便宜的價錢能吃如此水準的牛扒, 實在物超所值飲品凍咖啡 和凍檸茶, 不過不失啦

Set dinner 由六十幾至七十幾不等～有沙律吧，餐包，餐湯，餐飲同甜品沙律吧：好似得粟米，麵包粒，沙律醫，生菜同薯仔沙律，最好食係薯仔沙律，但唔知點解食唔到薯仔，應該係通粉沙律就真餐湯，包，飲品：普通野紐西蘭鐵板牛扒：ｇｄ紐西蘭鐵扒羊扒：ｇｄ，７５蚊以為得兩條骨比我，點知ｏｋ大份，不過熟咗ｄ，所以有少少”銀”，六成應該好ｄ雞扒意式飯：雞扒勁咸，難為我個ｆｄ仲食得落大半個，意式飯幾好味甜品：類似燉蛋既野，有芝士，但有ｄ膩總括：比預期大份的食物～飽到甜品都食唔晒～而且味道都不錯

我和honey 睇完教友打波後, 便到荃灣廣場行街食飯. 我們在荃灣廣場逛了一圈, 最後選了Cafe Gute, 因為門外的 waiter 很熱情的推介 餐廳的溫馨二人晚餐, 而且餐廳環境不錯又吾full, 不用等位. 大約7:30pm到達餐廳, 我們被安排到坐窗口位, 幾舒服, 窗外可遠望@@ 萬景峰 & city walk. 溫馨二人晚餐: 1.餐湯 & 餐包 & Salad: honey 要白湯, 我要 紅湯, 兩款都ok. 白湯很creamy, 紅湯不會太濃味 和油膩. 餐包有兩款, 暖暖的, 幾軟身, 可能這cafe 本身都有賣bread.2.咖哩海鮮~份量不小, 海鮮也不少, 咖哩都幾香滑.3.烤羊架 拚薯角~ 羊肉有口感, 味道香濃, 有羊味. 薯角亦好味4.白汁磨菇天使麵~ 天使麵好香滑, 白汁又夠creamy, yummy5.是日甜品: cream puff.~ 我們食得太飽了, 對這個甜品興趣不大, 而且又真吾好味又太tough.Cafe Gute的 食物色香味俱全, 價錢合理, 環境清雅, 服務良好~ 我們一定會再來呢!

晚飯時間, 行咗成個商場d食肆, 最終揀咗呢間. 賣麵包的, 做埋cafe, 坐窗口位, 幾舒服.叫咗set dinner 2 個: 炭燒雞扒意式飯 & 西冷牛扒.先嚟餐包, 因為呢間本身係賣麵包的, 都預咗餐包會係俾d賣剩的包, 但嗰包翻熱後, 微暖, 又幾軟熟, 幾好味wo, 好快就成個食晒lu. 跟住係餐湯, 羅宋湯, 無特別, ok啦.主菜的炭燒雞扒, 幾大塊, 仲好厚肉, 但有少少鞋. 而嗰意式飯, 從嗰名就知唔係正宗意大利飯, 不過味道又幾好wo, 帶點甜, 茄汁偏多, 有少少芝士, 飯的口感就偏軟, 食咗成個飯都唔覺膩. 西冷牛扒就唔可以同扒房的質素相比, 牛扒比較薄身, 同埋少少靱. 薯菜的薯角就炸過龍, 好燶呀!餐飲叫咗coffee, 唔算太出色, 可以啦!

星期六下午, 與朋友2人到了荃灣廣場吃飯裝修過後的荃灣廣場人流明顯多了, 食肆的選擇也增加徘徊在Oliva 及 Cafe Gute 中, 最後選了這間精選午餐約有6款, 價錢由$40多至$$60多元我們點了海鮮天使麵及xx魚柳(忘了名字 +___+)先來餐包及餐湯: 麵包被叮完後, 暖暖的; 餐湯則有很多雜菜, 好味海鮮天使麵: 份量不小, 海鮮也不少, 因是急涷的, 味道一般; 天使麵則煮得很彈牙, 配上那適量的白汁, 每條天使麵也沾上~~哇, 美味極了 (>v<)甜品: 我們不知道還有甜品呢~雖然只是啫喱, 但夠涷餐飯: 所有奶及糖是自助的, 所以好喝不好喝便看大家的手摯了, 當然我調配的奶茶是蠻好的啦環境很舒適, 侍應服務也算快, 而且不會趕客, 所以在這裏談天說地很是自在...所以心裏的隱憂也忍不住說出來了

第2次光顧，講真味道都係普普通通，不過勝在唔使等位，環境舒服夠靜，人又唔多，冇人向出面等位，所以可以坐成晚。食物款式亦算多，幾十蚊個餐有齊晒餐包、餐湯、自助沙律、主菜、餐飲同甜品，好抵食~

同一班朋友約o係荃灣食飯gather下之前有fd話聽講呢間cafe唔會趕人走因為我好唔鐘意一d未坐低就warn我要幾點交檯既地方(仲要明明佢間野好多位未入座)環境唔錯，有落地玻璃望出去間CAFE算係光猛o個種，坐落幾舒服服侍都ok，不過加水加得慢左d同埋有一兩個waiter成日唔記得人叫過佢可能越夜越多人卦坐落見佢d set dinner有salad bar、湯、野飲好似ok平均60-70幾蚊~於是4個女仔叫左一個set dinner，唔記得左什麼海鮮飯一個細pizza，煙三文魚，$75一個意粉，蜆肉之類 $49最後一個甜品，兩個球既雪糕+水果 $48Salad Bar︰得一張檯幾盤野...-___-0不過都仲算新鮮...薯仔salad都ok既...海鮮飯︰好夠味好rich好好食，好多cheese，海鮮可以仲多dd蜆肉意粉︰足料，好食，不過所有野都好散@@"煙三文魚pizza︰唔係好得，太多青椒太勁青椒味，太咸同埋個餅皮唔脆...好「粉」...好似未baked好咁雪糕︰好多生果...48HKD兩個球貴左d，但食得出雪糕唔係普通既brand好香好滑，都算ok既果然坐左好耐都唔會叫人走每人

來過三次，都是食午餐。 食物水平可以，價錢相對來講不算貴。 今天三個人食了3份set lunch，另加一客芝士蛋糕，共170元。 餐前麵包及那杯者喱都不錯。 意粉的味道，好過意粉屋。

星期日同女友睇完「長江七號」，就來到這間餐廳食晚飯。在門口看過MENU，發覺並唔貴，加上好耐都無食過西餐，所以決定幫襯。由於未到七點關係，餐廳不算人多，我們被安排坐在window seats，有落地大玻璃，面向萬景峰，個view以荃灣來說已是非常好了。食物方面，我們order了一個set dinner –有餐湯、沙律、cake同餐飲，主菜要菠菜雞排焗飯。另外，散叫了肉醬焗薯皮及海鮮龍蝦汁天使麵。　兩個主菜份量頗大，味道出色。焗薯皮亦都令人回味。除左餐湯比較失色，其他都是滿意。以這個價錢來說，不會令你有「被搵笨」的感覺，有機會要再去幫襯。

无啦啦入到去呢间原来有PIZZA食,我感觉OK又脆好食.

猶記得一年前，和女友第一次食，真的很不錯。但漸漸比下去了，已經很久沒有再光顧。這陣子順道回憶一下!真的不敢再有下次喇.個脕係星期四,7:30分全場得4台客,我同女友坐中間窗口住,好怏有女工作人員餐牌俾同水,但見姖五隻手夾住杯口心情己大打節勾,于是我叫個女仔換杯暖水,唉..姖一聲:好呀,都冇拿走隻怀就走...換返來同样(五隻手夾住杯口)都算喇,落完單,飲完湯,厨房講笑,爆粗麻煩細聲少少喇,一點都不專業，(厨師請有返點專業精神)去咁多間A-1咁样的事係第一次,樓面女工作時玩樂說笑.圍埋傾計,大約20分鍾海鮮意粉同份扒上臺,意粉太油未熟透中間一囤囤,而且飯的口感真的可以說差，硬，我倆都覺得比以前差多了!真的愈食愈頹呀。服務就一般,加水我杯睃水飲完都冇人加,女友杯凍水就有加,吃完去埋洗手間,咁巧撞正個A-1師傅,佢竟然手都吾洗走左,唉吾洗多講,以後都不來吃！

唔得!牛扒要三成,佢比夠全熟.羊架又韌又多碎骨.又冇個侍應得閒又人應,埋單又等得耐.唉!

晚餐餐湯羅宋湯唔錯，餐飽軟熱但原來係裝晒響一個透明膠箱中，再拎出黎叮熱，放響膠箱中既餐飽好似垃圾咁，自助一次沙律吧選擇唔多，叫左個T骨扒五成跟薯菜，老公叫左個肉眼扒五成跟飯，T骨扒黎到變全熟，肉眼扒黎到變八成熟，我成日都覺得如果做唔到人客既要求就不如唔好問要幾成熟啦，十成熟既T骨扒我無法接受，女侍都即時表示為我整過，再黎既T骨扒係八成熟，不過都算啦，但T骨扒一入口喊到震呀，即時要老公比啖飯我食，成$80個晚餐喎，大家樂仲好食過佢好多啦，喊到個咀都痛架，唯有問侍應dd係唔係佢地餐廳既特色，個女侍拎走碟扒，叫我換過第二樣野，我食唔落啦，係都搵過第二間啦，我叫佢計番個沙律同湯，佢地都收番我$33，唔會再有下次囉，唔怪得知人地間間食店都要等位而d間無人去啦。