Cafe Gute (已結業)

八月八日 (星期日)同老公仔去到了荃灣,因為打算看叮噹的exhibition,知道要購物滿$300才可以入場所以找個"比較"貴的lunch吃老公仔找到這裡有間Cafe Gute,就一試每個set大約50-60元,within我們的budget呢前菜是餐包,一個軟的,一個硬的硬的是芝麻包,兩者都不錯如果熱點會再好一點的呢湯是忌廉湯很淡的,沒有什麼味道,失望墨魚炒墨魚汁意粉都是同一個問題,味道很淡炒得算夠火喉,份量不少...味覺享受有待改善葡汁雞肉焗飯這個比較好,終於有點味道了雞都鮮味,葡汁惹味非常我相信有更好的選擇呢~

第一之寫食評, 竟然要彈~search左成日, 見呢間野d食評都唔錯, 價錢又ok, 咪就去試吓囉~同老公一人一個set dinner:餐包, ok, 暖暖的餐湯, 所謂甘筍忌廉湯, 完全無味既西冷牛(6成熟)+配菜, 完全唔熱, 塊牛既味ok, 但係唔熱又生, 所以好腥!西冷羊(6成熟)- 情況完全一樣甜品 - 芭芙, 剩係食到甜味餐飲- 熱咖啡 - 好香整體黎講, 成餐只可以接受杯咖啡!!

相約朋友7點幾到達~就算今日係星期6, 但客人都唔算多~揀左兩個set dinner share食~洋蔥豬柳墨汁麵..一個西冷牛扒伴薯菜..先黎兩個餐湯同餐包~我地都要左雜菜湯..較酸~唔夠熱~餐包幾好~望住佢o係個暖櫃夾出黎~長時間heat住d包都冇變乾~唔錯~沙律就唔太好喇..求其比幾片生菜加荷蘭豆..再加千島醬~冇誠意既沙律~主菜: 西冷牛扒伴薯菜, 除左肉仲有筋既部位…肉幾淋~生熟控制得幾好..薯菜係薯角~份量都唔少~雖然少少淋..但好有薯味~至於洋蔥豬柳墨汁麵..好差~真失敗~因為我同朋友都愛食墨汁麵先揀..豬柳嚡又冇味~墨汁麵唔係靚貨…又煮得淋左d~加上白汁較稀~整體感覺唔多好..甜品係雲呢拿葩菲~雪到好實~夠凍..似雲呢拿味雪糕~好creamy…gd!踏入8點幾~客人開始多~我地一路傾計~到夠鍾我就叫埋單~點知侍應棒黎既係一個蛋糕~真係好驚喜~冇諗過我地兩個人~我朋友仔都會專登為我買cake慶祝生日~仲要係一早安排好~呢個cake大概叫什莓朱古力蛋糕~真實名稱唔記得lu~我地一人食左d~我就拎番屋企同家人一齊分享!蛋糕賣相真係好靚~好多莓,而且都幾新鮮..而蛋糕好鬆軟~但

2年半紀念日, 簡簡單單的在工作地點附近吃晚餐~選了cafe gute, 因為環境和服務都不錯, 而且價錢合理! 1個set dinner約$60 - 80, 加一服務費我們很喜歡這裏的dish有比較多蔬菜 不過份量幾乎少了一點, 男生會嫌少吧...... 但加上salad呀包呀湯呀蛋糕呀飲品呀, 其實又OK飽~

在荃灣廣場,,一直鐘情cafe gute,,環境開揚,,坐窗口位感覺好舒服^^叫咗2人餐$168..+10%金菇卷..整得好靚^^,,d汁好好味,,,啱啱好,,肥牛唔"鞋",,連埋d金菇,,一啖一口^^ 正,,燒豬仔骨,,好香,,真系好香^^ 不過唔入味,,只系個汁好濃+甜,,但個肉系唔太入味既,,不過都ok既,,,令一個食燒豬仔既問題食得好困難,,肉好痴骨@@意大利飯,,整得好靚好香,,好好問,,棉棉的感覺,,清新既香味,,呢個good!最鐘意黎呢度坐落地玻璃旁,,望住出面咁開楊,,心情都好d^^晚餐黎呢度食真系好正,,唔貴又好味,,推介=]

星期五周圍食市都好多人排隊吃DINNER, 經過呢間CAFE GUTE, 未試過, 咁O岩冇人排隊, 就入左黎一試啦.入邊環保OK, 仲有街境望下如果坐窗口果邊.但入邊環境幾嘈下, 傾計都要講好大聲先聽到.食物方面, 全部都OK我覺得, 下次可以再試其他.

2010年2月21日 (1) 荃灣 ( Cafe Gute - 1 ) 午餐 準備前往拜年去，我倆來到(荃灣廣場)，先行找地方午餐，來到(Cafe Gute)門前，很久未嚐過此店，回憶初嚐時，已是三年前之事矣，當年與太太一起，依旁窗前，透過玻璃幕牆，遠眺大會堂前園景，喝那優閒的下午茶，感覺完美。今天，我倆十一時多的進來，也許是它的首客，因這裡是早上十一時開門的，進入店內，座椅任擇，當然仍是選靠窗旁，場內輕播出抒情歐西歌曲，感覺也很舒服。我們選吃了這裏的(精選午餐)兩道餐分別是( A餐---卡邦尼亞意粉 )及( H 餐---香煎龍利柳配野菌天使麵 )白湯( 磨菇忌廉湯 )：有栗米、煙肉、磨菇及忌廉混合烹調成的白湯，稀杰合適，香甜對味。紅湯( 雜菜湯 )：湯料有番茄、紅蘿蔔、洋蔥及薯仔，煲得濃濃的湯，味道酸中帶甜，是很對辦的羅宋湯。餐包：共兩款，新鮮微熱，塗上鮮牛油，吃時包軟熟，細嚼下...口內散出油香，非常之對胃口。煎龍利柳配野菌天使麵：除了斑塊外，還有青椒、紅椒、黃椒、紅蘿蔔絲、紫椰菜絲、洋蔥及番茄仔，菜料鮮嫩，魚柳香滑，天使麵幼滑而口感又好，添上美味的醬汁，非常吸引好吃。卡邦尼亞

上個月試架, 依家先寫食評, 我已經幫襯左五次啦, 著實有點癲狂呀, 有次fd話呢間唔錯, 於是我地去食lunch, 一試真係唔錯wor , 野食唔係整定, 羅出黎就好熱好新鮮呢, 正 , 我食左個肉醬千層麵, 好好味呀, 食碟食晒, 又有湯同個包, 湯好飲, 個包真係一試難忘呀, 即刻鐘意左tim , 暖暖的又軟軟的, 加埋牛油, 好正呀 , feel到呢度樣樣食物製作好有heart 呀, 讚呢度d menu時時轉款架, 第二第三次都係食卡邦火腿長通粉, 好食呀, 所以食兩次 , 其實tea都好抵架, 一碟飯或粉有杯drink, 都係三十多蚊, 如想飽d, 豐富d咪dinner羅, 有埋salad同dessert, 睇你揀咩course啦, 六十蚊八十蚊都有, 我上次叫個蟹肉三文魚龍蝦汁天使麵(唔太記得個名啦), 好好食呀, 個汁good呀, 岩岩夠撈d天使麵, 唔會話太乾, 份量夠, 賣相靚, 好吸引架 , 兩個星期前又去食dinner, 忌廉雞肉菠菜飯, fd就叫左個大蝦天使麵(唔記得個名啦)都係無得歎架 呢間行過唔太起眼, 所以未必好多人幫襯, 多得fd既介紹, 不則未必識食

今晚叫咗兩個晚餐,一個係牛肋條煙肉金菇卷蕃茄意粉,另一個係牛仔骨德國什腸配薯菜,跟前菜,餐湯,餐包,餐茶同甜品......先講餐湯,我地一個要雜菜湯,一個要忌廉湯,雜菜湯就不過不失,不過個忌廉湯就真係好唔得,無味,屋企煲嘅金寶忌廉湯好過佢....餐包就勁好食,一種軟綿綿嘅感覺,仲要個包夠熱,好正.....前菜呢,就係長通粉沙律(我都唔知係咪咁叫),就一般啦......牛肋條煙肉金菇卷蕃茄意粉,個汁好好味,牛肋條又好夠牛味,意粉都好彈牙,不過意粉份量就少咗D,唔係好夠食!!!.....牛仔骨德國什腸配薯菜,呢個味道都唔差,不過牛仔骨就無頭先個牛助條好食,不過腸仔都幾多,份量OK啦.....今晚嘅甜品係朱古力蛋糕,本來味道都幾好,不過佢切到勁薄,本來都唔緊要,不過佢把刀可能用咗好耐,唔夠利,切到兩張蛋糕一岩一忽(唔好話我打錯字,因為咁薄我唔想將佢當成兩件)....到餐飲,我地一個要咖啡&一杯奶茶,兩杯都OK,不過唔知點解,如果轉飲阿華田要加$5....原來阿華田咁貴架???仲有...呢度嘅裝修...我女朋友話有D似人地餐廳嘅廁所咁喎....

meau有d似A1 咁樣,唔知係唔係同1個集團呢??吃lunch,幸好唔算好多人呀,點了 焗肉醬闊條麵, 43元~闊條麵夠熱的~有8層麵條左右,,d麵條又真係幾爽滑,肉醬又好多~唔見有油~ 還有軟軟的芝士,充滿芝味呀,而家人點了 俄國雞柳繪飯,個名好似好勁似的,haha 羅宋湯d油多左d咁,不過都夠熱的~原來每份set lunch都有蜜糖甜豆呀~ 附餐包tim呀,一落完order便即到呀,真係幾hot,連d餐包都好似A1的感覺...環境都不錯,幾簡樸,白色為主~ :原來有甜品tim呀...meau又係無寫ge...雖然係遲左先來呀,因為見廚房大量製作中呀...係黑加<倫>子布丁,真係好大碗呀,waiter一次過在廚房扲好多出來分結客人,初初睇果陣,以為係香芋布丁....又幾有奶油味凍檸茶只行加糖漿,真好~~是次坐近玻璃位,直接望到樓下紅螞蟻餐廳喔~其實餐廳唔算好大,人客都唔太多真是100%飽.........< PS.要加1服務費喔 >

雙子座情緒忽上忽下, 本打算在這個人流相對較少的商場找個地方吃個寧靜週末午茶, 誰知遇上電台舉辦頒獎禮前奏, 整個商場也變得人頭湧湧; 連平時客人不多的餐廳也人多起來, 唯有再上一層樓, 終於找到這間真的較人少的cafe gute。態度有禮的小妹安排一個玻璃窗傍的位置給我, 在冬日陽光下景觀十分開揚, 加上前後客人先後離座, 很有自成一角之勢,十二分合適要自閉的我。肚子有點餓,選了似乎較飽肚的鮮茄火腿天使麵 + 凍咖啡TEA SET。想不到竟然是要煮的天使麵比飲品還到早到。 tea set份量真的較少,幾撮份量的麵條在這個需要熱能的下午似乎不太足夠,看來要加件蛋糕才成(很不錯的藉口!!)。 天使麵煮得質感偏軟,無論外表或質感也像中式米粉, 混在以鮮茄煮成的半湯半汁下, 吃來感覺還可,但不要將其當作天使麵看待; 蕃茄湯味道微酸鮮美, 酸中帶甜的蕃茄湯味道相當不俗,更令本來肚餓的我更加開胃。火腿用上火腿腸切成條, 比一般粉紅色洋火腿有誠意, 不過味道卻很一般。配菜有紅綠椒及很有草香的蓿苜芽, 兩者為蕃茄湯帶來更清新的感覺。看到其他客人點的公司三文治原來很豐富,比天使麵更大堆頭, 真的選擇錯

鐘意佢幾時都係咁靜平時只食鴨胸白汁彩椒penne pasta, 今日見有意大利飯set dinner, 又有鐘意ge 羊, 即食!頭盤都係salad, 包, 同餐湯 cream soup. 對我黎講太多了意大利飯好好, 羊ok, 仲好大舊! 如果隻羊重d "so" 味會好d今日甜品係gelato/ 雪糕 (唔識分), 唔太甜, o岩晒!唯一唔得ge 係o個杯咖啡....我諗起10 年前大陸ge dirty water....espresso 會唔會好d...整體好過ok, 心情靚返

同男友見到都ok~於是入去試下..雖然係星期日,但係都唔係太多人..可能因為時間尚早~叫左個鴨胸意大利飯..平時通常食唔哂~竟然可以清哂碟...男友的雞扒螺絲粉..個雞扒煎得好香~都係好好食..清埋碟~而且仲有麵包,湯同埋前菜...仲有甜品同餐茶...呢個價錢真係好ok!!!侍應既態度都好好...好滿意既一餐~

屋企好嘈好多狗吠聲所以出左黎溫書見到呢度冇乜人{得一個}就入左黎叫左tea set栗子塔加一杯波斯貓睇得出個栗子塔都雪左唔只一日硬住頭皮食但一叉落去硬到,,,,,,,,,,,,,,唔識形容栗子蓉雪到冇味入面d cream也雪到硬掉入面個粒puff雪到林哂更加唔使講仲有佢話原粒栗子...但實質得1/3粒...............................得個甜字個tart底係普通消化餅充滿濃濃的雪味很好.波斯貓泡好多{仲諗住佢會慢慢冇哂原來唔係]味道一般.但飲到底有d澀香濃朱古力蛋糕唔明點解可以乾到咁似餅乾而且size比a1少一點但價錢一樣.由於個陣加埋我地得三個客所以有d燈冇開後尾見到我地溫書有個chef見到就幫手開燈俾我地冇趕我地走不過中途佢地傾計瘋狂地爆粗@@

每次經過這裡,都因為環境靚/舒服,好想入去試。見有食評寫set dinner有「自助沙律吧、是日甜品」,打來查詢,原來已經無沙律吧了。Anyway,反正會來一試。餐包暖暖ok。紅湯太酸；白湯如牛奶忌廉湯,兩者都略求其。南瓜焗豬柳飯$60,「汁」丁點南瓜味都無,只得芝士味,而且南瓜粒都係無味!!!完全一d甜味都無!好難食!新西蘭西冷牛扒燒汁,八成熟。雖然塊牛有用梳打粉o拿過,但未至於o拿到孿晒,如快餐/舊式扒房鐵板餐咁。直板牛扒,的腍度,老公好滿意,佢建議我可以比個「笑」。不過燒汁真係好少,唔夠。薯菜的薯仔,煎得好香。甜品,有時會係法式燉蛋,或曲奇時時唔同wor....今日係曲奇。我覺得曲奇做餐後甜品真係好怪!!乾爭爭,如果餐茶飲咖啡就勉強ok,好似我地飲熱檸水檸茶,根本格格不入。豬柳餐本身沒跟甜品,但侍應都拎左兩份來。這裡食tea我覺得ok既,但dinner就會失望喇。