Café Circles

自從上次在銅鑼灣吃過勁抵食的波士頓龍蝦套餐後真係令我念念不忘回味無窮！當知道荃灣如心海景酒店暨會議中心內的Café Circles亦推出這個套餐，還可品嚐新任行政總廚Oliver Zee的手勢，加上有6折優惠我當然第一時間捉車爸爸和好友來吃個豐富的Lunch啦！波士頓龍蝦套餐原價＄398/位現正推出6折優惠只須＄239/位，那麼優惠豈可不重溫多一次而且又可以偷懶煮少一餐呢嘻嘻！優惠及餐牌詳情按此收看！！我選了有Super Food在內的羽衣甘藍藜麥香橙西瓜沙律伴意大利醋，色彩鮮明的賣相教人食慾大增！纖維多營養又豐富的羽衣甘藍伴上新鮮的香橙和西瓜正好去除一點澀味！加上同是Super Food的藜麥配合醇香意大利醋一同品嚐味道很讚！車爸爸要吃暖胃前菜選粟米忌廉湯配牛油蛋包就最合他了！我也試了一口粟米忌廉湯口感非常幼滑，粟米香氣濃郁絕對不會被忌廉蓋過而變膩，最重要是湯的調味恰到好處，不像坊間的只有甜味我喜歡喔！而不喜歡吃意粉的他當然選上焗波士頓龍蝦黑松露意大利飯，套餐會有半隻龍蝦但可以加＄80便可以享用到原隻波士頓龍蝦，喜歡吃海鮮的我們當然樂於加配啦！龍蝦弄得焦香鮮美多汁肉質爽滑配上檸檬牛油

 近月 Staycation 的確方興未艾，各酒店優惠層出不同，戰線由家庭、情侶，轉至親子、寵物及本地遊，尤其是中秋節這個一連4日既大假期，真係唔通屈係屋企咩！繼上星期去銅鑼灣玩「密室逃脫」後，今個星期轉戰荃灣如心海景酒店，延續這個假期feel。由於Staycation的選擇頗多，今次就挑選了$1400左右的套票，內裡包含兩位原價$398/位「波士頓龍蝦套餐」，亦可用優惠價$239加多一位。前菜總共有三款，正好每人一樣齊齊 share。最衰大仔不在坐，否則這個「羽衣甘蘭藜麥香橙西瓜沙律伴意大利醋」就最啱佢，菜蔬新鮮爽脆，意大利醋的微酸，更是挑起了食慾。至於「車厘茄牛油果醬拌檸檬油醋汁」同樣以新鮮蔬果及果酸帶來醒胃的效果，而牛油果的柔滑，令口感更佳。若果怕酸度，或許這個「粟米忌廉湯配牛油蛋包」是一個另類選擇，無疑粟米忌廉湯好幼滑，蘸點牛油蛋包亦沒有違和感，但感覺有點平淡。主菜同樣是以龍蝦作主調，但有 Risotto 及 Paste 兩款選擇，悉隨尊便。先是「焗波士頓龍蝦（半邊）配檸檬牛油汁及黑松露意大利飯」，建議大家千萬不要把sauce混和在飯粒中，由於飯粒本身有黑松露醬，與檸檬牛油汁有

公眾假期2人吃中午自助餐，7折後加一，埋單合共$685。食品一般，没甚驚喜，所以覺得有D貴，但環境整潔，坐得舒服，服務員態度唔錯，有速度有笑容。想食吓又可以hea吓嘅話，此處都係唔錯嘅選擇。

疫情關係，很多酒店自助餐都會招待一個人，今次選擇這家因為65折，埋單加一285,我都知道午餐選擇比晚餐少，這裡選擇相對ok,刺身同海鮮都是接受範圍，但其他食物就沒什麼驚喜，尤其是那個喇沙，像吃bb糊仔

頭盤和甜品十分精緻，這價錢能食到這種級數，超值。而龍蝦新鮮，如本月初的食評寫的一樣好。希望他們除自助餐外，繼續能在Set dinner上進步，品嘗後喜出望外。之前看到評語寫服務員態度不好，今次特別留意他們，沒有這回事，而且態度和服務不錯，很主動關心顧客，不要信別人評語，親身感受一下吧！

位於荃灣如心海景酒店暨會議中心的Café Circles，是一間全日提供國際佳餚美食的餐廳。餐廳主打自助餐，深受客人喜愛。但最近因為疫情關係，轉換經營風格，提供超掋食龍蝦套餐，客人可以安坐座位進食，更加安心啦。 餐廳佔地超廣，環境寬敞，座位舒適，可容納200人，非常適合家庭相聚哦。靠近窗邊的位置能看到，開揚的城景和海景，感覺更加舒適自在呀。 波士頓龍蝦套餐  $239(特價) $398(原價) 只需二百多的龍蝦套餐，包含: 前菜、主菜、甜品和飲品。雖然選擇不多，但客人可以自行選擇菜式哦。 羽衣甘藍藜麥香橙西瓜沙律伴意大利醋 色彩繽紛的羽衣甘藍沙律，令人食慾大增。羽衣甘藍很新鮮，香橙西瓜多汁鮮甜，配上陳醋很開胃。 粟米忌廉湯配牛油蛋包 濃香甜美的粟米忌廉湯，粟米味很濃郁，味道不錯呀。 波士頓龍蝦配黑松露意大利飯 波士頓龍蝦配紅花海鮮扁意粉波士頓龍蝦熟度剛剛好，肉質結實，肉白彈牙，表面更有炙燒痕跡，膏香撲鼻。黑松露意大利飯，粒粒飽滿，醬汁充份被米飯吸收，很不錯呀。紅花海鮮扁意粉，軟硬度適中，幼滑美味，若份量多一點更好。 抹茶慕絲青蘋果醬泡沫 超可愛的青蘋果甜品!!令好友都忍不住拍照呢。蘋果

(1) 9月6日到此餐廳食自助晚餐，6:23pm行到即場切牛仔肉及羊髀肉位置取食物時，職員竟發脾氣態度極惡劣大聲喝本人說未夠鐘呀，那我便繼續等，到他將食物給我時是6:26pm, 相差其實只有幾分鐘時間，更沒有詢問我是想要那款肉 就求其比一款肉我，(2) 收碟職員像搶奪顧客未食完的碗碟 (3) 每人一份的鮑魚冬菇內的生菜係沒有煮過的，總括來說沒有服務質數可言，另外食物種類小，不值558(未計加一 )

網上見到這個銀鱈魚套餐半價喎，所以要一試半價係$149但因為加一是以原價計算，所以實付$180， 銀鱈魚是比較貴價嘅魚，以這個價錢食到這個有餐湯，主菜，甜品及飲品的套餐算是抵食！主菜銀鱈魚質素好，味道好，忌廉焗薯也很好味道，甜品也ok, 所以我覺得這個套餐算是抵食

荃灣如心酒店 Cafe Circle 最近推出左一個三道菜既「波士頓龍蝦套餐 」新Menu. 一直以來Cafe Circle是自助餐廳，今次在逆市中一改以往，在餐廳推出了Set Menu 👍🏻 更以半價優惠價錢就可以享受到真係很吸引🤤餐廳位於酒店9樓，餐廳環境非常舒適寬躺，樓底也很高，裝修也非常有格調！餐廳職員也區分了吃自助餐及吃套餐客人的位置，座位環境寧靜很舒適感覺也很有私隱度👍🏻套餐頭盤分別點選了車厘茄牛油果伴檸檬油醋汁及 粟米忌廉湯. 車厘茄牛油果伴檸檬油醋汁擺盆非常精緻，酸甜開胃，味道清新. 粟米忌廉湯餐廳是用上新鮮粟米打碎然後隔渣所以入口很順滑而且香甜非常Creamy👍🏻主菜方面是焗半邊波士頓龍蝦🦞配檸檬牛油汁及黑松露意大利飯 或 紅花海鮮扁意粉. （仲可以加錢upgrade 做原隻龍蝦😍）餐廳用料睇得出落重本，龍蝦非常新鮮，焗得剛剛好沒overcook所以肉質很爽口彈牙，蝦膏也很鮮甜👍🏻仲細心地幫你既龍蝦鉗剝埋殼，抵讚！特別係佢個檸檬牛油汁，味道好清新，令本身鮮甜既龍蝦多一種口味。最後甜品方面係非常吸晴既抹茶慕絲青蘋果🍏醬泡沫. 這款青蘋果造型的甜品，絕對是#相機食先📸

1. 防疫措施：呢間自助餐21號重開，今日馬上幫襯了😜位同位之間隔得好遠，而且好多野食都蓋上蓋子，好安全👍每張枱上面都有酒精搓手液。2. 食品種類：午市自助餐有齊刺身，沙律，冷盤，熱盤，切肉 （今日係羊脾，我唔食羊🙄）， 甜品，雪糕（ H獨立包裝三種味). 同6月份食個次，分別不大，主要係海鮮拼盤，冇咗青口變咗小龍蝦。熱盤出奇地多左烤魚，沙律由6月份原本分開一杯杯，變返做以前咁一盤盤。甜品冇咗我最喜歡的布朗尼😭3. 食物質素： 冷盤一般， 小龍蝦，稍為鹹咗啲，蝦唔夠大同鮮。沙律係我嘅主打，呢一間啲沙律特別多選擇， 仲有罕見嘅羽衣甘藍😍熱盤有菜有肉，咖哩，印度野，燒味叉燒好吃。甜品比上一次差，今次有炸菠蘿，唔記得左試😫 Tiramisu 好想食多轉，但個胃唔夠大😔4. 用餐時間： 好少有自助餐可以咁長時間，食足三個半鐘。

海鮮: 最想食嘅凍蝦同蟹腳但越食越細隻冷盤: 感覺好主觀就係睇完唔想食熱食: 得魚係見得下人其他熱食真心唔想食(煎蠔餅味道唔錯)甜品: 有幾款磅裝蛋糕幾好食不過我一睇就知食晒就冇。Häagen-Dazs雪糕當晚輪到係香蕉同咖啡味，即係隔空叫我唔好食啫。P.S. 整體來講荃灣區有其他食肆有好多選擇唔一定要上嚟食自助餐😷利申: 係因為住宿推廣優惠連自助餐，但間房真心好差，唔知係咪因為近海嘅關係房間好潮濕連張床單都係好濕。😭

話說在如心酒店9樓食自助餐，但遇到如此不知所謂的服務態度，昨晚26/6我準時出1830到如心酒9/f入座，誰不知入座交飛時，門口個服務人員說入面無位，坐門外出面白色椅子，外面又無冷氣拿食物又遠，但我入到餐廳入面大把位，未說食物質素，這無禮服務質素以大打折扣，食物都不用說了肯定不值四百幾一位。

5月29日今日一家五人來食午市自助餐，唔係，而家係午市套餐，因為小朋友生日，所以想食下酒店自助餐，三大一细一長者，埋單11xx .....價錢唔算貴，但中伏.......頭盘凍海鲜，坐低就自動上，有5-6樣野，各五件，三文魚，龍蝦仔，蟹脚，青口，味道好一般。北寄貝居然有沙....wtf，吞拿鱼好差，薄而散嘅。以上海鲜只有一碟........不能加單。湯有中，西湯兩款，飲左個西湯，番茄湯，一般，成餐唯一熱食。餐包兩款，一般。微暖。沙律，有三款，一小杯上，一杯一啖，味道一般，唔夠醬，問D侍應拿，9唔搭8咩都唔知，最後仲要叫個經理來拿，一拿又拿一大碗，玩野咩。主菜有五款牛扒（只可按人數點一次），西冷唔得，牛柳一般，T骨得半件，變左L骨。肉眼可以食，但偏咸。羊脾，凍既，一小片，有少少羊味。一般。豬脾，都係凍既，硬。味道一般。海南雞，雞偏硬，没味，有骨，飯偏淡。没醬。兩款意粉，有粗有幼，好食過波仔小小。甜品得三款，蓝梅蛋糕，曲奇底林既，麵包布丁，唔好食，芝士蛋糕唔夠凍。成餐飯食到谷九氣，選擇少，味道差，服務態度一般，酒店既環境，野食仲差過撒利亞。真係請我都唔會再去。

不可一、不可再看見有6 折coupon 原價成3 百幾蚊既lunch buffet,心想應該都唔會太差！ 我們一行5 人有兩個小朋友，一個9 歲一個11 歲！ 侍應話（3-11 歲） 當小童價，最後話11 歲既小朋友要收大人價！（這已令我覺得很不合理） 但都未算！ 一坐低，就會上一碟海鮮同一碟刺身！ 但個兩碟野無論你幾多人黎，佢地都係卑一碟，重要無得再叫！ 我即刻想走，大老！食lunch buffet 海鮮同刺身都唔係任食，咁我有咩可以任食？ 普通2 百幾蚊放題都任食啦！ 已經心知不妙！再黎佢有5-6款牛扒每人只可揀一款，大老，你收成折實都要$258 既任點任食連牛呢d 咁普通嘅野都只可叫一次，根本就唔叫任點任食！（最後當然質素只係一般） 整體食物質素非常普通，只能同快餐買店比較！ 仲要所有食物加埋甜品，餐湯先得十幾種野食！ 少得可憐！服務質素也非常差，問侍應有沒有麵包或牛油，佢話應該有，問佢有冇沙律醬或千島醬，答案竟然係唔知度放喺邊， 叫佢問資深一點既侍應， 資深侍應一開始竟然話無，佢哋唔提供呢d 野！ 一再追問先死死氣入廚房攞左一大碗千島醬出黎！ 我已經唔覺得自己係酒店食緊野！ 無

見醫護人員有6折，約埋友人星期日聚餐， 點知原來全人類都有6折，無分彼此，已覺中伏，食物都是將貨就價，選擇少，味道一般，見到已切開之檸檬片開始變黑，唔知放左幾耐。食物是由客人自已取，見有人沒帶口罩去取，在疫情下很擔心衞生問題；不像其他酒店，有職員站在食物旁遞上，不許客人自取，會比教安心。