Cafe 360 (已結業)

其實想搵一個好地方傾下計、食餐飯都唔係好難姐。今日咁啱約左朋友係西九龍行街食飯 ,係商場入面有間叫"Cafe 360"既餐廳。經過門口 , 入面裝飾令我有種好舒服休閒既感覺 , 所以就吸引左我企係餐廳前停留一陣。一望入去餐廳內唔算多人, 同朋友討論左一陣, 決定入去呢間餐廳試一試。餐牌第一次黎到, 原來呢間餐廳係半自助形式既, 所以簡好想食既野之後就可以去收銀櫃枱點餐啦。因為我非常喜愛食吉列炸蝦,所以今次點左套餐 " 日式芝麻醬吉列蝦蛋包鐵鍋番茄飯" 配送 餐湯+ 甜品+ 指定飲品 = $88 。食物方面 : 蘑菇忌廉湯: 賣相一般 , 但味道都算濃郁。日式芝麻醬吉列蝦蛋包鐵鍋番茄飯  : 賣相不錯, 吉列蝦都幾脆 , 芝麻醬唔會太濃 , 唔怕嗆左個番茄飯味;因為係用鐵鍋關係 ,令個飯可以Keep住熱辣辣, 眼見上面有少許木魚碎郁下郁下, 令人急不及待咬佢一啖。推薦指數:而我朋友就叫左套餐 "夏威夷芝士板板脆薄餅配田園沙律" + $12 轉 酥皮蘑菇忌廉湯 + $24 轉 棉花糖京都抺茶牛奶(凍)酥皮蘑菇忌廉湯: 另加$12 , 只係加上左酥皮 , 同原本送果個忌廉湯係一樣 ,不過十分

首先是被這杯舊雲吸引, 覺得唔好飲都影張相騙like, 估唔到味道真心不錯, 因為綠茶奶是沒有甜味, 要靠棉花糖加甜味, 咁就好make sense啦! 綠茶不算太濃, 但以這價錢計, 算是很不錯的特色飲品雖然豬肉石頭飯唔係正宗韓式口味, 但食味唔錯, 夠熱有飯焦, 份量很大, 套餐加以上飲品共$73, 價錢物有所值只是店內流程有點混亂, 要客人去cashier付款, 再搵位等食物送上, 跟店內氣氛裝修有點不配合, 所以感覺有點奇怪, 但免加一也很可取

今日同完小朋友去上面玩完，玩到攰食個Tea先，間間都多人，見呢間裝修又ok又冇人排隊（但入面都坐晒人）就呢間啦😬帶位應該係經理，好有禮貌，由於第一次黎，以前舉手落order,店員話落單要出去落😅下，咁得意既，成個西餐廳格局但快餐咁落餐？fine....媽咪見到呢個比佢杯野飲吸引住，決定叫呢個落完單收銀姐姐會比個牌你放台等送餐等左冇耐冷麵出現了！媽咪話幾好食唔滯我飲過唔多紫薯飲品，淨係響台灣飲過台灣限定星巴克個紫薯星多冰，相比下呢杯冇咁「真材實料」淡淡既紫薯味，可能食完大部分上面棉花糖過甜飲到落去已經冇乜味😂棉花糖部分真係「好難食」唔係指味道唔好食，係唔知「從何入口」食到我成面係（但太鐘意食棉花糖冇計）😂媽咪就話佢果杯同我感覺差唔多，不佢話頂唔住咁甜，綠茶牛奶好普通.....通常普通都正常，旨在呃like啫，哈哈😂埋單2個唔使$100都算平，環境野食服務都ok,下次黎可以再食😋

We went here because it was one of the few places in dragon center open close to 10pm. We  ordered a set meal. The spaghetti had an interesting flavor, it was a bit soupy for my taste, but ok. The dessert and wings were also alright, however, the rest of the set was quite disappointing. The corn was obviously stale in the salad cup, the waffle had no taste. Perhaps we weren't served the freshest of some of the ingredients because it was the end of the day, but it makes me not want to return.

今次係第二次黎，上次食下午茶叫左個肉醬意(出事機會最細)同pizza,點知有驚喜。所以今次食晚飯，叫左二人餐，$188，性價比幾高，同時證明唔係上次咁啱好彩lol掂呀，酥皮多脆湯又多磨菇，啖啖都有＼(^o^)／跟餐意粉(好似係蕃茄牛肉雜菌)，呢個就ok la,正正常常冇肉醬意咁好食。二人餐個主打，個配搭好搞笑，不過食晒d咸野先食窩夫已經凍左sosad，所以呢個配搭有點fail。但分開黎食個味道都唔差。不好甜食要小心，但我好好，所以邊食邊心中開花＼(^o^)／好正呀！餐飲一渣，份量就唔係好夠兩個人飲，味道就…………有汽既青瓜水~話說我其實係想飲棉花糖抹茶紅豆…可惜賣晒T_T188蚊，二人份量咩都有係抵食，味道我今次比4星，環境依舊一流，適合吹水或者扮文青睇書hea~

黎到西九龍諗唔到食咩呢間7點時冇咩客就試左個$188 二人餐要先付款拎左牌先首先有酥皮蘑菇忌廉湯將酥皮放進湯內好好飲keep到好耐熱唯個石窩飯有d失望摸到個石窩熱 但d飯唔熱炸雞窩夫沙律用木盤上炸雞配上原味窩夫脆而好吃最後上個甜品冇寫係咩黎左個朱古力布朗尼幾驚喜甜品好大一個還有朱古力醬和香蕉伴碟飲品可轉即磨咖啡、奶茶、檸茶、檸水、柚子茶 (2杯)服務態度好好 會主動幫我地影相個餐夠大份夠飽

約咗朋友係西九龍廣場見面 行在唔夠半粒鐘又話早D食飯 寡不敵衆 之後成班人柴娃娃去咗café 360下晏食完甜品冇耐 唔係好肚餓 4條友叫咗個夏威夷芝士板板燒pizza 芝士肉醬焗薯條同時埋個炸雞華夫先上焗薯條 大大條夠粗身 一pat肉醬係面 食落 一般lor 不過不失咁pizza就幾好味 因為菠蘿嘅關係 所以個口感會豐富咗同fresh咗 個pizza底合格 有D脆最後上檯係碟炸雞 用木盤上 多咗D外國風情咁啦 件雞外脆內嫩重汁多 超ok 值得一提係件waffle 烘得唔太乾 有D咬口 好味

上次來過這cafe，再出新品吸引我回頭！棉花糖的可能性已經無界限，特地引入宇治抹茶粉，製出宇治抹茶棉花糖飲品。另外更有大熱的紫薯牛奶。抹茶是甘香的，但味道不夠濃郁，紫薯的味道尚算突出，會比抹茶的甜一點。另外還有宇治抹茶窩夫，都是因購入了宇治抹茶粉而推出的。失望的，雪糕球只是普通的雲尼拿味，不是抹茶味雪糕，只撒上了一丁點少得可憐的抹茶粉，就說是抹茶窩夫，這有點騙人吧？抹茶粉的份量說是裝飾都嫌太少，糖霜的份量比抹茶粉還要多呢！不過，勝在窩夫口感上佳，外層香脆，內裏綿密煙韌，但味道略嫌過淡。而紅豆份量超多！不過偶爾有幾顆未煮得很腍，但甜度是適中的。

其實係佢地新開張無耐已經去左食，套餐有齊湯，主菜，飲品，甜品，先付款方式，自己拎餐具～ 前面既係晚麻醬吉列蝦蛋飯(hk$72) ，3隻蝦都好大隻，多肉小炸粉，後面既係晚鐵鍋雜扒蕃茄飯(hk$88) ，好足料，主菜有齊蝦，豬扒，雞扒，岩晒我哩啲食好多野既女仔！不過甜品略為普通，每人只有兩粒泡芙！

這個甜品的雪糕不算太甜,份量都少,雪榚一出到來都不溶的,口味很特別,與普通的雪榚不同的,當作一個下午茶不錯的,我食的是雲尼拿味的,愛清淡口味的人都可以試一試,而且雪榚的外層都有一層硬及碎的chocolate,是來自外國的,所以口味是更加特別的!而生果都很新鮮及有香蕉的,都有一點chocolate在外面的!而窩夫都不會很甜的,口味都是很脆口的,不會來到的時候都變得林了!

咁岩經過西九龍廣場,又咁岩行到衣一層,又咁岩肚餓...晚餐時段都吾算好多人,等左5分鐘就已經入坐.個環境其實幾有特色,似台灣風格?成個牆都掃曬深粉藍,但D椅就係正紅色,玩撞色又真係幾得意GE.牆上面都有D木架,放左D碗碗杯杯咁都幾好睇.係有少少驚佢跌落黎啫,不過整傷左我係咪會終生免費...(笑落單係自助快餐模式,其實D位都迫都好難成日有人出出入入幫你落單,我都接受佢減走請人落單GE成本,因為成本最後都係落番係我身上,而且出去落單的話,被走單GE機會係細好多好多,最重要係反正我都係坐係個位到,吾洗走出去買GE~~D餐具都多,吾會得一兩支吾夠用,同埋感覺上都乾淨的.坐低係吾會有水,要水自己問佢地拎.餐牌野食都多,至少有好多樣我都有興趣試,所以吾難選擇.叫左3樣野,晚餐會有埋湯同飲品,NICE.上菜速度都幾快,等左一陣就湯同飲品一齊黎!白湯 $跟餐吾洗加錢吾鐘意湯可以換做沙拉,不過我想飲下佢GE白湯.味道吾錯,入面會有少少材料可以咬下,即係平時白湯個D,蘑姑etc...吾係話非常好飲,不過稱得上nice,令我飲到一滴不留.應該係因為太肚餓.珍寶吉列豬扒蛋包飯 $88朋友的飯,我見到賣相好靚,

餐廳装修非常現代光猛，環境不錯。而食物也多以木板剩載上枱，感覺很特別。下午茶餐選擇不多。 比包長一倍的魚柳再夾麵包，賣相吸引，厚身薯條，再配特製沙律醬，很好味。 千層多士，豬扒蕃茄鏍絲粉，感覺是一份常餐。味道不錯。 肉醬意粉，酥皮蘑菇忌廉湯，穩陣之作。肉醬芝士味濃，很醒胃。  跟餐可加$24換一客迷你窩夫雪糕，出奇的好味，必試。跟餐亦可再加$12叫青瓜梳打。但飲落只覺是青瓜味汽水再加梳打。可以不試。整體價錢合理，環境舒適乾淨。但飲品款式不多，特飲只有咖啡類的選擇。本人對咖啡全無興趣，所以只選了唯一比較特別的青瓜梳打。但有些失望。

＠Cafe 360 （深水埗西九龍中心6樓622-623,625鋪）同Spaghetti 36是同一集團的，負責人稱，Cafe 360係主打年輕人路線，所以價錢上實在相宜。食物買相很好，味道同樣屬上上之選。大力推介窩夫雪糕，好味之餘又夠大份，Lunch連午餐一起食都會夠飽。雪糕味道夠濃，加上來自意大利嘅朱古力脆漿，味道濃而滑，加上Waffle鬆軟而且蛋味恰到好處，再加埋香蕉，十分美味。另一個推介是圖中的紅豆冰，紅豆冰入面有啲丸型的韓國年糕，令口感豐富，而且唔會冰多過紅豆，加上是用椰奶代替花奶，令口感層次更加豐富。

星期日陪細佬出電腦聖地黃金商場買零件大出血後就決定係附近搵食醫肚喇原本想去左西九龍中心間元氣開餐點知去到見到隔離開左間Cafe門口的裝飾極有台灣Cafe的風格於是我們決定試新野入到去環境光猛, 座位亦十分闊落, 卡位之間更設有屏風, 傾心事絕對吾怕其他人聽到而牆上有不少木製飾物和小盆栽，感覺悠閒舒適講番餐廳以半自助形式服務買完票食物就會由侍應送上夏威夷薄餅配栗米蕃茄 ($66)基於自己有少少偏私想食pizza所以必點, 叫左侍應推介的夏威夷pizza, 批底外脆內軟, 芝士的鹹香和火腿的油香十分惹味, 再配上清甜可口的菠蘿, 不但中和了芝士的膩, 更帶出一番清新的風味, 味道令人驚喜。肉醬雞扒熱石鍋飯 ($68) 我地揀左雞扒, 送上黎個陣熱辣辣香噴噴, 而肉醬口味偏甜, 味道有點似肉醬意粉, 撈下撈下聞到已經好想快d食...仲有d飯焦...正...味道剛好, 加埋飯焦脆脆地,真係唔錯呀雜扒番茄飯 ($88)最後出場就係重量級'雜扒番茄飯", 牛扒不過不失, 成熟度剛好！豬排和雞肉都夠嫩滑，配上茄蓉一流！而且仲有吉列炸蝦, 蝦味較淡係必然, 但起碼夠大隻夠爽口, 另外, 較為有誠意係以

平日下午要到西九龍中心辦點事，沒想到一段時間沒來，現在多開了不少餐廳。本來意屬薩利亞，但實在太多人在排隊了，上了一層飄過一陣香香的酥皮味，才留意起這間新開的cafe，看門外的菜單覺得價錢也OK，於是決定試試。店子的裝潢不錯，有種居家的感覺。是日餐單由於在門外聞到香噴噴的酥皮味，當然要來個皇牌酥皮湯餐吧，於是挑了最不容易出錯的經典肉醬意大利粉。第一次來，當然想試一試不同的食物，故友人就不再叫酥皮湯餐，而選了韓風泡菜豚肉野菜熱石鍋飯，而餐飲我們都選了柚子蜜，後來才想到來cafe怎麼會不試試咖啡，唯有留待下次吧!店裡是採用快餐式點餐的，選好食物到收銀台付錢，會給你一個tablestand，一會兒食物就送到桌上。經典肉醬意大利粉肉醬的份量不少，味道正常，一般來說肉醬意粉也很難出錯，只是麵條有點兒太焾，也是一般餐廳的通病，但也算合格吧。皇牌酥皮湯皇牌酥皮湯剛出爐，熱乎乎的，我和友人急不及待就要嘗嘗。配的是很基本的忌廉湯，味道正常，沒有多大驚喜。始終價格如此相宜很難要求驚為天人的味道，此湯勝在新鮮出爐，酥皮未算很脆，但也合格有餘。韓風泡菜豚肉野菜熱石鍋飯最後的石鍋飯上來了，看顏色泡菜好像不太夠味的