Cafe 308 (已結業)

上水，是在下經常會到的地區，每月都會有可能來一兩次吧，就像今日，在上水辦事以前，先醫肚一番，不過今天沒有預謀會去哪間餐廳，隨緣吧。還記得在新都廣場的地下，有間 Cafe 308，雖不是第一次到訪，但是在不再尋找和隨意的情況下，再次進入，為的只是儘快完成今餐，繼續餘下行程。看過餐牌，就選擇了在下的午餐，然而今天還是不想吃得過量，就選了輕盈一點吧。每一次點來羅宋湯，都是有雜菜，酸甜的味道，只是是否有牛肉在內。煎青衣柳雜菌忌廉汁配薯菜是今次的主菜，上桌時青衣柳幾乎被雜菌忌廉汁蓋住，當中的忌廉汁富有奶油香味，而魚柳則被煎得燶，但入口卻是幼滑，薯條是中等身材，入口都算是外脆內軟的。凍咖啡雖為今次的餐飲，但是都是有香濃的咖啡味道。整體而言，不過不失吧，與前兩次是差不多。

本來一行5人拿位食飯, 等位中途, 來了3人, 2人 及4人拿枱, 等左15分鐘左右, 居然後來的等位客人全被安排入座, 本以為漏左我地！問門口帶位, 她話未有位比我地, 但明明眼見佢拆6人長枱比4人及2 人客, 但明明我到先, 點解唔係比枱我地呢, 我一直企係門口等, 入去問, 店員回覆, 未有枱, 經理問咩事, 了解左情況之後, 叫店員不用理會我地, 趕我地出門口, 話你要等出門口等, 唔好阻住我地通道。 我好記得叫Ming Ho 的經理。 個店員同我地解釋之際, 個經理仲話唔好同佢地解釋, 叫我地走。 咩服務態度。 後來我先知道原來整個香港只有一間店。 佢咁服務態度, 我想投訴都無辦法。 唯有上openrice 講出黎睇下大家係咪仲覺得應該幫襯。

住係粉嶺既我,久唔久都會陪上水老死食下飯,今日老友叫到,下午飯都早D起身陪佢地食去左上水中心既308 CAFÉ,下午都幾多人下,排左一陣隊先入到去.入到去我就叫左個雞扒意粉,雞扒煎得算係咁,肉味都夠,不過濃左小小但個意粉就麻麻,太多汁,攪到林曬,下次都係乾身D好午飯$70一個餐係上水就貴左D啦,平返小小先合理

昨晚係上水就黎到呢間cafe, 之前都黎過幾次食野, 環境不過不失, 食物以收消費水平黎講其實不抱太大期望, 不過還是有好大提升空間我點了個扒大蝦配龍利 set dinner, 上完餐包餐湯就到主菜, 其實今次有少少失望, 扒大蝦以前係開邊, 而家係直接成隻煎, 賣相差好遠, 而另外條龍利味道亦普通, 食完埋單 $121

上水區對於我黎講係一個好遙遠既地方,一年黎既次數都屈指可數,不過有一位交心多年既舊同事係果面住,所以一年屈指可數既幾次都係去搵佢食飯今次佢帶我去一間佢認為係上水區最出色既餐廳,其實黎過上水幾次,覺得大部份餐廳都平平無奇,不過今次依間又真係唔錯WO我地每人叫左一個飯,我食既係白汁魚柳飯,白汁唔算太濃太傑,溝上飯和魚柳岩岩好魚柳肉質鮮嫩,食落去易入口,而且份量都算大飯亦都夠軟熟,唔似D三流餐一樣硬身難入口總結黎講都算唔錯

其實我都好少入上水, 不過今日要"走水貨",入左黎之後, 用OPENRICE搵左一陣,都係穩陣D食西餐廳咖哩豬頸肉飯既豬頸肉其實都幾彈牙, 不過有咬口左D, 略略韌咖喱汁算不錯, 富椰汁帶甜不過辣味道其實係唔錯, 但係午餐黎講貴左少少

今日約左几個寶貝出黎吹水傾心事~仲有一位小朋友~喺上水區確係冇咩餐廳清靜又可以坐得舒服一D~最後揀左呢間啦~可能唔係強國人的集中地~所以唔洗等就有位~我地一行數人~坐唔到卡位,就坐左喺中間位置的長抬~望望餐牌~簡單的西餐廳,平平地的價錢,冇乜特別閃亮的款式最後我地點左几個比較心儀的食物~一邊食一邊傾計~服務員落單後,好快食物就慢慢上枱2客肥牛叻沙烏東 -兩碗烏東的感覺好唔同, 烏東味道唔錯~唔會煮得太淋,有D咬口~~牛肉有兩種,一種係打邊爐肥牛,另一種係疑似牛腩的牛肉,有兩種唔同的口感, 打邊爐肥牛比較吸引,我中意牛肉煮到8成熟!啱啱好! 叻沙湯底的話就比較弱,味道一D都唔香濃,而且食唔出有任何叻沙湯的材料,明顯係''沖水''貨色~香草什菌炒天使麵 - 寶貝話唔想咁多肉~所以點左個素少少的款式,入口果然相當素,味道好清淡~只有淡淡的香草味.天使麵炒得好爽好乾~而且唔會沾埋一注~相當唔錯..白汁三文魚什菌炒天使麵 - 天使麵的味道同香草什菌炒天使麵的味道太似~相信係同一個基礎上再後加三文魚同白汁~~由於係己喺有味道的基礎上再加味道,所以感覺太''有味''了~幸好清清地上加點清清地的味~所

在上水這地方,好吃又好坐的餐廳不多,因為人多而且嗓門大,靜靜的吃一餐都不行所以我來上水偶爾會去308食野,貪佢比較安靜嘛~海鮮酥盒名字好像不錯,但吃下去好一般,茄汁太甜, 酥盒不夠脆而且厚皮,不過算是幾飽肚吧芝士沙律用的都是現成貨,沙律菜尚算可以, 起碼沒有苦澀味,只是有點漏羊架有點過羶, 但還是值得一試,件頭十分大, 肉厚不韌,只是頗為油膩...天使麵吃下去比較淋,但調味還不錯, 醬汁濃度還好

是日與中學同學一聚我們約會在上水的一間裝飾不錯，環境舒適的餐廳一起午餐談到上水，不知不覺地都會覺得人愈來愈人多，愈來愈噪吵，要真正找一間餐廳享受午餐的真的有點難不過，我與小學同學在上水廣場找到了這一間Cafe308他們比較出名的就是這個皇室漢堡，而且亦是同學的介紹，於是就點了這個他們先上這個什菜湯，辣酸適中！不差唷！賣相不錯，中間的芝士好厚，好大件我非常喜愛，而且一口吃的時間，漢堡的肉汁又很出，不錯加上那個薯角，美式得很！故令我回憶在關島的日子！哈哈

吾等到雙魚河參加一項活動後，疲憊不堪，但也想找個特色餐廳。幾經查找，終於找到往石湖墟的路，曾到石湖墟那邊探奇，發現不少特式/舊式茶餐廳/冰室，無奈座位又窄，又有十來人在門口等位，只好再折返到此商場地下外圍的這家餐廳。本來坐在一張四人桌，跟一名男子搭桌，後來幸好後方剛好有人從卡位離開，便順利轉桌，得以坐在舒適寬敞的卡位，吾等向店員表示想轉桌時，店員亦未有給吾等臉色，實在難得。午餐有數款，連湯、餐包、餐飲。問過店員『薯菜是炸薯條』，又不能吃。想吃羊架但還有點熱氣，便點了煎海鱸魚柳配意粉。忌廉湯，白中泛紫，濃香稠杰，有點薯仔蓉一般，加入兩粒麵包粒。餐包較乾，點湯或光吃都較為乾。煎海鱸魚柳(水欖忌廉汁)意粉鱸魚連皮煎，不算太厚，但也是大大件，啖啖肉的魚柳扒，兩大塊，不是煎得極乾或脆身，不用怕魚柳太乾或鞋口，而且帶輕微腥的魚香，加上忌廉汁及水欖，味道不錯，不膩而帶微香。意粉其實是天使麵，可惜質地太淋，可能麵條太幼，沒甚麼嚼勁。扒羊仔鞍扒(芥末子汁)配意粉三件羊鞍，賣相也相當美觀，友人切了小許肉來嚐嚐，剛剛好，不是血紅過生，亦不會過熟太韌，入口微羶，嫩口香軟。沒甚麼過肥過瘦、過熟過韌的，三件羊鞍全

二人晚餐，叫了忌廉湯，西班牙海鮮飯，西冷牛扒配薯茶。我們食到一半就收了我盤餐具籃，原本想叫甜品，都決定不叫了。西冷牛扒（6/10）叫了七成熟，牛扒有一吋厚，肉質嫩，有肉汁。不過我第一次見食牛扒的配菜是白菜，多數都是蘿蔔和西蘭花。西班牙海鮮飯（6/10）味道無問題的，正正常常，但太過多汁，令到飯太濕，而且分量好少。還有，這個飯實質是蕃茄海鮮飯，不是西班牙海鮮飯。

星期一約咗朋友喺上水食晚飯，喺Openrice search咗一陣，見到呢間餐廳評分唔錯，所以決定同朋友試一試。我哋晚上7:45分到，餐廳比較冷清，只有兩三枱客。坐低後朋友點咗個晚餐A-簿牛排大蝦 ($138)；而我睇食評話呢度牛排唔錯，所以叫咗個8oz西冷排餐 ($188)。我哋兩個都係要7成熟。好快趣餐湯到，我個羅宋餐湯唔錯，而朋友話佢個青豆忌廉湯都OK，最好係啲牛油，唔會硬掘掘，非常柔軟，揸餐包一流。但係我個西冷就真係唔得，要七成但係就差不多全熟，入口比較乾同有渣，而份量亦相信只有5-6 oz，比較細份。感覺大家樂好食啲，不過佢就應該冇落鬆肉粉或梳打粉醃肉。而朋友嘅簿牛排大蝦餐，佢就話一般，大蝦都算大隻，但就比較乾。最後餐飲兩個都叫咗凍奶茶，估唔到係餐飲有啲驚喜，奶同茶嘅比例味啱啱好。最後埋單兩個人連加一要$356，食品質素同價錢有一段距離。個人感覺同樣係主打食牛排嘅花園餐廳，無論價錢同食品質素都好好多。最後佢嘅服務質素尚可，唔差亦唔係好好。唔知係咪今次廚師失咗手，但係我應該唔會再試。

今天遲了吃下午茶，本來打算到連鎖餐廳隨便吃便算，但原來佢地tea time只到17:30，經過這見到仲有，選擇又幾多便試下先，初初係門口餐牌見到有三文治配薯角，都要30幾40元，本應打算叫這個，入到黎坐底再慢慢睇menu,居然有我近期喜歡的喇沙，二話不說，決定食喇沙，叫了豬頸肉喇沙湯烏冬，真的和名一樣，成碗只有名子上的三種材料，喇沙主要的芽菜蔬菜一點也沒有，唯一可取就係豬頸肉份量頗多又淋身，湯底一般，沒有驚喜，食完都已黃昏6：00，餐廳的燈忽然轉暗，原來是為了晚市準備，配埋餐廳播放的綱琴音樂，氣氛好好，加回小小分，下次要來試下晚餐先

第二次黎308，系想吃心太软，今次试下的扒。。。实在系麻麻地。。。叫一份rib eye虎虾。。。的虾肉有的霉，的牛扒呢。。。薄过牛柳，五成好似十成甘。。。睇黎以后去就净系吃心太软同咖喱算了

岩搬黎上水一个月，呢间CAFE好就脚，懒得煮饭，又见到门口MENU有心太软，决定试下（本人比较中意吃心太软）。都算有惊喜，叫左两份都系咖喱。牛腩够林，好入味。羊肉又几有羊味（本人唔介意少少蒿味）。的咖喱带的椰香。一个SET DINNER吃到好饱。最后surprise就系心太软！！以前住元朗吃过好多次SUGAR MAMA，呢度既心太软比元朗好，朱古力酱更多更浓。以后会再试其他。