Cafe 308 (已結業)

因為某原因的關係，我和媽媽有兩日都來這間吃東西。第一日，我們先去吃早餐，我們都叫了：火腿通粉及跟炒滑蛋套餐不錯啊，個滑蛋好正，不知為何媽媽會話佢老，話佢實，但我則喜歡佢實些，有口感。個通粉亦不錯，湯底好好味，唯因為有些生絲，蓋了少少味，但都不錯。至於昨日，我們又來這兒吃，不過是吃午餐。我叫了一個肥牛手打湯烏冬－不錯，好好味，（不過唔記得拍攝）媽媽叫了一個朧脷柳天使麵好差，朧脷柳好淋，好散，沒有口感。而天使麵亦沒有味道。至於服務亦是麻麻。尤其是早餐時，我係餐牌見到有雞扒套餐，問可否跟通粉，但有一個女侍應話：沒有（沒禮貌的說）而且，我覺得早餐的選擇好少！

服務態度一流＂賣相精美＂但份量少味道淡＂整體刀唔錯＂坐得好舒服也=] 我地叫左份牛扒＂煙三文魚意大利麵＂仲有個煎龍脷柳拼珍寶腸＂最唔好食就份呢個龍脷柳＂用料差份量少最唔抵食＂意大利麵就唔錯＂=]西冷牛扒肉質唔錯＂好味道=]

我o係上水o既居民,敢話幫襯過9成o既上水餐廳,對上水o既餐廳評價一直都好差,尤其係服務態度!!!比外面如大埔,沙田,旺角o既餐廳特別差可能係因為有大把自由行客佢o地根本唔憂做所以對客人o既一般都比較態度差可謂係冇服務冇態度~~~今日,終於俾我見到一間有當我係客人o既餐廳啦~真係好感動>v<!!!之前一直因佢佢好貴,所以都唔敢幫襯琴日先第一次踏入哩間餐廳~~~因為岩岩去完旅行o既關係,帶住大型行李,一入到去,就有人主動幫我o地保管行李,點餐o既時候又好有禮貌,亦答得好詳細食物呢,就一般,有好有唔好,4個人點左4個餐,有兩個好好食,但有兩個係冇味o既=.="唔知係唔係廚師唔記得落鹽啦..........."連阿媽哩d清淡開o既人都忍唔住出聲話好淡但係家姐個蟹子長通粉真係好正,第一次食哩種味,好特別~^^阿爸o既三文魚飯都幾好,三文魚好大塊tim~主菜太吸引,食完先發現冇影到相=p最後我一家都話服務有禮貌有笑容,就算佢貴d都會再幫襯最緊要係食得開心丫嘛~

一間西餐廳.環境十分舒適.在早上賣的卻是茶記早餐.服務生雖則有禮.但明顯人手不足..2人吃早餐51元...也價錢合理早餐...麵包是吃扒的餐包.有牛油,切下塗上.食的感覺也覺得包鬆軟滑蛋:不夠滑.乾乾的也無蛋汁.軟差...火腿通粉.味道淡淡的.幸好通粉彈牙.....軟健康...凍檸茶....不會太甜.可惜奶味同檸味都不足........早餐一般..但環境好,.價錢合理..也值得笑面...

雖然我住o係上水，但都只係第二次黎呢間餐廳今次自己一個黎食，無叫set，係大餐牌度點左一個松葉蟹腳湯&一個牛柳絲炒天使麵諗番起都覺得自己幾豪個湯我就唔識分係咪松葉蟹腳喇不過忌廉味十足，都總算無觸礁啦至於個天使麵先係經典除左我屋企平時煮o既野食之外，我從未食過一個街外野係會d餸仲多過d麵可見呢間舖頭非常足料，絕對無欺場好快我會黎幫襯第三次嫁喇下次叫多d人嗌多幾樣野食﹗﹗

好耐冇去上水遊蕩, 原來呢區好鬼熱鬧, 可能因為放暑假, 超多自由行.今天想坐舒服啲, 所以避開茶餐廳, 快餐店, 然而在火車站附近, 呢類選擇真係好少.揀咗308, 餐廳以綠色做主調, 環境好闊落, 枱與枱之間好多空間, 感覺好悠閒.見到呢張枱墊, 餐廳個朵308就係咁嚟嘅, 吓! 唔係化. 我行咗好耐至嚟到, 咩0 distance? 若果呢樣無里頭, 更騎呢係下句: 8% delicious, 開餐廳, 80%美味都勉強, 仲要得8%?英文唔好唔係犯法, 獻醜不如藏拙, 咪扭啲咁嘅橋啦, 盞失禮死人. 羅宋湯&麵包都幾好味, 個湯辣咗丁多, 麵包上枱時仲暖, 但唔係微波爐叮熱嗰種, 表皮有啲脆, 好味.老公點的咖哩牛腩意粉($58), 牛腩份量幾多, 肉質炆得好腍, 其中有一半是牛筋, 意粉其實係天使麵, 好重蒜頭味, 因為幼身, 所以感覺上好細碟, 食完麵仲未食完啲牛腩.呢碟其實係焗白汁芝士肉醬粉卷(~$42), 份量幾單薄下, 好在碟底有層薯蓉, 女仔唔大食的話剛剛好, 男人就可能唔夠飽啦.咖啡好好味.兩點意見:1. 餐廳開咗冇耐, 但啲碟已經開始崩, 管理層要諗諗佢.

我同我個fd都諗住鋸扒,咁岩醒依間野,未去過,咪試下law點知真係令人好失望,睇個menu,發覺個果d dinner set要鋸扒,起碼都要$148, ("簿"牛扒都要$80)仲要加28蚊先有湯餐包同餐飲,同搶錢無咩分別,咁都算啦,依家依個社會係講性價比d野黎到果時睇落唔錯,食落就.........我個fd叫左鵝肝,同佢share發覺食落口好似食緊肥膏咁,好油同好"濟"至於我塊扒.....七成熟.......鋸果時唔係硬實果種難切,而係軟淋淋果種難切唉,我好相信會有好多間出色個佢兼平過佢一半總括黎講,我覺得成個餐唯一算攞得落口gei應該剩係得薯仔環境方面其實似乎傾向家庭feel,一班人一齊食,如果少人gei話其實無咩feel想hea同吹水<<<或許受食物質素影響吧

其實熱成咁，真係冇乜胃口食嘢，唔想食得咁 heavy，咁就走去Café 308，貪佢西餐有d冇乜滯嘅野揀。芒果帶子沙律︰芒果幾新鮮，唔知係咪因為當造先有甜芒，帶子有兩粒，唔係好大粒，可接受囉，d沙律係堅甜，好食! 好似四十幾蚊，其實抵唔抵真係見仁見智，但我會推介。漢堡包︰牛肉食落Feel到 texture，肉味幾濃，不過個包好似烘多陣會香d脆d，其實好奇想知係咪逢係牛肉都要加「安格斯」三個字。今次係食唔晒d野，因為個包仲有d薯角伴碟，飽到夜晚都唔洗食。

前幾天看到有食友上了雜誌介紹內地的美食，在書仔看中了一家麻辣店，就急不及待要親身去試試，不過北上前要先吃點東西。難得北上，我們就打算在北區覓食，最後發現了這家餐廳。這餐廳位於新都廣場地下，正值午餐時間，客人非常多，我們也等了好幾個號碼才能進去。店內十分光猛，裝修格局像高級茶餐廳，主要供應西餐。假期308午餐有九款選擇，價錢由$42-$68不等，有餐湯餐包加餐飲，這個價位算是抵吃吧？午市如果有沙律，基本上我都會選，因為午餐吃得不多，而且這個set有我喜愛的煙三文魚。鬆弛在椰香咖喱牛坑腩和澳洲薄牛扒拌牛肝菌中選了前者，並配了意大利麵。照老規矩，紅湯白湯每款一個。雜菜湯顏色很深，下了很多茄膏，雜菜亦夠多，雖然欠缺了些肉味，但仍然好喝。鬆弛的粟米腿茸忌廉湯就很一般，沒有忌廉的香味，如獻汁般杰杰的，是普通茶餐廳貨式罷了。附送的餐包很特別，我們都沒有吃過這種。拿上手微微硬，裡面還算軟熟，蛋味非常之濃，濃烈得我們都覺得像在吃雞蛋糕，所以跟牛油有點不搭，跟餐湯也不搭，怪怪的。煙三文魚沙律，有煙三文魚、菠蘿、車厘茄、生洋蔥、橄欖和沙律菜，配上一點橄欖油、黑醋汁。只有配料新鮮，基本上是不會不好吃的。反而鬆

好日都唔去一次上水，早幾日無lala去係因為去左一間好耐都無幫襯過o既樓上店度駁髮~~駁完髮又唔知食咩好,不過又因為本人一向有冒險精神，去到極地就梗係要食d未食過o既野啦~~~~~~o係門口見到間野靚靚地，又唔洗等位，就入左去喇~~~價錢唔係特別平，但九唔九對自己好d都得掛@@由於本人唔係太鐘意食肉所以就叫左個黑松露鵝肝意大利飯唔洗掂到太多肉之餘亦可以滿足下我呢個芝士精個飯一黎到，見到上面好多條刨出黎o既芝士，我就知道今次無死喇@@唔係講笑，鵝肝切成細細塊唔會太漏，d芝士奶味係完全滲入晒個飯入面，好鬼香，話知食完會肥10磅~~~呵呵最值得讚係飯邊淋左d紅紅地有d酸味o既汁，刺激一下條脷又可以平衡番個飯o既芝士味~~yeah食完個飯仲食得落個心太軟，問你死未@@平時出街食心太軟最驚係間餐廳就咁叮一叮就俾我食……成舊野一d生氣都無’’好彩今次無觸礁~~我肯定佢係焗出黎的~因為蛋糕軟綿綿，一切開真係有流心流出黎…如果係叮叮貨色，個軀殼一定係未叮到入面d朱古力變溶之前已經變到乾晒啦…^^旁邊仲有一舊雪糕，食一啖熱o既心太軟再食一啖凍雪糕~係正上加正~!!!最衰呢間野開o係上水，下次再黎都唔知係

之前都已經食過2~3次,食物不俗,服務態度不錯,細心,有禮今日同2個朋友(1共3人)食我地嘅lunch,,,正正係大家的食飯時間,,,等左小段時間先有位,,,佢鋪位係商場外圍,,,又係下午,,,好熱(但係冇辦法)等候期間發生d小插曲,門口知客前後比5~6個人嘈~呢班人態度超惡劣~大家都係入去食飯仔姐有位就就會比你地啦,,,冇位都冇辦法,,,都知道大家返工食飯時間有限,,,冇位,,,都係冇辦法!!!幾個人圍住嘈嘈閉,,,做show咩,,,勁唔似樣,,,,雖然我都唔係幾滿意此知客選擇沉默的手法,,,,但係見佢係只係個見習,,,都已經唔錯,,,我地食完之後離開時佢都面帶笑容,,,尼點敬業,值得欣賞!食品推介: １，鴨胸忌廉湯,,,,好特別的湯,,,應該冇邊到可以飲到 ２，,,,牛油汁好香好滑,,龍利柳大件,,抵食!!!!

今日放假同朋友去咗上水新都廣場, 行得攰攰地, 去咗一間"Cafe 308"餐廳，環境舒適整清, 行吓行, hea吓一流睇睇餐牌, 選擇算多~餐湯"羅宋湯" << good, 唔係罐頭野, 仲有個餐飽, 好味!!! 主菜: 法式紅酒燴美國牛肋骨 << 超好味, 極推甜品: 心太軟 << 好正, 香濃朱古力流出, 啱晒最鍾意朱古力的我

吾悉有此新店, 惠顧後覺不錯先後惠顧四次; 但最近一次晚上惠顧晚餐(21.7.2011), 使我及家人有點兒不滿及不快! 食品雖然與價錢相比, 似物非所值, 最大問題是其中一個女侍應生(打扮較濃妝及稍豐滿); 她的態度/語氣及舉止, 給我們的感覺非常沒有禮貌及眼神不好與語氣不佳; 真是一粒鼠屎害了一鍋粥, 其他不是這樣! 若此女侍應生能改善; 物非所值這個問題會成為不是問題了!

間野不嬲都幫襯開，其實間野唔差既今晚星期日七個人去食大約八點鐘，企門口果個話第二張大檯就到我地，見有兩張檯就食完，所以等啦等左成粒鐘，兩張大檯食完應該有位喇，點知有十二個人姓張就咁行入去就坐低我地七個同前一張五個就無得入去我地即刻同佢地理論啦企門口果個話佢地有coupon 可以優先入坐佢show呢張coupon 畀我地睇，根本就無得優先入坐！熟人有得打尖就真，但都唔好做得咁出面一早話要等四張我地就唔等啦！大熱天時等成粒鐘之後又要繼續等，離晒譜！仲話傑出服務獎，咁既服務真係太差，應該即刻收番個獎啦

那天我約了朋友去食飯, 門口已經是很多人了...在門口等了一門..那同事都幾nice 之後入去坐住等朋友 入到去...坐下那裡的女侍應給我餐牌和倒水給我..服務算不錯 ,但奇怪的事為何一名女侍應可以整水晶指甲...因為本人覺得一雙手對侍應黎講好重要,又經常接受到食物難免會令到我們覺得有點不衛生,,,而會令到我們的視線投放在她手上總捨黎講清潔整理不就是很好的嗎?希望有代改善!我一定會再次到本餐廳消費除了這一點...環境很好....給人舒服....食物份量好像比較小....