Cafe 103

营业中

休息中

六月半生日，揀左間靚景而可能系香港最高嘅餐廳食自助晚餐，景色唔使問實屬一流，可以自己一個，如有美伴確會生色不少，但一人亦别有一種随性。由於早一星期已經電郵預訂，是日星期五，客人不算太擁，餐廳安排左我一人坐一四位餐桌，地方寬闊，一日獨霸四人桌，拿野食亦唔怕太多擺唔到。餐廳自助晚餐有生蠔，龍蝦，長脚蟹等凍盤，不過個人行經覺有小小味所以冇拿，而熟食，有中西印各款，中式竟然有乳猪而且仲系皮脆肉嫩，一來少見，二來真系好味，拿笫二轉有添食，個人亦比較喜肉食，燒牛肉同豬肉亦做得唔錯，還有日式刺生亦新鮮，可惜款少，得三文魚，带子同凡立貝，如加上個人喜歡的吞拿魚相信會有加分。上面講到肉，咁就不得不提酒，加100蚊港幣，可以有白，紅，氣酒任添飲，餐廳用酒都幾好，三隻都試過，個人覺得加100性價比高。此外餐廳亦有提供生日甜品拼盤，不過都系食返是日甜品區個啲好味啲，服務來講都殷勤迅速

呢個set 係薄荷柑橘為主題見到款式就唔算太多，但其實食得好飽的！！！我揀左幾款出色的甜點同一款鹹點。因為鹹點唔夠D 字頭個間tea set 做得好。呢份你以為普通瑞士卷，但我想講佢真係普通青瓜加忌廉，不過味道中和清新，反而幾令味蕾refresh 下香橙西梅芝士蛋糕 一啲都覺得唔溜，我本身鍾意食cheese cake, 香橙完全唔會蓋過西梅味！薄荷青檸白朱古力撻成件事係夾，同埋個賣相吸引！其實有點似mega 既薄荷朱古力雪條‼️柚子朱古力果仁呢個係我覺得第一次令眼相看既朱古力cake原因係佢唔會溜，至唔鍾意甜到high high 既cake可能配左柚子既甘甜，再加埋果仁 脆脆的，成個口味就very good喇檸檬蛋糕 亦係我覺得最後完成 整個tea set 既句號！佢簡而精，唔係hea 你既lemon cake最後，失望既係呢杯機沖既latte,唉...我同友人係咖啡友，埋單$7xx 佢俾杯咁既coffee 我呀～～～～（一開始掃興了）

拍拖週年咁重要，一定要諗諗計，cafe103可以睇睇景，又高級，就book 左👏🏻我地下午茶時段去，叫左個二人set下午茶☕️，幾舊cake咁，杯熱朱古力好濃， 濃到有點漿，但又幾好飲，可能係我唔識世界，覺得好正😆🤭鬆餅一人一個，有果醬同牛油搭配，味道都好好，好鬆軟。我哋好期待個主menu，誰知。。。。個賣相出嚟真係好靚，但味道真係有點保留😅😫。。如果要評分，我只會説最上高果兩款朱古力甜點值得食，其餘可能自己食唔慣，覺得味道有點奇怪🤦🏻‍♂️。呢個價錢而比呢個質素略為唔值，我見有好多枱都無食哂，所以覺得以上評價可以代表一部份人對呢間餐廳嘅質素評價。說真的喺呢間餐廳食個景真係無得輸，但食物質素有待改善。尤其咁嘅價錢會期望高少少。🤨

美食無分國界，就如我們因食結緣而成為好友，女生私茶聚，出發！ 下午茶分兩段，我們選了2時的檔期！餐廳樓底極高，跟盡收眼簾的大海配合著，既浪漫又舒適，菜單設中英版本，很貼心！雖然索價不輕，但醉人景色，亦算值回票價！妹偏愛抹茶，選了朝露，朝露以大茶壺盛著，其帶淡淡的果香和花香，茶味香濃亦富層次，配甜點可化去甜膩，大愛！火腿芝士麵包做成百力滋般，頗具玩味！惜火腿過薄，只嚐到微微鹹味，不太吸引單聽海鹽焦糖開心果朱古力杯的名字時，還以為是極甜膩！吃來卻是濃而不膩呢！面層有著不少果仁，配上一層焦糖醬及厚厚的雲尼拿吉士，海鹽平衡膩感，應記一功！令人驚喜的一道甜點！拍照良久，鬆餅仍然非常鬆軟，點點濕潤跟點點奶香，就算不塗厚厚的果醬和奶油，仍然出色！

難得同朋友去high tea~千挑萬選終於去Ritz-Carlton 既cafe 103~朋友說上次天氣不好看到一片白茫茫，今次天公作美～但其實掛住傾偈就係影左兩張相～朋友注意到酒店專請鬼仔同埋好高既staff我覺得今次薄荷橘子主題唔係我杯茶～所以～haha 試過就好～ 但咸點真係麻麻地...另外signature chocolate....如果不加signature, 我會無咁失望

啤為了慶祝紀念日，提早一個星期於Openrice訂位賺取里數真是一舉兩得。再次選擇在麗思卡爾頓103樓層居高臨下欣賞維港的自助午餐，只是欣賞維港美景已經令人爽心悅目，首先餐廳大部份的座位也不是靠窗的，如果想選擇窗邊的座位一定要預早訂枱和要求窗邊位，還有窗邊的座位一邊是向海景而另一邊向是樓景，最後不論男女洗手間也有落地玻璃的海景。餐廳留枱十五分鐘，自助午餐時間由十二點開始。由於訂位時已要求向海景窗邊位置，所以位置是正望維港景。食物選擇不算太多，但是每一款賣相都很不錯。是次自助午餐有生蠔、長腳蟹、龍蝦、蝦和青口，質素都很好和新鮮。如果喜歡吃甜品的話，這裏的甜點非常優雅精緻有20多款選擇，印象深刻的甜點有（野莓雲呢拿朱古力球；椰子芒果撻；椰子奶油忌廉撻；黑糖雲呢拿香梨撻），大部份都很好味。為了慶祝紀念日特別加錢預訂了小蛋糕（朱古力香蕉）。

難得與美女共慶強國誕，決定大解慳囊，選址麗思卡爾酒店頂樓自助餐，完全豁出去吧 ﹗坐的士飛奔到達酒店，跳入高速升降機，不花半分鐘就停定在 103 樓了 ﹗可能係最後一次見面，要好好珍惜。訂位時要求坐近玻璃，真的安排到呢，感激萬分。坐在最遠處的角落，更加有私人空間，可以舒舒服服悠閒地撐檯腳喇。長條形的餐廳，每個角落都可以望到維港境色，只是跟窗門有多遠罷了 ﹗間中還有陽光滲進來，心情都特別暢快啊﹗稍休片克，係時候出去巡視一下到底有什麼美食，這裡的自助餐價值不非，食景觀？食服務？還是真的食物有質素呢？芝士、火腿、巴馬火腿、刺生、壽司、海鮮冷盤、迷你漢堡、炒粉麵飯、中西湯、甜品、雪糕、蛋糕、中菜、西餐、東南亞、 等等等等，都幾應有盡有。首輪先取大量海鮮，坐定定預備開動，殺呀 ﹗生蠔，不知名生蠔，奀滋滋喎，食開大野真的有點唔習慣呢。蠔味清新散發鮮蠔味道，海水咸味不太重，金屬味亦不太顯注，質爽微甜可口，不夠肥美，平凡的合格，沒驚喜。胡麻醬沙律，平凡生蠔後再來普通希臘生菜粟米沙律，滾上胡麻醬香香甜甜，生菜爽而充滿水份，中規中矩。烚到廿十成熟的凍龍蝦，幸好還有蝦味，還有少許蝦汁，還剩下微弱的彈性。用叉一

昨晚在圓方看完電影才7:30。於是到附近酒店的Cafe103食自助晚餐。居然唔使等。幾好彩。坐低後當然開始巡場。咦？得一行。好少。先來冷盤。蟹腳龍蝦仔正常，但生蠔幾細隻又不夠肥美。失望。四式刺身都幾好。跟住飲湯：虫草花雞湯。呢個最正。跟住熱食。乳豬有點淋。只有少少脆。鴨肝和牛漢堡同燒牛肉無驚喜。最強是甜品，好多款式。同品牌Qeelin一齊做推廣。整體來說，其實我唔介意食物小點選擇得做得精。但今次真係同價錢不對稱。試過一次不會再來了。

3月之星老友記生日，大家好耐冇食Buffet ，於是揀左未去過既Cafe 103食Buffet ,未去之前滿心期待這樣的價錢Buffet 食物選擇和味道一定很精彩，到達餐廳我第一時間一定邊行邊望有乜好野食，Buffet 吧只分左右兩邊，門口正中有一座甜品吧，心想選擇好少😏，待應引領我們到達坐位，wow 窗口位，景色一流，從ICC 103樓望下去香港真的很美，坐下來待應告知可先點飲品，紅白洒，香檳，果汁是可以任飲的🤣🤣🤣身為白洒控的我，心𥚃開心返少少，好，到正式出埸巡埸搵野食喇，選擇令我非常失望，沙律，海鮮，冷盤，熱盤選擇極少，食物食基本，沒有較為貴價的菜式，例如煎鵝肝，羊架之類☹️☹️☹️味道亦很一般，以這樣的價錢提供這樣的食物質素個人認為非常失望，但能補償的就是一流的景觀和洒類任飲，甜品也是頗多選擇，另外因我們有朋友生日，在甜品上立即寫字也可做到及免費的，值得一讚。

食物選擇少，補給慢，這樣的價錢與食物質素不符。國內遊客多，不排隊取食物，一個遊客已取一半數量令本來少食物更不能應付客人需要，還要補給慢和次數少，根本不能接受一間所謂五星酒店有如此低質的供應

本來呢篇唔想介紹俾大家，因為好似好耐以前但唔介紹又覺得埋沒一個好地方，今日放假就同媽媽一齊去感受吓在103樓歎下午茶既滋味，有幾high係噤高同噤高級既地方high tea，價錢一定唔平，不過食物和環境係值得，首先講講呢個係JEAN-PAUL HEVIN和Cafe 103 crossover期間限定既南美風情朱古力下午茶之旅，有好多款朱古力整成既食品，除左甜點還有幾款鹹點三文治鴨肝醬迷你泡芙配古巴唂咕豆，鴨肝醬幾濃，泡芙大細適中，可以一啖過香草唂咕油煙三文魚麥包三文治，香草既清香，另到三文魚冇噤油膩海鮮香草忌廉配巴西咖啡麵包三文治，食落有d香草味和咖啡味松露蛋黃醬麥包三文治， 松露和蛋黃醬好match香脆朱古力撻，撻面幾脆，內裏好濃朱古力香橙法式瑪德蓮蛋糕，蛋糕軟滑，淡淡香橙味法式泡芙，一層朱古力一層泡芙，味道香濃軟滑巴西朱古力粒，濃濃既朱古力味秘魯皮烏拉朱古力蛋白杏仁餅，平時macaroon好甜，但呢個唔係好甜，朱古力味幾濃巴西馬卡胡椒草莓杯，一層草莓一層朱古力，草莓既酸和朱古力既甜，起左中和作用，另到酸甜度剛剛好朱古力咖啡，聞已經好香，飲落更加香滑話明下午茶，除左食都包一杯飲品，我

老細請食午飯，當係春茗啦！咁一大班人上到103樓，梗係唔少得睇吓個靚景啦。點知嗰日個天又有啲煙霞喎，咁其實成班人都唔係影到乜靚相。不過算啦，又唔係我俾錢嘢食方面，本來好鬼死大期望，咁食自助餐喎，梗係早餐都唔食死沖埋去啦！點知食落，其實都係普普通通，魚生…真係有啲普通囉，我以為自己食緊爭鮮咋！尤其隻長腳蟹，拎咗兩件，諗住好開心啦！食落好鬼死乾，又冇晒未，唔怪得知冇人拎啦甜品，都有啲入到口嘅，但係真係尖東任何一間酒店都好食啲囉。不過值得一題係佢嗰幾塊芝士，我都唔知幾鍾意食芝士，而佢啲芝士又真係幾OK ,尤其嗰塊藍芝士，平時嗰度都成舊水㗎啦， 一件咬落去都要20幾蚊。又真係幾回本位嘅。其他就真係冇咩好講啦，係瘋狂拎啲湯黎飲囉，個蟹肉湯都還見得人嘅以食物質素來講，真係食放題都仲好食呀不過都係食個景啦。

男朋友生日飯，Book位時話Waiting window seat排第8張，本來好失望咖。不過嚟到之後，侍應帶佐我地到窗口位，真喺喜出望外個view幾好，可惜當晚落雨能見度低，所以景觀未夠100分。我地坐低後，waiter 就問我地飲咩，有任飲的紅白酒，bubble,果汁汽水。出佐去行個圈，地方空間唔算大，食物種類唔算多。不過有我最中意食生蠔，龍蝦，蟹。感覺還不錯。我地開餐了生蠔唔算大，但幾鮮甜。蟹脚、凍蟹、蝦都好鮮甜最後，我哋食埋加少少錢訂的蛋糕仔。

是日週年紀念，早早在openrice訂位，暨賺取里數。餐廳留枱15mins，lunch buffet 12noon開始，到了餐廳等候安排入座，看著那職員一個人忙著行來來回回帶位，客人是需有點耐性等候安排。我們被安排window side table，枱邊倚著鏡柱，一人正望維港景，另一人正望鏡柱，老實說，整餐照住鏡食嘢很不慣。buffet 2pm完，爭取時間品嚐(๑•̀ᄇ•́)و ✧ 。於這頂級酒店餐廳吃飯，禮儀都稍稍收歛，每款取一點點。款式不算太多，每款擺相還是用心的。比例上，看是甜品種類多選擇。剛開始進食第一碟，不知何來一隻瞎頭烏蠅，飛落我的碟，按扁了，被迫捨棄碟子，再去揀食物。第二轉揀了刺身及冷麵類，櫻花冷麵好食。廣東點心有蝦餃，燒賣，蝦餃很易散。竹笙海鮮湯也好，輕嚐咖喱雞配印度薄餅及印度飯，少辣，味道也好。熱盤類沒點揀選，叫了一碗喇沙魚旦湯粉，粉絲質地的美粉，很多粉，湯濃濃。最後是甜品了，甜品櫃滿滿的，雖然有的是重複了。平時最喜愛的tiramisu,and macaron，可是tiramisu酒味over了，不合味道。macaron紅的是紅桑莓，粉的是松露味，聯想應是Pierre H

都有一段時間沒有來到全港最高的酒店享用下午茶了，還記得第一次來到之時，就是主打朱古力下午茶的，相隔現在都有好幾年了。今次Café 103首次與西班牙籍糕點大師Javier Guillen合作，以厄瓜多爾產的優質可持續朱古力入饌，與Peter聯手打造美味的朱古力主題下午茶。這個厄瓜多爾朱古力下午茶的甜點都是以厄瓜多爾產的可可來做，取用含量介乎31%至70%之間的朱古力來製作甜點，使口味更能得到大眾的喜愛。同時也有一系列以咸味為主的開胃前點。 總是喜歡以咸點開始，分別有迷你火腿芝士三文治、三文魚籽配水牛芝士夾餅、燴蟹肉柚子忌廉配迷你墨魚汁漢堡包及迷你松露忌廉雞肉酥四款，占苗尤其喜歡傳統的火腰芝士三文治，輕輕烘烤過的表面有著金黃香脆的口感，伴以惹味有咸香的芝士及火腿，只是小小的一件，有點不夠喉。 咸點過後，嘗試一下主角的甜點了。占苗對製作成玫瑰花造型的紅桑子蔥絲朱古力脆脆情有獨鍾，質感幼滑，甜甜酸酸得來很開胃，內裡更藏有酸度怡人的果醬，十分清新的。相對地，做成厄瓜多爾傳統帽子造型的熱情果香蕉朱古力脆餅比前者略甜，可是卻巧妙地平衡了朱古力的味道。 而當中有兩粒極為相似的松露朱