C DESSERT

营业中

休息中

今日係PP行完，落左黎莊士頓道覓食，見到呢一間白色嘅新裝修，睇落幾靚，就望下睇下係食啲咩～原來係聰嫂甜品🤣呢個名聽過好多次但係一直都未試，咁有緣份一於就坐低試吓！揀咗兩款應該都係人氣之選嘅推介。一款就係芒果麗沙，就係芒果加沙冰加爆珠加椰果同小丸子。呢個組合無得輸，芒果夠甜，又多肉，小丸子夠煙靭，椰果大大粒食落就知唔係啲普通平嘢，最正就係啲爆豬好爽，令嗰個口感更有層次😂朋友話第一次食啲咁爽脆既爆珠，好上癮！另一款我就覺得好特別、比較少見嘅，士多啤梨西米冰。因為圖片睇落去就係粉紅色，好好奇佢係點。佢嚟到我已經覺得好靚🤣食落係好濃嘅士多啤梨味，最佳埋啲爆珠爽脆嘅口感，仲要係沙冰凍到爽一爽，特別係啊咁熱嘅天氣食落去真係停唔到口😂好快就見底了，真係好彩有貪新鮮、比好奇心吸引咗叫左佢，好好食！！我見好多人都嗌龍眼西米冰，仲有密瓜，我已經好想下次再嚟試吓呢兩款🤣如果大家食開糖水又想試吓啲新嘢，絕對推介大家過嚟試吓，係會有驚喜既糖水寶藏鋪

呢間糖水舖直頭係我讀書時期嘅回憶呀！由初初係銅鑼灣嘅鋪頭搬過嚟灣仔呢邊，搬咗過嚟灣仔之後，座位比之前闊落咗同感覺大咗咁！不過糖水種類有繼續keep返之前嘅招牌糖水添！🍽️南北杏雪耳燉木瓜係呢啲咁乾燥嘅天氣裏面，一定要食木瓜糖水滋養吓先得啦！呢個亦係經典糖水之一，更加可以舒緩喉嚨同皮膚乾燥添！而且木瓜清甜甜同潤肺，食完個糖水後簡直係暖笠笠，夠哂滋潤😋🍽️桑寄生紅棗蓮子蛋茶除咗木瓜糖水外，桑寄生亦係我no.2之選！中意食個陣藥材味嘅大家一定會好中意食，藥材味味道適中，咬落隻蛋到巳經索哂藥材味，超級入味😋

不愧是何超莲推荐的甜品店，真的很好吃！我们点了招牌的两款甜品✨龙眼椰子冰满满一碗的冰沙，上面有一些小脆珠，和两个冰冻的龙眼。冰沙很清爽，浓浓的龙眼味，冰沙也有很多龙眼果肉✨榴莲冰沙正如所说的，就跟吃冰冻的榴莲果肉一样，榴莲味超浓！

聰嫂回歸🎊相信舊鋪好多人都食過，而家灣仔重開，由聰嫂主理，甜品依然出色。杏仁合桃露（熱）（芝麻湯丸） 呢個次次嚟都會食架！杏仁茶同合桃露絕配，香滑滋潤，啱各位愛美人士。追加湯丸4粒，內有黑芝麻餡。南北杏雪耳燉木瓜經典廣東糖水，可以紓緩喉嚨不適同乾燥，滋陰潤肺。木瓜清甜，鍾意佢哋嘅熱糖水真係熱辣辣，食到尾聲仲暖笠笠。黑糖珍珠咖啡雪糕窩夫窩夫即製好煙韌，黑糖珍珠放在旁邊十分可愛。雪糕有極濃咖啡味，相對無咁甜。香蕉朱古力醬焦糖脆脆窩夫 如果鍾意朱古力同香蕉🍌就可以試呢個，仲有焦糖脆脆粒。🛎️必試指數：9/10🔆

呢間糖水店真係我大學時代嘅回憶🥹放學後飯後去到銅鑼灣都係必食既甜品🍮而家重開喺灣仔都好受歡迎🩷 感覺冇變都仲保留好多招牌糖水🤪 舖位更加闊落而且選擇比起以前更加多😍今日就嚟個下午茶試一試☀️⭐️ 龍眼椰果冰 🥥係我最鍾意嘅招牌之一❤️ 龍眼好清甜而且刨冰有滿滿既果肉香🍧 加上椰果既口感好豐富⭐️ 杏汁芒果豆腐花 🍼豆腐花香滑得來加上滿滿濃郁嘅杏仁味🤍 食得出真材實料🥰 而且芒果用料新鮮甜度高🥭⭐️ 杞子圓肉雪蓮子燉桃膠 🍑飲得出好清甜係好滋補嘅感覺🍁 桃膠口感QQ的又有美顏既效果🤩⭐️ 桑寄生紅棗蓮子蛋茶 🥚係我最鍾意嘅傳統港式糖水🏮 藥材味點到為止切開隻蛋溶曬入雞蛋裡面🍳係出色既懷舊口味

🇭🇰Hong Kong - Wan Chai📍 聰。C Dessert 龍眼椰果冰芒芒麗莎布蕾醬焦糖脆脆雪糕脆夫_____________________________以前係銅鑼灣返工嘅回憶返嚟，好記得以前係銅鑼灣返完Part-time之後最中意同班同事一齊食飯食宵夜先走。最中意就係去食「聰嫂」，每次都比佢啲冰吸引到，自從無係銅鑼灣就無再食過，之後有日發現經過原來已經結業了。但最近發現佢地係灣仔開返新鋪，咁梗係一定要去食下。當然走唔開都係要排下隊，大約排左5-10分鐘左右。其實流轉都幾快。每次必叫龍眼椰果冰，相信食開「聰嫂」一定記得佢個招牌龍眼。龍眼肉同冰打埋一齊，食落有好濃嘅龍眼清香。加上椰果同爆珠西米，增加咗成碗冰嘅口感。坊間食過有好多唔同嘅龍眼冰，都係覺得呢間最好食。芒芒麗莎，芒果汁個基調加入唔同增加口感嘅配料例如爆珠西米、椰果同小丸子。仲有芒果果肉，成係好香甜嘅芒果味道。中意食芒果嘅你唔好錯過。除咗經典回憶嘅甜品之外，今次仲叫咗個窩夫食。呢個窩夫好有驚喜，成個窩夫係鬆軟亦都好香牛油味，因為呢個係牛角窩夫。上到枱仲係熱辣辣，配上雲尼拿雪糕，一凍一熱。呢個旁邊配上布蕾醬味道就好似

身為一個科大人，聰嫂絕對係大學回憶😆之前知道佢全線結業都真係幾唔開心，不過好消息，佢哋回歸啦！改名為「聰。C Dessert」，仲帶咗新甜品比大家🤩▫️芒果奶昔雙皮奶 ($46)大學時期每次去聰嫂我都係食芒果奶昔雙皮奶，今日再試仍然係咁正！雙皮奶滑溜奶香十足，面頭加上冰凍芒果奶昔同新鮮芒果肉，鮮奶嘅香味加上芒果嘅香甜味真係好特別🤤▫️芒果椰果冰 ($46)打碎芒果做冰底，上面再放上芒果粒，果味濃而且唔會酸，加埋爽口嘅椰果同西米，味道好清爽😝▫️布蕾醬焦糖脆脆雪糕窩夫 ($42)全新推出人氣窩夫系列，即叫即製牛角包窩夫🧇一上枱就聞到香濃牛油味，焦糖脆脆唔會好甜，配埋布蕾醬同雪糕真係有種食緊cream brulee嘅感覺😋窩夫外層酥脆，內部柔軟，甜品控一定難以抗拒❣️見到網上都好多人推薦佢哋嘅榴槤甜品，鍾意榴槤嘅朋友可以去試吓👯

𝐘𝐨𝐮’𝐫𝐞 𝐬𝐮𝐜𝐡 𝐚 𝐩𝐞𝐚𝐜𝐡🍑以為人哋講衰嘢？🤭#foodieintern學英文👩🏻‍🏫 意思係：「你好nice!好友善🍑」聰嫂大家應該有食過?今次強勢回歸!!芒果麗莎☀️王牌推介 芒果肉香甜唔酸爽口嘅椰果 增加層次每一啖都好足料榴槤黑糯米上面個舊榴槤肉好堅甜而不膩以為已經好畀貨!!點知下面嘅冰都喺😲啖！啖！肉!Verli surprised! 榴槤愛好者一定食!!椰汁燉雙皮奶看似平平無奇竟然係王牌椰奶味香但唔會搶咗雙皮奶主角fo口感細膩軟熟奶香味正熱食更好味😋今次聰嫂強勢回歸選址係灣仔方便又就腳

𓊈聰嫂𓊉甜品回歸👊🏼 味道依然是水準之上，鋪面依舊人頭湧湧，這個價錢在灣仔區真心抵吃👍🏻絕對係我最喜愛的甜品店之一😉. ❥ 榴槤水晶珠 $48❗️推介❗️大大嚿新鮮榴槤果肉蓉非常Creamy🫢榴槤味超級濃郁配上水晶珠底層係榴槤雪糕絕對推介給愛吃榴槤的你😍.❥ 麻糬紅豆抹茶雪糕窩夫 $44牛角包窩夫做得非常酥脆抹茶和紅豆永遠是最佳拍檔豆沙香甜又綿密旁邊還配上軟糯的麻糬粒怎會不愛上呢💕.❥ 蜜瓜豆腐花 $42非常有驚喜😍😍蜜瓜味棉花冰非常香甜清新口感細膩，入口即溶豆腐花豆味濃郁而細滑配上蜜瓜果肉滋味無窮

In the street ,I come cross it not on purpose .Booking two item ,one is durian ,I like so much.and the servant is so kind

今晚同屋企人去完灣仔食飯，又心思思想食甜品，見到馬路側邊有一間剛裝修不久嘅糖水店，一試難忘！❤️❤️❤️我哋叫咗一個椰汁芋頭芋圓紫米露，全部都係我最鍾意食嘅糖水材料，亦感覺有好香濃嘅花奶味，超級好味👍🏻👍🏻跟住我哋叫咗一個龍眼椰果冰，真係成碗糖水都滿晒龍眼、椰果，非常足料，仲要好大碗，絕對係抵食！😍😍😍最後都要點一個甜品俾小朋友，點咗一個香蕉朱古力醬焦糖脆脆窩夫，呢個當然唔會令人失望，小朋友一下子就食晒所有水果同朱古力醬，非常開心的甜點🤣🤣

《聰。C Dessert》之前好出名的聰嫂甜品全線結業後上年年尾重新出發，於灣仔重開。榴槤水晶珠 ($48) - 喱個係聰嫂當年其中一個signature的甜品榴槤冰，榴槤冰勁足料，冰底完全由榴槤打出，勁重榴槤味，口感creamy，最上面再放上新鮮榴槤，愛榴槤人士必定要點。 。芒芒麗莎 ($48) - 這個甜品一句講哂，超級多芒果，芒果冰、芒果雪糕、超濃稠芒果汁、超甜芒果肉，甜甜酸酸，完全係芒果盛宴。另外仲有非常軟糯的小丸子、椰果和爽口西米，超級好味。 。西瓜椰果仙草凍 ($36) - 西瓜清甜多汁，底下的仙草凍不是罐頭版，完全食得出是自家熬製，軟滑得來又Q彈，好有膠質感，記得要加埋花奶，奶香味濃。

//08 03 24 晴天🌞21:30 灣仔 利文樓@cdesserthk重出江湖 ☺︎講起「聰嫂」相信有好多人都食過，佢哋曾經創下一日內三間分店賣出7000碗糖水嘅記錄，但後來經歷賣盤之後，受到疫情嘅影響，最終導致2020年全線結業，令人感到相當可惜。不過，就喺2023年「聰嫂一家」決定正式回歸，以「聰。𝘊 𝘋𝘦𝘴𝘴𝘦𝘳𝘵」重新出發，除咗價格比之前更平，仲新增咗多款唔同種類嘅甜品及糖水。好嘢，我等咗咁耐，終於又可以食返「聰嫂」招牌嘅「龍眼椰果冰」啦！🔻龍眼椰果冰 HKD$46ꕀ真材實料 將大量龍眼肉打碎成龍眼沙冰每啖都可以食到冰同肉嘅交融味道天然得嚟夠晒清甜 仲感受到無比嘅清新加埋𝘘彈有勁嘅椰果及爆珠西米做襯托口感即時提升多一種嘅層次同變化係我每次去聰嫂 都必點嘅甜品🔻榴槤水晶珠 HKD$48ꕀ上碟就已經聞到濃郁嘅榴槤香氣由榴槤肉整成嘅雪糕 配上 軟滑嘅榴槤蓉 食起嚟齒頰留香 入口即溶 另外 水晶珠咬落去爆開嗰刻超級過癮整體嘅配搭令人愛不釋手 強烈推薦🔻芒芒麗莎 HKD$48ꕀ新鮮芒果汁混合椰奶做底 所以糖水濃稠度剛剛好再鋪滿 粒粒香甜芒果肉｜爆珠西米｜Q彈椰果｜煙韌小丸子口感可以話

呢日路經灣仔，居然俾我見到聰嫂甜品店，以前響坑口同寶琳，成日都會買嚟食。一直都好懷念佢嘅味道，於是立即入去幫襯。榴槤水晶珠：榴槤水晶珠是一道令人驚艷的甜點。水晶珠外觀晶瑩剔透，質感十分吸引人。一咬下去，榴槤的濃郁香氣迅速充滿口腔，讓人陶醉其中。榴槤的味道醇厚，與水晶珠的爽滑口感結合得非常完美。這道甜點不僅滿足了味蕾，還帶來了視覺上的享受。如果你是榴槤愛好者，這道榴槤水晶珠絕對是你不能錯過的絕佳選擇。椰汁紫米芋圓小丸子：這道椰汁紫米芋圓小丸子是一道傳統而美味的點心。小丸子外皮Q彈有嚼勁，充滿了芋頭的香甜味道。紫米的口感綿軟，與芋圓的軟糯相得益彰。椰汁則為整道點心增添了濃郁的椰香，讓整體更加香甜可口。

經典甜品超好食呢日去灣仔做嘢，天氣凍凍地，最啱食碗熱辣辣嘅甜品。於是入咗呢間甜品舖發現佢嘅選擇都幾多。純白色嘅裝修，乾淨企理，坐得好舒服。杏仁茶燉蛋白：蛋白做得非常細膩柔滑，口感綿密，而杏仁茶的香氣則為整道甜點增添了豐富的風味層次，值得一試。椰汁芋頭芋圓紫米露：椰汁帶來了濃郁的椰香，為整碗甜品增添了獨特的風味。芋頭和芋圓的口感綿軟，帶有自然的甜味，與椰汁的香甜相得益彰。紫米則為這道甜品增添了口感的層次感，讓整體更加豐富。