C DESSERT

营业中

休息中

甜品控應該對當年口碑好好嘅聰嫂甜品有印象。聰嫂甜品後來賣盤俾大集團後，嗰個集團後嚟將幾間聰嫂甜品全線結業。而家聰嫂捲土重來喇，喺灣仔重新開業，於是去支持下。星期日午飯後嚟到，比營業時間1點鐘早咗啲啲，門外已經有幾個人排緊隊，入座後冇耐，大概喺開舖後5分鐘已經滿哂喇！點咗四碗糖水，都係menu裡面有皇冠標誌嘅，既然店家有信心，應該係好嘢嚟，果然冇中伏，全部都滿意！布蕾醬焦糖脆脆雪糕窩夫又甜又香脆。芒果麗莎非常足料又香甜。蜜瓜豆腐花清甜幼滑，沙冰刨得好細緻，加上脆皮爆珠，令到口感更豐富。椰汁燉雙皮奶就既有奶香又有椰香，細膩滑溜。四款唔同類別嘅甜品都有水準，必定回頭呀！性價比高，而家啲糖水唔平，呢間個價算係親民，仲要好味！

我今日放假，約同好友去灣仔漫遊，順道去位於灣仔莊士敦道35-45號利文樓地下1D號舖的聰。C Desert食甜品。環境舒適開揚，坐得舒服。我點左個香蕉朱古力醬焦糖脆脆窩夫$38，榴槤黑糯米（凍）$48，好友點左麻糬紅豆抹茶雪糕窩夫$44，鮮什果水晶珠（凍）$48。整體黎講係好好味又好食。

今日就去咗灣仔食聰嫂甜品，勁多人排隊，都排咗一陣先入到去，多款甜品選擇，五顏六色好吸引，樣樣都想食必食招牌 [ 龍眼椰果冰 $46 ] 龍眼椰果冰清甜，每淡都充滿住香濃椰果味，仲有一粒粒爽口椰果，冰冰甜甜好味道面層有大大舊新鮮榴槤果蓉的 [ 榴槤黑糯米 $48 ] 用新鮮榴槤做的榴槤蓉又香又濃，口感creamy，啖啖榴槤肉，脆口西米鋪面，下層是煙煙韌韌黑糯米，甜度適中，食落口感豐富有層次滿滿香甜芒果肉及芒果汁的 [ 芒芒麗莎 $48 ] 加上脆口西米，還有口感煙韌的小丸子、爽口椰果及冰凍芒果雪糕，食落口感豐富香甜清新的 [ 蜜瓜豆腐花 $42 ] 蜜瓜味棉花冰，口感香滑，入口即溶，配豆味濃郁又細滑的豆腐花及粒粒蜜瓜果肉；香味濃郁的 [ 士多啤梨仙草 $42 ] 甜酸士多啤梨味，滑捋捋的仙草，好夾的味道最後選擇用牛角包做的窩夫口感酥脆 [ 香蕉朱古力醬焦糖脆脆窩夫 $38 ] 配朱古力醬雲尼拿雪糕，伴有香蕉、士多啤梨及焦糖脆脆，下次要試其他口味

今日去咗灣仔聰 。C Dessert食甜品，叫咗以下6款嘅甜品。杏仁茶燉蛋白（熱）- $40：蛋白好滑，杏仁茶杏仁味非常濃郁。麻糬紅豆抹茶雪糕窩夫 - $44：窩夫仲熱咖，質感有啲似牛角包嘅酥皮，配埋雪糕食，有冰火口感。芒果奶昔雙皮奶（凍）- $46：大大嚿芒果肉好滿足。雙皮奶好濃奶味。椰汁紫米芋圓（小丸子）（凍）- $42：椰汁味香濃。加埋芋圓，紫米同西米，口感層次豐富。榴槤水晶珠（凍）- $48: 榴槤控必食！好多榴槤蓉。榴槤肉香甜。配埋脆脆地嘅水晶珠，增加口感芒芒麗莎（凍）- $48: 味道酸酸甜甜好開胃。用料豐富，有好多椰果，芒果肉同埋水晶珠。

食完飯就梗係要食甜品，呢一餐先會變得完美。講到港式甜品，過往嘅甜品店就推出唔少人氣嘅經典配搭，而我最鍾意嘅就係龍眼椰果冰。本以為呢個味道已經成為集體回憶，但聰哥聰嫂喺灣仔開設聰。C Dessert，讓我哋嘅味蕾能夠再次品嘗久違嘅美味。龍眼椰果冰用咗好多嚟自泰國嘅新鮮龍眼打成，所以味道非常清甜，係消暑解渴嘅一流選擇。另外，加上椰果同西米，增加整體嘅口感，絕對係保持住昔日嘅味道。士多啤梨豆腐花龍眼椰果冰以外，士多啤梨豆腐花係聰。C Dessert嘅另一經典名物。滑溜嘅豆腐花上面鋪滿由新鮮士多啤梨調製而成嘅士多啤梨醬，食落嘅感覺好似士多啤梨嘅乳酪雪糕，加埋豆腐花一齊食，推上另一層次。芒芒麗莎芒果絕對係港式甜品嘅常客，所以喺聰。C Dessert又點少得芒果系列呢？其中芒芒麗莎就係我哋嘅心水推介，以芒果蓉作基底，加上芒果果肉、西米、椰果、芒果冰等，味蕾喺芒果嘅鮮甜同冰涼口感下，達到飛起嘅感覺。椰汁椰果西米露以為聰。C Dessert只係以新興嘅港式甜品作招徠？其實呢度仲有唔少傳統嘅糖水、燉品架！由於之前嘅甜品選擇都係加入咗水果，所以我哋叫咗一碗相對單調嘅椰汁椰果西米露，喺無水果嘅襯托下，反而能

餐廳：聰。C Dessert地點：灣仔莊士敦道菜式：甜品餐牌：有熱辣辣糖水，燉品，豆腐花，西米露，仙草凍+黑糖珍珠，特別推介，居然連窩夫都有。仲可以自選配搭配料。先黎一款特別推介。榴槤水晶珠 $48榴槤水晶珠係熱門凍甜品選擇。原來係大大碗榴槤刨冰加上新鮮榴槤蓉同脆脆水晶珠。榴槤冰既榴槤味好香，新鮮榴槤果肉同脆口西米喺面，味道層次豐富。龍眼豆腐花 $48龍眼豆腐花係豆腐花墊底，中間原來係好多豆腐味刨冰，面頭加上兩粒新鮮龍眼同大量水晶珠。呢款甜品豆味好香，豆腐味刨冰真係好特別，再加上脆口水晶珠，口感好正。麻糬紅豆抹茶雪糕窩夫 $44麻糬紅豆抹茶雪糕窩夫賣相一流！一個熱辣辣既酥脆牛窩夫面頭灑上糖霜，加上一球滑溜抹茶雪糕，上面再加上紅豆蓉伴半粒士多啤梨，食落口感係熱辣酥脆配滑溜香濃抹茶味，再加上香甜紅豆蓉，味道口感豐富。仲有唔少煙韌麻糬粒，絕對係一道出色西日fusion。布蕾醬焦糖脆脆雪糕窩夫 $42再黎一款窩夫。就係布蕾醬焦糖脆脆雪糕窩夫，配料變左香滑雲呢拿雪糕配大量香甜布蕾醬加焦糖脆脆。呢款窩夫感覺無咁甜而多左少少脆脆口感，都好味道！總括而言，今日所有甜品都好出色，揀一款自己鍾意就得，食得

電視新聞經常訪問一些餐廳話疫情後，生意大不如前。今晚經過嚟間甜品店，人龍不絕，堂食…外賣…都要等. 等. 等。我都趁熱鬧，等一下，嘆番款甜品先。龍眼椰果冰人氣之選，必食！果然真材實料，採用龍眼肉打成沙冰，充滿著龍眼嘅鮮甜味，好正😊。芒果麗莎芒果，椰果，爆珠西米，小丸子…. 有點似楊枝甘露，口感豐富。😋士多啤梨仙草士多啤梨🍓打成蓉嘅雪葩，用料十足，味道濃郁甜香。咖啡雪糕仙草黑糖珍珠嘩！咖啡雪糕超濃縮，好似飲緊 espresso☕️，咖啡控一定喜歡。

晚上不吃飯的話，可以怎樣！吃甜品、糖水。本來晚上吃糖水是往日香港人的習慣，疫情後，甚麼都改了，香港人的夜晚空間沒有了。誰都少在晚上出行。晚上都回家去。這天看過政府辦的team lab 閃光巨蛋，玩到8點了，走到灣仔，好吃餐廳林立的地方，從網上找到了以前在大坑出品的糖水店。嘩！店內有劉德華的提字，絕不是假的了。糖水有很多選择，朋友喜歡的冰、芒果、榴槤西米，甚麼配搭都應有盡有。最後選了草苺冰，味道特豐富。我選了傳統的薑汁撞奶，薑汁特濃，非常美味。

我的最愛 龍眼豆腐花真的太優秀了多重口感 仲有一粒一粒珠珠 增加口感甜而不膩 清甜味道 每次去都必點有食一個人會食2個😂 真係值得介紹朋友去食 因為太好味 我都未試過佢地其他甜品

食碗糖水都唔想特登寫個食評，但食完，真係覺得超值，值得排隊，亦值得比錢幫襯，糖水舖/甜品店黎講，依間真心出色。龍眼椰果冰，好似係排行榜NO.1D冰好濃好濃龍眼味仲有龍眼肉！透心涼但唔係”水”味係每一啖，由頭到尾都係龍眼味！超真材實料，先四十幾蚊？好值得！蜜瓜豆腐花有少少好似蜜瓜味既沙冰，又係好濃，好好食！面頭有堆透明珠珠，係一咬就爆，令成碗野口感更豐富，更特別，無咁單調。芝麻糊+ 湯丸熱既甜品等候時間相對長少少芝麻糊好滑，湯丸好qq軟糯整體來講非常滿意只係排左十五分鐘左右職員執枱，安排坐位都好快手出品又好食，推薦！

又係甜品🍮時間啦、去左間甜水店、裝修以白色為主調、現在開分店左灣仔、不過一直都保持住他的質素、食過幾次都要推介比大家👍🏻門前比較清新😆以白為主題!位與位之間還可以😀不會太擠迫🤗而且佢個招牌好特別、得個C好香的椰香味🥥、加上龍眼超甜、食落仲有一粒粒椰果、可以增加口感、冰冰甜甜、可以再黎一碗👍🏻係用新鮮榴槤做、啖啖榴槤肉、非常香甜creammy口感、加上水晶珠、香脆加嫩綿、相得益彰！

以前好鍾意食聰嫂，而家終於等到佢回歸，可以食返嗰隻味道🤩飯市1點前過到嚟，未開門都已經有人排緊隊等佢開門，好彩我地都第一round入到去~✨龍眼椰果冰 - 係回憶嘅味道，龍眼大大粒，味道清甜，好啱而家開始熱嘅天氣食😎✨芒果奶昔雙皮奶 - 每次都必叫的，芒果夠甜，下面嘅雙皮奶好滑，又唔會太甜👍✨蜜瓜豆腐花 - 顏色自然蜜瓜綠影相幾靚，豆花幼滑，同蜜瓜一齊食好清新🍈✨麻薯紅豆抹茶雪糕窩夫 - 用左牛角包整成嘅窩夫，外皮酥脆得嚟入面軟熟，伴碟仲有粒粒麻糬，增添口感😋我地食完時兩點都未夠，店舖已full晒，出面仲有人龍😮果然係聰C嘅威力

返嚟喇😱😱😱之前舊舖close左，傷心左一排🥲今日特登留肚嚟食糖水😋叫左榴槤水晶珠，芒果麗莎，再加多一份麻糬紅豆抹茶雪糕窩夫先食個熱嘅～呢度嘅窩夫係croffle ，好鬆化👍🏻紅豆加埋抹茶雪糕唔會太甜，仲有好多麻糬😋榴槤水晶珠，雖然我唔知水晶珠其實係咩，不過真係好好咬，榴槤超足料，仲要好香好甜👍🏻👍🏻真心推介👍🏻👍🏻👍🏻芒果麗莎，除左芒果粒芒果蓉同芒果冰，裡面仲有椰果同水晶珠，口感豐富，芒果好好好甜依然超足料超好味😋😋仲要好乾淨坐得好舒服❣️

今日灣仔食完個light lunch未滿足，終於搵到個藉口再嚟聰嫂食個飯後甜品♥️今日想試過一熱一凍嘅甜品，所以嗌咗:🥢桂圓杞子燉桃膠加雞蛋- 今日叫嘅兩個甜品都係佢銷量頭三甲😆果然夠佢吸引之處。呢個燉桃膠佢份量十足，入邊桃膠份量好多，而且佢唔會好甜，飲落去覺得好清甜潤喉嘅感覺，我貪心再加個雞蛋，非常啱味，落去暖笠笠。🥢榴槤水晶珠-呢個唔使講係佢嘅招牌甜品，每次嚟一定嗌佢，因為佢真係水準keep得好好，每次榴槤份量都好多，榴槤愛好者嚟到一定可以大快朵頤♥️今次都唔例外😆見到佢唔似門口都keep住有啲人龍排隊，睇嚟香港人真係好識飲食🥢

下晝行街，肚餓出嚟食個甜品做tea time 見到menu 幅相幾靚就嗌咗個waffle. 我開頭以為係平時喺街邊食嗰啲雞蛋仔嗰啲waffle , 點知原來個waffle 係用croissant 夾成waffle 咁嘅樣我幾鍾意呢個諗法，幾有新意 , 同埋個waffle餅冇咁厚實， 好soft , 好香butter 味 , 食得舒服啲。 上面個雲呢拿味雪糕好好食，個custard 醬都好味。仲有啲焦糖脆脆。 自己一個人嚟tea 都啱啱好。