Burgeroom (Fashion Walk)

营业中

休息中

Burgeroom相信大家都唔陌生，我自己都係呢間餐廳嘅常客，仲記得早幾年前香港都冇乜特別高質嘅漢堡包店，一諗起漢堡包就會想食呢間餐廳 環境:❤️❤️❤️❤️小店形式，入面餐廳座位唔算好多，但係整體嘅感覺係幾舒服嘅，加上佢有露天茶座，可以約咗喺出面，個感覺好似係外國咁，都幾chill！食物:❤️❤️❤️❤️❤️絕對已高質漢堡包取勝嘅餐廳！今次叫咗一個大菇芝士牛肉漢堡🤤🤤漢堡包大大個就一定啦，而且佢嘅大菇都好多汁好Juice！加埋厚身嘅牛肉一齊食，成個味道好夾😌😌

今日約咗友人到銅鑼灣下午茶，黎到Burgeroom，彷彿置身在外地的露天茶座朋友叫左菠蘿茶 ，入口冇乜菠蘿味，茶味也較淡Hazelnut latte入口香甜榛子味，我個人幾喜歡牛油果醬芝士薯條 牛油果醬入口軟滑，略帶少許檸檬味吃後不會覺得油膩，加埋芝士醬同吃很好吃，令人不知不覺間一啖接一啖吃不停口鵝肝軟殼蟹漢堡，麵包烘過，香脆鬆軟冇硬繃繃，鵝肝外脆內軟，軟殼蟹香脆多汁，而且仲有一疏疏蟹肉，有驚喜！旁邊的沙律菜應該係拌以柚子汁同吃 好清新看看老闆的狗休閒啲望住街嘅風景，而我同朋友也過了一個悠閒的下午店員服務也很好，期待下次再嚟食其他嘢

週末去銅鑼灣附近staycation，順便試試朋友推薦嘅人氣漢堡店食個brunch。我地兩個人叫咗兩份漢堡、一份洋蔥圈同兩杯飲品～-香脆鱈魚柳漢堡🐟鱈魚柳超級大塊，魚肉嫩滑唔會鞋👍🏻 漢堡真係超足料好大份呀😆 值得一提嘅係全部漢堡都會好貼心咁切成兩份，方便分享或食用架👍🏻-牛油果醬芝士雞柳漢堡🥑牛油果醬好足料，雞柳又厚又嫩滑，鍾意食牛油果嘅朋友們必試❣️-洋蔥圈🧅見到個menu有洋蔥圈就覺得好吸引，所以就叫咗嚟食😆 份量都係超級大份，炸粉唔亦會太厚。食漢堡除咗薯條之外，大家都可以考慮吓配洋蔥圈呀～-食漢堡又點少得凍飲呢😌 我地叫咗蜜桃冰茶同Coke Zero各一杯。推薦大家試試蜜桃冰茶，飲落有濃郁桃味又唔會太甜。

呢間位於銅鑼灣fashionwalk 已經食過幾次 burger有好多選擇 牛雞豬鴨仲有魚海鮮同埋素類 每次食完都好滿足🤤 今次係weekend lunch黎食 座位有室內同室外選擇 室外有啲外國feel🥳.🍄𝑷𝒐𝒓𝒕𝒐𝒃𝒆𝒍𝒍𝒐 𝑪𝒉𝒆𝒆𝒔𝒆 𝑩𝒖𝒓𝒈𝒆𝒓 ($110)大烤菇芝士牛肉漢堡𝘗𝘰𝘳𝘵𝘰𝘣𝘦𝘭𝘭𝘰 𝘮𝘶𝘴𝘩𝘳𝘰𝘰𝘮, 𝘤𝘩𝘦𝘥𝘥𝘢𝘳 𝘤𝘩𝘦𝘦𝘴𝘦, 𝘣𝘦𝘦𝘧 𝘱𝘢𝘵𝘵𝘺, 𝘱𝘦𝘦𝘭𝘦𝘥 𝘵𝘰𝘮𝘢𝘵𝘰, 𝘳𝘰𝘮𝘢𝘪𝘯𝘦 𝘭𝘦𝘵𝘵𝘶𝘤𝘦 𝘢𝘯𝘥 𝘩𝘰𝘮𝘦𝘮𝘢𝘥𝘦 𝘴𝘢𝘶𝘤𝘦手打牛肉好厚身同埋非常juicy 合格!!! 麵包屬於比較軟熟 用牛油煎香過 無論係大啡菇定係牛肉都好厚 加埋芝士菜 係好好食一咬落去口感非常滿足 醬汁唔會過多 就係牛肉既juicy為主 又唔會搞到個包濕笠笠咁 成個burger啱啱好🥳𝑳𝒖𝒏𝒄𝒉 𝒄𝒐𝒎𝒃𝒐 (+$30)🍟𝙎𝙩𝙧𝙖𝙞𝙜𝙝𝙩 𝙛𝙧𝙞𝙚𝙨 𝙖𝙣𝙙 🥤𝙖 𝙙𝙧𝙞𝙣𝙠薯條份量較少 賣相麻麻地 味道普通 唔夠香口.總括而言 呢間burger真係數一數二好食 個beef patty係做得好出色 份量亦好足夠🥰 選擇亦非常多!! 幾出色💫—————————

突然興起想食burger, 就諗住揾間未食過嘅食下。首先我地叫咗d小食。Fries嘅種類都好多，我地一度決定唔到應該要點邊個。最後揀咗個新推出嘅飛魚子芝士fries, 以前都冇食過依個組合。每條薯條都可以點到適量嘅芝士同埋飛魚子。單骨雞翼配蜜糖芥茉醬單骨啱晒懶人食，佢炸得唔會over 咗，入面仲保留左啲肉汁，點埋蜜糖芥末醬就係一個唔錯嘅小食。之前喺另一間西餐廳食過鵝肝burger, 對佢念念不忘，今次見依間都有就點咗。餐廳好好幫我哋切埋一半，食得都好方便。半份入面，鵝肝嘅份量都算大。鵝肝出面煎到好香脆，入面就好creamy肥美。牛肉嘅質感都唔錯，夠juicy。蔬菜新鮮。包面煎得剛剛好。有機會再食其他burger

個burger好食得黎又唔肥膩我叫咗軟殼蟹burger 同 炸蠔burger既餐本身以為跟餐只可以飲汽水 茶結果佢成個櫃啲嘢飲都可以食 支西柚汽水好好味！師奶仔心態覺得好抵添🤣軟殼蟹burger 👍🏼👍🏼👍🏼成者放入個burger度 好足料！仲要好好食添個蟹大過個burger🤣炸蠔burger 👍🏼👍🏼👍🏼好多汁 比想像中好食好多 食咗咁多嘢 總共先$250左右個人來講覺得幾抵 而且晏晝去人少啲 環境幾好

銅鑼灣Fashion Walk有好多唔同餐廳選擇，今次我就黎試吓Burgeroom。佢嘅室內裝修好有工業風，唔算好寬敞，但好有外國酒吧嘅感覺。睇個名都知佢主打burger，有牛、雞、魚同素食選擇之外，有好多小食揀。今次就試兩款burgers加小食。▶️特量芝士牛肉漢堡🍔超大份嘅牛肉漢堡，個口細啲都咬唔到。話明特量芝士，啲芝士真係漏哂出嚟，好香好滑。個牛肉超厚，煮得岩岩好，而且又軟又多肉汁，好好味😋▶️香脆鱈魚柳漢堡🍔佢地嘅份量真係好大，唔係細細個魚柳bell，魚柳超大塊，新鮮炸好，脆卜卜，入面仲好熱辣辣。加埋生菜同蕃茄中和左啲油膩感，都係唔錯嘅選擇。▶️蜜味辣雞翼🍗佢啲雞翼新鮮炸出嚟，超級香脆。不過辣度唔算好勁，微辣程度（可能我太重口味），有少少蜜糖甜味，送酒真係幾一流🍻▶️香辣單骨雞翼配蜜糖芥末醬🍗又係非常適合配杯啤酒嘅小食，個雞翼都炸得好香脆，個蜜糖芥末醬亦都好正，甜甜地同雞翼好match！整體水準都唔錯，漢堡同小食都好惹味。我覺得呢度特別適合happy hour黎呢度飲返杯🍻同班朋友吹下水。我見到佢有做happy hour優惠，6點前啲啤酒差唔多成半價咁濟，超級抵，下次過嚟呢頭會再試試。

銅鑼灣fashion walk食街，出名夠chill食物價錢夠貼地，相約了朋友在這邊食下午茶， 一於約喺呢到，搵間餐廳relax下來到其實餐廳不算多， 見到有間漢堡包店，設有露天茶座，立刻試試餐廳的衞生防疫措施都相當足夠， 令你得放心!下午茶不想吃很飽 我哋兩個人嗌咗一個鵝肝牛肉burger和一份牛油果醬芝士薯條漢堡包很大個!兩個女仔share啱啱好，餐廳還可以幫你切開一半唔使自己食得咁狼狽鵝肝煎得很香入口即溶不會油膩， 而牛肉多汁沒有煎乾， 麵包皮也是烘過!脆脆的!整體非常好味薯條也炸得香脆牛油果醬芝士很多， 很喜歡醬的我不會覺得太少醬， 足夠沾滿全部薯條來吃，味道很好下午的這個時間還有happy hour每人加多杯沖繩大啤，非常爽!過了一個很開心的下午!香港有很多林林總總的漢堡包店， 尤其港島區更甚但這間正如標題所說: 環境.食物質素.價錢都十分正價比高! 必定會再來

上個星期黎到銅鑼灣，去到百德新街，食Burger。呢度有各式各樣嘅舖頭，大部份都設有露天座位，非常chilly。今次我就叫左佢哋招牌嘅鵝肝牛肉漢堡，另外仲加咗煙肉同蛋，令到本身已經好厚好足料嘅Burger更加豐富。幾經艱辛，我終於可以一口咬得晒個burger，唔同嘅味道係口中融合，但又岀奇地夾。配合呢度嘅Draught Beer，解到肉膩，非常滿足。朋友叫咗墨西哥辣椒芝士雞肉漢堡，比想像中冇咁辣，而且食材份量啱啱好，店員幫你將漢堡切開一半，非常方便你食，影真抵讚！另外，我哋仲叫咗啲小食，鱈魚手指、牛油果芝士薯條同爆谷雞，個人覺得牛油果芝士薯條最為特別，牛油果醬同芝士合起黎好creamy，不過女士就小心少少，因為好容易就爆卡路里啦！哈哈！總括而言，呢度係一間你出糧嘅時候會想嚟獎勵自己嘅餐廳！

Burgeroom 係銅鑼灣多年，一直深受歡迎。由佢係舊址已經有幫襯，發現好一段時間無食，今日早收工終於來到。晚上6點幾，Happy Hour 人潮未散，戶外滿座。我哋亦都比較喜歡坐室內，幸好還有座好。漢堡種類繁多，幾經爭扎都都係決定點傳統漢堡。2個人都點咗鵝肝漢堡，我仲加咗至愛嘅牛油果醬漢堡很大，一定要用刀叉先食到。所以店員一早已經提供好餐具，可以慢慢嘆。小食點咗黑松露芝士薯條，同雞翼。薯條有好多芝士醬，芝士並沒有蓋過黑松露味，非常難得，讚讚讚。嘢飲分別點咗菠蘿冰茶同蜜桃冰茶，好大杯又好好飲。飲飽食醉的一餐

今次嚟到呢一間漢堡店放工時間過到嚟都幾多人，入邊環境都幾舒服可以坐室外或者室內。諗咗好耐決定叫特量芝士牛肉漢堡同軟殼蟹漢堡，另外仲叫咗個單骨雞翼配蜜糖芥末醬。首先嚟咗個單骨雞翼一上台已經聞到好香，食落去係極度非常之香脆。非常鍾意佢嘅蜜糖芥末醬，芥末味唔會太過攻鼻，食落去係清楚食到有少少甜嘅蜜糖味，非常之開胃！配埋呢個單骨雞翼食一流仲啖啖肉添。到兩個漢堡上到嚟嘅時候真係嘩一聲因為都幾大份。隻軟殼蟹係比平時出邊食嘅大一半，打開個漢堡見到軟殼蟹係好厚肉，咬落去香脆同鮮甜。配菜同佢嘅醬汁係超夾。特量芝士牛肉漢堡都好大份！一嚟到已經見到芝士好似瀑布咁流出嚟，漢堡食落去好重牛味，芝士味都濃郁。食到最後爭啲食唔晒而且佢嘅漢堡包係有烘過，食落口仲好香好鬆脆，食到後面又唔會因為醬汁而濕到爛。食晒啲漢堡之後先至開始食埋未食完嘅雞翼，竟然仲係脆！前前後後都過咗10幾分鐘雞翼完全冇諗到而且仲係咁香脆超贊！另外我哋叫咗個自家製嘅蜜桃冰茶，入邊真係有少少蜜桃肉。杯冰茶有蜜桃香味得來又唔會太甜，唔想飲咁甜嘅可以一試。臨走嘅時候見到佢有個冰櫃有之前去澳洲旅行好鍾意飲嘅嗰隻果汁！推介大家都可以試吓呢隻個隻！

Burgeroom 位於銅鑼灣 Fashion walk, 幾十年前的食街, 如今 Fashion walk亦已重現當年食街的風味, 內裡餐廳林立, Burgeroom 可以算是內裡其中一間高質素餐廳.Burgeroom 故名思義以漢堡為主打, 漢堡選擇之多可以是城中數一數二, 豬, 牛, 雞, 魚, 鴨, 素等, 總有一款合心意.是夜選擇了鵝肝牛肉漢堡, 鵝肝表面香脆, 內裡油脂豐富, 漢堡牛肉超厚但亦不會過熟, 但最驚喜的是麵包, 蕃茄, 生菜都好新鮮, 好食. 麵包外帶少少脆, 但內非常軟綿, 更帶有一點香味, 可能是表面的芝麻吧, 但確實一流的漢堡包.而餐廳亦有多款小食, 薯條, 雞翼等, 芝士黑松露薯條, 本應是邪惡的味道, 但確實無法忍受一條接一條, 好好食, 仲一定要襯熱食.一定會再次光臨.

今晚放工同frd子黎食burger，咁岩早幾日有同事推介Burgeroom，一於就試試佢啦。餐廳係Fashion Walk內街，都算幾易搵。啲位都算闊落，仲有吧檯位同戶外座添。我地係做室內圓檯嘅，木檯凳都幾舒服。落咗單之後等多陣就有嘢食架喇。1.鵝肝牛肉漢堡+煙肉+蛋🐂🍔4/5朋友order嘅鵝肝牛堡極大份，隻流心蛋個蛋黃好大，極rich嘅芝士極度吸引。鵝肝都好甘香，好軟淋淋😍2.墨西哥辣椒芝士雞柳漢堡🐔🍔 3.5/5以為雞柳係成條咁款，不過原來佢係類似雞肉漢堡扒咁樣嘅，都好滋味😋尤其要讚下呢度嘅包，真係好鬆軟兼有牛油香🤩3.爆谷雞配蜜糖燒烤醬🍿️🐔 4.5/5爆谷雞好少粉漿，真才實料，正😻4.鱈魚手指配他他醬🐟3/5岩炸出黎脆卜卜🥳5.牛油果醬芝士薯條🥑🍟 2.5/5好大份👍不過稍嫌淡味，好彩店舖內有得自己去無限加茄汁同黃芥末醬炸😜6.菠蘿冰茶🍍3.5/5唔算好甜，茶同菠蘿果醬分層幾靚，飲到有菠蘿果蓉🤤7.1664 Blanc🍺 3.5/5大大杯😚

生仔之前同老公最後二人晚餐個server見到我大肚 即刻執張大d嘅枱俾我叫野食嗰時 收銀（另一個staff）問牛堡係咪要全熟 老公話5成 之後佢make sure係咪老公食 好細心！食野方面 老公覺得佢個牛可以燶d我就覺得個雞煲幾好 俾左一啖老公試佢話好味過牛 個雞好juicy👍🏻👍🏻叫多左個truffle cheese fries, 好足cheese Truffle味唔算好出 但係幾好味另外叫左個iced peach tea都好好飲 甜度適中👍🏻👍🏻

經朋友極力推薦，今日lunch time同朋友特意嚟銅鑼灣Burgeroom試一試Burgeroom嘅環境好好，有室外同室內嘅座位。而家天氣涼涼哋，都幾多人選擇坐室外㗎！而室內嘅環境都寬敞，亦有自助水吧拎食水同醬料。今日我地3個人食lunch，所以就嗌左3個burger。正常嘅話，Burger加30蚊可以跟餐配薯條同飲品。但係，由於我哋想試吓有特色啲嘅薯條，所以我哋就冇叫餐，散嗌左兩個小食。首先，我地叫左雙鵝肝牛肉漢堡呢個係我個人認為三個漢堡裏面最出色嘅漢堡！佢嘅牛肉調味剛剛好，而且好厚身，好足料。雙份鵝肝亦煎非常香，有好豐富嘅油脂，食落去油脂分佈係成個味蕾但配合蕃茄同埋生菜食，一啲都唔溜。而當中我最欣賞嘅，係每個漢堡都有嘅沙律醬！佢嘅沙律醬似係自家製甜甜地嘅醬料，十分吸引另外，我哋仲叫咗軟殼蟹漢堡。呢個漢堡份量非常大，個軟殼蟹係個包嘅一倍，好足料啊而且軟殼蟹嘅炸粉份量啱啱好，食落唔會好厚粉，仲食到啖啖軟殼蟹肉添！值得一讚呢個炸物加上自家製沙律醬真係好好味呀！最後要介紹嘅，就係大烤菇雞柳漢堡。我好欣賞佢嘅大烤菇，燒過嘅菇竟然仲可以咁juicy，實在令我好驚訝。食burger就梗係要有薯