Bugis@叻沙・海南雞飯

营业中

休息中

星期六接近兩點入去， 啱啱好有位😆， 兩大一細，我哋叫咗一個小食拼盤再加榴槤炸波波 仲嗌咗碗喇沙🍜(我冇影到相)， 嗰碗喇沙 質素一般般😅，最好味都係個拼盤🥰，係有D肥膩啫， 串燒嘅雞肉非常之淋 配合沙嗲醬好惹味 😋，同埋個炸蝦卷好鬆脆， 雞翼炸到外面脆內面肉好滑，又juicy，食得一讚💯，如果跟餐嗌加18蚊就有杯特飲，都算幾抵💖。但係我哋冇嗌套餐，所以費事再加嘢飲。有機會下次可以再嚟， 試下 海南雞飯。

黎到鑽可山行下就順便搵下野, 呢度都食過幾間餐廳, 有好有唔好既~ 而今次就黎食呢間Bugis@叻沙 海南雞飯. 呢間質素算正正常常啦, 唔算特別吸引都唔算差, 就點左海南雞飯食.海南雞飯 (OK)海南雞飯都算滑既而且份量都算可以接受的. 而吒個油飯食落都係同出面既味道一樣啦紫菜湯都是還好, 唔係太濃味道.熱檸檬茶(OK)正常茶底又沒咩特別吧呢間環境都算坐得OK, 夠寬敞.總結黎講...呢間算是不過不失吧, 間唔中都可以黎食下既餐廳~

去完辦一些事情, 過左荷里活廣場諗住食d野, 揀左一係越棧一係叻沙海南雞飯, 兩間拍埋一起, 見到依度有人等位, 於是家人揀左依度, 家人吃海南雞飯配烏冬的下午茶餐🥢, 我吃海南雞配叻沙的午餐🥢, 海南雞好嫩好滑幾好食, 叻沙好似外面差唔多, 唔係太大分別, 試左家人一口海南雞飯的油飯幾香, 唔太油, 好正👍, 柑仔特飲少少酸都幾好味💓, 如果少d甜會更加好

星期五晚上9點入餐廳。話last order..趕上了點餐。叫了咖喱鷄飯。跟住要埋數。俾信用咭。等了10分鐘先取回咭。然後等了又等。等到天荒地老。等了20分鐘先有得食。如果你有超多的時間。可以再嚟。我唔會囉。

🍽️慢煮新加坡無骨海南雞飯 $92海南雞肉質滑嫩 配上甜豉油 薑蓉 及粒粒分明的雞油飯 不知不覺把整碗飯都清空了🍽️娘惹咖喱雞配小魚椰漿飯 $88咖哩惹味 適合拌飯吃 椰漿飯椰香十足又不膩感 午餐加2蚊有熱飲 加3蚊有凍飲所以分別叫了一杯熱羅漢果茶及一杯凍桔仔水整體來說 不過不失

今天潛水後去了鑽石山的荷李活廣場覓食，非常肚餓，所以想食海南雞飯，夠碳水化合物。然後就搵到呢間一睇就知道係東南亞風情餐廳 BUGIS 啦！有想過叫下午茶餐，不過怕下午茶份量少，所以叫返普通海南雞飯餐。招牌菜通常不需要等待很久，很快就上菜。飯真的很大碗呀，是非常香的油飯！吃海南雞飯最正就是油飯呀！平時的我一定吃不完，但今天真的比較肚餓，雞的份量也很多，而且肉質很滑嫩，配上我最喜愛的甜醬油和薑蓉，非常美味！

#20230326 🤍📍 Bugis鑽石山龍蟠街3號荷里活廣場2樓234號舖 🍽️荔枝角｜深水埗｜尖沙咀均有分店➖➖➖➖➖➖➖➖➖➖➖➖➖➖➖➖➖➖#星州海鮮叻沙摻摻 $78💭 雖然叫海鮮叻沙，不過除左蝦同魚蛋無其他海鮮喇🦐麵質幾好，油麵同米粉都唔會太淋，湯底濃郁，椰香味幾重，佢啲叻沙仲有得揀麻辣🐷都想像到味道😂見到有個叫冬蔭公叻沙就真係想像唔到，唔係兩隻唔同既湯底咩🤔下次有機會要試試.#串燒大薈 #沙嗲醬 $74 🫧 #雞肉串 #大蝦串 💭 餐牌寫其實仲有豬肉串，但店員姐姐話賣晒，餐牌又寫有得揀沙嗲醬或叄峇醬，店員姐姐問都無問就落左沙嗲醬😅蝦燒到香脆🦐配左啲椒鹽係面好惹味，🐷連殼都食埋，但望落就係普通蝦，並唔係餐牌所寫既大蝦😣雞肉串普通，沙嗲醬都幾香，如果多啲花生粒就好🥜.#馬拉盞炒通菜 $59💭 可能前面兩樣野都濃味，個菜食落就唔係好夠味，開頭🐷以為係撈勻，後尾發現係真係淡味，不過份量都唔少，比🐷想像中多🤣.#鑽石山美食 #🐷在鑽石山 #荔枝角美食 #🐷在荔枝角 #深水埗美食 #🐷在深水埗 #尖沙咀美食 #🐷在尖沙咀 #🐷_食

同朋友去鑽石山睇戲，睇完戲巳經係晚飯時間，於是我地開始搵嘢食，最後，我地揀咗呢間主打新加坡菜既餐廳。一人自選套餐：主菜+小食+飲品主菜：慢煮新加坡無骨海南雞飯：雞肉肉質嫩滑多汁，無雪味，配埋個三色醬，三種味道，輪住黎點，油飯香氣十足。試埋南乳雞翼先，鹹香得黎唔會覺得油膩，咬落去脆卜卜，好好食。酸菜湯菜肉餃子紅薯粉 ：菜肉餃子邊緣煎過，咬口硬身咗小小，至於紅薯粉煮得太冧，咬口唔算彈牙，同埋餐上寫住「挑戰你嘅辣味」，今個晚餐好人以挑戰失敗囉。小食㨂左福建香雞肉卷(2件)，口感都算ok 既。凍桔仔特飲好新鮮，好好飲。南洋藥膳肉骨茶(1客) : 湯底濃郁，藥材味較濃，豬骨味較淡。馬拉盞炒通菜：成個通菜用石頭鍋盛載住，熱辣辣。

直好掛住🇲🇾肉骨茶 仲有🇸🇬海南雞飯今日去開鑽石山 見到呢間決定去止下心癮🥹🍴 慢煮新加坡無骨海南雞飯雞肉嫩口好滑雞味濃 肥膏唔多啖啖肉原汁原味👍🏻 點甜豉油更惹味👍🏻👍🏻可選油飯或白飯 我當然揀油飯🤣飯份量十足 好香雞油味但食落唔太油附帶老火湯還可以 有少少味精🍴南洋藥膳肉骨茶配絲苗白飯比我期待中有少少出入🥲內有肉外仲有雞蛋同1,2舊豆卜豆卜口感不錯 吸晒湯汁固然入味可惜肉跟蛋唔入味 而且肉較少藥材味ok重 雖然有蒜頭但味道偏淡唔辣🍴慢煮麻辣冇骨海南雞摻摻睇個顏色都覺得吸引🧡❤️🧡❤️湯底十分濃郁 酸酸辣辣味道好鮮摻摻=油麵+米粉 粗幼混合口感豐富有層次麻辣雞一樣滑嫩 麻得黎唔太辣好惹味🍹桔仔特飲 (跟餐免費)咸柑桔梳打 柑桔咸道一般建議吉爛哂成舊 成杯梳打味道啱啱好😉整體來講💁🏻‍♀️ 食物質素不過不失👌🏻假期中午時間人唔太多 一去就有得入座 服務麻麻 帶位個哥仔語氣態度有待改善而且落單叫咗好幾次先有人理🤪

行完街食Dinner，見呢間唁洗等就入左去。 原本係想試佢個肉骨茶，店員話無哂肉，雞蛋代替得唔得，無肉咪好寡都係下次先再試啦～1人自選 《新加坡經典系列》海鮮叻沙摻摻 $112味道OKAY，份量唔多，女仔都唔夠食~ 睇個色水好吸引，飲落都好香濃，魚片頭幾爽彈又有魚味，蝦都係用急凍，無咩特別~ 配菜仲有豆卜、芽菜….小食叫左香蔥油酥餅，超市貨色~飲品叫左凍檸茶，好light呀，好似康師傅果啲冰紅茶咁，唔係好掂

去到荷里活廣場 食嘅選擇都有好多 日本菜 中菜 越南菜 今日揀左新加坡 馬拉菜這家店海南雞飯可算招牌菜 肉質嫩滑 配搭埋三款醬料 各有特色 喇沙味道夠濃 不錯最可惜 想食嘅肉骨茶無 店員話呢排無 無貨返喎

假日鑽石山廣場非常熱鬧，途經見到呢一間有食肉骨茶，於是就走入去食，餐廳座無虛席需要等位，座位舒適，我哋一行二人，叫咗兩個假日一人套餐，套餐包嘢飲，埋單$290。絲網海鮮春卷（2件）；炸得鬆化好味。麻辣雞油飯配湯；油飯香濃好味，海南雞夠嫩滑，配上麻辣香油 特別惹味。豬肉串燒(2串）；沙嗲汁味道啱啱好，不過用五花腩比較肥膩。肉骨茶配飯；肉骨茶清淡，雞蛋完全唔入味同白烚蛋無分別。唔建議叫肉骨茶⋯⋯凍羅漢果水；羅漢果足夠好味，唔會太甜。

#joyfood_鑽石山Bugis@叻沙・海南雞飯 📍鑽石山龍蟠街3號荷里活廣場2樓234號舖━━━━━━━━━━━━━━━━━━━━━━━━━━━━一行四人夜晚唔知食咩 見到有個四人餐就行咗入去 冇期望之下...中伏🫣 四人餐$568 +10% 菜品種類好多 分量都足 不過味道就一言難盡🥴━━━━━━━━━━━━━━━━━━━━━━━━━━━━🦴 酸辣鳳爪 ▶︎ 呢個算係正常發揮 起碼係酸酸甜甜 鳳爪都彈牙有嚼口好味指數:●●●●○━━━━━━━━━━━━━━━━━━━━━━━━━━━━🍢 小食拼盤 ▶︎ 小食拼盤有沙嗲雞肉串燒 南乳雞翼 香煎魚餅 絲網海鮮春卷 ▶︎ 沙嗲雞肉串燒 少少沙嗲同咖喱味 雞肉都幾嫩 不過唔知點解食到一絲絲似竹籤嘅嘢🥲▶︎ 雞翼幾入味但係肉質好硬▶︎ 魚餅勁伏 有腥味同膠質感好重🫣▶︎ 春卷正常發揮 餡料係甜甜地 不過唔算好脆 口感有啲硬好味指數:●●◐○○━━━━━━━━━━━━━━━━━━━━━━━━━━━━🥬 馬拉盞炒通菜 ▶︎ 通菜唔會話難嚼 都有少少淡淡蝦味 對比起其他都唔錯好味指數:●●●◐○━━━━━━━━━━━━━━━━━━━━━━━━━━━━🍲 鮮蝦粉

好耐冇去過星加坡，今日突然好想食海南雞飯🥹今日一於去附近試吓Bugis嘅海南雞飯🥢 慢煮新加坡無骨海南雞飯雖然稱唔上話好正宗，但整體都好唔錯，雞肉好滑,還帶有香茅,斑斕葉的味道，又唔會好多肥膏，配搭薑蓉，酸辣汁同埋醬油，非常開胃。而油飯也粒粒分明，有一陣雞油包着飯粒的味道, 海南湯味道也不錯，不會有胡椒粉味，飲完唔會覺得好口渴。而跟餐也有羅漢果茶，可以清熱一下, 食完熱氣嘢飲一流，好清甜👍🏻. 可以一試, 只是價錢略貴.

之前最愛呢間 豬頸肉叻沙， 一個月起碼去3，4次， 近來太小去食， 起碼有2年。上星期六下午3點幾去食 ， 餐牌無左豬頸肉叻沙，叫左1碗豬肉串叻沙， 等左25分鐘，但個場係唔爆嘅， 碗野來到 唔熱 除左湯有微微熱 其他餸全部係涷嘅 ， 以前麵底係 鴛鴦麵（兩種麵)今日只得油麵超失望 唔會再去豬肉串叻沙 加埋1 84蚊