Bugis@叻沙・海南雞飯

营业中

休息中

同朋友去鑽石山睇戲，睇完戲巳經係晚飯時間，於是我地開始搵嘢食，最後，我地揀咗呢間主打新加坡菜既餐廳。一人自選套餐：主菜+小食+飲品主菜：慢煮新加坡無骨海南雞飯：雞肉肉質嫩滑多汁，無雪味，配埋個三色醬，三種味道，輪住黎點，油飯香氣十足。試埋南乳雞翼先，鹹香得黎唔會覺得油膩，咬落去脆卜卜，好好食。酸菜湯菜肉餃子紅薯粉 ：菜肉餃子邊緣煎過，咬口硬身咗小小，至於紅薯粉煮得太冧，咬口唔算彈牙，同埋餐上寫住「挑戰你嘅辣味」，今個晚餐好人以挑戰失敗囉。小食㨂左福建香雞肉卷(2件)，口感都算ok 既。凍桔仔特飲好新鮮，好好飲。南洋藥膳肉骨茶(1客) : 湯底濃郁，藥材味較濃，豬骨味較淡。馬拉盞炒通菜：成個通菜用石頭鍋盛載住，熱辣辣。