Bubble Tree (成業工業大廈)

营业中

休息中

今日到觀塘工廈覓食，去咗一間我bookmark咗好耐嘅樓上多國菜餐廳Bubble Tree 😀 觀塘工廈d 樓上cafe食物選擇多，價錢親民貼地，真係每次去都有驚喜 😍見人介紹過Bubble Tree 嘅burger，好似幾好食，所以今次黎一於試下 😘 北海道豚肉流心漢堡 ($85) 比餐廳嘅其他漢堡貴少少，但因為選料上乘，貴$20都值嘅 🙌🏻 豬肉漢堡排汁香肉嫩，外層煎至焦脆，中間依然濕潤富肉汁，香濃重肉味，好味 😚 太陽蛋亦煎得好好，外脆內嫩，一切開就流心，值得加分 👍🏻玫瑰拿鐵 ($32) 同棉花糖朱古力、薑味玉桂綠茶鮮奶都係新出特飲 😋 拿鐵香甜帶淡淡花香同奶味，食完burger飲番杯都唔錯 😉

觀塘好多餐廳位於工廈相信好多人都知，今日帶大家試下呢間似乎新開的小店😉呢間餐廳走西式輕食路線，有set 包湯同飲品，就算係單點都可以加少少錢就有野飲或甜品任你配搭。炸魚柳漢堡 （$65）餐牌寫咗話每款漢堡都配炸薯條同沙律🥗由於本人唔好薯條所以就走咗薯條🍟😛個包都唔細配料亦都幾多，沙律汁流晒出嚟😋沙律連埋啲酸酸地嘅沙律汁好開胃。白酒忌廉汁吞拿魚芝士焗海鮮蝴蝶粉（$65連餐湯及飲品）見到有蝴蝶粉比較特別，出邊餐廳好少有得食所以就叫咗呢個🤪上嘅時候啱啱焗起，睇得出熱辣辣，忌廉汁亦都做得好出色，唔係茶餐廳嗰種白汁😋😋蕃茄甘筍湯 （跟餐）個湯幾濃，同樣開胃又飽肚😚凍檸檬茶（跟餐）味道正正常常，甜度比例合適水牛城雞翼（$48）平時食嘅水牛城雞翼個汁都有點辣，今次呢個雞翼嘅汁唔辣，總共有六隻，細細隻好惹味😜本身想叫埋個心太軟配雪糕做甜品，但因為已經好飽食唔落，所以冇叫到。😂如果大家食厭咗商場嘅大集團快餐，不妨來呢度食下西式輕食，價錢亦都好均真，一啲都唔貴，只不過比大家樂貴少少，堂食外賣都有🤓補MENU

到觀塘成業工業大廈的叁拾士多買燒賣時，發現原來這棟大廈都有隱藏了不同餐廳，今次就先試試Bubble tree😎👉🏻食物: 4.2/5▪️瘋狂芝士日本飛驒牛漢堡💯邪惡必食推介😈芝士超厚，吃完充滿罪惡感🙈驒牛漢堡肉質軟腍、充滿牛香👍🏻連伴碟薯條都不錯😋一吃就停不了口！🐽▪️法式慢煮豬仔脾配有機紅米飯食肉獸首選😏豬仔脾超大件！女生二人分享也夠飽！肉質軟嫩、啖啖肉，千萬別錯過近骨頭的筋位👍🏻▪️Latte略嫌奶太多▪️Greentea Latte正常發揮

觀塘一向多野食，恢復晚市堂食之後就去試吓喇🤪安格斯牛漢堡滑蛋蓋鐵板拌飯 $68 （連飲品 及 湯）真實賣相同我喺網上睇到既有些少出入，有啲似Pepper lunch既感覺🤣主角漢堡扒size正常，配埋黑椒汁，隱約有種食緊M記安格斯果塊漢堡扒咁🥩😝芝士份量都多🧀👌🏻整體食落都唔錯。唯一美中不足，感覺滑蛋份量少左d同熟得滯🍳煙肉白菌卡邦尼蝴蝶粉 $58蝴蝶粉既口感同味道ok既🍝都creamy，份量睇落唔多，但食落都幾飽🤰芝士肉醬炸薯條🍟 $38絕對俾到驚喜我地😂原全無諗過喱個價錢，可以有咁大份薯條，隻碟好長，滿滿既薯條，味道唔錯，而且肉醬份量多，會夠你食到尾👌🏻👍🏻跟餐既南瓜湯🥣同蘋果茶🍎水準都唔錯，南瓜湯好天然既感覺、蘋果茶有幾片蘋果食下。另外優惠價加$25既雪糕窩夫🧇 都ok，個人覺得窩夫個粉漿甜左啲，無咁甜就更好啦🤔verall 第一次試工廈西餐廳🏭🏠，俾我地既感覺非常唔錯，一來星期五都唔算太多人，二來環境幾好，三來係性價比👌🏻，推薦大家可以去試試👍🏻支持下小店😬

中午過後時間，仍然擠滿人，可見食物質素都得到好多人肯定。 餐牌上圖文並茂，好方便，而且選擇好多，有好多款意粉及意大利飯、沙律、三文治等等，亦有午餐或下午茶供選擇。價錢仲好抵食🤩當然要試吓店員推介～～蟹籽、蘆筍，煙三文伴香蒜橄欖油意粉（$54）意粉賣相好吸引， 煙三文魚色澤鮮艷， 魚油味香濃，配上爽脆蟹籽，增添鮮味。 意粉🍝軟硬適中， 加上香蒜及橄欖油嘅香， 我竟然可以成碟清哂😋紫薯湯（+$5）我第一次飲紫薯湯🤩紫色💜嘅湯已經好特別， 飲落香濃紫薯🍠味。 加$5 就飲到， 超抵玫瑰Latte ($28)佢並無華麗號杯盛著， 只有貓貓搬設， 但味道一樣香濃， 玫瑰🌹味好突出，唔太甜🥰店內仲有好畫作，同埋店主嘅卡通自畫像好得意呀🤗

今日lunch到咗附近嘅工廠大廈尋美食無意中見到依間西餐廳😋點餐及拎餐具係自助形式,餐具放喺高溫及紫外光消毒機來可以好放心使用👍👍我和同事各自點左兩個set及兩個小食😋蟹子，蘆筍，煙三文魚，香蒜橄欖油意大利粉-大大朵煙三文魚花加上蒜香味十分香濃撈埋意大利麵真係十分之好味😋雖然係橄欖油但係一啲都唔覺得油膩👍玫瑰咖啡-飲落去啖啖都係玫瑰嘅清香味，咖啡味都好濃配合得啱啱好😋而杯咖啡真係冇得頂👍好好味煙熏黑椒燒牛肉，大啡菇墨汁包-香濃嘅大啡菇再加埋芝士已經好吸引仲要有燒牛肉😋飽腹感十足👍如果一個人食嘅話叫依個已經好足夠👍無花果，巴馬火腿，蝴蝶粉，藜麥沙律配糖心蛋-十分健康嘅沙律，藜麥配沙律再加無花果十分清新再加少許火腿份量啱啱好。芝士墨西哥薄脆片-有新鮮嘅牛油果令到成個小食冇咁油清新左，再加埋香濃幼滑嘅芝士醬😋😋真係好好味👍血橙梳打-血橙嘅蘇打第一次試係一個新嘗試味道有啲似雜果賓治🤣

今日中午與朋友到Bubble Tree午餐， 地點位於觀塘成業街，工業大廈裏的西餐廳。 因為要開會的關係差不多中午兩點半才有時間食飯， 估唔到過了lunch時間店內還有很多客人。 😚午餐我們點無花果、巴馬火腿、蝴蝶粉藜麥沙律配溏心蛋半隻$60、煙三文魚、忌廉芝士比高包$38、蟹籽、蘆筍、煙三文魚伴香蒜橄欖油意粉$54， 飲品有玫瑰咖啡＆凍咖啡。✨✨✨✨✨⭕無花果、巴馬火腿、蝴蝶粉藜麥沙律配溏心蛋半隻～ 無花果好清甜， 沙律菜新鮮， 蝴蝶粉配上沙律醬好開胃， 藜麥夠健康， 再加上糖心蛋半隻， 份量多。⭕蟹籽、蘆筍、煙三文魚伴香蒜橄欖油意粉～ 意粉質感軟硬適中， 有濃濃的香蒜味。⭕煙三文魚、忌廉芝士比高包～ 味道清清地， 比高包質地煙韌， 價錢相宜，下午茶之選。⭕玫瑰咖啡～ 杯上有一隻可愛的貓仔做裝飾， 咖啡味濃， 還有陣陣玫瑰清香。⭕凍咖啡～ 味道不會太甜。觀塘的工業大廈裏面真是很多餐廳，Bubble Tree的質素也不錯， 最重要服務非常貼心。😊

觀塘工廈樓上開的餐廳何其多，越來越多家，是日和同事一起探索，到訪這邊。門口的對聯很吸精，以英文寫出來真有創意。蟹籽、蘆筍、煙三文魚、伴香蒜橄欖油意粉意粉軟硬適中，有啖啖香草味，加入蒜片及橄欖油炒，蒜香香氣撲鼻，帶油香。麵條炒得乾爽，醬汁不會太多而令意粉變得太濕。材料還有蘆筍、煙三文魚、蟹籽。玫瑰咖啡底下是即磨咖啡，上面鋪上玫瑰花瓣。入口第一口充斥著玫瑰花香，清香。之後都是咖啡香味，玫瑰的香氣隨即漸散。現在在這區吃飯，西餐的話平均都要70多元或以上。這家餐廳以平民化價錢取勝，不妨一試。

觀塘出晒名工廈有好多好嘢食，前排同朋友就去咗呢間位於觀塘嘅工廈西餐廳，價錢抵食之餘仲有多款選擇，今次試嘅幾款嘢食味道都唔錯，賣相亦適合打卡，不過留意番餐廳喺以自助形式運作，位置亦好多，整體來講值得一試_蟹子、蘆筍、煙三文魚伴香蒜橄欖油意粉 $54睇得出佢哋嘅擺款好有心思，意粉配上蘆筍一齊炒食落幾香口，以呢個價錢性價比非常高_無花果、巴馬火腿、蝴蝶粉沙律配糖心蛋 $60餐廳有提供多款沙律，估唔到$60嘅份量竟然咁多，小編幾鍾意佢哋嘅蝴蝶粉配沙律醬汁，食落去有口感，加上巴馬火腿同清甜嘅無花果令到整個沙律更加開胃清新_煙燻黑椒燒牛肉意大利軟包三文治$52整個麵包外脆內軟，黑椒燒牛肉帶鹹香，味道正常—雪糕窩夫$40食到最後都同朋友叫咗個甜品嚟試吓，熱辣辣窩夫配上冰凍嘅雪糕有種冰火相融嘅感覺，甜度剛剛好_玫瑰拿鐵 $32奶味非常濃郁！另外佢哋嘅拉花都幾有心思，配上貓貓公仔嘅匙羹仔更加可愛🤩呢杯啱晒打卡

午餐時間朋友訂咗1:30枱，發現好多人，好彩等咗一陣就有位。自助形式：購票，自取食物、餐具！款式種類甚多，以西式為主，實有一款啱你！我點了紫薯湯，味道幾好，比較「結」身，以女性來講，食完已經可能有啲飽😅安格斯漢堡扒，煎得幾香身👍，叫了少飯，不過仍然比較多😂凍Latte也不錯，不過已經太飽，飲唔晒😂

偶爾想同朋友聚耐少少就會揀樓上cafe。今次試下觀塘工廈嘅呢間小店。價錢合理，而且味道都唔錯。🍔瘋狂芝士日本飛驒牛漢堡$98每份漢堡都附送薯條🍟、沙律🥗。飛驒牛煎得香口，咬落好多肉汁。Brie芝士口感軟身，味道溫和。配上蜜糖芥茉醬，整體變得酸甜開胃。🍔山賊黑椒燒雞扒煙肉漢堡$65雞扒嫩滑多汁，煎香嘅煙肉增添咗煙燻香氣。黑椒夠幼細，醬汁香得嚟入口冇咩辣味。Greentea Latte (12oz) +$8套餐價加$8好抵！抹茶味好濃，甜度適中，口感香滑。

前幾日屋企人休息,諗起宜家開放左晚市堂食～難得放假唔想煮🙈就等我放學一齊去觀塘食dinner～喺成業工業大廈2樓，見到呢間西餐廳，價錢幾親民又有好多選擇🥰就入嚟試吓～安格斯牛漢堡滑蛋蓋鐵板拌飯$68好大碟鐵板拌飯😍有一大塊安格斯牛漢堡係滑蛋面😆仲有滑蛋蓋住啲飯係底～安格斯牛漢堡幾香☺️而且幾Juicy🤩食落仲有啲肉汁流出黎添😆滑蛋整得好靚🥰香滑又好味😋佢調教嘅醬汁都好正👍🏻烤焗丹麥原隻豬手配有機紅米飯$77有兩大舊丹麥原隻豬手☺️有好多肉😆食落覺得好香💕而且肉質細嫩🤗幾有咬口😚仲有一大碗紅米飯😊感覺幾健康💪🏻凍榛子鮮奶加$10可以配咖啡☕️牛奶🥛或者朱古力～而且可以加自己鍾意嘅味道🥰有榛子🌰焦糖，碎朱古力等等～我揀咗榛子味☺️有好濃郁嘅榛子香味🤩同鮮奶幾夾💕幾好飲😋

當小店在東廣場地舖時已經是常客，進駐工廈後食物的款式選擇更加多，依然保持有水準、性價比高的小店。瘋狂芝士日本飛驒牛漢堡 ($98)• 不論是漢堡的配料以及伴碟的沙律薯條，份量都極多，相當足料。• 漢堡大致分成四層：香口鬆軟的漢堡包夾著沙律菜、厚厚的芝士片及飛驒和牛扒。• 肉味香濃突出、充滿油香，配合厚增芝士片令惹味程度大大提升。• 沙律菜整體鮮嫩爽口，跟飛驒牛互相配合，口感更加豐富。吉列豬扒，大啡菇滑蛋蓋鐵板拌飯 ($68)• 份量同樣很多，吉列豬扒和啡菇都比一般吃到的更加大片。• 豬扒外層酥炸得香而不膩，內層肉質彈牙有咬口。大啡菇口感同樣彈牙而且多汁。• 底下舖有混合芝士碎的滑蛋，加上微辣的黑椒汁，令拌飯非常惹味。芝士墨西哥薄脆片 ($48)• 脆片上面放有芝士、蔬菜粒，再經過輕微的香焗處理，半溶的芝士黏附在脆片上面，非常香口。薑味玉桂綠茶鮮奶 (12oz | +$10)• 味道十分豐富有層次，三種味道均勻配合，口感帶點豐盈，喜歡綠茶的朋友可以一試。

#灰到觀塘觀塘啲餐廳好似永遠都試唔晒🤣😆今次去嘅呢間係自助形式(落單/取餐/收餐盤)，好似去左學校飯堂嘅感覺😂-🔻安格斯牛漢堡滑蛋蓋鐵板拌飯(連餐湯和飲品) $68漢堡牛味頗重，無乜肉汁，另外都煮得比較熟，不過我自己本身都無所謂🤭另外個滑蛋都真係好滑😋多一層口感~同好多餐廳唔同嘅係呢度用左紅米飯，另外淋上嘅黑椒汁都唔算重口味，算係幾健康(?)🤣▪南瓜湯較稠身，而且超級甜！😲唔知係原本用嘅南瓜好靚定係調味嘅原因😂-👅食後感：幾推薦喺附近住/返工嘅大家試下🤭雖然味道唔會有好大驚喜，但性價比好高✔✔-👀個人喜愛度：8/10-🚩Bubble Tree觀塘成業街19-21號成業工業大廈2樓27室-#美食 #香港美食 #hk #hkfood #foodie #hkufoodie #香港 #홍콩 #맛집 #음식

< Bubble Tree🌳 > 📍觀塘觀塘工廈真係好多好嘢食 今日就同朋友去咗呢間cafe食野😆🍛吉列豬扒大啡菇鐵板拌飯 $68 包餐湯+飲品呢個價錢真係幾抵食😆 吉列豬扒係厚切 仲要冇骨 啖啖肉🤤 炸得好香脆 入面肉質都幾嫩滑 唔錯👍🏻 另外個大啡菇都燒得好香 好juicy 拌飯有粟米、芝士、蛋同埋黑椒汁撈埋一齊食 幾惹味😋 餐湯叫咗南瓜湯🎃 南瓜味好濃郁 好飲👍🏻 飲品叫咗凍蘋果茶 唔太甜好解膩😛 🍝蟹籽、蘆筍、煙三文魚伴香蒜橄欖油意粉 $54煙三文魚有四五塊 圍住好似玫瑰花形 打卡一流🥰 意粉幾香蒜蓉味 偏乾身 冇乜汁 份量對女仔黎講啱啱好 男仔可能唔夠食 餐湯叫咗紫薯湯🍠 唔係罐頭湯 好稠身 好似食緊紫薯糊🤣 鍾意紫薯嘅朋友啱晒😛 飲品叫咗熱蘋果茶 熱飲有更香蘋果味 唔錯🥰