Bubble Tree (成業工業大廈)

营业中

休息中

今日難得放半日假，又去觀塘覓食先！第一站係位於成業街工廈既Bubble Tree，首先黎食個lunch。上次黎過一次，覺得食物同服務都唔錯，今次再encore！呢度係一間樓上cafe。除左一般意粉，飯，沙律，三文治，呢度仲有漢堡，小食同少見嘅鐵板拌飯，選擇都幾多。跟餐可以加錢要餐湯，沙律，甜品同飲料。咖啡，鮮奶或朱古力可以選擇大杯或細杯裝熱飲，或凍飲。最特別係可以選擇加味如榛子，焦糖，玉桂，碎曲奇，薄荷，忌廉，棉花糖，而唔洗額外加錢。呢度都有早餐同下午茶餐，價錢平$20左右，當然食嘅野唔同。照燒鰻魚滑蛋蓋鐵板拌飯 $89鐵板拌飯第二度少見，呢度有七款，仲可以加配料如滑蛋蓋，芝士，吉列豬扒，大啡菇。上次食飛驒牛漢堡滑蛋蓋鐵板拌飯，今次見到呢款新野，即試唔洗諗。鐵板拌飯其實係蛋包飯。拌飯果然係用鐵板上枱，雖然冇乜吱吱聲。鰻魚係原條上枱，仲係熱辣辣，未食已經聞到好香，雖然唔算厚肉同大條，但係食落都彈牙有正常鰻魚味。滑蛋雖然蓋唔哂啲白飯，但係都滑而唔膩。鰻魚上面仲加左邪惡嘅芝士。其他配料仲有粟米粒同車厘茄。值得一提係個汁居然有少少辣，睇唔出。瘋狂芝士日本飛驒牛漢堡配炸薯條及沙律 $98漢堡系列

今日繼續發掘觀塘嘅工廈美食！Bubble Tree位於工業大廈，大部份嘅工業大廈好似迷宮咁，有時候搵極都搵唔到間餐廳。不過Bubble Tree門口貼上「恭喜發財」既海報，加上餐廳名字嘅擺設，大家應該容易搵到🤣餐廳衛生做得好足，餐具全部放喺自動消毒櫃入面👍🏻。客人落單只需要用QR code，非常方便。- 日本飛驒牛漢堡滑蛋蓋鐵板拌飯漢堡肉味好濃郁，上面仲加左芝士。滑蛋唔算太滑而且無咩蛋汁，不過綜合味道好出色，黑椒汁嘅分量亦剛剛好。值得一提係餐廳用上紅米飯，健康之餘又特別飽肚。- 100%牛肉手打漢堡牛肉漢堡唔算太厚身，不過牛肉味好濃，唔會過度油膩，充滿肉汁。入面仲有蔬菜、蕃茄同青瓜，食材比例平均，每一啖都食到所有材料😋Bubble Tree性價比高，主食加飲品只係$70至80，而且賣相一啲都唔頹，充滿心思🥰值得一提餐廳職員非常貼心，自己因為地面路滑所以仆親，結果導致手肘流血，職員見到即刻比左膠布我，真係非常感動😭

觀塘工廈入面不嬲出名多野食😚今次去左其中一間，就係bubble tree。原本睇食評都覺得佢好似幾抵食，最平40蚊左右已經有一個下午茶餐。去到食個陣簡直畀佢個分量嚇親，3個人叫左3個餐，有食夠多🤣🤣不過普遍食物味道較淡，喜歡重口味既人可能會覺得無味🤣🤣本身想試焗薯，但好可惜個日賣晒，有機會會再去試！

今日放假，又去咗觀塘工業區搵好嘢食😅，今次去咗《Bubble Tree》樓上Cafe食晚餐！餐牌選擇都好清晰，選好主菜，就可以自選配搭組合💁🏻‍♀️湯、沙律、甜品、飲品．．蜜糖芥末雞扒意大利軟包三文治 $52酥脆的外皮，軟軟的內層，雞扒被煎過但還是很嫩滑，加上芥末醬，沙律菜、番茄和青瓜，清新口感亦帶點惹味👍🏻👍🏻！煙肉白菌卡邦尼蝴蝶粉 $54煙肉鹹香味適中，每一啖的蝴蝶粉都沾滿了淡淡的忌廉奶香，好好味😍！紫薯湯 (跟餐加$5)濃郁而柔滑口感，香味十足，營養價值又高，健康之選👍🏻！朱古力咖啡(跟餐加$10)朱古力味濃帶點咖啡香，略甜，但少飲咖啡的我，感覺容易入口😊！

一肉一素～ 兩個人兩份咁樣就可以均衡少少🤏😂 但食薯條都係自欺欺人！瘋狂芝士日本飛驒和牛 $98 4/5肉味都的而且確係幾香濃！而且芝士都真係幾瘋狂、其實就係在於有大概兩三個$5銀疊高咁厚😂 所以如果鍾意芝士味，就冇咩問題。不過，我朋友就覺得芝士味掩蓋左牛肉嘅味道。不過兩個漢堡麵包🥯都好食，烘過，乾爽，香脆Menu寫左飛「彈」😂 無聊諗起Redbull～牛油果大啡菇芝士漢堡 $65 4.2/5如果計返價錢，我反而覺得呢一個素食者漢堡，更加好高分。因為牛油果同埋大啡菇都非常之新鮮 juicy! 值得推介薯條🍟 3.5粗切薯條就唔係好趣，有少少林。可能鍾意健康嘅人會覺得冇咁熱氣。😂

係觀塘返工之後每次想食貼地又好食既野都會去成業工業大廈到睇下，相對東廣場無咁多人但都係超多選擇。平時見到openrice lunch time都容易book到位，今日想walk in就大約等左15-20分鐘。因為價格相宜，所以拎餐具取餐等都係以自助形式。睇到menu基本上大家都一致決定要試佢既主打鰻魚同飛驒和牛漢堡滑蛋蓋鐵板拌飯，一上菜就被佢既大份量感動到，鰻魚同和牛漢堡完全可以蓋過個飯，每一啖都可以食到個餸，滑蛋，飯同栗米，如果再加多d油個飯應該會好似pepper lunch。除左主食之外都想讚一讚佢既餐湯，試左南瓜同紫薯湯都係好足料味道好出，飲完個湯基本上個肚都滿左一半十分滿足。飲品方面叫左綠茶牛奶，好開心地可以自選topping例如綿花糖同奶既份量，今次試左少甜都仲係有d甜下次會直接試無糖就完美啦。

🤍日本飛驒牛漢堡滑蛋蓋鐵板拌飯 $85🤍瘋狂芝士日本飛驒牛漢堡 $98-🤍日本飛驒牛漢堡滑蛋蓋鐵板拌飯 ⭐️⭐️⭐️⭐️飛驒牛漢堡十分嫩滑，一啲都唔乾，食落juicy，有油香🥰加上滑蛋鋪滿成個飯，每淡都食到滑蛋，真係超級滑，而佢飯有啲特別，係用紅米飯，感覺好似好健康咁🤣/🤍瘋狂芝士日本飛驒牛漢堡⭐️⭐️⭐️⭐️想食漢堡，見餐牌寫住top sales就叫依個，漢堡size超大😂係大到唔可以一淡咬到哂成個包🤣🤣。而佢係100%純牛肉手打漢堡，果然冇失望，食落口十分嫩滑，唔會乾唔會老👍🏻，個包都好鬆軟。佢係配薯條同埋沙律，薯條係新鮮炸起，超級脆口☺️。-環境：6/10服務：6/10好味指數：8/10回頭率：6/10

有朋友喺觀塘附近返工就順便去搵下佢食個飯先，平時絕少去工廈食嘢，要專登搵先會去食，通常都係去開倉買下野咁，今次就搵到呢間以人頭計都唔洗$100既西餐cafe🤗發現坐坐吓傾吓偈成間餐廳變咗full house，越嚟越多人🤪講返先呢度係先比錢點餐，然後等聽號碼，餐具同水都係自助形式，好方便，而餐具仲要係用紫外線消毒👍🏻🌟韓式辣汁海鮮意粉配刁草煙三文魚 $58🌟太肚餓既關係，決定要放棄飽類(其實好想食佢哋既Bagel🙈)唯有下次先試，辣汁係有少少偏辣，不過係惹味既🤤海鮮鮮甜量多👍🏻仲有我最鐘意既蜆🤩🌟田園素菜沙律配牛油果 +$8🌟加$8就有牛油果沙律，唔係唔加呀嘛，出去買個牛油果都唔止啦，就加咗了😂牛油果口感有啲硬，如果再熟啲就更好了🤪🌟雪糕窩夫 $25🌟三款甜品，見到呢個就想食🤤餐廳好貼心，等我哋慢慢食曬主食，先準備甜品比我哋，我哋又可以唔洗食得咁急之餘，雪糕又唔會攤到溶曬👍🏻🌟綠茶鮮奶 +$10🌟綠茶味好濃郁得嚟又唔會偏苦😋而且加$10就有咁大杯，好抵飲!仲有好細心既選擇，有分12oz 同 16oz之分，我就貪心啲，揀咗大杯16oz🤣最後係飲曬之餘，係好味到仲想飲多杯😂

We have late lunch in Kwun Tong and arrived at the restaurant about 2pm. You can order by yourself by scanning the code on table or direct order from kitchen. They have UV lamp cabinet for disinfecting tableware👍 The main cause Risotto with mushroom was tasty. The special purple sweet potato soup is not bad, can try it! We ordered green tea latte for the drinks and chit chat for the afternoon.

官塘工業大廈，有好多好嘅餐廳，今日去咗位於成業工業大廈2樓27室的 Bubble Tree餐廳以簡約工業風裝修，坐位舒適，不停播放音樂，置身其中，非常放鬆餐廳以自助形式，QR code點餐，唔使排隊👍👍，等叫號取餐，餐具放喺消毒櫃内，非常衛生食物選擇多，有沙律、意粉、飯、三文治、漢堡包、甜品等呢度嘅套餐配搭非常彈性，有湯、沙律、飲品、甜品，每款唔同價錢，可以按自己喜好加配蜜糖芥茉雞扒意大利軟包三文治$52意大利軟包，酥脆的外皮，軟軟的包心，加上生菜、蕃茄、軟嫩蜜味的雞扒，入口juicy，味道一流紫薯湯（加配加$5）以營養豐富的紫薯煮湯，入口有濃郁紫薯味，口感濃稠順滑蘋果茶（加配加$5）茶味濃，配上淡淡蘋果香甜味，清膩解渴

觀塘可以話係美食集中地🤤，今次去咗一間樓上cafe度食，聽講食物好食得嚟😋，又大份，仲要唔係好貴😆！去嗰日係星期五夜晚，都幾多人，長期滿座。如果想去，最好book定位🙈！落單係用枱面嘅QR code。-🍴煙肉白菌卡邦尼蝴蝶粉🥓🍝($54) - 比較少見到有餐廳係賣蝴蝶粉，多數比較多係卡邦尼意粉。蝴蝶粉幾足料👍🏻，都有唔少嘅煙肉🥓、菌類🍄，仲有啲洋蔥🧅添！醬汁幾creamy，而且都足夠。不過食吓食吓，去到最後會有少少膩，依個時候就要食翻個甜品🤩！-🍴雪糕窩夫🍦🧇(+$25) - 店員好甜心💛，食客可以食完正餐先再通知上甜品。窩夫🧇係即叫即整，外脆內軟，有少少似Muffin嘅質感同味道🤣！除咗雲尼拿雪糕，仲有咁Cream係窩夫上面，配住嚟食好好味😋，完美地畫上句號。

今日同飯腳黎左呢間小店開餐呢度既食物選擇有好多，可以自行搭配，彈性十分大！！仲可以掃QR code 落單，又唔洗加一，好方便我地兩個都跟餐要左餐湯朋友既係蕃茄甘荀湯，我既係味道天然既紫薯湯我要左一份日本飛驒和牛漢堡滑蛋拌飯$85漢堡扒軟腍juicy好高質朋友既吉列豬扒芝士焗飯$68就仲抵食因為塊吉列豬扒係超厚切，炸粉又唔厚，朋友俾左件我試，食落仲好鬆化添我地仲要左一份小食拼盤share呢份拼盤好豐富，自己特別中意當中既一口炸雞，沾上伴旁既芝士醬食特別“芝”味朋友就中意肉嫩多汁帶微辣既水牛城雞翼我地同樣加配一杯香滑既green tea latte 最後當然唔可以無甜品啦！！！呢度既雪糕窩夫只係需要跟餐加配25蚊，質素都相當唔錯，推介推介

南瓜湯🎃飲落有一絲絲既南瓜蓉，係濃味既-水牛城雞翼好好食雞翼咬落有肉汁而且好嫩滑，有少少辣，好惹味-蜜糖芥末義大利軟包三文治烘得好脆，有好多沙律菜食☺️而且芥末蛋黃醬比例岩岩好，唔會令到個包好濕/好乾，雞胸肉又唔柴😍-白酒忌廉汁吞拿魚芝士焗海鮮蝴蝶粉忌廉汁配芝士同海鮮係絕配👍👏🏻食蝴蝶粉最驚係唔入味，但bubble tree既蝴蝶粉有濃郁嘅芝士吞拿魚味🤤食落去仲會見到一粒粒魷魚，煙煙韌韌，係會不知不覺就清曬盤😋-凍蘋果茶唔會過甜，飲落好重茶香味，蘋果既甜味係後韻慢慢飄番出黎，而底部有🍎粒，有驚喜呀🤩

#觀塘美食 ♡ 𝐵𝓊𝒷𝒷𝓁𝑒 𝒯𝓇𝑒𝑒 ♡工廈入面搵到間隱世高質餐廳餐廳裝修簡約但有一種工業風餐廳係自助形式坐低後店員會迅速送上menu之後可以scan QR code點餐所有餐具🍴都經紫外光燈消毒👍🏻不得不提個menu手繪既圖畫真係好吸引✨𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧❥蟹子、蘆筍、煙三文魚半香蒜橄欖油意粉🍝意粉好香香蒜味，蘆筍爽口，加埋用煙三文魚砌成嘅玫瑰花好靚🌹❥煙熏黑椒燒牛肉，大啡菇墨汁包三文治黑色嘅包賣相非常新奇有趣，，牛肉有煙燻嘅味好出，配埋大啡菇好juicy 估唔到又咁夾❥ 芝士肉醬焗薯🥔個人好鍾意食有關薯仔嘅食物，芝士加肉醬十分之邪惡不過每啖都好好味，十分推介👍🏻❥雪糕窩夫雪糕係曲奇雪糕，窩夫有好香濃嘅蛋味，不過比較甜🧇❥綠茶鮮奶賣相唔錯，個底有香濃嘅抹茶味，唔太甜，啱晒啲唔鍾意飲太甜嘅朋友🍵𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧𓏧呢間係工廈少見高質嘅餐廳餐廳價錢親民又多選擇剩係望menu已經好開心回頭率高😋📍 觀塘成業街19-21號成業大廈2樓27室#hkfoodmemories_cafe#foodie #hkfoodie #h

💖Bubble Tree上網諗住搵吓喺觀塘輕食少少嘅西餐，結果佢就suggest左呢間🤤💰人均$100 Dinner一上到去，雖然係晚飯時間但太多人坐得幾舒服😌佢個餐牌就複雜少少，有飯有意粉有包選擇，另外如果你想食set，就有湯，沙律，飲品，甜品逐樣價錢，慢慢配搭🤣見到咁多嘢揀，我又貪心乜嘢都加晒，試晒佢😋真心，佢所有嘢質素平均都幾好💖有湯到沙律到意粉到最後甜品全部都有驚喜🤤尤其是係個意粉同甜品☺️三文魚意粉好多了而且好香，意粉嘅質感都好彈牙!至於甜品尤其是個窩夫真係好香，啲朱古力醬好好食😋