BRICK LANE Deli (已結業)

假日新城市廣場真係迫到爆,想搵個地方輕鬆啲食嘢都唔係容易行過見到呢間都唔算多人等，而且啲坐位都寬敞， 所以就試下呢度食。等咗大約十分鐘就入座，餐廳係半自助形式，要自己行出去落單，然後侍應再送上食物。點了炸魚薯條同埋pizza ，要另外加14蚊跟埋飲品炸魚薯條好夠份量，對得起價錢。魚醃得夠入味，炸得啱唔啱，外脆內軟，十分鬆脆。薯條係我最愛嘅粗薯條，滿分的配搭!另一份係parma ham pizza,五十幾蚊有四塊薄pizza,想輕食都ok，味道都唔錯，整體好滿意!

公司出完花紅， 食完午飯就可以收爐， 開始放年假預備迎接豬年來臨。 既然係咁我哋先去消費， 辛苦了一年係時候獎勵自己 ，跟同事一起去行街購物🤗平時經過沙田都見很多人大排長龍， 今次下午茶時段有位， 一於坐低大刷一頓。今次盡情點餐， 黑松露蘑菇天使意粉，英式炸魚薯條，煙三文魚班尼迪蛋， 特色頂級美國牛肉漢堡， 龍蝦班尼迪蛋配鹹蛋黃荷蘭醬， 巴馬火腿火箭菜薄餅，凍熱飲品及黑松露蘑菇湯， 非常豐富！上菜效率高， 食物放滿一枱， 高高興興地邊吃邊說過去一年的趣事！班尼迪蛋是我第一次食的， 溫泉蛋放在鬆餅上， 一切開蛋黃徐徐流下來 ！ 香脆的炸魚配厚切的薯條， 感受下英倫風味 。天使意粉配黑松露蘑菇，味道非常濃郁。 厚厚嘅牛肉漢堡，食得好滋味😋！這餐是我們的西式團年飯✌， 祝願大家🐖年行好運！松露蘑菇天使意粉 英式炸魚薯條 煙三文魚班尼迪蛋 特色頂級美國牛肉漢堡 巴馬火腿火箭菜薄餅 龍蝦班尼迪蛋配鹹蛋黃荷蘭醬

早餐千萬不要吃Egg Benedict, 隻蛋煮到全熟，無流心，未見過egg benedict 加椰菜落去，通常係沙律菜，D椰菜好濕淋淋，搞到個包濕曬，好核突！總之中曬伏！

今日約左fd去沙田食飯，見呢間既價錢幾抵食 ，個環境又幾舒服，8點幾又唔太多人所以就入左去食☺️去到就叫左半隻Grilled Beer-Marinated Chicken ($108)，Cabonara ($98) ，Baby Back Rib ($128) 同埋 Crispy Chicken Wings ($48) 三個人share 啦呢度比較特別係所有野都係自助式既，係要先去廚房比左錢，然後侍應先會上菜。感覺上菜都好快，但普遍個份量都比較少，所以食完我地都唔太飽個雞翼真係煎得岩岩好，唔會覺得好油，同埋好入味。佢配既燒汁好重BBQ味，個人就幾鐘意陣味😋反而個雞有啲失望，雖然煮得好滑，唔會太老，但唔夠入味，要靠雞翼同rib ge bbq sauce 先夠味。個Rib 唔錯 唔會好大件骨好少肉，Cabonara 就不過不失啦！總括黎講，性價比都幾好既 可以再戰😏😏

以前尖沙咀返工成日Bricklane 嘅Egg benedict而家越做越大 連沙田都有分店點都要嚟試下 呢間主打輕食 選擇唔算太多 岩晒有選擇困難症嘅朋友😂😂先來一個龍蝦egg benedict 😌 水準依舊冇令我失望 全蛋流心 配上hollandaise同龍蝦沙律醬 好夾 再叫左半隻春雞 肉質嫩滑 juicy 👍🏻 但最值得一讚嘅都係carbonara 意粉al dente 掛汁味濃 配上蘑菇片同煙肉粒 搭傳統Parmesan cheese 真係必食😋😋唔想食沙田同人迫位 呢度絕對係性價比之王👍🏻快靚正

-今朝晨早流流就畀個friend 叫咗出去食早餐， 佢好開心話介紹呢一間餐廳，話行過見到想食好耐，就叫我講過嚟食。 我哋一坐低睇個menu就覺得 .....中伏！ 個早餐六十幾蚊，原來係唔包嘢飲。 都算啦！都算啦！坐低咗就試下佢啦，睇下好唔好食先喇。 諗定食咩再去cashier買餐，買餐再等waitress 送嚟。 英式豐盛全日早餐 (English Meaty Breakfast) （$63），另加$14 熱咖啡： 唯一可以讚嘅係條腸仔， 尚算好食，可能因為已經整定，唔洗點樣烹調。 塊雞扒衰到冇朋友， 肉質好嚡、 柴皮咁。其實求其去啲茶餐廳 or 連鎖快餐店廿幾蚊嘅雞扒早餐都會畀佢好食好多。 個炒蛋 so far so good咁啦。 塊包呢.......... 唔通而家啲包好貴？？？咁細塊嘅？？煙三文魚班尼迪蛋 (Eggs Royale) ($60)， 另加$26 朱古力咖啡：尼迪蛋尚算ok做到流心嘅感覺， 為呢個所謂嘅英式早餐挽回 一點點嘅分數。 呢兩個英式早餐可以講有啲失望！！！抱住咁高期望嚟食，點知........ 失望而回。 貴都算， 但唔好食先係重點。伏..... ___

週日早上到新城市吃早餐，一見到有Avocado on Toast就衝了進去。我點了Poached Egg Avocado on Toast，男友則點了Italian Egg Benedict。Plating有點單調，碟子太大令麵包孤令令地坐在中央，好不可憐。Poached egg上可灑少許pepper and salt，加些沙律菜伴碟則更理想。另，蛋白包得不好，倒不如把尾部收在蛋黃下。看！現在跟紙巾像失散的兄弟了。蛋汁緩緩流出，不錯；唯poached egg本身完全沒有味，只有過酸的白醋味。至於主角—牛油果醬亦不是我杯茶。製牛油果醬的材料很簡單，只需將牛油果壓成蓉，加少許檸檬汁、鹽及黑椒調味，最後澆上一點olive oil，十分清新；但這兒則加了洋蔥，令整個味道俗了，亦搶了牛油果的甜味。如果想加點層次，其實麵包可以先用一瓣蒜頭rub過再入爐加添香氣。男友的Egg Benedict中規中矩，唯紫椰菜用在此菜式上則較為少見。最差的是杯咖啡☕️我的regular coffee正常，但男友那杯hazelnut latte是糖水與加了水的牛奶混合物，難飲到⋯⋯🤢如果未試過brick lane的話，

沙田新城市星期日夜晚比較平啲嘅餐廳都排晒隊咁，見bricklane有位就入左去。嗌左個parma ham eggs benedict同雞肉牛油果burger，再加一杯rose latte同一杯水果茶呢個benedict好失望，勁薄一塊parma ham薄到冇味咁，搭配果款菜都唔夾包係正常，中間舊雞好厚，個薯條加左成$20，點知份量係M記細薯條咁，仲要味道都同M記一樣，淋同唔脆嘅，好蝕呀野飲係ok嘅，rose latte唔會太甜

之前一直幫襯開佢尖沙咀店， 英式格局，氣氛濃厚，好適星期日去hea, 又或是平日happy hour 同朋友短聚，所以原本佢進註沙田， 我是滿心期待嘅， 事關沙田新城市好少呢類型餐廳。點知當佢開張時就完全另一個feel, 佢係Deli, 即是快餐， 那風格觀感跟原本的英式快餐店差唔多😔。不過本住點都試一次嘅心態，就走入去。餐廳安排其實有啲奇怪， 佢要先係門口找店員安排入座， 但入座後卻又要自己行出counter點單付賬， 再返座位等送餐。呢個分流嘅目的我好有疑問， 事關你同朋友一齊可能冇咁混亂， 但好似我咁一個人嚟， 入座後我點單我又要拎返哂啲隨身物品出去點單。而且餐廳其實係位於商場地下中庭嘅open area, 地方一啲都唔大， 餐枱間嘅行人走道都幾窄， 拎住啲野行嚟行去都幾麻煩。點解唔試下好似啲連銷快餐咁，你入門口點單俾錢後，店員先安排入座呢？🤔咁我咪唔使行嚟行去囉！食物方面只算中規中矩，我點左最鍾意嘅Avocado egg benedict, 仲加錢配左杯latte添😔。食物上枱我第一個感覺就係--乜咁求其架！個Egg Benedict 隻碟連拌碟嘅少少一棵菜都冇， 係成本貴定係

黎到沙田行街行到攰攰地搵間餐廳食下野休息下，咁岩見到呢間「Brick Lane Deil」裝修幾靚，野食好吸引，一於就食佢！咁岩呢段時間有Lunch set ，就叫左個黑松露蘑菇天使意粉，遠遠已經聞到好香既黑松露味，天使意粉煮得岩岩好唔會太淋唔會太硬，配埋忌廉汁，好creamy! 個餐跟個沙律同飲品，另外加$18有個黑松露薯條，薯條係幼身既，新鮮炸起，脆卜卜！友人就叫左個龍蝦班尼迪蛋配鹹蛋黃荷蘭醬，嘩，一黎到好香好香既龍蝦味，蛋做到流心效果，蛋汁配埋龍蝦肉，底層有啲紫椰菜，味道好夾！餐廳今期推介紅絲絨蛋糕，就叫左件試下！貌相都幾靚，一層芝士一層蛋糕，食落唔會太漏，芝士味都幾香，細細件唔會話太多食唔晒！今餐食得好開心，環境都幾舒適，野食做得幾好，好悠閒的一餐！

今日一個人去左沙田行街，主要目的是想去一田supermarket買野。搬左屋之後，一田成為左我屋企既糧倉填補地方，鐘意佢食材新鮮又有保證。lunch time去左brick lane deli食飯。早早之前聽過brick lane大名，主打英國菜，又以benedict為主打菜式。我見到menu已經諗好食咩啦！daily soup是南瓜湯，熱辣辣充滿南瓜香味，入口濃郁南瓜清甜味道，加小小黑椒，非常暖胃。主菜叫左lobster benedict，賣相勁吸引呀！大大個龍蝦頭！流心蛋+龍蝦沙律+紫椰菜，荷蘭醬微甜帶點牛油香，包底夠鬆軟，口感極佳！

明明門口女士叫我們自己揾位，入到去男侍應好不客氣截住話要帶位，又唔係多人，好似話我呃佢咁，氣頂，自己混亂對唔住都冇句，好似仲想同我對質咁。咁高級食府，唔怪得侍應都有咁高級應對。食物水準一般，所以可以有很多替代

間唔中都有去尖沙咀間Brick Lane Gallery，知道有咁上下水準，所以見到沙田新開咗 輕量版嘅Brick Lane Deli，就帶一家五口睇完戲去試一試，因為喺新城市都幾就腳，點知完全勁失望！首先係職員間有冇溝通，流程亂七八糟。門口職員指左我哋入咗座之後，突然有經理衝埋嚟，大大聲話我哋冇排隊！最後佢搞清楚，都有講唔好意思，但佢咁大聲已經令我哋樣衰咗，已經勁掃興。跟住叫嘢食：- Fish and chips尚可，魚份量有啲細。- 「頂級」美國牛肉漢堡得個拳頭咁大，我老公食咗都唔飽，而且價錢同出面啲精品漢堡差唔多，「頂級」在於邊一忽？仲有搭左一pat 唔知想點嘅sauerkraut德國酸菜，個樣勁頹廢，食落又冇味！- 媽媽叫的1/4燒春雞，份量少到攝牙隙？D配菜係唔係hea左D？仲要冇味- Eggs florentine先恐怖，個廚師應該係唔識整poached eggs，我都整得好過佢。第一次嚟到，蛋白都未成形，透明一pat pat好似流緊鼻涕咁，有圖有真相。投訴後，送番廚房整咗碟新嘅嚟，但廚師今次又驚衰，熟過龍，蛋黃已實晒，而且落左太多醋（因為poached eggs要落醋，但

原因係好早年既時候，阿魚已經在尖沙咀試過呢間餐廳！當時就好喜歡呢間餐廳~~~  .知道佢在新城市開咗，當然專程去試啦！ .呢間分店有啲似快餐店，係自己排隊去買餐，即刻比錢，再等人送餐.阿魚同朋友試咗3樣野食！.🐟💬：（1）煙三文魚班尼迪蛋（$89）  .麵包好鬆軟，加上酸酸的荷蘭醬，同沙律🥗菜，好夾！.煙三文魚都唔少，好足料！🤤🤤.🐟💬：.（2）黑松露磨菇天使麵（$98） .呢個一定要熱食！凍咗就會變了1 pat 野⋯⋯.黑松露都幾香，醬汁好creamy！但份量不多⋯.🐟💬：.（3）脆香雞翼（$48）. 比m記更好食的脆香雞翼！不是用炸漿，食落好脆！.雞肉都好嫩滑！加上佢比個醬汁好惹味！.酸酸地，再加辣椒🌶️仔的少少辣！😍.🐟📝：8.5/10

平日難得放假去咗沙田新城市brick lane deli! 平日年來都會有lunch set，包埋飲品主菜。仲可以加錢要甜品同埋湯， 都幾抵食!呢間係半自助式，唔使+1！主菜要咗龍蝦Benedict配鹹蛋荷蘭醬, 呢個菜就要等一陣大約10分鐘，我兩隻水波蛋抽倒頭留心鹹蛋荷蘭醬，是第二間食唔到！都幾好食$168包埋飲品！另外叫咗個牛肋骨糙米飯飯，賣晒就轉左意粉！友人話好好食，多幾舊肉更好！仲叫咗個野山豬肉番茄辣汁長通粉，有少少辣味，普普通通但好似幾健康咁會好油！加錢要左三款cake,友人係甜品控！最好食係絲絨蛋糕細細件啱晒食完飯嘅我地！佢仲有個鮮果蒸餾泡茶，少少甜都唔錯既！