BRICK LANE Deli (已結業)

同大學同學又係時候一聚，個日先講起以前一齊返學食飯，今日朋友就話帶我去重捨昔日美好，去食返餐英國菜咁話，我地去左呢間BRICK LANE Deli食。餐廳係需要店員安排入座，但其餘一切，拎水拎餐具，甚至叫野食都係各下自理，幾自由嘅感覺！裝飾方面用上代表英國嘅單車做擺設，再加上鋼材屏風及鐵絲網，滿有代表工業革命嘅色彩，非常英倫風。餐牌方面，傳統All Day Breakfast係必備的，Eggs Benedict，Ribs 同Grilled Chicken 都算係英式大路菜式，佢有齊晒，一幕幕舊時嘅畫面湧出黎！而且仲有Pasta 同Pastry，菜式非常到位。我地一人點一個餐，另外再叫左個Egg Benedict 分黎食。首先我叫左個1/2 Grilled Beer-Marinated Chicken $108，再配餐湯、沙律、飲品。今日個餐湯係薯仔忌廉湯，薯仔味好rich，個湯creamy得黎，又咬到d薯仔粒，唔錯！沙律係沙律菜配上上蕃茄及粟米，黑醋嘅微酸，非常開胃。呢個烤雞雖然半隻都幾大份下，望到都驚驚呀。不過一切落去，有驚喜wo，肉質一d 都唔粗糙，無overcooked！口感結實

英國讀完書之後，我同同學都會定期聚一聚，個晚講起野食，大家都好懷念英倫風嘅野食。香港其實唔多餐廳主打英國菜，要高質嘅更加少之有少，不過我地住嘅附近有一間，所以今日就約左係沙田見面，我地食嘅餐廳係BRICK LANE Deli呀~餐廳設計比較簡約，只運用簡單鐵通作分間，成開放式環境，感覺比較開揚。雖然係由店員安排入座，但餐具、清水都係自助，點餐亦需要自行前往櫃台，但有樣好，無加一！餐牌都幾多選擇，All Day Breakfast、Eggs Benedict 呢d當然唔少得，另外仲有燒豬肋骨 同燒雞，又有意粉、薄餅，食乜都得。我同朋友點左個Eggs Benedict share 黎食，再一人一個餐。首先講下個龍蝦班尼廸蛋配鹹蛋黃荷蘭醬($168)，一上枱就好有氣勢，成隻龍蝦頭係度，水煮蛋配上荷蘭醬，蛋黃一篤，蛋汁流到成個都係。下面夾住龍蝦肉沙律，混和左青蘋果係裏面，食起黎比較清新，底部再配上紫椰菜加上少少黑醋，配上荷蘭醬，微酸令龍蝦肉味更特出。夾住鬆餅一齊食，口感非常豐富，必食之選。之後我就點左個燒豬肋骨($128) 另外加$45 配埋餐湯、沙律同飲品。餐湯係薯仔火腿忌廉湯，好濃郁嘅薯

雖然在沙田區工作，但我卻很少留在沙田覓食。碰巧這天男友要在沙田上課，就索性去新城市吃一個簡單的晚餐！之前我在尖沙咀吃過Brick Lane Gallery，最記得它的egg benedict質素不俗，原來沙田這兒有一間姊妹店－－Brick Lane Deli，主打輕食，而且不收加一服務費，價錢非常貼地！我點了海鮮意粉($128)，有四五隻大蝦和青口，海鮮份量頗多！意粉亦煮得剛剛好，不會太淋，而且茄汁外還加入番茄蓉增添口感！以這個價錢來說，很有誠意的一客意粉！一般的Egg Benedict都是配火腿或煙三文魚，很少見到以龍蝦入饌的，男友又聽到我說Brick Lane Gallery的Egg Benedict好食，就決定點Lobster Egg Benedict（$168）。Lobster Egg Benedict擺了一個龍蝦頭伴碟，賣相吸睛。輕輕切開水波蛋，蛋汁已經洶湧而出，墊在底下的muffin不會烘得太硬，吸收蛋汁後變得更加鬆軟。可惜的是入面餡料是龍蝦沙律，略為被荷蘭醬遮掩了龍蝦鮮味，有點可惜。餐廳有dinner combo，+$30可加配湯和沙律，想飲咖啡的我就散點了一杯Rose

有朋友推薦我地食呢間，所以決定黎試下。我地叫咗兩杯飲品，我超鍾意oreo cookies frappe，佢有好香濃嘅曲奇味，上面仲有成塊oreo添，一邊食晚餐一邊飲呢個真係一大享受！見到餐牌上面寫住lobster eggs benedict，好特別！eggs benedict食得多，有埋lobster真係第一次見，意想不到地好味。好多龍蝦肉之餘，佢個蛋都整得好好味，撈埋d龍蝦一齊食好正！美國牛肉漢堡都整得好靚好出色，牛肉子厚身，一切開就見到好多肉汁，食落去d肉汁jit 晒出黎。pizza同意粉都係一個唔錯嘅選擇，個人好鍾意忌廉汁，佢煮到好creamy，加埋d磨菇令到佢好有口感。個red velvet cake甜品為晚餐畫上完美句號，佢整到好有層次感，兩層蛋糕之間有芝士，食落去有好香濃嘅芝士味，好滿足呀！

呢度d野真係算抵食，唔洗一百蚊有好大碟意粉，仲60蚊有pizza食，呢個廣場裏面好難搵到咁嘅價錢。另外，呢度嘅服務我好鍾意，佢地好有禮貌，而且仲好醒目添！首先我哋叫咗個黑松露蘑菇天使面，啲忌廉汁非常香口，而且仲好重黑松露味，同天使麵好夾，而且天使麵 好彈牙好好味。全晚嘅重點就係個龍蝦egg benedict, 一睇就好想食，因為好多龍蝦肉，而且佢整得好fresh，因為有d青蘋果喺度，食落去淡淡肉，每一啖都係龍蝦鮮味！極力推薦呢個egg benedict，又創新又好味！龍蝦湯都好香濃嘅濃蝦味。雞肉青醬pizza，餅底好脆口，上面仲有d脆脆豐富口感 ，雞肉都好嫩滑，唔錯！我地仲叫咗個burger添，好juicy!飲品都好多選擇，我地叫咗oreo frappe同hazelnut latte，飲完好滿足。甜品都好多選擇，呢個red velvet賣相好，食落甜而不膩，好清香！

仲記得六年前開始流行食All day breakfast ，一定要去尖沙咀嗰間bricklane！啲朱古力又好好飲，等到頸都長，佢終於係沙田開咗分店😝🎇Eggbenedict除左平時smoked salmon，今日搞搞新意思試吓佢個龍蝦鹹蛋黃荷蘭醬😋切開流心，d蛋汁係湧出黎🤤配埋菠菜味道岩岩好～下層嘅龍蝦肉切開細細粒雖然食唔出係龍蝦，不過都爽口彈牙😎👍🏻我自己就習慣加黑椒～香口好多～ 炸魚配粗薯條，上個月喺法國成日食！而家返嚟香港都要食🤣講真佢嘅炸粉一啲都唔厚而且魚肉嫩滑，咬口非常香脆唔會油膩！必order!燒春雞係差唔多每一台都有order！未去到驚為天人，不過呢一個價錢我同屋企人都覺得好抵👍🏻＂芝士煙肉意粉＂配料非常滿足我呢一種芝士控💓意粉軟硬好適中！每一啖係肥到爆嘅罪惡感但係非常滿足👍🏻🤣

今晚約左朋友仔食晚餐，見近期新城市開左間小CK，平日無黎開呢頭都趁機過來行下街食下野👭唔熟呢頭所以都行左一陣諗下食咩好，見呢間唔駛等，之前又見好多人post係tst果間食brunch，同朋友就決定試下喇，係門口已經見到人食fish and chips 好吸引👅所以最後我地點左個野生豬肉蕃茄辣準長通粉同一個fish and chips share , 再以$45加配個餐湯+沙律+咖啡☕️🥗同埋+$42配bottled beer 🍺 意粉方面，份量我同朋友都覺得比較少而且要加Tabasco 先夠辣，cp值唔算高啊。Fish and chips 中最考質量應該係條魚，都夠滑身，份量亦合理，難怪眼見到餐廳入面叫呢樣 share食o既人都唔少🐟🍟餐配o既只係普通咖啡，配coffee creamer 都ok 👌🏻

難得平日放假，便到沙田行街搵食。行過見到Brick Lane，之前在尖沙咀分店食過，已經過得不錯，而沙田這間分店是自助形式，不用加一，感覺更為抵食，便帶屋企人入內試試。這間餐廳在叫餐及餐具供應都是自助的，比較causal。裝修同都是開放式設計，感覺開揚舒服。平日有午餐供應，更為抵食。每個餐都有沙律，主食及飲品。我們4 個人，一人點了一個餐share 食。1: 黑啤酒燉牛肉配糙米飯，黑啤在煮的過程中已揮發，所以不會有半點啤酒苦味，用黑啤燉牛肉，令牛肉多一份麥香味，牛肉燉得淋身而又不痴牙，配上糙米飯，更覺健康。2: 黑松露蘑姑天使意粉，幼身天使麵遇上香濃黑松露蘑姑汁，再配上大量蘑姑，香氣十足，正。溫馨提示: 這個意粉要襯熱食，涼了意粉就會變得一餅餅。3: 巴馬火腿班尼迪蛋，我一向都欣賞這間餐廳的班尼迪蛋，蛋黃一篤，蛋汁滿瀉，配上荷蘭醬，巴馬火腿，紫椰菜，夾住鬆餅一齊食，口感豐富，連媽媽都讚好。4: 特色雞肉牛油果醬漢堡，雞肉好厚身，配上近期大熱的健康食品-牛油果醬，沙律菜，蕃茄，整體好健康，好岩怕肥的女士，如果烘一烘底會更好。有小朋友一齊食，當然要有薯條及蛋糕給他們開心一下。另外加$18

係OPENRICE 上面睇到依個英式既餐廳 特登走黎試下既~我地兩個人嗌左一個egg benedict同一個burger~兩樣野都幾有份量, 而且價錢亦唔貴egg benedict 啲蛋黃係真係流出黎既~加埋三文魚一齊食依個配搭真係好正~

早幾日約去沙田睇戲，買完飛就去附近睇下有冇野食，見到呢一間仲有位，就入左呢一間。叫左一個pizza 一個長通粉。名係咩就唔記得太清楚。Pizza好似叫綠醬雞肉，咁見到綠醬就估佢係咪牛油果🥑，本來幾中意牛油果。咁叫到返黎，當然發覺自己太天真。竟然以為綠醬係牛油果，更天真嘅係見唔到係綠色。雖然咁講，味道都係唔錯嘅。咸左啲，不過pizza好似食過嘅都覺得偏咸。所以應該係單純我嘅問題。另外，個長通粉就食到好大嘅蕃茄味。味道偏重偏咸，食落有芝士味。係幾好食嘅。不過食半份都okay，成份食哂就不了。

尖沙咀 Bricklane 水準很高,一直都想再次到訪,剛好沙田開了,當然要一試,可能還是初開幕,店員服務有點生疏.食物質素也跟其他Bricklane 有太大差別了吧～蘑菇忌廉湯味道浠而且很淡，好像溝了很多水的感覺；天使麵上碟賣相欠誠意,忌廉汁與天使麵撈得不均勻; 素肉漢堡輓回一點分數,素肉雖然味道一般,但其他配料反而有點意外特出。總的來說,這間Bricklane 在服務及食物上多加努力才能追上其他分店水凖。

今日放假難得一日假期當然要好好珍惜，今日約了家姐到沙田新城市食 Brunch ，一早就上 OpenRice 手機搜尋好地方，Brick Lane Deli 之前在其他分店食過都有相當水準就決定呢間喇！👏👏🤞🏻原來位置就係前身食三文治舖位都好開揚就腳。我兩各自點了一客午餐仲追加餐湯，是日餐湯係薯仔忌廉湯，清香薯仔味道淡淡的打開味覺！黑啤酒燉牛肉配糙米飯 $108食得有營又健康，用黑啤酒燉牛肉有著講不出獨特味道，其汁帶出牛肉味道更為濃郁軟腍香彈，回味無窮！👍龍蝦班尼廸蛋配鹹蛋黃荷蘭醬 $168班尼廸蛋下層是龍蝦肉鮮甜惹味😍，咬一口足已俘虜我嘴巴了😋不單是味覺感官都十足，呢個班尼廸蛋我比滿分💯追加雞翼一客香脆可口外脆內軟帶肉汁火候剛剛好。Rose Late 型男店長推薦👍玫瑰🌹隨著☕️咖啡熱氣發出陣陣幽香彌漫在空氣中香氣撲鼻，淺嚐一口醇厚香滑，Enjoy My Brunch Time 實在太幸福了！$30甜點好吸引不過要留下次再品嚐了花款十分多，實有一款滿足您要求手工啤酒 $38 🤤喎⋯⋯下次一定要飲翻杯冰凍手工啤酒食得盡興，坐得舒適這個 Brunch 值叫我捧腹而歸。

今日放假同朋友到沙田逛街，滿載而歸後要找個地方休息兼大吃一頓😋上星期黎附近晚餐已經留意到呢間吃西餐的，位置開揚，坐位舒適，感覺優閒坐低後先到柜枱購票，然後侍應很快便將食物送上！價錢方便午餐跟附近餐廳差不多，而下午茶價錢則非常超值（而且沒有加一）！跟餐加$14有是日餐湯，估唔到$14有黑松露湯飲味道跟出面晚餐幾十蚊碗既不相伯仲，而且更大碗，超值😍跟餐＋$18松露薯條薯條新鮮即炸，亮點在黑松露醬，口感幼滑濃郁，很香黑松露味！芝士煙肉意粉$95黑松露磨菇意粉$921/4隻燒雞$68配上焗薯、翠肉瓜及茄子可選1/4隻半隻及一隻，即使雞胸位肉質亦不會粗糙，口感結實及有燒烤香味👍炸魚配粗薯條炸魚很大件，皮薄夠脆但有少少硬，肉身超厚入口啖啖肉，比平常吃到的更有魚味及嫩滑😋

晚上收工去沙田新城市，見到Bricklane deli 新開張，比次機會佢。點了1.蘑姑湯(有菇味但很稀，開了水，鬼佬叫呢啲係wishy washy)唉。。2.雞肉沙律，少得可憐.菜駛你幾多成本?而且唔新鲜。食沙律去cafeholic 食好過，一面食一面嬲。3.全日早餐，不提也吧·又係細細碟咁。staff 服務算可以，但食物材料堅係垃圾，份量少。死罪!吃完一餐以後，心想:可否比返以前oliver sandwiches 焗薯，蘑菇湯我呀!伏味濃呀。

一向都鍾情英國菜，今日係沙田shopping完同女友嚟到brick lane deli撐下枱腳。環境都算舒服，今日揀左梳化位，仲有cusion俾你用！menu一眼都睇哂，有all day breskfast都有pasta，都一定夠飽肚。見到menu隻烤雞咁正，就點左半隻試下。賣相好精緻。雞肉烤完口感仲好滑，無雪藏味！呢點好重要！的確幾好味！另外仲叫左脆香雞翼，外表好脆，但又唔會好乾，配燒烤醬好惹味！我地仲叫左兩個班尼狄蛋，一個龍蝦、一個煙三文魚。龍蝦果個內𥚃有龍蝦肉，切開蛋汁滲透下面英國鬆餅，好食到不得了！上面既咸蛋黃醬調得好好，少少咸，多多香！碟既旁邊有個龍蝦頭，入面既龍蝦膏好濃郁！煙三文魚就清新好多，入面有菠菜，岩哂怕肥既女仔！每碟都有兩件，其實都好夠飽身為意粉迷，點都要叫返個意粉。芝士煙肉本來就係perfect match,佢地用既cream的確好creamy意粉有咬口！好味一杯水果茶都係$20，唔怕夜晚訓唔著，一定要試佢地既咖啡！