BRICK LANE Deli (已結業)

去沙田新城市底層搵食就見到Brick Lane, 下午茶時間都多人但就不用等位。自助式order, 叫了一個下午茶餐，芝士黑松露蘑菇天使麵+水果茶。估唔到下午茶的份量都好大碟好足料😍🤤👍而且水果茶好清甜 好味到夜晚諗起都想再食😋

剛剛星期日一早係科學園比完賽，出返沙田新城市廣場發現原來冇乜餐廳咁早開門嫁！😫得呢間有豐富早餐食，仲要有all day breakfast, Egg Benedict真係開正我個飯😋😋叫咗煙三文魚Egg Benedict，雖然上枱你見得兩小舊，其實係勁夠飽嫁！個水波蛋整得非常好，一切就爆哂黃🤤🤤🤤Holland sauce very nice🤤 中間夾咗酸紫椰菜，異常地好食喎，我本身好怕食酸椰菜都覺得好好食！

下午4點幾平日時間去食，人好少，位好多，但若果假日的話，可能要等位。因為餐廳係開放式，所以環境扣左分（私隱好重要），但冇乜人的話，可以坐很久。Sofa吾舒服，兼有d矮😂那裡先選食物，再俾錢，講出枱no.，就會有人送到！餐廳係自助式，可自行取餐具。食物夠熱，麵有口感，蘑菇很多，味道濃郁適合我這位重口味人仕，因為醬汁真係好多，好大碟。不得了，冇得輸，凍左都脆，配埋個松露醬激推薦！yummy!個包好大個，料很多，不過若果個牛角包再酥d，熱d，配埋凍凍地既餡料就90分，淨番既10分係，差d口感，雖然有菜，但好似欠…蕃茄?! Who’s know?一般，飲左冇哇一聲，完～咦？明明叫左少冰佢支飲管好特別，但不知是啥來的！必定會再黎踩場，因為真係用心之作，重口味，食物很好味！下午茶仲抵食！

剛發現新城市廣場地下的食店又出現了變化, 當然不會放過這個機會試試新的店家.忌廉薯仔煙肉湯很厚身, 薯味濃郁.特色頂級美國牛肉漢堡首先賣相已經相當美觀, 看上去已經令人很想把它放進口中. 來仔細看看配料, 有洋蔥, 芝士, 青瓜, 蕃茄及生菜. 別以為只是一個經典的配搭, 其洋蔥有先烤焗的處理, 可免去洋蔥的草青味. 味道方面, 牛肉漢堡很多汁, 有咬口, 脂肪份量適中, 有濃郁牛味又不會太油膩. 各款蔬菜亦很清甜. 整個口感豐富和諧, 漢堡以外還有酸瓜可以開胃醒神.  沙律很新鮮, 口感清甜, 蔬菜很爽口. 龍蝦班呢迪蛋配鹹蛋黃荷蘭醬氣派十足, 龍蝦頭雖不能吃但帶來視覺上的震撼. 呢迪蛋亦很飽滿, 上面還有滿滿的醬汁, 切開的時候, 流心的蛋汁向外溢出. 外觀美麗, 內裏又如何呢?  呢迪蛋跟蛋黃醬清甜軟滑, 夾在中間的龍蝦肉爽口彈牙. 鮮味一陣一陣的傳來, 是難忘, 是回味. Grilled Beer-Marinated Chicken 一上菜就能嚐到陣陣烤香, 即時從嗅覺上啟動您的食慾. 金黃色的外皮, 顏色均勻. 切下去的時候已感皮脆肉脕, 入口更感肉汁豐富. 

放工相約朋友到沙田這個中間點晚餐，經過才發現原來Brick Lane進駐了沙田，於是跟朋友入內一試。店員安排座位，環境開揚，不會感覺嘈吵。看過餐牌後，朋友便拿著桌上號碼小卡到收銀處點餐，餐點準備好便會由店員送到座位，不需在櫃枱前呆等。加$45升級套餐可有沙律、餐湯和飲品。由於個人頗喜歡龍蝦，所以再另加$30升級龍蝦湯。龍蝦湯味濃，亦有不少龍蝦肉，配上麵包，味道恰到好處，如果有酥皮龍蝦湯，我必定會再試。點了半隻grilled chicken，雞肉並不會因烤焗而變乾，反而是意外的滑，有豐富肉汁，而搭配的薯蓉亦同樣出色，綿綿滑滑！另外我們還點了龍蝦班尼迪蛋配鹹蛋黃荷蘭醬，賣相非常吸引！一切開蛋漿流出，蛋和包中間還夾著龍蝦肉醬汁，而鹹蛋黃荷蘭醬則淋在最上面，層次豐富，是出色的Eggs Benedict，下次來會再試其他款式！

無意中發現Brick Lane進駐了新城市廣場，於是放工順路過黎一試。店員好主動接待，坐低睇完餐牌之後，只要拎住檯面上的檯號就可以出去counter直接落單。晚市餐牌都好多款選擇，有傳統英式all day breakfast，fish n chips之外，亦都有Pizza，意粉等好飽肚嘅主食。忙完一日真係好肚餓，於是叫左好多嘢食。Lobster Eggs Benedict 荷蘭汁配上一粒一粒龍蝦肉，再加上蛋汁，味道意想不到的夾。½ Grilled Chicken 雞肉烤完可以繼續保存到肉汁，唔會變得好乾好鞋，雞胸厚肉部分都仲係好嫩，呢個值得推薦，至於配菜的薯蓉都好滑好香。Guinness Beef Stew with Bread 牛肉燉得好稔好入味，而且份量好大份，即使只係配麵包都已經好飽肚。其實甜品都好吸引，但由於實在係好飽，食唔落，下次有機會要過黎試下佢啲甜品。

星期六黎到新城市廣場，周圍都係人，要揾一間餐廳食下野真係唔容易，好彩最尾揾到Brick Lane😂😂嗌左個巴馬火腿火箭菜薄餅黎食，上菜都相當之快。個薄餅既餅底係超薄既，又夠脆，上面鋪滿火箭菜，味道相當不錯。而且薄餅喺上菜之前已經幫你分切好，夠細心，抵讚👍🏻👍🏻

星期六嘅沙田新城市廣場真係好多人，行行下肚餓想搵一間冇乜人排隊嘅餐廳食野，見到呢間好似冇人排隊，而睇餐牌又覺得幾吸引，所以就入左去食啦。我叫左個all day breakfast，入面有炒蛋，腸，蘑菇，燒蕃茄，煙肉等等。炒蛋幾滑，但冇乜味，燒蕃茄幾好食，幾juicy，燒到好香👍👍👍

晚上去左沙田，諗唔到食咩，記得佢到其他分店都ok咁，咪入去試下。坐低都發覺唔對路，d枱腳唔平，枱面“奧“下“奧“下咁，還境又噪又逼，d水杯又勁殘，唔知係咪要“讚“佢環保。叫左漢堡包同燒春雞，加錢叫埋薯條。有d揾笨即感覺，simplelife食漢堡包餐本身包埋薯條，呢到又唔係平，仲要比m記質素既薯條...漢堡包塊肉都厚，不過乾lor。春雞都好d,係食唔飽人姐成間舖比人貴價版宜家餐廳既感覺。早知去附近既simplylife !!

入到黎就order 煙三文魚班尼迪蛋麵包好鬆軟，加上酸酸的荷蘭醬，同沙律菜，好match！黑松露磨菇天使麵呢個一定要熱食！黑松露都好香，醬汁好creamy！！份量岩岩好. 不多也不少 唔會食到好濟。我都勁鐘意食雞翼, 所以就叫左個脆香雞翼, 有個醬配搭, 但我唔肯定係咪BBQ醬, 雞肉都好嫩滑！加上佢比個醬汁好惹味！友人係甜品控！最好食係絲絨蛋糕細細件啱晒食完飯嘅我地！佢仲有個鮮果蒸餾泡茶，少少甜都唔錯既！！！

因為喜歡〝Brick Lane Deli〞的英式炸魚薯條，今日和朋友午餐再‘安哥’英式炸魚薯條套餐$105。我的蔬菜沙律，材料新鮮，很健康，份量又啱啱好。薄薄脆脆的炸漿包裹著厚厚的魚肉，魚肉嫩滑，啱哂我的喜好，大大塊的炸魚配合粗壯長薯條，真是好合襯，配搭的是沙律醬和鮮檸檬，令胃口大開。 我第一次品嘗玫瑰拿鐵（加$10），原來加了玫瑰花瓣的拿鐵，花香撲鼻，令感覺層次大大提升，有愛上了它的感覺。朋友選擇黑啤酒燉牛肉配糙米飯$108，熱朱古力咖啡（加$10），我也嘗試了燉牛肉；牛肉味道濃郁又腍滑，肉汁都充滿肉味精華，沒有味精感覺，非常可口，炸魚和燉牛肉份量也不少，所以我們可以互相分享。

因為沙田市廣場嘅新年佈置🧧🏮🎏十分吸引，所以走咗去食飯兼影相。見到呢間餐廳D Menu 嘅相好似好吸引，就走咗去試吓。食物：❎跟餐嘅薯仔湯🥣 - 味道略為淡，一般般🆗跟餐嘅沙律🥗 - 都算新鮮✅熱水果茶 - 又香又好飲，唔甜👍🏼🆗野生🐷肉蕃茄辣汁長通粉🍝個番茄汁一般，微辣，呢個好普通❎火腿班尼迪蛋 🍳 賣相可以，但係唔夠熱，味道麻麻，可以唔使試服務💁🏻‍♀️呢間餐廳屬於半自助服務，有職員會先帶位入座，跟住就自己攞張枱上嘅座位卡去收銀處落單。之後就會有職員送餐去你嘅座位。如果想要水、調味料、同埋餐具🍴。需要自己去攞。環境：枱與枱之間比較近，只適合當快餐食膳，唔方便傾計。泊車🅿️可以泊沙田新城市廣場，電子消費滿$300可以免費兩個鐘泊車，或者滿$500就有3小時免費泊車。總結：整體食物質素一般，唔去食都冇損失

一間男友一直想試的餐廳 叫左個all day breakfast 同 海鮮意粉 加龍蝦湯 沙津 同水果茶All Day : 心諗價錢都唔平 , 總會有睇頭吧 , 現實係 所有野塞落一個細碟到炒埋一碟 ,每樣得少少 , 仲要食落口 凍架 ..... 失望👎🏿。。。收咁ge價錢真係唔值海鮮意粉 : 3隻有蝦腸大蝦 零味道 , 意粉 蕃茄味 , 就是 意粉就意粉味 蕃茄就蕃茄味 , 失望👎🏿加龍蝦湯必須加多60蚊 , 對佢有一定期望， 一上枱比佢隻色嚇一嚇 , 好深好深的蝦膏色，好啡好啡， 找找龍蝦肉 , 蝦肉來的 ,試一啖又唔熱的，又失望了 發現侍應生送湯時 沒有送上湯匙，跟侍應生講要一隻湯匙， 廚房見到我地要湯匙， 他竟然掉出黎比侍應生， 湯匙係上菜枱彈彈彈到侍應生手中， 再放到給我們 , 這是正常麼🤦🏿‍♀️沙津 / 水果茶 : 不過不失 食完之後心已沉沉沉 拜拜 無下次 永遠blacklist

2019-01-23，經過幾次見到佢個餐牌幾吸引，今次有機會試試佢，原因係我放工太晏煮唔切飯。《龍蝦班尼迪蛋配鹹蛋黃荷蘭醬》🦞🐣個堅龍蝦切粒沙律醬配落個蛋汁到，好味道、層次豐富，比想像中夾。muffin 仲好軟熟添！《特色頂級美國牛肉漢堡》中間舊牛肉做到夠厚度，個包可以冇咁乾身《黑松露蘑菇天使麵意粉》麵夠彈牙，黑松磨菇醬係絕配《脆香雞翼》香脆入味，好食到有啲唔夠喉，因為只得四隻😝《燒豬肋骨》多肉，入味，骨邊嗰啲筋肉我特別鍾意食！正！價錢算係好公道，分量亦都好合理，印象分贏晒！

某日經過新城市見到呢間新餐廳，早排終於有機會試下。安排有枱後拎住張卡出去落單，然後有專人送到。脆香雞翼：名副其實，好香脆，夠入味芝士煙肉意粉：好大碟呀！忌廉味濃，但唔會太膩，意粉夠彈牙頂級美國牛肉漢堡：厚切牛肉，好多汁，食到成手都係汁。真係好厚，個口要夠大。龍蝦班尼迪蛋：一切開啲蛋黃慢慢流出黎，配埋鹹蛋黃醬，味道剛好。同埋都有啲龍蝦味道。椰子水：一般椰子水嘅味道，但無其他咁甜玫瑰拿鐵：淡淡玫瑰香味，幾清新