BRICK LANE Deli (已結業)

今日同朋友去左食呢間係香港都有幾間分店嘅Brick lane。佢係自助形式，揀好食咩岀去買，拎翻個牌翻位等。我地就係23號枱，會有張咁樣嘅卡仔我地叫左一份美國頂級肉眼扒，松露薯條同格雷伯爵茶。個美國頂級肉眼扒唔算好大塊，大食小小嘅朋友可能要叫多個意粉。個肉唔算超岀色但都有水準，肉汁肉味都夠。至於個松露薯條，係超級新鮮，即刻炸起嘅感覺，個松露醬都好濃，本身個薯條都好香，就算唔點醬都已經好好食。想再香啲嘅可以岀去拎黑椒落，再好食啲！飲品方面，因為我本身好中意飲earl grey，天氣咁熱，見到佢有凍，所以就叫左，都好解渴！呢間仲有好多好吸引嘅食物，一定會翻嚟再試。

鐘意食Egg Benedict 既可以黎呢度try try，除左有平時classic既配搭，總共有成五六款比你揀。今次一次過揀左兩款Egg Benedict，因為想試曬佢地。煙三魚好香又唔會過鹹，而個汁就好惹味。佢呢度比較特別，入面夾左層紫椰絲菜，出面比較少見。Blue Crab Egg Benedict配上青醬，入面仲有層類似撈左青瓜既cream cheese，酸酸地幾開胃。黑松露薯條個醬十分之出色，勁香松露味，我乜都拎黎點下呢個醬食！第一次食炸雞窩夫呢個配搭，點蜜糖，舊雞厚肉但唔鞋，而窩夫就幾鬆軟，口感幾新鮮。不得不提係側邊配檸檬汁既沙律好fresh，所用既沙律菜類都好易入口。椰子水，第一啖好濃，幾好飲，似係平時比較成熟既椰子。而水果茶開頭飲第一啖比較淡口，但又好重既果香味響口入面，攪暈之後幾清新香甜。

見到呢間brick lane新開左一段時間，今日又約左朋友係沙田食飯，終於有個機會試。餐廳嘅環境雖然係open area，但係都好舒服，位置都幾多，我地當日都唔洗排隊就有得坐底。同朋友2個人叫左一個黑松露蘑菇天使意粉同一個藍蟹班尼迪配菠菜荷蘭醬。個黑松露蘑菇天使意粉可以話係食過最好嘅黑松露意粉。黑松露味十分濃，一擺上枱啲香味已經傳哂過嚟，天使意粉煮得都好適中，加埋蘑菇一齊食，口感揀直係一流！至於個藍蟹班尼迪配菠菜荷蘭醬，都係一樣咁岀色。個醬入面係有啲蘋果粒，配個蛋食係估唔到咁夾，個蟹肉都好鮮甜！呢間整體都好唔錯，經開沙田都會再食！

平時周末瞓醒已經是午餐的時間。今日因有事要處理所以要特別早起身。當然要食返個豐富早餐先至有氣力做嘢。Brick Lane 主打傳統 English breakfast. 早餐包括蛋，豬肉腸，英式 back bacon, 蘑菇，蕃茄，薯餅及麵包，非常豐富。每樣都做得不錯。薯餅香脆但唔油膩。 蕃茄略為煎過，令蕃茄味更為明顯。豬肉腸吃得出裡面的香料味。蛋揀左 Sunny side,煎得剛剛好。早餐包括的咖啡係即磨即沖的款式，不過不失吧。

悠閒假期的日子，外面天氣炎熱，最好去的地方當然是有冷氣空調的地方，還可以攜帶狗狗一起多好，沙田新城市廣場便可以給狗狗的商場，我們選了一間狗狗也可共餐的Brick Lane ，我們點選了芝士煙肉意粉，黑松露蘑菇意粉及煙三文魚沙律，食品質素都不錯👍🏻

今日嚟新城市廣場搵tea食，嚟到Brick Lane 試下。揀左個巴馬火腿火箭菜薄餅，一上個樣幾靚喎！點知太鹹，問服務生取暖水，服務生拿保溫壺時被經理喝止說不提供暖水。只提供自助冷水。我只喝暖水故非常失望。下午茶分量太細。雖然pizza係即焗，但食完同你食一個空氣面包冇乜分別。就響我打呢篇食評時，個經理冇問我就拎走我對面張椅子。佢又知我唔係等緊人？佢黑口黑面，企響度好似G4咁望住d員工同客人，一d禮貌都冇。我唔會再嚟。

襯著星期日去了沙田新城市廣場睇早場，之後本來打算去Simply Life 醫肚，驚訝其服務的差，惟有轉軚去Brick Lane，不用等很耐之餘，態度也ok!因要趕時間，怱怱的點了一客三文魚凱撒沙律($108)丶All Day Breakfast($92）及2杯咖啡($22@)。凱撒沙律先上，樣子ok，起碼三文魚都捲起似玫瑰花。羅馬生菜很新鮮，食落脆口，加埋一片片的芝士及煙肉碎，口感豐富。凱撒沙律醬味道唔錯，份量剛好，不會太多。可惜煙三文魚不算很新鮮，味道不過不失，亦不過咸，與沙律菜都配。與沙律相比，這個All Day Breakfast 則不見突出。麵包下面是煎鷄柳丶豬肉腸及火腿。鷄柳雖然有煎過，一點也不香；豬肉腸算是高級貨，味道ok，它的茄汁豆味道很一般，竟然不及某牌子的罐頭茄汁豆。最後其咖啡(Latte)只見一大堆泡，豪無咖啡味，絶對是僅僅合格的西式簡餐。

到宜家家居購買家品前，先與朋友到BRICK LANE Deli用餐. 餐廳是店員安排入座的，再用桌上印有枱號的小卡，到收銀櫃台下單，食物就由店員送上. 清水、餐具等都是自助的，所以餐廳沒有加一服務費~脆香雞翼 ($48) 一客4件的雞翼，每隻都金黃飽滿，外皮炸得香脆，內裡肉嫩多汁，即使不沾茄汁都已經很好吃. 藍蟹班尼迪蛋配菠菜荷蘭醬 ($138) 友人所選的藍蟹班尼迪蛋，一人一件剛剛好. 平時的我甚少吃水煮蛋的班尼迪蛋，幸好初次於這店品嚐，水準是不俗的. 鹹香惹味的菠菜荷蘭醬，與班尼迪蛋都幾夾，當中更有鮮味的蟹肉，令味道更昇華. 美國頂級肉眼扒 ($158) 肉眼扒配薯菜及馬鈴薯，都幾色彩繽紛~ 牛扒不會過韌，但略嫌醬汁太多; 伴碟的蔬菜煮得剛剛好，車厘茄多汁香甜; 西蘭花爽脆，吃點蔬菜有助解膩. 薑黃雲呢嗱芝士蛋糕 / 特濃朱古力蛋糕 ($48) (跟餐加 $20) 芝士蛋糕軟滑creamy，帶有淡淡的薑黃獨有氣味; 上網搜尋下，得知薑黃常用作香料使用，也有保健及抗氧化的作用; 至於朱古力蛋糕味道甘濃，而且質感實在且濕潤，都頗有水準~Rose Latte ($33)/ Haz

今天在沙田附近放工，來到了brick lane吃晚餐。我們7點多來到，幸好還有位。我們先點了一份三文魚凱撒沙律。沙律菜十分新鮮，而且有芝士塊、麵包糠、三文魚等等。我們又點了一份美國頂級肉眼排。肉眼排7成熟，煮得剛剛好，不會韌，薯蓉再點上醬汁吃十分滋味。我們又點了一份藍蟹班尼迪蛋配菠菜荷蘭醬。菠菜荷蘭醬十分特別，很fresh的感覺。班尼迪蛋煮得剛剛好，咬下去蛋汁流出，十分過癮。蟹肉也很香。我們又點了我份脆香雞翼。脆香雞翼有4隻，炸得很香脆。我又點了杯朱古力咖啡。朱古力咖啡的朱古力味濃郁，上面有架單車圖案，十分特別。今天真的很滿足，下次會再來試試其他。

這間位於沙田Bricklane Deli , 餐廳10分開揚， 聽着柔揚的商場音樂， 用餐的氣氛10分良好。 首先叫了個開胃菜，凱撒沙律配三文魚。 沙律菜很新鮮, 配合醃三文魚， 非常清新。再叫了個chef recommendation - 藍蟹班尼的蛋配菠菜荷蘭醬。還有兩隻很可愛的蟹鉗，蟹肉飽滿， 稍嫌淡了點味。Egg Benedict 的漿有sour cream 加波菜汁，好配合，蛋心流出來， 餅底還要煎得很脆。salad 菜也是很新鮮。 加錢升級了晚市套餐。附有湯，沙律，咖啡或茶。服務員建議我算一杯玫瑰拿鐵有玫瑰的清香, 和拿鐵濃濃的奶香味， 10分配合。再加美國頂級肉眼扒， 比較簿身， 決定要七成熟，肉質鮮嫩。 一邊的配菜，有baby 蘆荀，薯蓉，西蘭花。吃完十分飽。總括而言，賣相吸引，環境舒服，價錢合宜，更沒有加一服務費。可以一試。

系新城市廣場睇完戲，咁就搵左呢間半開放式既西餐廳食晚飯，系counter 叫完野食搵個位坐，服務員就會將食物送上，而啲食物煮好快到唔洗等好耐當日叫左個黑松露蘑菇天使意粉、特色頂級美國牛肉漢堡再加左個湯同沙律首先湯好滑，沙律系菜加醋既沙律食完好開胃之後系特色頂級美國牛肉漢堡，舊漢堡好厚，好juicy最後系黑松露蘑菇天使意粉，味道好好，好重黑松露味，但唔肯定系咪我地食左漢堡先，意粉放耐左攤凍左就覺得意粉有d乾身，但整體黎講味道系好下次可以再去試第二啲食物，果日有其他幾樣都想叫

行街行到累，搵個餐廳稍作休息，又見呢間幾特別就黎試下啦，貌似主力食蛋嘅呢個真係超級正，蛋，肉，包，蘑菇等等勁夾，雖然細份但係好滿足All day breakfast就正常啦，不過隻蛋又真係特別好食嘅。食親都係要疊埋幾樣一齊食先正

和太太來隨便吃個晚餐，點了肉眼扒和牛肉漢堡，一份南瓜湯和salad，第一次在香港吃到這種質素的牛扒，十分熟十分乾，漢堡也在水準以下，然後是很小條，炸的好硬好油的薯條，還有感覺是麵粉糊的南瓜湯，看了其他人的點評，我感覺我進錯店家了。是我的口味和大家都不一樣嗎？默默地翻看到下面的點評，終於看到有位和我一樣吃了幹身牛扒的同道，感覺無比欣慰，原來不只我一個吃了幹扒。哦，服務人員還不錯，這個是我還是默默吃完走人而沒有當場投訴的原因。

今日同仔仔兩人去食，叫左一個什菌天使麵同半隻雞，加$$ 加湯同沙律。什菌天使麵冇乜味，俾小朋友食岩岩好，最怕太濃味。但大人食就略嫌淡左少少。半隻雞嘅味道OK，但唔算好Juicy。一個大人一個5歲小朋友，份量剛剛好，價錢$300 有找，唔算係好平，不過坐得都舒服。只係落單要岀去 cashier，落單付款後，職員會送餐過來，這裡有少許不方便，如果小朋友細，或坐唔定，家長就會麻煩啲。我今次食，整體來說不過不失。

係尖沙咀食過bricklane, 覺得質素好好，都食過好幾次。咁啱今日去到沙田，見到有bricklane咁正，就入咗去喇。職員安排左我去一張大圓枱度，但當我落order比錢期間，有旅客被安排坐係同一張枱度，行李同旅客完全block咗我返去條路。或者，呢個就係喺沙田食飯都會容易遇到嘅事情。不得不讚呢度嘅職員，見到呢個情況並無無視，反而幫我空出位置。講返嘢食，我叫咗smoked salmon egg Benedict，味道係唔錯，但係就真係得egg Benedict，完全無沙津伴碟，呢點就真係要扣分。