BRICK LANE Deli (已結業)

Got a impolite service and replied from the Manager Mr Billy Lee because I point out the wrong price showed different from the LED poster ($138) for the blue crab eggs Benedict ) and the menu card ($148), he replied said ‘oh we forgot change the led poster today , we can’t do anything as the cashier price system changed to $148 with any sorry and immediately asked the stuff used paper card to cover the price !

終於考完試約咗朋友食晏，未試過考試考到頭痛，就想返多D野平衡一下心理，朋友問我想食咩，我就話想食Egg Benedict，於是佢就提議入沙田食嘅Brick Lane到食，一向唔Reject人嘅我就揸車入咗沙田。去到職員安排好座位比我地後，我就Focus喺我嘅Egg Benedict到，Lunch set嘅Egg Benedict有4款，心大心細嘅情況下，最穩陣就緊係揀廚師推介嘅Blue Crab egg Benedict，由於我唔食包，所以就點多咗美國頂級肉眼扒，而朋友就點咗黑松露蘑菇天使麵，另外再Order多個凱撒沙律。好快就上咗碟凱撒沙律，凱撒沙律可以選擇要雞或者煙三文魚，而朋友就選擇咗煙三文魚，廚房都幾有心思，將三文魚都整到成朵花咁，因為平時食開嘅餐廳唔會講求美感就咁放上面。跟住要嚟嘅係我嘅主菜Egg Benedict ，正當我話個賣相好靚之際，朋友就喺到講笑話個醬似鬼口水，但依然無損我嘅食慾，食第一啖我嘩咗聲，好好味，將蟹肉同埋青瓜粒撈咗喺D cream到，個感覺好清新，而且又唔會覺得D cream好「溜」，最緊要係隻蛋，半生熟又好滑，真係一試難忘！輪到碟黑松露蘑菇天使麵登場，

都係最近先知沙田開了brick lane之前試過tsim sha tsui的店覺得不錯原來沙田呢間是類似delifrance的營運模式到前台叫餐再送過來，食物質素都能保持👍🏻

之前去過銅鑼灣Brick Lane，已經好喜歡餐廳悠閒嘅風格，今日去開沙田見到有呢間Brick Lane deli，又點可以唔試下?食物有好多選擇，每樣主菜都可以加錢轉套餐，價錢豐儉由人。有別於其他分店，呢度以半自助形式經營，客人要自己去counter落order，之後店員就會送餐俾你，亦因為咁餐廳免收加一服務費，變相價錢會較平，但食物質素依舊。我地兩個人分別叫左兩個主菜加一份小食share。燒豬肋骨 :豬肋骨賣相好靚，切開大約有四條，醬汁係用燒烤汁整成，醃得都幾入味，食落甜甜辣辣，味道帶點焦香，肉質方面燒得幾淋。伴碟有薯蓉、幼蘆筍、車厘茄同埋西蘭花，非常豐富。英式炸魚薯條 :上檯時我地都嚇左一跳，因為相當大份，滿滿嘅薯條上面鋪住大大塊嘅炸魚，賣相非常震撼。炸魚整得好脆，粉漿夠鬆化唔會太厚，內裡魚柳唔會炸得太乾身；薯條係英式嘅粗薯條，新鮮炸起熱辣辣，食落非常香脆，如果伴碟可以加少少沙律菜黎消滯，咁就更好了。英式燒香腸拼盤 :上檯時已經切開一件件，食落非常方便，香腸拼盤有兩款雞肉腸味道較清新，點埋伴碟嘅燒烤汁，入口更惹味。餐飲叫左cappuccino，店員非常細心地做左個單車拉花，真係唔

新城市廣場近年大裝修, 裝修後開左好多新餐廳，雖然係其他地方都試過Brick lane ，但係呢間分店就真係未試過啦。餐廳設於商場地下，有別於其他分店，呢度嘅營運方法係半自助式嘅，店員帶位後，客人只要拎檯上嘅號碼出去counter落order，廚師煮好之後店員就會送黎俾你。餐廳主打英國菜，主菜種類都好多，有意粉，burger，pastry，all day breakfast ，eggs benedict ，fish and chips同烤雞。晚餐可以揀單點主菜，價錢由$58起，每個item都可以加錢轉set，加$30可以有湯+沙律，再另加$15 仲可以要埋飲品。網上見到呢度Eggs benedict 咁出名，又點可以唔試下呢?煙三文魚班尼迪蛋：呢個係餐廳招牌菜之一，賣相真係無得頂。Eggs Benedict有四層，最上層嘅係荷蘭醬，亦都係整度菜嘅精粹。整過嘅朋友都知道荷蘭醬要整得靚一D都唔易，因為佢係用生蛋整成，整嘅時候溫度控制係非常重要，太熱會變成炒蛋，太生就驚蛋黃有菌。第二層係水煮蛋，一切之下流出蛋黃。第三層就係煙三文魚同紫椰菜絲啦，配上蛋汁同荷蘭醬，味道非常夾。最下層嘅係Engl

　　我跟朋友每次經過brick lane，都說一定要一嚐這間餐廳的Egg Benedict跟意粉。今日一行四人，終於能「完夢」了。　　我是第一個到達餐廳的人，所以先取票靜候，店員還貼心的提醒我過半數人才能入席，服務態度良好，值得讚賞。　　當另一個朋友到場後，我們逼不及待入席，打開餐牌，準備點菜。這間餐廳的主題很特別，每一台客人會獲配一張車票，客人要携同此票，到收銀處下單。不得不說，主題不俗。　　然而，一間餐廳最重要的還是食物質素。Brick lane的菜色賣相精美，環境舒適，實為聊天休息的好地方，可惜我跟朋友嚐了一口菜，就馬上失望了。這裡的玫瑰拿鐵味道縱然甜了點，不過還算不過不失。但是那份一碟兩件的Egg Benedict，一件的蛋是溏心蛋，另一件是全熟蛋，完全沒有Egg Benedict應有的流心蛋的蛋香和質感，整碟菜完全不及格。我的黑松露忌廉天使面不只沒有忌廉味，天使面更是過熟，軟得沒有應有的口感。唯一可取之處是黑松露味濃，但是我相信只要有一罐優質的黑松露醬，人人都可以煮出如此風味，甚至能青出於藍。　　朋友還點了一碟薯條，盤中竟然出然未炸熟的薯條，而且還不只一條。雖然我們一致覺得M

每次經過沙田新城市都會見呢間半開放式餐廳，今日終於黎左呢度食晚餐。店員首先會安排入座，然後可以坐低睇menu慢慢揀食物，之後就出去先付款落單，再翻埋位等食物送到。今次同朋友揀左一個pasta一份牛扒share。先講意粉，我地揀左個黑松露蘑菇天使麵。份量好大，黑松露味勁濃，而且忌廉亦好香好滑。而且有好多好多蘑菇粒，鐘意菇菌類既朋友一定大愛。天使麵亦唔會好淋，同時又可以索哂d汁。而牛扒係美國肉眼，份量同樣夠大，肉身唔會得個淋字，有韌性但唔會係完全咬唔開，而且肉味濃。牛扒下面既薯蓉亦好值得一讚，加埋一齊食好滿足。朋友亦係咖啡控，每餐都要飲翻杯。今次佢要左杯凍mocha。朱古力同咖啡比例岩岩好，唔會過甜，加埋上面一大pat cream，邪惡的美味。

我第一次食呢間次次經過尖沙咀想食但係都冇食到。但係喺沙田見到有位就入去食，見到價錢都唔係好貴。但係原來佢同尖沙咀金鐘銅鑼灣分店係幾有分別確實失望！漢堡包都正常味道，無驚喜！炸魚 好一般 同炸皮分離！成碟都好多油仲要冇晒沙律同埋湯，但係當時只係八點幾就加左可樂成罐上。無冰無杯感覺好差不會再來希望佢地會改進一下

呢排天氣咁熱，有時候真係寧願去商場搵間好嘅餐廳，坐低食下野，涼下冷氣。今次就揀咗沙田新城市廣場呢間成日見到嘅餐廳，同朋友傾吓計。我揀咗個藍蟹benedict 配菠菜荷蘭醬。份量相當大，首先有個青瓜沙律，而沙律上面有兩隻鮮味十足嘅藍蟹鉗，都好厚肉咖！講返主角benedict 先，最緊要就係隻蛋有流心效果，同埋個醬調得好味。呢度就2樣都做到，個醬加左菠菜，感覺更加fresh。而朋友就要左自家製素肉漢堡。從來都冇諗過原來用豆腐做嘅漢堡扒都好好食，其實除咗質感一定冇真實嘅肉咁實之外，其他都同一般漢堡扒冇咩分別。竟然都係有汁，同埋兩面都煎到好香脆。我哋仲要左杯手工啤酒飲，入口好舒服，唔會太嗆口又有啤酒麥香，消暑一流。

沙田新城市廣場地下啲餐廳又大執位，收工心血來潮想食Egg benedict，於是就去咗Bricklane食~-煙三文魚班尼迪蛋($83)個荷蘭醬好正👍🏻濃郁蛋香味而且非常滑～煙三文魚唔會過鹹，中間配咗啲酸酸地啲紫椰菜絲，整體口感好match，好開胃！至於個水波蛋半熟度剛好~-另外加咗$30配沙律同忌廉薯仔煙肉湯，沙律菜好新鮮，薯仔湯口感幾濃同厚身～-雖然性價比唔算高，但係for女仔輕食當dinner黎講係一個唔錯嘅選擇。

很久没有行沙田，今日放假和先生往沙田市中心逛逛，商店都有所改變，尤其食肆嘅改動都唔少。呢度都有間Brick Lane，以food court模式，下午二時許先來個午餐煙三文魚Benedict，蛋香軟蛋汁豐富，煙三文魚夾著軟飽很有口感。薯條亦夠香脆，點埋香口松露醬，更添惹味。海鲜意粉酸酸甜甜很開胃，有幾隻大蝦，意粉很彈牙，味道清新。牛油果蟹肉牛角木飽幾得意，鬆化牛角飽夾著牛油果蟹肉蓉很可口。甜品朱古力餅香濃而不太甜，紅絲绒蛋糕則軟熟幼滑，十分美味。配以香濃熱咖啡和鲜味水果茶，加添一份寫意嘅感覺。

通宵工作後，想輕輕鬆鬆的吃個美味早餐。食物質素恰好，由於時間尚早，餐廳內客人得兩三人，環境寧靜平和。可惜開始用餐不久就有男仕大聲講話，唯有自己戴上耳機聽音樂休息一下。忍不住轉頭看了才發現噪音製造者是餐廳經理; 趁空檔跟同事聊天是可以的，但餐廳有9成半以上的位置沒有客人，就偏要站在我背後三步不到的位置，以最高分貝講話。最離譜的，後來他竟無聊得用餐廳的餐牌大力敲旁邊的檯面，製造新一輪的噪音。好失望的一次用餐經歷！ *這次用餐時間不超過45分鐘，也並非無理霸佔座位，這位經理的行為真的不可理喻🤷🏻‍♀️

試過中環間 brick lane相信距出品.星期六沙田行到累.又食多次.今次揀左咁好！包身OK，軟得黎有牛油香.中間舊牛超厚.juicy而且煎得好香.配埋melt cheese.絕對係一個出色美式漢堡.唯一唔滿意無配薯條.無計成本所限. 88蚊都抵食

#小秘書 嘅 #四連休 真係忙過返工😅 都係多得我班 🐷朋🐶友嘅 #頂力支持，幫我安排好節目🤩 而「食好西」就佔呢個行程嘅 #重要一環🍴 呢日 #朋友仔 就帶 #小秘書 嚟到 #新城市廣場 #BrickLaneDeil 食佢哋至出名嘅 #EggBenedict 🤤 #餐廳 開喺 #廣場一期地下，無諗過 #weekdays 嘅中午2:00，大家都可以好似 #小秘書 咁出嚟偷懶，九成座位都坐滿人👀 打開 #餐牌，#EggBenedict 嘅款式果然唔少，但係我始終鍾情夾 #煙三文魚 嚟食😋 而喜歡食肉嘅朋友，當然就叫咗佢最喜歡嘅 #肉眼扒 啦🐮#餐廳 嘅營運方法係自助式嘅，揀好想食嘅嘢，拎埋枱上嘅號碼牌就可以出去買飛，#師傅 煮好之後就會有 #服務員 送到大家面前。#小秘書 等咗大概十分鐘，我嘅 #EggBenedict 🐣 整好喇！#小秘書 每次都好期待一拮落去啲蛋汁爆哂出嚟嘅畫面🤣 #師傅 仲喺 #麵包 🥯 上面加咗啲 #酸紫椰菜，真係好野味🤤 #朋友仔 嗰份 #肉眼扒 都唔差呀，雖然唔知點解 #餐廳 強制性一定要煮到件肉眼扒七成熟，不過煮出嚟肉質依然好鮮嫩👍🏻 最後我哋再加咗杯 #

餐廳走半self-service路線。係自己出去買完野食之後會有人送埋位。選擇種類多。最後揀左all day breakfast。叫完唔駛三分鐘野食就送上。所有野食都只係暖唔係熱。明顯預製哂拼埋就上枱。scrabbled egg完全overcook。又乾又硬又冇蛋味。其他都係來貨野食。味道冇咩特別。最可取係啲磨菇。算係最新鮮。果茶凍飲+$4。係用熱情果糖漿開紅茶。沙律dressing係醋汁。不過啲醋食到攻喉。記得當年仲要特登出尖咀食bricklane。依家質素大跌變到似快餐。$95食呢個all day。完全失望。