更多
2011-04-13
129 浏览
1月15日, 11點多來到炮台山, 想食一d清新嘅沙律, 行到brenda’s café門口, 看似未開, 但係已經有2個人在裏面, 問一下完來已在營業中~ 座位不多, 坐下就睇下有乜食, 但係似乎好多食物都未準備好~::: 雞肉腸滑蛋 + 熱奶茶 ::: $22本身想叫煙肉, 不過竟然一大早就冇… 唯有要雞肉腸, 即係普通廚師腸… 上枱嘅有2條普通腸, 炒蛋, 麵包加2塊色水唔討好嘅蕃茄. 廚師腸都無謂講好食唔好食, 炒蛋一粒粒好散, 同埋好濕, 食落都算滑嘅~ 麵包就幾好味, 加咗果jam牛油, 有麥味~ 最差嘅就係蕃茄, 唔夠熟仲硬硬地, 味道又差, 不如唔好俾好過…熱奶茶可以叫差, 茶係用茶包沖, 奶亦唔夠thick又冇味…::: 鮮果杯田園沙律 + 有機牛蒡紅棗桂圓肉杞子茶 ::: $26鮮果同沙律係撈埋一齊, 其實所謂鮮果只有奇異果同火龍果… 呀菲本身唔鍾意食火龍果所以覺得麻麻地! 可幸d生果都算新鮮~ 田園沙律有生菜、罐頭粟米同車厘茄, 配上自選嘅紅醋汁. 老實講沙律份量真係幾少, 除咗d菜係ok鮮之外其他都係普通… 塊麵包係幾好食~ 特別係加埋蜜糖同果醬, 好好味~ 唯
::: 雞肉腸滑蛋 + 熱奶茶 ::: $22
本身想叫煙肉, 不過竟然一大早就冇… 唯有要雞肉腸, 即係普通廚師腸… 上枱嘅有2條普通腸, 炒蛋, 麵包加2塊色水唔討好嘅蕃茄. 廚師腸都無謂講好食唔好食, 炒蛋一粒粒好散, 同埋好濕, 食落都算滑嘅~ 麵包就幾好味, 加咗果jam牛油, 有麥味~ 最差嘅就係蕃茄, 唔夠熟仲硬硬地, 味道又差, 不如唔好俾好過…
熱奶茶可以叫差, 茶係用茶包沖, 奶亦唔夠thick又冇味…
::: 鮮果杯田園沙律 + 有機牛蒡紅棗桂圓肉杞子茶 ::: $26
鮮果同沙律係撈埋一齊, 其實所謂鮮果只有奇異果同火龍果… 呀菲本身唔鍾意食火龍果所以覺得麻麻地! 可幸d生果都算新鮮~ 田園沙律有生菜、罐頭粟米同車厘茄, 配上自選嘅紅醋汁. 老實講沙律份量真係幾少, 除咗d菜係ok鮮之外其他都係普通… 塊麵包係幾好食~ 特別係加埋蜜糖同果醬, 好好味~ 唯一唔好係硬咗d…
牛蒡桂圓茶甜甜地幾飲, 同埋好養生! Good!
今次嚟佢地似係未準備好就做生意, 食物亦似係隔咗夜, 坐得亦不太舒服… 隔離仲有一間沙律店, 下次真要比較一下~
张贴