Boy n Burger (已結業)

呢間主打親民嘅漢堡品牌登陸香港之後迅速火熱🔥... 全因食材同製作一d都唔馬虎... 價錢又唔貴!一入店內... 就俾佢嘅裝修風格吸引住... 呢度令我諗起五、六十年代嘅美式漢堡包店... 有股悠閒寫意嘅格調! 而且開放式嘅廚房設計... 拉近咗同食客嘅距離... 感覺上多咗一份親切感!💞Boy n Burger重點推介係... 經過天然海鹽洞熟成 20 天及不含抗生素嘅草飼及穀飼牛肉漢堡... 真係好高質!😍今日order咗👇💢「燒牛扒潛艇堡」**新口味**叫得潛艇份量真係好大... 好吸睛!😍 主要係英國西冷牛排、青醬、芝麻菜、番茄、汁煮洋葱配法包! 材料好豐盛... 幾乎滿到瀉!🤭 最欣賞係牛扒燒完保持到好juicy又好香口... 法包外脆內軟... 食落成個潛艇堡口感好有層次!💢 「煙肉雙層芝士漢堡」2層牛肉漢堡扒同埋煙肉煎到非常香脆... 配埋融化咗芝士... 邪惡到令人無力抗拒!🤤😆💢 跟餐有薯條🍟同汽水🥤... 亦都有不同套餐選擇... 例如蘋果菜絲沙律🥗或炸薯粒! 另外... 堂食食客如果選擇飲品嘅話... 仲可以無限添飲㗎!😋

🍔招牌炸雞漢堡炸雞香脆嫩滑，配以生菜蕃茄享用，大大減卻熱氣感。但如能多加開胃醬汁，相信會更好😬🍔芝士漢堡牛肉漢堡扒稍薄，夾上生菜、洋蔥及酸瓜等增加層次，但味道稍為普通。🥔薯粒跟餐薯粒脆口但易散，感覺就似麥記薯餅變成粒狀🤣*如多人一齊食用，6個裝漢堡的確是至抵之選！漢堡包質素當然比麥記好，但亦不需抱過大期望😂

作為個漢堡愛好者，一定會四圍尋找好食嘅漢堡。朋友帶咗我嚟呢間美式快餐漢堡店。分別點咗招牌炸雞漢堡同德州脆雞堡。一樣都係雞肉，但係口味完全唔同。招牌炸雞漢堡:炸雞相當之厚，入面有好多菜同埋幾片薄切蕃茄，醬斗係酸酸哋嘅沙律醬。第一口咬落去係估唔到咁清新，一啲油膩感都無。而炸雞都好脆。德州脆雞堡: 配料有脆煙肉粒、芝士。而醬汁係惹味嘅燒烤醬。而雞嘅部份係選用雞腿肉，咬落多脆，入面充滿肉汁。呢個漢堡相比下就比較重口味。另外仲加配咗厚切薯條同青蘋果沙律。厚切薯條食得出就即炸，新鮮脆口。青蘋果沙律非常清新，酸酸甜甜，都係一個唔錯嘅選擇。而飲品就揀咗汽水，店員會俾杯冰我哋自助斟。餐牌上仲有好多唔同款嘅漢堡，下次經過都會再嚟試下。

人來人往嘅灣仔街道上，原來有間不太起眼嘅漢堡包店。一貫西式快餐店嘅裝修，乾淨、簡潔。招牌公仔亦都好明顯咁話俾大家知，呢到有雞、牛、魚嘅漢堡。當日同朋友一齊去，各自點餐。我嗌咗期間限定嘅美式燒牛扒潛艇漢堡配芝士辣肉醬薯條。美式燒牛扒潛艇漢堡 : 酸辣嘅醬汁配合7成熟嘅牛扒，入面仲有火煎菜同蕃茄。好開胃，而牛扒都好香牛肉味，同隻醬汁好夾。芝士辣肉醬薯條 : 因為加咗青椒，所以成個薯條都好香。配埋芝士肉醬，係惹味之選!朋友就嗌咗煙肉雙層芝士漢堡同厚切薯條。鹹鹹脆脆嘅煙肉粒，加上牛肉味香濃嘅漢堡扒同芝士。係西式漢堡嘅味道😋。厚切薯條有驚喜，炸得好香脆。輕快嘅音樂配合枱上美食，放假就係要咁～

經過見到門口有個好得意嘅icon係個bb仔，原來係食漢堡包就入去買少少嘢食。Bobby burger 有2塊厚嘅自製漢堡，用左英國草飼牛去整，牛肉味濃，煎到焦焦地，好香，加上爽口嘅生菜及酸甜嘅酸瓜，真係好好食。Signature burger炸雞好大塊，粉漿薄，炸雞外脆內軟，肉質唔會鞋烚烚，仲好多汁。Seasoned crispy fries香脆可口，即刻炸熱辣辣。Green apple coleslaw沙律爽口，蘋果份量多，個人覺得少少酸，有種清新感覺。

Boy n Burger自開張以來都有d人氣🤭就算未食過 都一定見過佢個得意logo👦🏻環境幾colourful 有懷舊美式快餐店嘅feel🥰幾岩打卡Burger無想像中咁飽滯🤫！唔係走爆汁嗰種邪惡style～餡料配搭簡簡單單 都係漢堡扒 酸瓜 生菜～味道好似細細個食到嘅原始漢堡包！即係仲未偷工減料嗰d😆———🍔Bobby Burger 呢款係招牌💁🏻‍♀️芝士&漢堡扒都double份量即係雙層芝士孖堡嘅朋友🤭呢度嘅漢堡扒偏薄身 所以煎落香脆d～同埋好大塊 好似咁UFO咁想飛出黎🤣但食落又唔覺好膩😌————🍔芝士漢堡(轉Impossible Meat植物肉)加$28轉左植物肉🌱素食人士都可以食植物肉同樣薄身香脆😚口感同真肉一樣 夾埋芝士&醬汁 唔講都唔知係素漢堡🤭————+$30可以跟餐～配小食+飲品🍟有得揀粗薯條 又係意外地唔油膩！連張鋪托盤嘅紙都無油淋淋🙌🏻🥗另外揀左青蘋果椰菜絲沙律 都幾清新 但食到尾沙律醬就多左d😆————整體味道都不錯🐵快餐店黎講都幾好坐burger單點唔算話好平～但都勝在足料嘅🥰

平時食美式快餐漢堡包🍔都會諗起S字頭同埋5👨🏾‍🤝‍👨🏽，今次誤打誤撞試咗呢一間喺電車路邊嘅漢堡包店，性價比都幾高，價錢比較平啲之外，包嘅size&質素都唔錯，推介一試！*招牌炸雞🍗 漢堡$50*我揀咗呢個炸雞漢堡，一攞上手已經有驚喜，比我想像中重手🤣，好有厚度，炸雞嘅脆皮又薄又香口，入面啲肉質仲好嫩滑。除咗醃青瓜外，仲有蕃茄、蛋黃醬；甜芥末，平衡番炸雞扒嘅油膩，醬嘅量又唔會過多令個包濕晒。題外話，呢間快餐店仲有淨炸雞賣，我相信應該都會幾好食😋*Bobby漢堡 $58*朋友揀咗呢個巨無霸，芝麻漢堡包夾住雙層牛肉漢堡扒，我就冇試喇，佢平時勁鍾意食漢堡包，見佢食得咁滋味，應該都係正既，佢話抵過平時食開個幾間🤭*+$30 有套餐包薯條🍟/薯粒/沙律&汽水🥤*我地試咗薯條同薯粒，兩隻都好食，薯條係幼個隻，薯粒係薯餅既質地，食到最後都係咁脆，薯味十足

▪️signature chicken 🐔 🍔 $48佢個炸雞真係超級無敵大塊🥵 仲大過個包😧炸雞炸得好脆卜卜 食落仲保留到入面幾肉汁☺️包嘅醬係用咗黃介末 因為食落去冇咁肥🙈入面仲有好多嘅生菜🥬 同埋一塊蕃茄🍅▪️Texas bbq chicken 🐔🍔$55呢個係近期先推出嘅款式🚦件雞都係好大件但係對比起另外一個 佢就相對細件啲 同埋薄身少少🙈成個漢堡食落去好野味 好熱氣🤪入面有好多嘅洋蔥🧅同埋一塊芝士🧀加煙肉碎但係相對就冇乜生菜🥬 比較上冇咁健康🙁▪️tater tots (L) $20呢個薯波嘅份量都幾多😳 完全放得滿一盒🤯但係佢就炸得偏油膩 喺個盒底都有少少油漬🤨雖然佢食落好脆身 但係都幾熱氣🥵兩個人share啱啱好 唔會好多 一個人食就嗌個細嘅過下口癮🤓環境 🪴🪴🪴食物🍭🍭🍭🍭性價比💰💰💰💰💰係灣仔呢啲地區食到咁高質嘅burger 真係好抵食 平平地 質素又唔錯 大家要去試下！推薦💟💟💟💟回頭❤️‍🔥❤️‍🔥❤️‍🔥❤️‍🔥

美式Burger新景象  肚臍也呼肚餓日本人吃Sushi 韓國人吃Kimchee 美國人吃Burger每個國家也有它的食物文化美式Burger店進駐灣仔，仍保留那種美式快餐的味道，大眾化價錢，寬敞的空間，豪情地用手大啖大啖咬著肉汁四濺的包包，霸氣、爽朗、真我正是美國人吃Burger的風氣，如像西部牛仔在拍攝中，有牛仔，有Burger ，有Burger ， No Stranger ！ 1. 波比餐(牛肉漢堡包) :  芝士、酸瓜、生菜、蕃茄、生菜、再加上自加製醬汁……共冶一爐，其他大間連鎖英文包包店，根本不能相比。這個牛肉漢堡包，肉汁豐富，秘製的醬汁都很惹味，有原土風貌，如置身美國小鎮的小店，一邊休閒地吃包，一邊望住窗外空曠的荒寞，別有一番滋味，一陣子，希望不會遇上牛仔的對決哩！2. 煙肉雙層芝士漢堡:    Double Cheese 你最近變成主角了    兩層的鴨子黃的芝士濃濃粉墨登埸    芥末醬及脆煙肉粒實在太夾配絶色    口感獨特又有牛肉漢堡的搭配口慾    滿滿的洋葱也浸在茄汁紅海裡翻滾    正是我想我找我要我渴求的Burger 3. 粗薯條及炸薯

去咗灣仔嘅人氣burger品牌，他們嘅漢堡一直好出名。🍔因為又高質，又抵食，所以深受歡迎🤩自己鍾意食牛肉，所以一定要試下佢哋嘅雙層芝士漢堡。cheese burger🧀熱辣辣拎上手，入邊融化嘅芝士，搭配埋香濃嘅牛肉扒，流心芝士醬，非常鹹香。👍而且🐤佢哋嘅雞扒漢堡，雞扒即叫即炸，🔥所以可以保持住香脆嘅口感。咬落去卜卜脆，好好食。套餐我哋搭配埋鮮橙汁，🍊酸酸甜甜清新之餘，更加健康。就算係番工趕時間要食得快，lunch time豐富又營養。❤外籍店員好熱心，超親切。

想試呢間美式漢堡包店好耐，今日自己黎個quick lunch試一試😎 餐廳裝修有格調，而且感覺年輕👻 堂食基本上係坐滿🙃佢價錢好親民，大約$50-60已經可以食到一個份量巨大嘅burger，即叫即做，味道也不錯👍🏻 喺灣仔嚟講算係性價比高🙂今次時間比較趕，只係買咗一個包外賣，無試其他小食🙈 如果想試唔同口味既burger，依到有幾款迷你burger set，適合一大班朋友分享🤤 下次要再黎試😛😛

踏進港島區，總是偏愛乘搭電車～ 呢日在灣仔的電車路旁、發現呢間滿滿復古味道嘅漢堡店，以一個小男孩同動物們做招牌～ 非常可愛！🥰 門口有大燈箱menu，🍔漢堡款式相比之下亦較為特別～ 同朋友即刻入去試試！▪️德州脆雞堡🍔雞肉厚身肉嫩多汁脆卜卜😋 加上脆煙肉粒，燒烤醬帶點微辣，好好味！▪️煙肉雙層芝士漢堡🍔雙層牛肉+雙層芝士～ 呢個配搭經常係連鎖店食到，滿滿脆煙肉粒豐富口感，配上經典醬汁，😌當然呢度好食好多啦！飽類食品加$30轉餐～ 我哋分別要咗薯條同炸雞🍗～ 飲品就要熱朱古力同埋鮮橙汁～ 厚切薯條唔錯、炸雞一樣juicy好味！鮮橙汁亦值得一讚！臨走時見到佢個下午茶餐牌好抵食，鍾意burger嘅朋友仔真係唔可以錯過呀！😁

懷舊風美式快餐店 位於電車站旁 落地大玻璃 十分顯眼 店舖以藍色瓷磚牆為主 用餐採取自助形式 進入店內可以先喺前枱或者喺自助點餐機比錢點餐 點完就可以搵位坐低 前枱有個顯示屏 跳到你個號碼就可以去取餐 飲品佢係比個裝咗冰嘅紙杯 自己係取餐區旁邊嘅飲品區斟你想要嘅汽水 茄汁芥末醬都喺自助區取 🍔芝士漢堡 💰38Burger大致有七款 28至68元不等 價錢親民 豐儉由人☺️Cheeseburger有芝士 生菜 蕃茄片 酸瓜 洋蔥 配埋茄汁 整體酸酸甜甜 牛肉嘅口感偏實 牛肉味濃又juicy 🍟🥤套餐(小食+汽水) 💰+30小食四選一 (有粗薯條 幼薯條 炸薯粒 沙律) 揀咗幼薯條 食burger當然要配汽水 叫咗少冰但都有半杯冰😅

<Hong Kong🇭🇰• Wanchai>“咬我唷！BB”我唔係BB👶🏻我係Bobby Burger唷！上年食過一次Boy n Burger之後、先發現性價比咁高嘅漢堡包！新鮮熱辣又抵食，推介身邊嘅朋友食，大家都大讚👍🏻念念不忘今日又去唷🤤最可惜今日同Crispy Fries無緣份😭😭😭無得狠狠咁咬🥺▪️Bobby Burger▪️Bacon Double CheeseBurger各+HKD 30 Combo Set🤪▪️Skinny Fries ▪️Tater Tots 要做瘦瘦 汽水+ HKD 3 轉Iced 0olong tea兩個餐加埋都只係HKD 192😋都幾抵食！抵在食材幾新鮮！仲可以探下👶🏻🤭其實佢哋嘅炸雞都好好食！但係最近青春生青春痘😶‍🌫️ 今次忍口？下次食！......#chantaljj灣仔 #灣仔美食#漢堡包#香港漢堡包#hkburger

當坊間大部分漢堡專門店的套餐都超過 $100 時，位於灣仔的 Boy n Burger 卻一反傳統，打破了優質漢堡與價錢必定成正比的定律。年輕美式餐廳風情的裝修，招牌炸雞漢堡即點即製，香脆炸雞內裏依然嫩滑多汁，配上新鮮蔬菜及鬆軟的麵包皮，套餐附有薯條及汽水，即使是最貴的配搭也不需超過 $100，便能夠享受一頓精品漢堡店的高水準漢堡套餐。Boy n Burger breaks the norm of quality yet pricey burgers. With a young American diner interior, the signature chicken burger is simply a set of joy with a burger of deep fried chicken that is still juicy inside, fresh vegetables and a soft burger bun.