Boon (已搬遷) 新店位置

-🔸洋蔥煙肉野菜法式鹹薄餅🔸朱古力Latte-今日星期五早收工見餓餓哋，去到呢間新開冇耐嘅小清新cafe，食咗個法式Galette同飲杯嘢，放鬆一下。餐廳平日有特色嘅法日fusion菜，而下午茶嘅輕食都好吸引呢。我叫嘅呢個洋蔥煙肉鹹薄餅，配料有炒洋蔥、椰菜花同香煎煙肉，仲有田園沙律伴乳酪醬，食落非清新又唔會太飽肚。飲品叫咗杯凍嘅朱古力Latte，好驚喜地完全唔係死甜嘅味道，而且咖啡味同朱古力味混合得剛剛好，面頭仲打咗奶泡同有粒燒過嘅綿花糖，啱晒喺靚靚嘅餐廳度打卡都好靚啊！

觀塘美食一向卧虎藏龍！這次朋友帶我到新開的小清新餐廳品嘗法日fusion菜，價親民。洋蔥煙肉野菜法式鹹薄餅配煎蛋藜麥沙律 ($98)戳破蛋黃時，金黃色的蛋黃澎湃地流出來，相當誘人。芝士足料份量多，吃起來帶陣陣芝士香；香濃蛋汁與煙肉，芝士，椰菜花混合，層次豐富。法式多士($88)金黃色的法式多士，再配上水果、忌廉、糖霜，賣相吸引。多士外層香脆，內裏綿密鬆軟，入口微微濕潤，富蛋香，配合糖漿，添上一層香甜滋味，吃完整個也沒有甜膩感。

出到去觀塘APM shopping，行到四點幾嘅時候有少少肚餓，又唔想食太多，因為好快又食晚飯，上網比我揾到呢間有靚乾花嘅餐廳係附近，原來係食fusion 菜嘅。🦪炸蠔（日本直送) $58Deep fried oyster (straight from Japan)炸蠔真係即叫即煮，蠔味濃😋，完全做到外面脆裡面Juicy 嘅口感。🍟薯條配明太子醬$48Fries with Mentaiko Sauce熱辣辣嘅薯條，加上明太子醬和紫菜絲抌面。薯條鹹食一般會係配芝士醬，但估唔到鹹鹹地嘅明太子醬出乎意料地突出，而且無芝士醬咁飽滯。🍦法式甜薄餅配意大利gelato $98 (香蕉朱古力）French crepe with vanilla gelato（Banana Chocolate） 見到雪糕係薄餅面已經即時加分😄，加埋有焦糖面嘅香蕉和朱古力醬一齊食味道好夾。飲品叫左一杯熱Earl grey 同凍檸茶餐廳都好近地鐵站，似乎係新開，加上係樓上舖嘅原顧所以仲未被人發現，人流唔算好多可以安心chill 🤗下、打下卡📷。

聽同事講附近新開咗間餐廳就去咗試下佢個lunch入到去小清新嘅環境令人舒服又relax😍女仔一定鍾意食物好驚喜,材料好高質素,估唔到係觀塘會搵到一間咁用心做好食物嘅小店值得支持!我叫咗三文魚配牛油炊飯蜆汁,員工話我知佢哋竟然係用刺身級別嘅三文魚,一分錢一分貨我覺得個性價比一流。連個配菜都好用心準備，個炊飯加蜆汁好味道我可以嚟多一碗。朋友嗌咗封門柳(其實我都唔知係咩嚟),以牛扒嚟講我覺得佢做得比唔少高級扒房更出色。Lunch set 仲連埋薯條,食到好飽。呢度一定會成為我返工嘅飯堂！

嗰日喺觀塘覓食，記起朋友曾經提過呢間新開嘅樓上餐廳，話佢地方細細不過製作認真，咁我又想試吓新嘢，就上咗去開餐😊要咗$128嘅Lunch Set「鵪鶉胸青醬意大利飯」，配餐湯（蘑菇湯）同飲品（凍檸檬茶）😋「蘑菇湯」先上幾好飲，有好多蘑菇蓉喺裏面😋。「意大利飯」我喜歡硬身啲，結果係飯粒最中間有輕微生米，同喺意大利食一樣，火候控制得好好，好正，非常啱我胃口😋；仲有特別之處係用咗Pesto青醬，creamy得嚟感覺清新，意大利麵用Pesto有好多，意大利飯用Pesto真係幾特別，又好味😋；鵪鶉外皮煎得好香仲有少少脆，裏邊肉質軟熟😋仲有$108嘅「香蕉朱古力法式甜薄餅」，呢個Crêpe做得夠薄身又有蛋香，廚師有一定功力；香蕉上邊仲有脆卜卜嘅焦糖，好味又香口，配埋Gelato一齊食，非常滋味😋呢間小餐廳製作認真，食物味美，有小驚喜😋

同老公喺觀塘拎嘢，決定喺附近食個lunch🥸喺OpenRice見到呢間新鋪睇落啲相都吸引，有得訂位就試吓啦。湖水藍格調嘅裝修配搭乾花擺設，睇得出店主好有心機打造餐廳嘅風格❤️枱數唔算多，坐得幾舒服，都適合傾偈。嘢食方面，我哋叫咗兩個set lunch，老闆話係法國crossover日本既創作，個人來講給幾啱我口味🥳 一個係大蝦海膽醬意粉，另一個係和豚（唔記得咗乜嘢名）食材係食得出嘅新鮮好味，呢一點對得住佢既價錢👍🏻另外值得一提嘅係跟餐嘅蘑菇湯超級好味😋不過水吧未整好，餐飲而家只係得熱茶同埋凍茶飲。希望下次再上嚟飲到咖啡啦😆

全港餐廳只開半日, 情人節好難揾位。鐘意試新野, 有朋友介紹觀塘新開左間法日Fusion餐廳話質素唔錯價錢合理, 於是提早訂定位同情人食情人午餐。雖然餐廳位處工廈，但地點好就腳APM世貿個出口一出轉個彎唔使5分鐘就到。餐廳唔算大但環境氣氛算唔錯, 簡約得來好雅緻有輕音樂, 以情人節套餐價錢來計, 重點應該放在食物質素。頭盤精品味增蝦多士, 日式生薑池魚沙律, 蘑菇湯。味道及配搭不錯, 屬高級餐廳水準, 個人較喜歡的是蘑菇湯配兩個新鮮出爐法國麵包, 外脆內軟, 蘑菇湯底味很香濃。掛住食忘記了怕照。新春牛年應節必食牛肉, 主菜係鰹魚熟成封門柳, 又係Fusion之作。 雖然唔知咩係封門柳, 不過熟成牛柳咁高級就估唔度可以食度。以鰹魚封面牛柳食落名符其實係外脆內軟綿，但都保持有咬勁，肉味唔錯食落真係有驚喜, 而整體配料及伴汁都係高水準之作。另外配一個虎蝦鮮茄意粉, 賣相精緻份量都好足, 抵鑽係碟菜之靈魂---意粉應該係高檔貨, 煮到煙煙韌韌恰到好處, 茄味同蝦味都夠濃郁, 回味無窮。套餐包個法式薄餅同士多啤梨醬雪糕，估唔度都有驚喜, 個薄餅煙韌得來點上士多啤梨醬，質素唔比專食High Te

每道菜式各具特色真材實料味道豐富大自然元素的佈置低調同時不失優雅是高端的用餐體驗卻是大眾化的價錢The menu with 4 main courses and 4 pasta/risotto, better make the booking beforehand as seats are quite limitedCheck out their Instagram for the menu and special offers

今日放假，約左朋友黎新開張既cafe，一入門口就比佢地既乾花吸引住。 忍唔住係門口打左陣卡。 佢地呢到係主打法日fusion菜。 我地叫左2個Lunch sets 加左個starter。好大碟，Lunch黎講，真係絶對抵食同高質。CP值高！🤪佢地個Lunch set 包湯，main course同餐飲。 太肚餓加上個湯太好飲，所以唔記得影相😂 之後上既明太子醬薯條，個醬超足料。薯條認真😂超脆。 蟹肉意粉好大碟。蟹肉同個意粉差不多係一半一半😱令我地最意外既係，呢到竟然有油封鴨腿食。 呢款菜式除左係法國餐廳食過。。真係估唔到會係觀塘cafe都可以食得到！ 唔講以為自己去左高級餐廳。 🤭 賣相一流。 發現呢到其實係一個好chill既地方。 係到同朋友傾左一個下午，侍應仲不時幫我地加下水。非常細心😂好適合想輕輕鬆鬆同fd子吹水或者黎呢到”扮”工既人😇

Boon鄰近觀塘站，步行5分鐘左右就到了，位置非常方便！它的環境簡約優雅，門口有一道店主親手油的Tiffany Blue牆，仲有手工乾花束佈景，一定不能錯過呢個打卡位！現場更有手工乾花束可賣，各位情人節忘記訂花的男士可以即場補飛呀我和朋友當日order了兩道主菜和一個甜品，全部都非常出色，令人回味無窮！首先上菜的是一碗香濃而有粒粒蘑菇口感的蘑菇湯。湯色呈淡褐色，喝之前加上少許黑胡椒，yummy！接下來是主菜鴨髀配太陽蛋 和 Hanger Steak。鴨髀皮脆內軟，味道鹹香，皮薄而不肥膩，配上流心的太陽蛋，吃過一定忘不了！吃完鴨髀再呷一口清新的檸檬茶，ready吃下一道主菜了！Hanger Steak的牛肉味道香濃，肉質鮮嫩味美，而且上碟時廚師已經細心地切好，方便各位男士可以即刻餵食女朋友或被女朋友餵食不得不提伴碟的薯蓉和白椰菜花，雖然是伴碟，但味道絕對不輸主菜！最後是甜品多士和美酒Moscato。多士的賣相造型精緻，絕對值得相機先食味道亦是好得令人意外！多士炸得酥脆不油膩，配上糖漿和Cream亦不覺肥膩，反而令人一口接一口，根本停不了甜品控一定要試吓！美酒Moscato入口酸酸甜甜，酒