Boat Thai

营业中

休息中

大概一個月前左右食過一次，覺得唔貴而且味道ok。重點係當晚食完即時送咗張滿$250就8折既優惠劵，所以就再去食一次。今次4個人去食，安排咗張圓枱，但完全唔夠位擺野，張相影既時候仲有碟豬頸肉未上枱到已經迫成咁😂😅😅😅-雞髀咖喱湯麵係我最推薦，真係好香椰香味！至於野飲，我個人覺得唔抵飲同埋麻麻地上到枱其實杯野飲勁細杯，連朋友都下咗聲😂泰奶我覺得同上次一樣，奶味偏少，甜度都好似就番香港人咁少甜勁多，如果下次再食我一定唔會再叫泰奶了😂/最後又送咗張8折優惠劵俾我地，所以下次經過尖沙咀都會再食😆

如果要喺尖沙咀iSQUARE裏面 揾一間上菜快而平靚正嘅餐廳 食泰國嘢 會係一個唔錯嘅選擇-🐔泰式海南雞飯熱賣招牌飯幾乎每枱都order 去骨海南雞啖啖肉 雞皮油滑 連皮帶肉食最正 冬瓜湯每日熬製 冇落味精👍-🥢泰式乾炒肉片河粉河粉寛闊扁平 炒起唔會碎濕濕 有加甜豉油兜炒所以味道濃郁 食落亦唔算油膩 如果肉片厚身啲 咁會更好-🍤炸蝦餅 $58香口小食之中 我勁like炸蝦餅😍 蝦膠足料結實 蘸甜酸汁食 更好味更開胃-🥗泰式鮮蝦碌柚沙律碌柚肉好juicy 其他配料有花生🥜辣椒絲🌶️櫻花蝦 甜酸鹹辣嘅味道都有 又幾搭喎☺️-🥤泰式檸檬茶🥤泰式奶茶

最近暑假檔期特別多好戲睇，來到尖沙咀 iSQUARE 國際廣場 睇戲之前，例牌要食個靚dinner 。6樓的 Boat Thai 主打泰國菜，由泰國人廚師主理，食到地道正宗的泰味道。室內裝修簡約，有一點泰國地攤的風味。泰北牛肉沙律超級鍾意食牛肉的我們，很少吃泰北風味的牛肉沙律，果然有驚喜！賣相幾靚，餡料十足，牛肉味道濃郁，而且嫩滑。配搭上泰式沙律醬汁，酸辣好開胃。泰式船湯河泰式船湯河湯底濃郁滿分，忍唔住飲多兩啖。船湯河份量都幾多，河粉幼滑吸湯汁度高，好味！而且材料非常豐富，牛肉、牛丸、炸豬皮，值得推介！泰式鳳尾蝦炒金邊粉泰式鳳尾蝦炒金邊粉夠穫氣，正宗有辣粉、花生碎，配大隻鳳尾蝦，蝦肉新鮮爽口。金邊粉彈牙，炒得有點濕潤，灑上青檸汁，感覺清新。撈起金邊粉食，酸酸甜甜，辣粉真係勁辣，好惹味。泰式椰子刨冰椰汁味香濃，甜度啱啱好，冰凍口感，夏天飲都唔錯，可以一試。芒果糯米飯好鍾意甜品有糯米飯，味道偏甜，芒果好甜，入口嫩滑，賣相吸引，打卡一流。

iSQUARE真係好多野食，去左《Boat Thai》呢間泰國菜，真係平靚正，味道正宗，食得出有濃郁的泰國風味。⭐半隻海南雞海南雞係去骨的，雞肉質感皮爽肉嫩多汁，非常好食，配搭甜醬油和泰式醬汁，有2種不同的口感。⭐泰式燒鲜魷魚鮮魷魚好大條，肉質厚厚的，食落有咬口，而且有鮮味，好新鮮。⭐泰式鲜蝦碌柚沙律第一次食柚子沙律，入邊有好多小蝦米，咬落充滿醬油香和蝦的香氣。⭐泰式街頭椰子粟米雪糕好清新好解涼的椰子雪糕

🔹海南雞(半隻)嫩滑海南雞半隻份量都好多!兩個人開心SHARE就岩哂～皮薄爽滑、雞味香濃，去骨方便享受，啖啖肉滑嫩又多汁！🔹泰式燒鮮魷魚即叫即燒，新鮮魷魚食落零舍鮮甜彈牙，口感柔軟而不韌，令人越嚼越香！🔹泰式燒豬頸肉好友大愛既泰式小食！豬頸肉又稱豬面青，脂肪比例高，肉質軟滑爽彈，燒至惹味帶點焦香～🔹香茅炸雞翼香茅＋檸檬葉充滿泰式風味～炸雞翼外層金黃香脆，皮脆肉嫩，甘香脆口好JUICY！🔹炸蝦餅色澤金黃既炸蝦餅外脆內軟，鮮香可口，爽彈得黎香氣四溢，令人百吃不厭！🔹泰式鮮蝦碌柚沙律份量十足既沙律大大碟，新鮮彈牙大蝦配香甜碌柚，淋上酸甜醬汁，鹹香醒胃，清新又健康～🔹泰式南京椰汁雞湯加入大量椰奶，充滿檸檬葉香，夾雜香甜椰奶，奶白色湯頭濃郁開胃，啖啖無骨雞肉亦夠嫩滑。🔹泰式乾炒豬肉片河粉河粉炒得好有鑊氣，口感滑溜，配爽口豬肉片，炒得惹味夠乾身！🔹泰式檸檬茶/棷青好友揀咗泰式檸檬茶清新味蕾，我就揀最愛既棷青，冰涼解渴，夏日首選～Boat Thai✨📍尖沙咀彌敦道63號iSQUARE國際廣場6樓601號舖

老公話出街食飯慶香港再拎奧運金牌，放工後大家去尖沙咀呢間之前幫襯過的泰國餐廳，試吓之前賣哂嘅泰式蝦膠皮蛋。泰式蝦膠皮蛋有6件，蝦膠包住皮蛋，出面脆，再黎爽彈蝦膠，再入面皮蛋嫩又甘香，沾上少少泰式辣醬，好好味既泰式小食。泰式燒燒豬頸肉本身想點泰式魚餅，但係賣晒，改點了豬頸肉，燒得好香脆，好大碟，厚薄適中，頭尾個件仲要大件d又厚d，唔會乾，好香好惹味。香茅雞翼炸得好金黃，外觀十分吸引，外皮非常之脆，冇過燶，啱啱好，入面剛熟，冇血又唔嚡， 好juicy，香茅好香。鮮菠蘿海鮮炒飯味道一樣咁好味，d蝦大隻，又多青口同魷魚，個炒飯size 啱4個人食，我同老公每人食了2碗半，其實好扺食。泰式乾炒豬肉片河粉個炒河粉幾惹味，幾有鑊氣，唔會好油，豬肉片幾多，豬肉可以炒得再滑啲，不過整體來講，性價比都係高既。

昨天介紹完越南菜今天輪到泰國菜！這天跟美女好友相約飯聚，天氣實在太熱所以我們異口同聲地選吃泰國菜，誓以火辣惹味來挑起無窮的食慾。九龍城有好多不同的泰國菜館但怎也不夠尖沙咀方便！所以我們揀選去尖沙咀國際廣場6樓內的Boat Thai開餐。熱辣辣的天氣下當然要先享受一杯冰凍飲品！選上我偏愛的泰式凍檸檬茶$25，泰式紅茶獨特的香甜味確是令我心動，加上新鮮青檸解渴又好飲。好友則選了新鮮原個椰青事關怕辣的她喜歡吃惹味菜式，椰青清甜的味道用來解辣一流。首先來一客涼浸浸的沙律打開胃口！泰式鮮蝦碌柚沙律$88內的爽口彈牙大蝦挺有鮮味，加上酸香不澀的柚子肉這份沙律超好吃。湯品選上味道香甜溫和的泰式南京椰汁雞湯$88！椰奶作湯口感份外香滑，加上啖啖無骨雞肉喝得順口。接下來先品嚐一系列香口小食！泰式炸蝦餅$58沾上泰式甜辣醬來享用味道更好。香茅雞翼$48炸得好香脆而且不油膩，內裏雞肉仍能保持肉汁不錯吃啊。這客泰式燒鮮魷魚$98烹得非常可口，魷魚口感煙靭有彈性香口加鮮味共冶一爐，哪怕膽固醇的威脅照吃可也。從來愛吃豬頸肉的我選了泰式燒豬頸肉$78！豬頸肉彈性不錯醃味亦挺可口，如果可以切厚身點咬口會更加吸引。這兒

I Square 睇戲前都會黎下層開餐，夠方便！ 今次食泰國野！ 🥢泰式船湯河湯頭色澤深竭，豬血湯汁精華味道不單止濃郁，入口仲有九層塔香氣！金邊粉幼滑掛湯入味。 配料有Q彈牛丸、嫩滑薄切牛肉片，脆口炸豬皮，仲有爽口芽菜、蘿蔔。🥢泰式海南雞飯啖啖肉雞件，雞皮皮薄唔邪惡，雞肉白嫩鮮滑，油飯香，仲有雞湯，必點之選！ 醬汁夠地道，味道酸酸地微辣有香氣，甜黑豉油雞醬都係有個性，好惹味！ 🥢泰式肉碎生菜包生菜包滿豬肉，肉粒拌入香草、辣椒碎，魚露汁調配，香辣濃鮮。豬肉碎juicy，食幾卷都夠飽肚！🥭芒果糯米飯泰國菜飯後甜點，一定要點芒果糯米飯。紫白鴛鴦，紫米配糯米飯，口感軟糯又有椰奶香滑，配一口肉厚清甜芒果肉，消暑解悶！🍍泰式菠蘿刨冰淺黃色既菠蘿刨冰感覺好fresh，刨冰綿滑甜度剛好，仲飲到鮮打果肉碎粒，清新順喉！

食泰菜就應該去試試 iSquare 內的 Boat Thai，這裡環境舒適，職員友善，視野空矌，菜式也相當美味。個人最喜歡他們的咖喱雞髀湯麵，湯麵口感偏硬，雞髀軟嫩可口，而咖喱汁的味道則剛剛好，不會太濃。另外，我們還點了他們的豬肉炒河粉，炒得相當爽口，豬肉的份量也十分慷慨。當然，不能錯過他們的海南雞，配有兩款醬料，肉質鮮嫩滑口，絕對是必試之選。當然佢哋嘅飲品都唔錯，我個人幾鍾意佢嘅菠蘿沙冰。🙂‍↕️🙂‍↕️

煲呔, 有幾次係i square睇完戲都係度食埋飯. 質素保持穩定✔️中意哩度既泰式船湯金邊粉, 個湯底濃得黎唔會過咸, 仲有d配料夠豐富, 牛肉每次都係又大塊又腍香既, 滿足到餐餐要有肉既我。鮮牛丸爽彈冇雪味(最唔中意有雪味既丸), 加埋脆卜卜炸豬皮, 係一碗above average既船河。第一次食哩間既红咖喱, 個咖哩底又幾香仲有椰汁味, 辣度就屬於比較溫和個種, 牛肉係厚身既鮮牛, 哩個撈飯都正。小食都整得幾好, 香茅雞翼外皮好香脆, 肉滑兼有肉汁。唔知點解食泰國野硬係心思思想食個芒果燸米飯做結尾, 這是泰國的魔咒嗎😂好中意陣斑斕椰汁味!天氣熱辣辣飲番杯椰子冰or泰式檸檬茶即刻舒服哂!!!

✅泰式海南雞飯雞肉嫩滑又多汁，同埋無骨，口感彈牙，飯香噴噴，粒粒分明，唔會太乾亦唔會太油，配埋雞肉一齊食，真係一流👍🏻✅泰式冬陰功湯真係酸辣得嚟好香。湯底濃郁，酸同辣啱啱好，飲一啖真係停唔到口。湯裡面嘅蝦好新鮮，口感彈牙，仲有蘑菇同番茄，令湯更加豐富✅泰式鮮蝦碌柚沙律清新爽口。柚子嘅香氣同鮮蝦嘅甜味好夾，一食就有種清爽嘅感覺。沙律汁酸甜適中，唔會搶晒食材嘅風味。每一口都食到滿滿嘅蝦肉同柚子，口感好豐富，再加新鮮蔬菜，真係好滿足。✅泰式菠蘿刨冰係炎熱天氣嘅救星。刨冰細膩綿密，入口即化，酸酸甜甜嘅口感令人心情好好。刨冰上面仲淋咗一層濃郁嘅椰漿，增加咗香氣同口感

香港吃貨篇✨.之前同朋友去尖沙咀嘅👉🏻 Boat Thai 👈🏻 食性價比高嘅泰菜➰.“半隻海南雞” (HK$118) 份量足之外，肉質好嫩滑，價錢唔貴，做餸一流💯.“泰式船湯河”(HK$78) 船湯河嚟講都幾大碗🙈 而且料多，包括牛肉、牛丸、炸豬皮…等等，湯底亦都好濃郁，可以一試✨.“泰式炸蝦餅”(HK$58) 外皮炸得香脆，蝦肉彈牙，加上泰式辣醬，夠惹味😍.“泰式街頭椰子粟米雪糕”(HK$58) 用椰子殻裝雪糕再加上椰子肉、粟米及花生，椰子雪糕軟滑帶有椰香，底部仲糯米飯，層次好豐富呢👅.“泰式菠蘿刨冰”(HK$38) 認真完全冇諗過係即場做嘅刨冰，飲落酸酸甜甜，好開胃🤤...🍽 Boat Thai📪 尖沙咀彌敦道63號iSQUARE國際廣場6樓601號舖

301.泰式鳳尾蝦炒金邊粉 $88🥜炒金邊粉夠正宗，賣相幾靚，又夠穫氣🥜大大隻的鳳尾蝦，蝦肉新鮮，爽口彈牙🥜不會炒得太乾，有點濕潤🥜側邊有辣粉及花生碎，仲有青檸，將以上配料撈埋金邊粉一齊食，酸酸甜甜辣辣，推介推介303.泰式海鮮菠蘿炒飯 $88🥜真係有新鮮原片菠蘿，有部分一齊炒，有部分分開放，兩種滋味。🥜非常足料，有肉鬆、提子乾、腰果、臘腸、蝦、青口、魷魚，加臘腸真係第一次見704.泰式菠蘿刨冰 $38105.泰式燒鮮魷魚 $98🥜燒得好香，外脆內軟，口感彈牙，配埋酸辣醬，好醒胃502.泰式街頭椰子粟米雪糕 $58🥜雪糕用椰子殼放，打卡一流🥜充滿濃郁椰香味，配上花生、粟米粒、椰子肉。諗返起之前係泰國食嘅都係有加粟米🌽

由泰國人主理的Boat Thai，可以食到最地道同正宗嘅泰國菜🤎泰式春卷春卷餡料充足，點上泰式辣醬好香口🤎泰式燒豬頸肉燒豬頸肉燒得啱啱好，配湯河都唔錯🤎海南雞飯海南雞肉質嫩滑，呢款醬汁味道偏甜，我一直都好想搵到間係醬汁甜啲，所以好鍾意😆🤎泰式船湯河船湯河味道好濃郁，同埋好足料👍🏻🤎泰式奶茶茶味香濃，唔會太甜🥤🤎芒果糯米飯甜品除咗有糯米飯仲有椰子雪糕，睇相都好吸引，不過敵唔過糯米飯嘅誘惑，芒果好甜😌🦥Boat Thai (尖沙咀)尖沙咀彌敦道63號iSQUARE國際廣場6樓601號舖#尖沙咀美食 #香港美食 #香港必食 #香港探店 #香港打卡 #香港旅遊 #香港必喝 #尖沙咀探店 #泰國菜 #香港好去處 #尖沙咀推薦食品

今日去咗尖沙咀shopping 🛍️ 順道喺iSquare商場，呢間《Boat Thai 》食晚飯，因為平日食泰菜分量都會偏大碟，所以選擇唔太多，而呢到每碟大小都係大約2人份量，所以叫多幾款都唔怕😊！泰式蝦膠皮蛋 $68蝦膠外層超脆口感，加上皮蛋的蛋香，再沾上甜酸醬，配搭一流😋！泰式乾炒豬肉片河粉 $78河粉口感比較滑溜，煙韌感十足😊加入埋豬肉、紅蘿蔔、菜心、粟米芯和蛋絲集合而成，特別有風味！泰式肉碎生菜包 $88炒香咗嘅洋蔥和香辣軟滑的肉碎，特別惹味，配合埋新鮮生菜，越食越開胃！泰式燒豬頸肉 $78豬頸肉沒有多餘的脂肪，切得薄薄一片容易食之餘，加上醃味時間充足，所以鹹香味剛好，再沾上秘製醬汁，好好味😋！泰式奶茶$25／泰式椰子刨冰$38泰式奶茶口感香濃，煉奶味道比較重和偏甜！而白雪雪的椰子冰，就充滿椰子香，比較清新不太甜，兩款都係食泰國菜必飲😊！