影片
影片
相片
泰式菠萝刨冰、青柠梳打
+4.2K
+238
食家推介
-
泰式街頭椰子粟米雪糕
-
泰式船湯河
-
泰式燒豬頸肉
-
炸蝦餅
-
泰式肉碎生菜包+16
openrice search 间野见倒有400 个正评，上到去又坐无虚席谂住无死啦今次，点知就奶晒野。首先嗌咗一杯椰子刨冰，成杯野系完全无味，饮落应该系椰奶捞碎冰已经心知不妙。重要够胆死收你三十几蚊。之后野食叫左蟹肉炒饭。蟹肉捞唔捞埋嚟炒就真系睇唔同餐厅做法。但你啲蟹肉可以完全无味就知系唔新鲜/ 罐头货色。最离谱系你个炒饭咁基本都做唔好，无味又湿，又无镬气。求求其三色豆加啲蛋花，上面铺啲蟹肉就叫算。个碟底啲油多到可以倒出嚟，我真系分唔清啲饭嘅湿系水定油。老实讲我真系好憎浪费食物，但今次真系完全食唔落。同埋我谂最浪费食物就系你间铺本身，煮啲咁无诚意嘅野食出嚟。同行朋友菠萝刨冰一样系无味， 食咗佢碗船河啲肉丸咸过傻，肥牛咬极都咬唔开。全部都系伏。全餐饭有一样野好，就系好在无嗌你啲小食晒钱。
继续阅读
❣️Boat Thai (尖沙咀)尖沙咀弥敦道63号iSQUARE国际广场6楼601号舖☎️泰式蟹肉炒饭$88炒饭上面有满满嘅蟹肉，再配上粒粒分明嘅饭，捞匀之后，啖啖都有蟹肉🤤泰式青咖喱鸡$88青咖喱味道清淡，就算唔食得辣嘅人都可以试吓！青咖喱鸡煮得都几入味，连埋配料食仲好食！泰式烧猪颈肉$78猪颈肉烧得好香脆入口，而且肉质都软腍，值得一试～芒果糯米饭$68芒果🥭好甜，再配上烟烟韧韧嘅糯米饭，就更加吸引🤩泰式椰子刨冰$38椰子刨冰椰子味浓，饮落顺滑入口，系解渴嘅好选择😛
继续阅读
最近去咗 Boat Thai 食泰国菜，整体感觉几唔错，但都有啲地方可以改进。首先，皮蛋炸虾饼外脆内软，但我觉得皮蛋味可以再强啲，如果系溏心会更有层次。冬阴功汤就好正，汤底酸辣啱啱好，虾都系新鲜，饮落去非常开胃。不过，份量方面可以再多啲，咁就更满足。生菜包就几特别，馅料丰富，口感好，但生菜有啲冇咁新鲜，唔够脆，影响咗整体口感。至于泰式炒河，就系我最满意嘅一样，炒得够香，河粉滑顺总括来讲，Boat Thai 嘅食物质素有高有低，但整体上都系一个几好嘅选择，环境轻松！
继续阅读
真系忍唔住要写个食评，因为实在太难食。叫咗青咖喱鸡，第一次见用呢只茄子落咖喱，完全唔夹。鸡肉系冰鲜，咬落去成口冰鲜味，冇晒鸡嘅鲜味。仲有个叫「泰式凤尾虾炒金边粉」嘅Pad Thai，听个名几吸引，点知虾都系冰鲜，冇虾味，啲金边粉仲要甜到震，完全唔似泰国味。成餐唯一可以接受嘅就系冬阴功，酸辣味算正常。食到最后我真系唔知自己食咗啲咩，好失望。以为可以叹返餐正宗泰国菜，点知变咗一餐灾难。唔会再帮衬，好难食
继续阅读
首先个泰式船面真系唔得, 完全唔系𠮶回事， 虽然系咁 ，我期望本身都唔系好高， 反而 个香叶肉碎炒饭同埋菠萝炒饭都ok， 猪颈肉同鱿鱼都中规中矩， 最值得赞嘅系个服务， 笑容又好 又亲切
继续阅读
您可能会有兴趣的...