Bistro Délifrance (已搬遷) 新店位置

有聽人講過delifrance而家分兩種一種係舊時自助取食物形式, 另一種就係bistro delifrance, 有人拎餐俾你, 但收加一幫襯既係後者, 係九龍灣德福入面環境確實好少少, 起碼座位好坐D, 亦都無甘逼一個SET LUNCH 大約4X - 6X, 都算做合理啦終於叫左個煙三文魚意粉意粉煮得岩岩好, 有咬口, 但配料好少食左一半意粉, 三文魚同火腿已經咬晒餐湯係忌廉湯, 有少少蘑菇粒, 還可以啦餐飲轉左杯橙汁, 要+$6招呼方面, 侍應都好有禮貌如果LUNCH時間唔想同人逼的話呢度都係一個不錯的選擇

今次由小頌頌買了一個朱古力千層蛋糕, 謝謝.看似很溜, 但食落還可以, 士多啤梨和藍苺都很大粒, 拿破崙脆脆不太油膩, 但朱古力味不重, 如重些就更好.

其實呢間bistro環境不錯, 加上我幫襯個人站在reception位姐姐幾熱心, 加上當時自己無乜心頭好,便幫襯了。因為有點夜，位很多，坐得幾舒服。我以前只幫襯過delifrance sandwich系列食品，未試過bistro. 見到呢度有法國洋蔥湯和我喜愛的carbonara意粉，於是便點了。不過有點失望，因為味道似曾相識．．．對了，這些材料在一般超巿都可買到。那個湯是茶餐廳貨式，　最多與金寶湯一樣。意粉？我自己弄的不會比它差。本來打算下次點mussel & clams..不過好吃的機會不大, 算了吧

7 August 2007 (Tue) - 下午茶朋友過咗黎我公司附近見工，所以我同佢食咗個下午茶！叫咗一個焗薯皮同一碟意粉share食！我哋叫嘢食時，舉咗好耐手都冇人理我哋，有好多個waiters唔知係扮睇唔到定真係睇唔到．．好耐好耐至有人理！後尾黎咗杯熱飲，嘩～～個杯邊勁污漕，我真係冇法飲到，所以叫佢換個杯比我！焗薯皮好乾身，麻麻地；個意粉本來係黑椒硯肉磨菇意粉，但係硯肉就真係唔多見啦，可能有兩粒既，磨菇都有幾舊既，其實似係齋意粉多啲，味道真係一般！然後因為朋友想食個ice-cream puff，好似係加$8就有，所以叫個waiter黎，佢一行黎我哋同佢講完，佢就話我搵個同事幫你，我心諗，乜落單都有分邊個落架咩？然後第二個黎到，我哋同佢講完，佢話冇ice-cream puff架，佢好似唔明我哋講乜，又叫個經理黎，跟住我哋同佢講完，佢明白咗我哋想加錢要個原來係chocolate puff既嘢！但係最搞笑係最後黎咗個ice-cream puff，然後我哋以為係我哋嗰個，咪食囉，點知又有個waiter送上個chocolate puff，我已經好混亂，個經理問我哋係咪我哋叫，我如實話我哋係

跟大家分享一個不愉快的經歷, 昨天同老公到德福廣場的Bistro食lunch, 老公叫了一客鮮蝦意粉套餐, 我自己叫了一客煙三文魚意粉套餐, 但是兩個套餐份量都只是似下午茶餐, 雪藏蝦只有小小三隻, 煙三紋魚只有兩小片, 而這不是最激氣的, 最激氣的是叫了兩杯咖啡餐茶, 侍應拿來的咖啡竟然是用紙杯裝的! 紙杯還有塑膠杯蓋和塑膠匙, 十足外賣一樣, 侍應把兩杯紙杯咖啡放下便走開, 像是天經地義似的, 我和老公找了另一個侍應質問, 侍應解釋是因為顧客太多,瓷杯“洗晤切”, 所以要用紙杯, 但是環顧四周, 只有我們有此特殊待遇, 為了表達不滿, 再向高级經理投訴, 雖然她好有禮貌, 不斷的道歉, 最後免收加一, 但是食完這lunch後, 已沒有心情shopping, 我肯定不會再來。; (後感: Delifrance 越來越差, 環境擠迫, 服務和食物劣質, Bistro 比從前Delifrance 更差。

去食過幾次有一次係星期日同媽咪去食既坐低左先見到有卡位想轉枱啦佢地又話要3個人以上先可以坐咁我都算喇點知跟住竟然見到佢地帶2個人入去坐但周圍又唔係無其他枱喎!!!已經好嬲,埋單時我拎張coupon出黎個waiter又話今日唔用得但我睇過哂張野都無講到星期日唔用得跟住好唔忿氣,,我問過另一個waiter啦個個又話用得重好好禮貌添點知之前個男waiter見到佢一手搶左張coupon又話唔用得!我覺得佢態度好差囉!

唷呵呵呵呵～～極愛＊拿破崙蛋糕＊～～鬆脆ｏ既酥皮～鬆軟ｏ既蛋糕同香滑ｏ既忌廉集於一身！！！到ｅ家已經食過＊芒果拿破崙＊同＊榛子拿破崙＊，但都係＊夢幻朱古力拿破崙＊最合我心ｅ（上圖）！每次經過都好想買，可惜無得散賣．．．ｓｏ　ｅ家好努力咁搵有邊個生日～希望值此再食多次好好味蛋糕～

6月10晚飯揀左輪﹐好似無咩吸引最終揀千層麵﹐waitress話唔好意思﹐呢幾日都無千層麵下。。我唸得好辛苦架﹐幾日都無都唔o係menu寫住?即日賣o西就話o者。。好﹐揀套餐﹐揀左個main course﹐記得好似係雞扒唔好意思又賣o西。。。最終唯有﹐經典沙律+魚柳薯條+白汁三文魚天使麵我o既白湯﹐勁杰﹐勁咸﹐我好食得咸都飲到喇o西口面飲完上菜﹐waiter唔清走兩個吉湯碗﹐要叫先唔多願o甘清沙律唔知有幾經典﹐真係幾塊彩+少量沙律漿炸魚柳﹐同茶記無咩分別﹐有D腥添白汁三文魚天使麵﹐勁﹐三文魚兩塊D白汁同白湯一模一樣o既味。。有無搞錯o係旺角食過無o甘差﹐可能係揀錯野叫啦大家就算o黎食都唔好叫呢幾樣我就以後都唔o黎架喇

其實呢間已經轉做Bistro Delifrance 啦.晚飯時間開九龍灣, 係呢個商場內間間食肆都要排隊, 呢間算係排得比較快一間.以前delifrance, 係自助形式, 多數買麵包, 三文治食, 味道唔錯. 依家做埋餐廳, 其實咪都係用個廚房同埋個焗爐, 只係多幾個侍應serve客咁解.除有傳統三文治外, 仲有意粉, pizza and 甜品. 每樣都食過下, 味道普普通通啦, 意粉都幾大碟, 料就差少少. pizza 係麵包皮, 條邊咪就好似將麵包皮烘完咁硬lor, 都ok. 甜品就一般啦. 價錢都唔算貴, 叫做坐得幾舒服lor. 人手就好似唔多夠啦, 想落order 或者埋單都要等呀.

第一次去Bistro Delifrance 食,好唔掂2個人去食lunch,唔太肚餓,所以只叫左鰻魚露荀炒飯餐,即包括一個飯一個湯一個茶+ BBQ雞pizza首先係湯,我叫左白湯,勁咸!!仲有公仔麵湯少味,附上一片蒜蓉包,稔o既......檸茶,完全冇茶味;飯,個鰻魚超腥!pizza, 個包焗得太乾太硬,食到我個口腔損晒......D bbq醬怪怪地味不過好采服務都OK

下午茶叫咗午餐和套餐.食物味道比以前Delifrance差而且,此店改咗名之後極唔掂:1.食具有污漬,似沒有清洗過!2.午餐和套餐都落漏單3.人手很充足,但起菜速度極慢4.服務態度不佳,仲要收加一服務費下午茶不單貴咗,重咁嘅質數,以後都不會去!!!

昨晚同honey去行九龍灣見到無試過這間舖頭，於是就決定去試一試．叫了一個二人套餐，有２個餐湯，一個意粉，一個pizza和兩杯飲品，只需要$148，另外再加一．我要了一個雜菜湯，我覺得都幾好味，有少少辣辣哋，而且好夠熱，都未試過飲西湯都可以禁熱，真係好好．honey要了一個磨茹湯，嗰湯啲味道都OK但湯底就比較稀，如果杰翻啲就會好d．要了一個磨茹雞肉扁意粉，嗰意粉都好夠熱，嗰意粉可以淋翻少少和咸翻d，口感就會好好多．嗰pizza個底係餅底，同pizza hut有d唔同，honey話佢鍾意食pizza hut嗰隻多d，我就無嘜所謂，試吓姐．服務都幾好呀！d待應都好有禮貌．

真係唔改名好過, 以前既delifrance self service仲好過宜家又收加一服務又無咩服務既bistro delifrance.同家姐2人lunch就去此店, 一心就係想食佢地既免費甜品. 所以我地每人叫左個海鮮焗飯及小龍蝦意粉, 我個意粉真係好一般味道唔算好味. 最後叫左香蕉船及choco brownie w/ ice cream...最正係個brownie因為佢地真係做到個brownie暖暖配埋個冰凍雪糕就無得彈.不過此店明顯人手不足, 溜單落錯單既情況好多啦..(因為唔止我地係受害人, 其他客人都不斷投訴)如果係無人手既話, 就不如唔好咁貪心想收人地加一服務費

29 September 2006 (Fri) - Lunch自己一個人食lunch，想話搵平啲食，又唔知去邊好，以為delifrance會平，所以走入去食，點知．．．唉，可能係我自己唔啱，唔應該叫意粉食，呢度都可能係食包好味啲．．．我叫咗個蕃茄帶子意粉，真係難食到死．．．．我真係想死咗佢，又貴又唔好食，好似要成$52再加一，即係$58，真係好貴又好難食．．．有乜理由咁貴都會難食得架．．．啲帶子又硬又猩，都唔知係咩品種，雖然服務非常好，但實在唔係人食既嘢，所以我決定唔會再喺delifrance食意粉．．．嗚嗚～～

是日搵我師傅食晏，移船就磡，在靠近他寫字樓的九龍灣德福食飯。人生路不熟，加上午飯時刻，處處餐廳都擠滿了人，唯有這裡仲有空位。午餐時間無多，就選擇了這間食肆。此店近年改變經營路線，由只係賣三文治、麵包，變成提供膳食的地方。我們一人叫了一個午市套餐(我要的是炸豬扒配羅宋湯天使麵)。餐湯是忌廉磨菇湯，有頗濃郁的磨菇味，不過不知什麼緣故湯越飲越覺得有少許酸味(不是變壞的那種酸味)，感覺怪怪的；羅宋湯天使麵其實是將稀的類似羅宋湯的醬汁配天使麵，個人偏好意粉配杰的、富有芝士味的醬汁，所以這樣的配搭我真是不識評分。不過豬扒炸得不俗，外表香脆可口，內裡肉汁豐富。奇怪了，這些款式好像與印象中法國菜有點落差。此店最唔好的地方是服務，有落漏單的情況，午市人手不足，我的套餐落漏單之餘仲要重覆落，混亂非常。起菜、結賬速度慢，極需要改善。埋單每人$49蚊，午飯來說一點也不貴，但食午飯的心情已給這裡的服務破壞了。