影片
更多
2007-08-08
10 浏览
7 August 2007 (Tue) - 下午茶朋友過咗黎我公司附近見工，所以我同佢食咗個下午茶！叫咗一個焗薯皮同一碟意粉share食！我哋叫嘢食時，舉咗好耐手都冇人理我哋，有好多個waiters唔知係扮睇唔到定真係睇唔到．．好耐好耐至有人理！後尾黎咗杯熱飲，嘩～～個杯邊勁污漕，我真係冇法飲到，所以叫佢換個杯比我！焗薯皮好乾身，麻麻地；個意粉本來係黑椒硯肉磨菇意粉，但係硯肉就真係唔多見啦，可能有兩粒既，磨菇都有幾舊既，其實似係齋意粉多啲，味道真係一般！然後因為朋友想食個ice-cream puff，好似係加$8就有，所以叫個waiter黎，佢一行黎我哋同佢講完，佢就話我搵個同事幫你，我心諗，乜落單都有分邊個落架咩？然後第二個黎到，我哋同佢講完，佢話冇ice-cream puff架，佢好似唔明我哋講乜，又叫個經理黎，跟住我哋同佢講完，佢明白咗我哋想加錢要個原來係chocolate puff既嘢！但係最搞笑係最後黎咗個ice-cream puff，然後我哋以為係我哋嗰個，咪食囉，點知又有個waiter送上個chocolate puff，我已經好混亂，個經理問我哋係咪我哋叫，我如實話我哋係
朋友過咗黎我公司附近見工，所以我同佢食咗個下午茶！叫咗一個焗薯皮同一碟意粉share食！
我哋叫嘢食時，舉咗好耐手都冇人理我哋，有好多個waiters唔知係扮睇唔到定真係睇唔到．．好耐好耐至有人理！後尾黎咗杯熱飲，嘩～～個杯邊勁污漕，我真係冇法飲到，所以叫佢換個杯比我！
焗薯皮好乾身，麻麻地；個意粉本來係黑椒硯肉磨菇意粉，但係硯肉就真係唔多見啦，可能有兩粒既，磨菇都有幾舊既，其實似係齋意粉多啲，味道真係一般！然後因為朋友想食個ice-cream puff，好似係加$8就有，所以叫個waiter黎，佢一行黎我哋同佢講完，佢就話我搵個同事幫你，我心諗，乜落單都有分邊個落架咩？然後第二個黎到，我哋同佢講完，佢話冇ice-cream puff架，佢好似唔明我哋講乜，又叫個經理黎，跟住我哋同佢講完，佢明白咗我哋想加錢要個原來係chocolate puff既嘢！但係最搞笑係最後黎咗個ice-cream puff，然後我哋以為係我哋嗰個，咪食囉，點知又有個waiter送上個chocolate puff，我已經好混亂，個經理問我哋係咪我哋叫，我如實話我哋係叫咗加$8既puff，唔知乜puff，而且已經食緊，但係原來我哋食緊嗰個唔係加$8蚊叫，係要比錢，我都唔知咩事，只知我哋唔會要另外嗰個架啦，佢亦攞返走後尾送上嗰個！
最後埋單佢哋都只係收我哋$8蚊，冇多收，都幾公道，所以我個friend比咗$6蚊tips佢哋！
但係想講就係，呢度啲waiter/waitress都幾on 居居，但係勝在夠公道！OK 啦！
张贴