Bingo & Cook

营业中

休息中

今日去了旺角，同朋友去食韓式大牌檔"bingo&cook"A SET$178紫菜包飯牛肉+牛肉水冷麵B SET$258蜂蜜黃油味炸雞（半份）+炒年糕烤牛肉炸醬味+10$海鮮三合$340鮑魚/扇貝/蝦/八爪魚/黃豆芽/泡菜紫菜包飯牛肉材料好豐富，份量好大。味道好好。牛肉水冷麵棉質爽口彈牙，酸酸甜甜清清涼涼，好開胃。蜂蜜黃油味炸雞外皮外脆內軟，肉嫩多汁。烤牛肉炸醬炒年糕炸醬汁甜甜辣辣，年糕鴛鴦韌韌，有公仔麵底汁濃香。海鮮三合鍋有鮑魚/扇貝/蝦/八爪魚/黃豆芽/泡菜香辣惹味魷魚煙煙韌韌，扇貝鮮甜，豬肉吸收晒肉汁好送飯。

今次約咗個朋友諗住就大家喺旺角食下飯傾下計，咁啱大家都鐘意食韓國野同熱愛k-pop🎶😍，搵到間位置喺非常方便嘅朗豪坊，裝修又非常特別嘅韓國菜餐廳🥰一入到黎真係嘩一聲🫨，成間鋪裝修到好似置身喺韓國大街一樣😯，連啲枱枱櫈櫈都好似大排檔咁，仲有好似回到八九十年代咁，又有理髮店💇‍♀️、汗蒸幕♨️等等，真係超適合打卡影相🤳📸醬油蟹🦀2pcs (連飯)｜$380我同朋友最期待嘅韓國菜-醬油蟹🦀‼️真係超多膏‼️又鮮甜😍一人一隻用黎撈飯🍚真係超好食‼️仲有少少辣辣地🌶，超惹味牛肉🐂芝士🧀紫菜包飯｜$80食韓國菜點可以唔叫紫菜包飯呢😍陷料真係幾多幾滿😃食到有麻油嘅香味🤤同朋友share啱晒海鮮三合｜$340鮑魚｜扇貝｜蝦🦐｜八爪魚🐙｜豬肉片🐖原來都幾大盤，仲有埋個gas爐燒住，野食就唔怕會凍啦呢個海鮮鍋真係幾足料，有齊鮑魚、扇貝、蝦🦐、八爪魚🐙豬肉片等等，八爪魚仲要係原隻上‼️員工都非常貼心，會將啲材料會剪開晒俾客人慢慢享用👍最鐘意係佢個鮑魚同八爪魚，非常爽口‼️成個鍋有少少辣🌶，唔食得太辣嘅我哋都覺得辣度啱啱好👍幾啱香港人口味總結：呢間鋪嘅老闆都係韓國人黎，睇得出花咗好多心思去還完韓國嘅街頭大排檔風味😃食物方面

最近睇完黑白大廚，特別想食韓國野，今晚約左朋友去旺角行街，就去左朗豪坊既bingo & cook，商場裡面但裝修成大排檔風，平日晚都坐滿，呢個市道下算不錯。甜辣無骨炸雞，差不多係我同朋友每次必點之選，甜酸味道恰道好處，好滋味，炸雞都幾好，有肉汁唔會太鞋，唯一係無得揀有骨雞，我自己就比較喜歡連骨既炸雞。食炸雞配啤酒，Cass 啤酒絕配；柚子梳打都好好，係好正常既柚子蜜，好怕其他藥水味，無選錯！Bingo 特製紫菜包飯，裡面有牛肉、芝士、青瓜、黃瓜，蛋，聞落超級重麻油味，好香！食完一舊又一舊，一啲都唔膩！海鮮鍋有好多海鮮，蝦、蟹、蜆、元貝、魷魚、青口、鮑魚，種類多元化，份量多，配埋芽菜、大蔥、娃娃菜，辣辣地唔膩，不過海鮮鮮味就唔好期望太高。

Bingo & Cook 絕對係我食過最難食嘅餐廳。。。。。。同朋友慶祝食，個個都停曬手。。。。排骨鍋味道奇怪，年糕冇味，排骨好大陣騷味。朋友話個排骨好似佳寶特價臭肉。。泡菜煎餅口感係脆，但又油又苦。。。炸蝦紫菜包飯。。。。。7仔好食過佢炸雞唔好食，調味正常唔推薦X100000000000000⁰000000000000000000000000000000要打夠200字先可以評分。。。。。。。唔推薦X100000000000000⁰000000000000000000000000000000

最近看完黑白大廚搞到好想食韓國野，上網左看看又看看下選擇了這間未去過的朗豪坊韓國餐廳。餐廳裝修好有韓國特色，正是我想要的風格，牆上許多寫有韓式字樣的海報，還有韓式街頭小包車等，好適合打卡。6點鐘來到，無需要等位，但係過咗七點就會超多人，建議大家早啲嚟薯仔排骨鍋 HK$ 280 湯頭好濃郁，微辛但不辣，豬骨軟腍入味，而且夠大件，馬鈴薯入口粉綿，加上大量豆芽菜、白菜等，味道平衡很不錯，濃但不會太膩。推介大家最後可以加個韓式拉麵（$15），同個湯汁非常夾。

炸蝦紫菜包飯 HK$ 75 少飯多餸，比例很不錯，大量紅蘿蔔絲、青瓜、甜蛋、黃蘿蔔等等，口感爽脆，試了炸蝦餡料的款式，同行朋友說他們的吞拿魚更勝一籌。

蜂蜜大棗茶 HK$ 28 
非常喜愛這款飲料，甜度自然，而且是來自蜂蜜，加上剁碎了的紅棗，紅棗味亦濃郁，叫了熱的，熱度溫溫的不會過燙，飲完一杯又encore咗一次。
蜂蜜黃油炸雞(半份) HK$ 130幾有驚喜嘅一道炸雞，見到場內好多人叫所以又跟住叫，果然跟住人流order總是沒錯的。雖然佢哋唔係專門炸雞嘅舖頭，但比起好多專門炸雞嘅舖頭炸得更加嫩滑，炸皮亦都乾爽脆卜卜。

經過朗豪坊10樓見到呢間韓國餐廳好有特色，裝潢好吸睛，好有置身韓國大排檔感覺。見餐牌價錢好合理，決定同男朋友入黎晚餐。醬油蟹同蝦（跟一個紫菜伴飯）大推！2隻蟹加4隻蝦仲有飯都係$400左右，醬油蟹既味道好鮮美，蟹膏鮮甜，配上蛋黃，蟹既鮮味同醬汁完美融合，配上紫菜飯令人回味無窮。而醬油蝦都勁鮮甜，蝦口感爽彈，真係必試👍🏻韓式燉排骨燉排骨好巨型，排骨上鋪上大量芽菜，上碟感覺好似一個山丘😲，排骨好入味，肉質軟嫩輕輕咬開就離骨，掛上濃稠韓式醬汁，越食越有辣勁，而爽脆芽菜索晒排骨同醬汁精華，非常惹味。牛肉韓式冷麵冷麵牛肉切片十分嫩滑，搭配清爽冷麵，口感極佳。湯底清甜，水冷麵冰冰涼涼，食落好清新，食完辣野再食岩哂。

最近去咗呢間主打韓式大排檔風嘅餐廳，環境幾有氣氛，啱晒一大班朋友聚會！首先試咗個 韓式海鮮鍋 $380：有蟹、魷魚、鮑魚、青口、蜆、扇貝、蝦，海鮮種類豐富，而且份量十足。一路滾住食。跟住叫咗個鮑魚蔘雞湯 $168，有一隻鮑魚。蔘雞湯味道清香，有好多雞肉，配埋飯食，暖胃又飽肚。蜂蜜黃油炸雞 $130，炸雞外皮香脆，蜂蜜黃油醬甜甜地。另外仲叫咗個 Set A $186，包括吞拿魚紫菜包飯、烤牛肉水冷麵同埋凍蜜桃茶。紫菜包飯夠飽肚；烤牛肉水冷麵，麵條爽口彈牙；凍蜜桃茶就幾解渴。另外叫咗青提子碳酸水 $40，味道清新。最令人驚喜嘅係，餐廳會為生日嘅朋友提供熄燈唱歌服務，仲會將蛋糕送到檯邊，呢個服務真係好貼心，令慶祝生日嘅氣氛更加熱鬧！呢間韓式大排檔風餐廳環境氣氛唔錯，適合朋友聚會。特別係生日慶祝，呢個額外嘅服務真係加分不少！

**蜂蜜牛油炸雞**：外層炸得金黃酥脆，內裡嫩滑多汁。蜂蜜嘅甜味同牛油嘅香氣融合得恰到好處，每一口都係幸福嘅味道。**玫瑰醬炒年糕 內有公仔麵，魚糕 **：年糕軟糯，玫瑰醬帶有淡淡嘅香氣，同公仔麵嘅口感形成絕佳對比。魚糕細嫩，增加咗呢道菜嘅豐富層次。每一口都充滿驚喜。**甜辣醬炸雞拼蒜香醬油炸雞**：甜辣醬炸雞外脆內嫩，甜辣味完美結合，令人一試難忘。蒜香醬油炸雞則帶有濃郁嘅蒜香同醬油味，每一口都係味蕾嘅享受。呢個拼盤真係滿足咗甜辣與鹹香雙重味覺需求。**超辣八爪魚燉排骨**：呢道菜真係辣到入心！八爪魚同排骨煮得入味，辣味十足，但仲保留住食材嘅鮮味。排骨肉質鬆軟，八爪魚彈牙有嚼勁，成為辣味愛好者嘅最佳選擇。總括嚟講，呢間餐廳每道菜都各有特色，無論你鐘意甜辣定係鹹香，一定有一款啱你口味。絕對值得一試！🍗🌶️🍽️

店內環境非常有韓國街頭特式, 而且當晚滿座之餘, 外面仲好多人等位, 真係好耐無見過有餐廳生意咁好喇!🍽️ 海鮮三合 $340一窩有齊鮑魚、扇貝、 八爪魚、蝦同五花肉等.八爪魚係原隻上, 煮到咁上下會有員工過嚟幫你剪開, 鮑魚扇貝亦會幫忙剝殼, 非常貼心. 配搭韓式辣醬、泡菜、芽菜等, 內容物非常豐富.🍽️ 海鮮煎餅 $148當日見到好多枱都有叫呢個, 所以我地都叫左個試下. 煎餅邊香脆, 內裡口感帶小許煙韌, 配搭有嚼口既魷魚同蝦, 另外可以點埋個煎餅沾醬, 令香味更加提升.🍽️ 蜂蜜黃油無骨炸雞 （半份）$130雖然係半份,但份量都唔小. 入口好香蜂蜜牛油既甜味, 而且肉質唔柴保持juicy. 無骨炸雞食起上嚟亦非常方便.🍽️ Strawberry milkis $40 🍽️ Mango milkis $40

朋友介紹我去呢間餐廳，話打卡超靚，影出嚟啲相直頭好似去咗韓國咁，加上自己本身都鍾意食韓國菜，一於嚟到朗豪坊試吓係咪真係咁正先❤️一入到餐廳完全就係滿滿嘅韓國大排檔氛圍感，無論係裝修甚至一枱一櫈都佈置到十足十。店員以韓國人為主，當日去到店員推介我哋試店舖入邊嘅其中一樣招牌菜海鮮三合$340 Seafood & Pork Belly Samhap一盤足料海鮮，有鮑魚，帶子，蝦，同八爪魚，陪埋五花肉片，芽菜等配料，份量充足，味道少少微辣。本身都猶豫緊嗌唔嗌嘅，因為本人廚藝不精，覺得自己處理呢一鍋料理有啲難度，但係原來呢間舖頭嘅店員係會好貼心地從旁協助㗎😆韓國菜就必定要點炸雞嘅😆甜辣炸雞配香腸年糕串-半份＄140Sweet Chili Boneless Fried Chicken炸雞外皮鬆脆，入面雞肉嫩滑Juicy, 甜辣嘅醬汁非常惹味！第一次食炸香腸年糕串，覺得超好食呀🥰 如果唔係嗌得太多嘢食直頭想encore添。平時我多數就係鍾意食辣炒年糕嘅，今日見到有個新口味試吓佢先😋玫瑰醬炒年糕 Cream Rose Tteokbokki份量勁大，有年糕之外，入面亦都有韓式拉麵。飲品方面，正常發揮，叫咗

地道韓式美食享受🫵🏻 嚟到Bingo and Cook，感覺就好似置身於韓國街頭咁樣！環境同滿座程度都好夠嗰種氣氛我哋兩個人叫咗部隊鍋，因為有好多高麗菜、葱段同洋蔥，令湯頭煲起就有蔬菜嘅甜味配搭大量guilty pressure如芝士腸、午餐肉、芝士、韓國特別煙韌嘅即食麵等😳 簡直令人無法抗拒喺Bingo&Cook嘅熱鬧環境食部隊鍋，真係好似去咗韓國啲布帳馬車咁🤣我哋叫咗醬油蟹因為第一次喺香港食，我哋有啲保留同驚太飽，淨係叫咗一隻驚喜！蟹肉鮮美飽滿，蟹糕好多而且帶甘香醬汁幾清爽，少少鮮咸配上紫菜同軟糯嘅白飯，呢個組合不愧係白飯小偷🤤另一道菜我哋叫咗蜂蜜炸雞，外皮酥脆，咬落雞肉鮮嫩多汁蜂蜜醬汁幾清甜再加上軟糯彈牙嘅年糕，同燒烤香腸又係好韓國嘅一個代表食物🤣 令我諗起喺首爾總係會外賣炸雞返酒店食飲品方面，我哋叫咗藍莓米酒同柚子米酒去貫徹呢個韓國之夜😂藍莓味米酒相對會甜啲，會飲到莓果肉柚子米酒酸甜適中，清爽解膩呢度有地道韓式菜式，選擇好多價錢好實惠合理，服務亦好殷勤下次一定會再嚟感受韓式風味😍

.‼️❤️ 記得CLICK我PROFILE關注我呀 ❤️‼️.🤩 超級就腳必食韓國餐廳 @ 🌟 Bingo & Cook 🌟.💁‍♀️ 圖片展示美食為：涮涮牛肉鍋 HKD 320韓式燉排骨 HKD 198甜辣炸雞配香腸年糕串 HKD 140玫瑰醬炒年糕 HKD 138炸蝦紫菜包飯 HKD 75青提子碳酸水 HKD 40梨汁 HKD 20.👽 呢間最新開嘅分店真係令人好期待，超級就腳！主打地道韓式風味，裝修充滿韓式街頭元素，有多款特色菜式，打卡絕對一流！.🌋 店員推介呢款「涮涮牛肉鍋」，牛肉切得厚薄適中，肉質鮮嫩。湯底鮮味，仲有好多蔬菜同蘑菇搭配，食落好健康，同時滿足暖胃！.🥘 另一款推介菜式就係呢個「韓式燉排骨」，上檯視覺效果夠震撼，啲排骨好似一柱擎天咁哈哈！味道仲濃郁，排骨煮到好腍，啖啖肉好入味，配上香濃的韓式醬汁，仲有啲薯仔同胡蘿蔔，特別索汁。.🐔 食韓國嘢冇可能唔食炸雞，呢個「甜辣炸雞配香腸年糕串」好高性價比。炸雞外脆內嫩，甜辣醬汁真係好正，食落唔會膩。年糕串就咬落有嚼勁，搭配香腸更加惹味。.🌹 近排最興嘅「玫瑰醬炒年糕」絕對必點！玫瑰醬，味道特別濃郁。炒年糕夠晒煙靭，仲有魚片、辛辣麵。同

喺旺角行街俾我發現到，人氣韓國餐廳喺朗豪坊開咗分店，之前已經食過銅鑼灣嗰間，今次都冇令到我失望，裝修好有韓國個街頭feel🥰🔵海鮮豚肉三合海鮮種類都多，五花腩肉肥瘦比例平均，配上傳統韓式辣醬同泡菜，好惹味😍🔵甜辣炸雞配香腸年糕串炸雞外脆內嫩，保持到肉汁，仲要無骨，啖啖都係肉，甜中帶少少辣，口感豐富😋🔵海鮮煎餅每次嚟都會叫煎餅，厚度適中，外脆內軟，仲食到粒粒八爪魚，再配上醬汁，正！😘🔵青提酸碳水 & 芒果酸碳水青提同芒果嘅酸甜加上碳水嘅清爽，口感清新，食辣嘢一定要叫😊🔵蜜桃冰茶每啖都帶來清新感覺，又解渴又解膩👍🏻

Bingo & Cook於旺角朗豪坊開了分店，裝修呈現韓式大排檔風味。平日晚上人山人海，入內點菜時多款鍋品已售罄，看來鍋品真的很受歡迎。炸醬麵炸醬麵最先上菜，麵質有點像烏冬，煙煙靭靭，混醬後條條分明，不會黏住一起，算是在香港吃到不錯的炸醬麵。玫瑰醬燉排骨排骨大豆芽山堆得高高的，內有三至四塊巨型排骨，玫瑰醬是菜式靈魂，奶味香濃，甜辣開胃，拌著大豆芽香辣爽口。涮涮牛肉鍋牛肉大豆芽山同樣堆得高高，除大豆芽外，尚有旺菜、鮮菇，京蔥、年糕等，很豐富的一大鍋。柚子梳打 藍檸檬梳打 梳打少甜冰凍，解辣不可或缺。

Bingo & Cook 最近在旺角朗豪坊開了新分店！裝潢十足十有韓國風味，猶如置身韓國街頭食店一樣！！🤍泡菜煎餅 $120Bingo 特製飯卷 $80海鮮三合 $340燉排骨湯 $142泡菜煎餅份量好足有好多塊，煎得有少少焦香又不會過火。有時食煎餅好怕會好厚粉蓋過啲餡料，但煎餅比例好好，泡菜份量多，點埋個醬汁好香脆，可以食完一塊又一塊。燉排骨湯的湯頭充滿着胡椒的味道，排骨大大件，好多肉！相信冬天食一定好暖胃✨Bingo 特製飯卷有牛肉和芝士，份量都幾多！令人超級滿足！海鮮三合材料好豐富，食物都擺得好靚。海鮮有蝦、鮑魚同扇貝，仲有好大隻嘅八爪魚。豬腩肉都有好多片，油脂均勻，唔會好油膩。店員好貼心會主動幫客人煮，亦都會將肉同海鮮剪細，方便進食。因為有唔少芽菜同泡菜，所以煮起上嚟唔會好乾，反而有啲汁，一啖食落去口感滿足之餘，啲菜又吸左啲精華，少少辣好惹味。📍Bingo & Cook (旺角) 旺角亞皆老街8號朗豪坊10樓21-26號舖