75
6
2
港铁尖沙咀/尖东站 B2 出口, 步行约1分钟 继续阅读
电话号码
25576286
开饭介绍
来自鹿儿岛的日式烧肉店,主打由当地出产及直送的萨摩和牛。全牛拼盘可一次过品嚐A4级以上的黑毛和牛的不同部位,牛魔王必试。 继续阅读
营业时间
今日营业
11:30 - 00:00
星期一至五
11:30 - 15:00
18:00 - 00:00
星期六至日
11:30 - 00:00
付款方式
Visa Master 美国运通 现金 银联
其他资料
网上订座
Wi-Fi
酒精饮料
自带酒水
切蛋糕费
包厢
赏订座积分
加一服务费
有关奖赏计划
食记 (97)
等级4 2018-12-03
468 浏览
听闻鹿儿岛的气候与地理,对培育出优质农产品与水产已有优势,加上鹿儿岛一直以最好的饲料来喂饲和牛,更不断改良饲养技术,因此鹿儿岛和牛才能够做到肉质细致嫩滑,油脂分布均匀的质素。今次食到嘅系牛嘅主要嫩滑部位🤗一共8款,依据日本总厨的烤肉教学,跟住依次序去烤,一般烤几分钟即可👍 日本的烤肉食法一般系烤牛舌牛舌厚薄适中,好爽脆,加小小盐,柠檬汁,酱油,非常之好味。 特上牛肋肉系和牛的高级部位,肉质细腻,加适度嘅霜降,自己喜欢五成熟,可以保持肉汁,唔会破坏距地嘅比较,加小小盐便可,啖啖嫩滑,入口即溶化,正到呢🤗 特上牛柳扒,系其中最贵嘅部位,牛柳扒脂肪较少,加小小盐,烤到咖啡色,外脆内松软,一口一块,果然肉质特别鲜嫩,好柔软,好多肉汁🤗 特上西冷扒,肉质纤维较多,好有嚼头,牛味好浓郁,6成熟就可以摆响烤网周边等牛扒休息一下,锁紧肉汁,加盐和芥辣,啖啖正😘 牛赤肉,系牛嘅後大腿肉,运动多,所以无太多脂肪,烤三分钟就已经闻到牛肉香味,咬落去肉味香浓满满,香滑多汁。 牛肋条肉,雪花❄️比例岩岩好,烤时会发出阵阵香气,肉质和油香溶为一齐,好滑好滑😘 顶级安格斯则腹横肌牛肉,呢个部位肉系最稀有,带有适度嘅油脂,口感软嫩,牛味香浓到不得了,回味无穷😘 仲有好多唔同嘅小食可以Refill.仲有朱古力味雪糕,柠檬雪芭,朱古力雪糕好浓滑,浓浓嘅朱古力味,好滑好绵🎀 继续阅读
(以上食记乃用户个人意见 , 并不代表OpenRice之观点。)
等级4 2018-11-28
191 浏览
岩岩开个阵就已经想食,见今日可以早收工,而且仲有宵夜放题🤩唔试下点得!上到去有棵圣诞树好靓,又同个招牌几衬😂我地一行三人,今日本身系约左屋企人食野既💓就系食呢个喇~宵夜放题$298 真系几抵👀👀坐底无耐呢个拼盘就送到,上菜都几快既,其他食物就系同店员落单的。个全牛盛合卖相真系几吸引,系根据返牛既部位黎摆放,一次过食咁多款牛满足😁网烧烧出黎好靓仔,店员会keep住帮手换网,以保持烧出黎最靓👍🏻入正题讲返d牛肉先,我最锺意就系牛上肋同西冷,牛上肋肉味浓又油香。西冷有质感,肉汁丰富。而我平时最爱既牛舌虽然薄切,但口感弹牙肉嫩。另外顺带一提,佢地点烧肉既汁同d肉好夹,清爽解油。黑豚肉:有轻轻餣过,爽肉但油香。鸡腿肉:估唔到几正,除左牛外鸡肉都做得唔错,好滑😌一口芝士小吃:外脆内软,送酒一流🤭我地当然有叫啤酒($58麒麟生啤)炸和牛丸:呢个几特别,感觉就好似迷你版既汉堡扒,系手打个只,内里有肉汁,唔会乾争争。食咁多肉当然要食返d菜,野菜盛合有冬菇、菠萝、秋葵、茄子。蔬菜新鲜,烧完仍保有水分,菠萝甜又无渣。大满足~终於比我试到😁不错不错。 继续阅读
(以上食记乃用户个人意见 , 并不代表OpenRice之观点。)
等级4 2018-09-17
3179 浏览
※本文以用餐当日的环境、服务和食物质素为准,口味亦因人而异,文章只作参考之用。-在香港食日式烤肉的餐厅不少,估唔到系尖沙咀The Otto酒店楼上都有间主打食鹿儿岛和牛的烤肉店Beefar’s,肉类质素唔错,坐得舒适。亦发觉唔少日本人黎食烤肉(可能系酒店住客),当天我俩旁边都坐上了日本客人呢!餐厅装潢以灰色做主调,配搭简单布置,望落简洁得来又有有时尚感;某些位置更以翠绿的「草」作点缀,突出了主打鹿儿觉和牛的主题。Beefar’s主打招牌的「4% 奇迹之牛」,据说鹿儿岛平均每年会出产约13000只和牛。当中只有约500只达到A5级且BMS(降霜程度)为10以上的等级,数量不多,故被称为「4% 奇迹之牛」。叫左个Beefar’s极上烤肉二人套餐 $988,包括左前菜、牛肉沙律、牛肉汤、六款牛肉(已包括4% 奇迹之牛)、白饭、甜品及饮品)。牛肉沙律极上牛肉汤牛肉汤味道就咁饮会稍稍咸左少少,配白饭较适合;不过汤内的牛肉(也有牛筋)煮得够软腍,数量唔少,味道是不错的。日本和牛整齐的以木盘子上枱,肉质色择鲜艳,感觉新鲜,光看都吸引!中间的系4% 奇迹之牛肩肉,之後呈U形的分别系盐烧牛舌、西冷牛柳粒、牛赤肉及牛肋肉。另一碟分开上的系萨摩牛Sukiyaki上等牛腰背肉(薄切)。成份都系靓既日本牛肉,如果我地自己烧好怕会浪费晒,幸好有店员会帮手烧,田法非常纯熟,态度又好,值得一赞!牛舌,咬落爽口味道很香;西冷牛柳粒(左下)咬落爽口充满肉汁,肉味浓郁,食落无渣,好好食。上等牛肋肉(右上)牛味重、牛赤肉(右下)内腿位置肉质比较有咬口,不失牛味。4% 奇迹之牛肩肉,每一片都看到细致的油脂分布,质感软嫩细滑,牛脂味明显,油脂丰腴,确实不错。最後食牛腰背肉,大大的一片,轻轻煎过,肉质食落很嫩滑,油份充足,满咀油香,邪恶!另外附上日本鸡蛋,按个人喜好蘸上蛋浆食会更加滑溜。最後仲有人一球芒果味同豆腐味雪糕同两杯饮品,好满足;最重要系食完都唔觉成身油烟味啊。 继续阅读
(以上食记乃用户个人意见 , 并不代表OpenRice之观点。)
等级4 2018-08-26
2834 浏览
俗语有云辛苦搵黎自在食,返工辛苦过後梗系食餐好的慰劳下自己。最近工作上波折重重,几经辛苦终於完成左,唔食返餐好的又点对得住自己呀!呢间烧肉店人气吾错,除左主打鹿儿岛和牛外,仲有一款听个名就已经好吸引的[4%奇迹之牛],所以豪不犹疑咁选左呢间餐厅做今次的"慰劳宴"。餐厅位置相当方便,地铁站出口一分钟距离,环境有格调而且宽敞,感觉唔会局促。为左试[4%奇迹之牛],点左一份,虽然价钱唔平,但成个套餐相当丰富,只系烤肉已经有六款包括4%奇迹之牛极上牛肩肉,萨摩牛上等牛赤肉,萨摩牛上等牛肋肉,萨摩牛Sukiyaki上等牛腰背肉,极上牛舌(盐烧),及是日精选牛扒。除此之外仲有前菜,牛肉汤,牛肉沙律,白饭,甜品同餐饮,真系十分丰盛的套餐。上菜速度十分快,先上牛肉汤及牛肉沙律。牛肉汤鲜甜牛味重,牛展炆得够腍。而沙律新鲜份量大大份,配上黑酯十分开胃又解腻。之後我最期待的画面出现了~左上: 是日精选(西冷牛肉粒) 右上: 极上牛舌(盐烧)中间: 4%奇迹之牛极上牛肩肉左下: 萨摩牛上等牛赤肉右下: 萨摩牛上等牛肋肉最後就是萨摩牛Sukiyaki上等牛腰背肉,还附上生蛋,柠檬,盐及酱油,可按个人喜好做出吾同食法。最最最喜爱的一定是主角 4%奇迹之牛极上牛肩肉,只系外观已经令人流口水,雪花分布十分均匀及偏多,轻轻烧过後油香味已经飘晒出黎,入口即溶和油香味完全充满着整个口,好味程度真系非笔墨能形容。萨摩牛Sukiyaki上等牛腰背肉同样喜欢,雪花纹无4%奇迹之牛咁多,所以牛肉味相对较重,但由於薄切的关系,同样都有入口即溶的效果。而萨摩牛上等牛肋肉就是太太的最爱,雪花同肉的比例各占一半,牛肉味同油香味的比例刚刚好,而且又够腍口。极上牛舌亦吾错,十分爽口。顺带一提,职员会细心的提议品的先後次序,亦会为客人烤肉。对烤肉无信心的客人,就无需担心因手残而糟蹋了高级的肉了。 继续阅读
(以上食记乃用户个人意见 , 并不代表OpenRice之观点。)
等级4 2018-08-02
3386 浏览
最近有间好出名嘅鹿儿岛烧肉大受我嘅朋友欢迎,较前明明唔算平,但系我几乎全部朋友都去食过,今次想去发现环境真系几好,嘢食都好高质素,估唔到原来都系四州集团。牛之藏和牛盛合$398首先我哋决定叫个二人盛合先,再叫其他牛肉试多啲,呢一个分别有萨摩牛上等特上同埋嘅牛肋肉,仲有萨摩牛上等牛赤肉,萨摩牛後腿肉,萨摩牛牛肋肉,同埋牛柳扒。其实每一只我都觉得几好食,但系我个人最锺意就系上等,因为呢一只用咗少少酱汁去腌,食落甜甜地带起个鲜味,而且每块牛嘅雪花分布都好平均,越相等嘅就越多雪花,越入口即溶。顶级牛小排$88上等牛舌$88和牛面颊肉$58比起头先嘅盛合, 我更加锺意散叫,可能因为我自己本身锺意食嘅牛嘅部份好窄,比较锺意份量多少少但系我自己锺意食嘅,而呢三个里面,我最锺意嘅就系牛小排,首先牛小排有返一定嘅厚度,咬落去口感会好啲,以这雪花分布都好平均,每一啖都有好浓嘅牛肉味。牛舌同样都几出色,首先份量唔少,厚薄啱啱好,好快熟,但系又唔会太薄冇口感,最重要系我一直都觉得牛舌系最有牛味嘅一个部份,虽然少啲油香,但系就好有质感。面颊肉方面比较少脂肪,食起上嚟比较韧,而且有筋,但系肉质好嫩。野菜盛合$78有冬菇,秋葵,粟米,菠萝,茄子,份量算多,而且新鲜。牛肉沙律$78牛肉沙律啲菜好新鲜,上面有四块烧牛肉,外皮烧得好香脆,里面仲系粉红色,火候啱啱好,仲靓过自己烧,识落比较似系自助餐食到嘅烧牛肉,冇油香,但系好有咬口,好适合做沙律。韩式和牛石锅饭$88呢个一上枱已经闻到好香嘅牛油香味,但系出奇地好难先搵到牛肉,因为佢切得好碎,同啲饭粒融为一体。极上牛肉拉面$68呢个又系另外一个好出奇,价钱完全五季,但系喺里面搵到成五六旧牛腩连筋,质素绝对唔差,拉面好烟韧,牛肉汤底非常浓味,但系有少少辣。 继续阅读
(以上食记乃用户个人意见 , 并不代表OpenRice之观点。)