Be Leaf (已結業)

終於到我放假可以周圍去打卡🥳第一個Wishlist就係BE Leaf🌿🌿係觀塘工業區內竟然有間走峇里島度假風設計的Cafe，感覺簡直就是世外桃源🏝打卡位有花式拱門🌾波希米亞風藤椅🧸有陽光時候影就最靚🌞秒殺了不少相機容量🤩而食物方面亦非常高質，怪不得平日都咁多人！✨🧆香煎墨魚忌廉墨汁意大利飯 💲102將墨魚切成正方塊，咬落好彈牙，唔會韌。墨汁意大利飯味道鹹香，每粒米飯都被忌廉墨汁包裹，飯粒濕潤有嚼口。入面還有豌豆粒，更添口感。🍝蒜香欖菜鮮蝦意大利粉 💲92加入欖菜真係好特別🙌🏻 將欖菜同意粉拌勻，欖菜味道好出眾，好惹味。鮮蝦好大隻，鮮味彈牙。🥞提拉米蘇梳乎厘班戟 💲128打卡必點！震騰騰勁鬆軟🌀呢個班戟唔可以睇少。雖然甜品係用第二個胃，但呢個份量好大。空氣感不算太重，所以係絕對有飽腹感。班戟濕潤軟綿，Tiramisu味道香濃！🌱Fresh Lime Mint Soda 💲24 (50%OFF)可以落單時要求少甜，咁青檸味就更明顯，酸酸地好開胃，Refreshing！🍹Papaya Mango Smoothie 💲26 (50%OFF)沙冰上擺咗一片木瓜乾果，賣相一流。飲品主調是木瓜的甜味

去左觀塘呢間人氣Cafe食野Chill下😜環境幾舒服，style 都有啲度度feel。叫左兩個午餐加一個甜品，整體都OK，唔算好貴！放假可以黎食下野relax下💆🏻‍♀️🔸泰式豬頸肉菠蘿竹炭漢堡配薯條🍟竹炭漢堡包好大個，個包都有輕輕烘過，唔會馬虎😗中間的燒豬頸肉好香，配菠蘿好特別有啲甜甜地既味，而且菠蘿好Juicy，令人胃口大開😍整體都好夾👍🏻👍🏻🔸泰式香茅雞扒太陽蛋拌飯午餐的份量好足夠，雞扒多汁，煎得夠香口，雞皮微微脆口，估唔到會配平時食生蝦刺身嘅汁，好惹味😋🔸自家製布朗尼配雲尼拿雪糕🍦Brownie配雪糕，唔洗講一定好食，呢到特別在放左個雪糕筒上去，可以打下卡🤣呢到甜品都好多選擇，我見好多人都叫疏乎厘Pancake，不過早幾日先食完，所以就無叫😌下次可以試下呢到好唔好食！食埋個Brownie已經好飽好滿足嚕😚🔸Papaya Mango Smoothie🥭Iced Thai Milktea🥤飲品賣相都好靚，芒果奶昔比較creamy，泰式芒果味都幾香🥭泰式奶茶加左cream，唔係好甜👌📍#BeLeaf (#觀塘美食)觀塘敬業街55號皇廷廣場地下2號舖➡️𝗙𝗼𝗹𝗹𝗼𝘄左我未啊😚跟住我去飲飲食

一到步第一印象就是門外的梳化位非常多污漬 但客人仍然願意坐在上面打卡,感覺有點不能理解。價錢以觀塘區來說非常高,比美銅鑼灣和中環。 食物賣相不錯,但味道非常一般,只有普通的鹹味沒有任何其他層次,牛扒過熟和受熱不均勻, $150就這樣浪費了。薯蓉質地非常稀, 咖啡質素亦差,帶苦味而且不香。 楊枝甘露梳乎厘班戟的芒果和西米不夠凍（覺得要有凍熱的對比才好吃), 芒果一部分酸一部分不夠甜,班戟質地亦不夠滑,而且沒有蛋香。如果沒有能照騙的裝飾,完全沒任何價值。

這間Cafe真係超啱打卡，裝修充滿特色。門口位置已經有個🌸花花大拱門，入面重有巨型鳥巢吊椅，充滿峇里度假風，好似去咗✈️旅行咁。餐廳分室內/室外座位，環境都幾舒適闊落，而且重係🐶動物有善餐廳。.🦞龍蝦湯煮海參蝦膠燴撒丁珍珠意粉 $138未食過珍珠意粉，感覺好特別，似細細粒麵團，以燴飯的方式煮，令每粒意粉都沾滿龍蝦醬汁，味道好香濃。海參上面加入蝦膠，令口感更有層次。.🐷香煎慢煮西班牙伊比利亞黑豚鞍配蜜桃牛油果莎莎 $288這個有驚喜，用上西班牙伊比利亞黑豚鞍，豬鞍夠厚身，以慢煮方式煮成，食落好juicy，而且肉質嫩滑，配埋香甜的蜜桃汁，令到菜式更鮮味。伴碟還配有蜜桃粒、牛油果粒，感覺好fresh。而賣相亦好靚。.🥭Papaya Mango Smoothie $52很重的芒果味，上面加了忌廉，再配合薄荷葉同木瓜乾，賣相吸引，口感滑溜，沒有粗大的冰粒。.🍊Fresh Grapefruit Pomelo Soda $46香甜清爽，十分解暑，最適合炎熱的天氣。.🍎蘋果金寶火灸焦糖蛋卷 $72蛋卷有玉桂味蘋果粒、雲呢拿雪糕、焦糖及消化餅。蛋卷外層係火炙焦糖皮，食落外脆，蛋卷鬆軟，入面有大量的蘋果粒及

😊 咸香黑椒豬手蒜香義大利麵 $138黑椒豬手醃製算入味，不過只有碎上，如果係一片片會更有口感。意粉加上蒜香同黑椒都非常惹味，不過偏油，食到最後成個碟超油呢😊 香烤慢煮雞胸牛油果沙律 $138雞胸份量算多！ 肉質吾會柴，算幼嫩，加埋沙律可以清新口腔吾會太膩😊 粗薯條配松露蛋黃醬 $58粗薯條炸得岩岩好，不過醬料未算突出，吾係好夠黑松露味😋 提拉米蘇梳乎厘班戟$128呢款甜品有2大塊梳乎厘，非常厚身！ 食落鬆軟空氣般口感，加埋濃濃tiramisu，香濃咖啡同香甜朱古力加埋少少酒味，為個餐做結尾真係非常滿足！ 😋 Chocolate $42野飲算出色同夠大杯！ 飲落係香濃朱古力吾會太苦/甜😋 Mocha $42咖啡味吾算太重，加埋香濃朱古力飲落會精神反🤣😊 Flat white $38 咖啡不過不失，吾算太香濃咖啡味，自在夠大杯🤣P.S. 餐廳地方算大，外面大概有5張枱係可以同動物一齊用膳，餐廳入面就有個大大既椰子樹做打卡！ 抵食程度：⭐️⭐️⭐️食物質素：⭐️⭐️⭐️員工態度：⭐️⭐️⭐️環境裝飾：⭐️⭐️⭐️⭐️衛生情況：⭐️⭐️⭐️⭐️食過返尋味：⭐️⭐️⭐️⭐️（滿分：⭐️⭐️⭐️⭐️⭐️）

星期六下晝Walk in等咗大約35分鐘建議大家假日都係要卜位先，仲有限時90分鐘食物方面漢堡包都幾Juice嘅不過疏乎厘就一般另外裝修係靚嘅，絕對適合打卡有田園風格

今日行開觀塘見到有一間非常多人排隊嘅餐廳，外觀非常特別充滿渡假風情，我都忍唔住排埋一份想試吓係咪真係咁吸引。餐廳入邊需要自己用QR code落單，非常方便簡單。蒜香欖菜鮮蝦意大利粉面頭有少許欖菜，識落好香蒜蓉味意粉軟硬度適中而且啲蝦都大大隻咬落非常彈牙。香煎墨魚忌廉墨汁意大利飯整個塊面鋪滿左香煎嘅墨魚，墨魚食落口非常爽口鮮甜，意大利飯軟硬度恰到好處，洛神花軟心巴斯克烤微焦芝士蛋糕蛋糕蛋糕睇落非常精美面頭有些少花瓣，蛋糕睇落有少許嘅淡紫色，質地食落好creamy 而且唔覺有洛神花既味，反而偏向芝士味重。Strawberry avocado smoothie 整體音樂唔覺有牛油果味反而充滿着士多啤梨嘅濃郁，加上面頭啲cream真係充滿邪惡感。Freah ginger honey green tea新鮮嘅薑片加上蜜糖同綠茶估唔到又幾夾。原來呢間餐廳排隊真係有原因不但可以瘋狂打卡之餘而且食物整體質素不錯，我已經諗定下次要來試吓埋其他款式啦！

疫情關係，想岀港旅遊都唔係一件易事，回港後又要隔離，令唔少人卻步🥲。假日又想體驗到異式風情既感覺，Be Leaf就適合不過啦！餐廳大走波希米亞度假風格，令人好似身處於印尼峇里島一樣🌴，輕鬆自在。人在港，心在遊✈️食物方面，菜式顯得較為普通，同其他Cafe差唔多，冇太大驚艷😅🍝蒜香欖菜鮮蝦意大利麵（$108）：蝦肉新鮮嫩滑，蒜香味濃，意粉軟硬適中，冇太大特別🥩香煎美國穀飼安格斯西冷配香草腸炸洋蔥圈（$188）：本身落order係叫5成熟，但最後牛扒煎得太熟，吃落好韌🙄。其他配菜比如燒烤醬、洋蔥圈、香草腸表現中規中矩😂🍟粗薯條配松露蛋黃醬（$58）：薯條反而係呢幾道菜式中，算係表現岀色😌。薯條香脆可口，除左松露蛋黃醬外，仲有蕃茄醬🥫可以配搭餐廳係用手機掃QR code落單既。⚠️值得留意，餐廳暫時只接受現金付款，想用消費券或信用卡就唔太方便整體而言，餐廳打卡一流，可以同朋友仔一齊chill住過週末，但係食物方面就一般般😅，仲有好大改善空間！

環境好靚好舒服，兩次平日嚟但都坐唔到出邊🤣 整理食物質素係幾唔錯🥰✨香煎墨魚忌廉墨汁意大利飯($102)✨泰式香茅雞扒太陽蛋配飯 ($88)✨蘋果金寶火炙焦糖蛋卷 ($72)✨Latte (+$19)✨Iced Latte (+$21)口感煙韌有咬口既risotto，煙韌得黎又唔會太硬，口感好正，而且飯都煮得好入味，忌廉墨汁味道濃郁，加上入邊大量嘅煎墨魚🦑 彈牙有咬口，加埋個飯一齊食好好味🥰另外一個午餐揀咗香茅雞扒太陽蛋配飯，雞扒煎得好香好入味，點埋少少醬汁送飯一流🤣都幾有泰國嘅風味～上次試咗梳乎厘pancake，味道好正，今次就以下其他甜品🥰蘋果金寶火炙焦糖蛋卷，睇相都唔覺得咁大件🤩 一大舊雪糕放喺好大嘅卷蛋上邊，卷蛋濕潤鬆軟，蛋香好重，入面忌廉會撈埋蘋果，食落完全唔會覺得漏🥰 Latte都唔錯，仲好大杯😂 但想要濃味，我覺得叫熱會好d，iced latte飲落比較淡😆

係觀塘呢個人口密度極高既地方，開左間夢幻chill 爆既cafe 🤣餐廳既設計應該係用峇里島呢啲海島渡假勝地作為藍圖🏝打卡位非常多📸Eg. 波希米亞風圓形藤椅，花拱門等😍- 香煎澳洲穀飼安格斯8安士配燒汁 🥩 💰$181Order 左5成熟肉質唔會好硬，但算唔上嫩滑，都ok喇~-蒜香欖菜鮮蝦意大利粉🍤 💰$92蒜香味濃☺️蝦大大粒！但味道略鹹🤏🏻- 香烤BBQ風味雞翼🍗 💰$42雞皮炸得香脆，內裏鮮嫩多汁☺️👍🏻- Fresh Grapefruit Pomelo Soda 🥤（跟餐）幾fresh☺️夏天飲一流！- Iced Fresh Fruit Tea (跟餐)好refreshing！甜度適中👍🏻總結黎講係一間環境好高質 好有渡假feel既cafe☺️至於食物質素就一般般~有唔少人會帶住毛孩黎打個卡📸成件事好可愛🤣有興趣既人不妨黎打個卡喇！

剛好我生日 約了同事去慶生便來到觀塘一間大熱的打卡餐廳平日lunch time 很多人排隊但也很快 可以進去吃中午..店的裝潢 花盡心思🔅🔅🔅將度假風帶到餐廳餐廳以木系設計為主加入3大打卡位 波希米亞風藤椅 乾花大拱門Bali Swing鳥巢籐椅果然捉到女人心 💓💓💓餐廳用QR code落單 方便快捷 而且送餐也很快..🍔泰式豬頸肉菠蘿竹炭漢堡配薯條$102 (有驚喜)同事盛讚這個漢堡竹炭漢堡包我也偷吃了一半 包微微烤過 好鬆脆 竹炭漢堡 完全可以突顯餡料的光芒帶焦香的豬頸肉 配上泰式汁 重點每一塊都很厚實 Juicy🤤肉汁豐腴 加上帶菠蘿、蕃茄、沙律菜 🍅🥬口感豐富 味道有層次而配餐的粗身薯條夠香脆 份量十足🐂香煎澳洲穀飼安格斯8安士配燒汁$158被隔離枱所吸引後下單是食肉獸 必點之選叫了7成熟 肉也是粉粉嫩嫩 牛味也很突出牛扒上配有一顆半熟太陽蛋、開心果碎底下墊有薯蓉跟燒野菜 配甜甜酸酸燒汁 很不錯🍰🎂蘋果金寶火炙焦糖蛋卷$72除了食物甜品亦很多人讚 賣相相當吸引焦糖蛋卷頂部放有一球雲呢拿雪糕外面布一層焦糖包住整個蛋卷 口質微脆蛋卷鬆軟香甜切開中間有玉桂味蘋果粒 但蘋果金寶不夠

週未同閨密黎到呢間好適合打卡嘅餐廳估唔倒佢真人同上鏡一樣咁靚 尤其係張藤椅皇牌Be Leaf全日早餐 ($168)睇相見呢份全日早餐好大堆頭 所以就叫咗黎share有黑松露炒蛋 大啡菇 香腸 烤蕃茄 牛角包仲有煙三文魚 而焗蠔就變咗我更鍾意嘅扇貝 lucky~每樣食材都唔錯 特別係炒蛋又香又滑 大啡菇超juicy香煎慢煮鮮鴨胸 日式珍珠飯配黃咖喱 ($102)外貌協會想讚一下 呢碟加咗花點綴 賣相幾吸引鴨胸份量十足 慢煮嘅關係 所以肉質保持濕潤黃咖喱好香 送飯一流 但亦唔會好重口味蘋果金寶火炙焦糖蛋卷 ($72)呢款甜品感覺冇pancake咁邪惡 除咗上面舊雪糕 味道正正常常 唔會好甜Ice Chocolate ($46) & Strawberry Avocado Smoothie ($52) 兩杯野飲都好靚 尤其係士多啤梨果杯 好岩打卡本身見佢咁粉紅色 都唔期望會飲倒牛油果味點知一飲就有驚喜 兩種水果味好鬼match 

星期六約左朋友黎到觀塘一齊食lunch，1:30到要排四個字先有位。意式巴馬火腿馬蘇里拉芝士薄餅薄餅賣相好吸引，好靚，佢同一般既pizza唔同，食落似軟熟既麵包，加埋啲配料，好好食。皇牌Be Leaf 全日早餐真心好豐富，有扇貝真係令我喜出望外，仲有炒蛋，大啡菇、番茄、腸、煙三文魚、牛角包、沙律菜，相當飽肚。焙茶軟心巴斯克烤微焦芝士蛋糕蛋糕切開有流心效果，焙茶味有，蛋糕幼滑，唔甜又好好味。Strawberry Avocado Smoothie同Fresh Grapefruit Pomelo Soda，兩杯野飲都整到好靚。

今日帶媽媽去觀塘海濱行下，中間經過間靚靚打卡餐廳，非常吸晴！坐底食左個late lunch😋 以為只係打卡cafe，但估唔到d野食又幾好食啵。力推墨魚忌廉意大利飯！飯粒粒分明好入味，熱辣辣食會好味啲。墨魚味都好出！墨魚切粒食，容易入口，建議一定要食呢個！ 第二樣我哋叫咗泰式香茅雞扒煎太陽蛋飯，有埋菜附送，泰式汁醬好開胃！份量都好多，但相比下都係鐘意墨魚🦑多d 😝 飲品喜歡我自己叫既士多啤梨avocado smoothie 🥰 仲有媽媽叫嘅hot chocolate. 非常夏日同chill 😉 最後我估係餐廳既拿手菜，焦糖味班cake！佢打咗好多空氣係入邊所以係好彈性，彈下彈下hahaha 食落好軟熟。鍾意食甜品嘅一定要叫呀！ 埋單人均$200左右，但可以打卡加d野食都唔錯，仲要食到勁飽.. 所以都值得一去既🙂

觀塘呢間以渡假勝地峇里作藍本既cafe, 裝修真係花盡心思，擺設具有波希米亞特色，整間cafe充滿異國風情，真係有種去左旅行既感覺Roasted Sweet Potato with Pineapple & Honey Mustard Roasted Chicken沙律菜佔左大多數，有燒過既菠蘿、藍莓、番薯，雞肉，仲有d芝士，成個沙律既配搭係幾健康，味道都好light，不過個菠蘿好酸，有少少影響左整體味道Pan fried Australian Corn-fed Angus Steak (80z) with Brown Sauce叫左medium黎到係近乎medium rare至medium既熟度，係生左少少但可以接受，但成塊牛扒煎得唔夠香，食唔到牛扒應有既油香，仲有隻煎蛋同牛扒好唔夾，完全滿足唔到我Soup of the day今日係番茄忌廉湯，番茄加上忌廉，味道酸酸地咁幾開胃，仲有蒜蓉包跟埋，都幾香幾好食Green Tea Tropical用上有機綠茶茶包，養生又健康Iced Fresh Fruit Tea跟餐既水果茶，想搵粒水果都無既，茶味唔算香，果味亦都唔濃郁環境係非常不錯，但食