Be Leaf (已結業)

Be Leaf (觀塘)📍觀塘敬業街55號皇廷廣場地下2號舖━━━━━━━━━━━━━━━━━━━━━━━━━━━嗰日係OpenRice見到下午茶甜品set做緊半價 折完$164未加一 有三項自選甜品加兩杯嘢飲 仲可以加$58轉一份甜品做梳乎里🤩 不過都係寫返原價參考━━━━━━━━━━━━━━━━━━━━━━━━━━━🍰 焙茶軟心巴斯克烤微焦芝士蛋糕 $52 ▶︎ 焙茶味嘅巴斯克芝士蛋糕 其實送上嚟有少少失望 以為軟心係會有少少流質 但係好固體😧▶︎ 味道上嚟講都唔錯 幾有焙茶味 不過濃茶控應該會覺得淡 唔會過甜 ▶︎ 中間比較順滑而四周就有少少蛋糕感 如果佢可以流心會更加驚喜🫣好味指數:●●●●○━━━━━━━━━━━━━━━━━━━━━━━━━━━━🧁 蘋果金寶火炙焦糖蛋卷配雲呢拿雪糕 $72 ▶︎ 卷蛋入面包住蘋果金寶同薄薄嘅cream 外圍有一層薄薄嘅焦糖 上面就有雲呢拿雪糕 餅乾碎同蘋果粒 ▶︎ 蛋糕濕潤綿軟 蛋味充足 不過質感似乎太過厚實 有啲似包裝蛋糕嗰種 入面嘅cream唔甜但唔夠輕盈 所以比較漏 蘋果金寶偏甜 加埋所有element嚟食會覺得偏甜咗🥲▶︎ 分量都幾大 食到最後會

不過不失的一餐,意粉比較油,龍蝦飯有啲特別,價錢都算優惠,叫咗四樣嘢食完全食唔晒,買單唔使$600,食咗一個意粉，一個龍蝦飯，一個小食拼盤，同埋一個甜品,環境都幾舒適,可以try try

琴日聖誕節正日下午茶時段三四點左右同老婆係觀塘搵食，睇OpenRice見呢一間餐廳評價唔錯，賣相唔差諗住試一試，同老婆喺聖誕節食返餐好嘅慶祝一下。由於今日係聖誕節成日見佢個餐單檔同OpenRice平日嘅餐單唔同，價錢似乎亦都比平日貴少少。我哋兩個人叫咗一個非凡全日早餐，呢一個餐跟一個是一餐任配香煎刺身帶子蘆筍半海膽醬再加一個全日早餐價錢係$208。另一個餐就叫咗香煎北海道帶子蟹籽凱美魚湯意大利飯，呢個餐都係跟返一個是日餐湯配香煎刺身帶子蘆筍拌海膽醬，呢個餐就要$178，另外再叫多咗個熱朱古力要$56。加埋一全餐要$486買單。食物不錯，但個意大利飯略嫌太鹹，過完朱古力就冇乜特別，$56就略嫌太貴，整體而言呢個價錢性價比有啲低。食完老婆幫手埋單，負責收銀嘅男職員（似乎係經理唔係着制服嘅），突然質問我話點解係女人買單唔係男人買，我第一時間以為佢講笑，但我見佢表情聽佢語氣唔係講笑而係好串同帶有惡意。我唔明白點解一間餐廳嘅經理或者職員態度會咁差侮辱同串顧客。依家諗返起都好嬲好受氣，以後一定不會再幫襯！！！

聖誕好多間餐廳都充滿晒特色今日就特登同朋友嚟咗間打卡同嘢食都非常出名嘅觀塘咖啡店首先一定要讚吓呢度嗰個打卡位成個鳥巢俾你哋可以坐喺入邊側邊佈滿晒燈飾完全好似自己身在國外當中食物方面因想好好慶祝聖誕我地叫左好多意大利黑醋一字豬肋骨be leaf小食拼盤香煎海鮮蝶荳花意大利飯同埋一個熱飲蔓越莓玫瑰紅粟茶一個就凍飲Grapefruit Summer一上枱已經覺得佢哋個個個樣好靚仔意大利黑醋一字豬肋骨黑醋巧妙令豬肋骨唔會油膩又唔會酸仲有靚靚既食用花be leaf小食拼盤依個小食拼盤，真係好多元化魷魚圈單骨雞翼沙律全部都有仲有兩個調味醬香煎海鮮蝶荳花意大利飯因為加咗蝶荳花成個飯粉藍色好靚仲有不同的海鮮飯吸收海鮮味味道佳蔓越莓玫瑰紅粟茶十分養生仲有淡淡花茶香Grapefruit Summer西柚味道清新，唔會好甜好好入口，個人大推

初初係因為網上見打卡位好靚 所以去試食其實食物係正常 但價錢偏貴 所以覺得唔值佢得個門口位係靚 入面坐位就一般般最唔滿意係個日坐張枱勁細張我地又叫左2個餐 2杯野飲 同小食其實好迫 根本唔夠位 問佢可唔可以轉位我見有幾張空枱 又出面無人排隊 但職員表示唔可以轉位 覺得佢好唔識do我迫住拿拿聲咁食埋呢一餐 其實之前都試過打電話去問餐廳資訊唔知係忙定點 啲態度都麻麻地 有時食好西 除左食物質素 價錢同環境服務態度都好重要 餐飯食得唔開心 內心同自己講 一定唔會再來呢間野

位於觀塘敬業街嘅隱世文青cafe 餐廳設計幾有文青feel 以簡約北歐風為主題 木紋作主調 配合精緻嘅裝飾同餐具 感覺幾chill幾舒服 同出面觀塘工業區嘅繁忙景象迥然有異-🥟黑松露鮮蝦雜菌小雲吞配XO醬牛油汁 $88依道小食幾特別 中式鮮蝦小雲吞配XO醬再加忌廉湯底同埋黑松露醬 小雲吞皮薄餡靚 有微微黑松露味 賣相吸引-🍢泰式串燒拼盤 $168串燒拼盤好豐富 共5款串燒小食 有豬肉串雞肉串燒蝦燒菠蘿同埋燒蝦餅 特別鐘意點個甜酸醬 -🍝香煎羊肚菌意式煙肉菠菜意大利麵 $138依味vegan嘅意粉 材料好green 意粉口感幾彈口 -🫖薑蜜紅茶 $42係凍冰冰嘅天氣下飲杯熱嘅薑蜜紅茶非常舒服 茶底幾濃 薑味唔算好重 加左蜜糖就令到薑味無咁辣 飲左一杯全身即刻暖晒 載紅茶嘅透明玻璃器皿亦好好igable -🍵熱黑糖焙茶鮮奶 $44好欣賞barrister好有心機咁樣係latte上畫嘅個朵玫瑰花 🌹真係超級靚 焙茶鮮奶嘅黑糖味好重 好sweet好好飲

冬至大過年，加上友人生日，本來老细請食飯，点知老细失聲喉嚨痛，改期我地自己食，臨時臨急openrice book枱。門口已經系打卡位，食物色香味高水準。擺碟garnish 一流，用料也上乘。唯一小小挑踢前菜冷盆有小小失色，凍三文魚有小小凍腥。沙津無得頂，連黑蒜也額外有層次，友人不吃黑蒜也大讚。再上的龍蝦湯，個壺本身坐熱，湯的温度保持到，湯味濃郁，唯獨texture 吾夠厚。西冷扒juicy, gravy 有牛尾及herbs慢煮豬嫩滑，無肉腥味，honey mustard 夠討好中和油膩感。上面的青瓜及南乾是擺碟靚，不宜食用太乾硬，食用花添加美感，而冰菜墊底更顯高級，好心果碎及玫瑰碎加添果香花香，滿足色香味的享受。最後Christmas menu 仲有apple crumble cake, 除左有xmas decoration 外，知道友人生日仲寫埋字點埋蠟燭，呢個甜品一流, 非一般咁簡單，下次來要試下tea menu, 有cake set.完美的過冬生日飯。

📍香煎白鱈魚柳配自家製橄欖杏仁醬香煎魚柳，魚肉滑嫩，配埋獨特嘅醬汁，豐富口感，而且味道好夾。📍香煎北海道刺身帶子蟹肉忌廉意大利飯大大舊嘅帶子，滿滿嘅蟹肉味，鮮甜濃郁，撈埋意大利飯係最好嘅配搭。📍Be leaf小食拼盤小食咁多點揀，揀拼盤就唔洗諗啦，咩都試下。炸物上枱夠熱，外脆表面，內餡依然有咬感，不會太乾。📍Strawberry Avocado Smoothie📍Grapefruit Summer🔹🔹🔹🔹🔹🔹🔹🔹🔹🔹Be Leaf (觀塘)觀塘敬業街55號皇廷廣場地下2號舖🔸🔸🔸🔸🔸🔸🔸🔸🔸🔸#觀塘好食 #觀塘食好西

這間人氣餐廳我已經想去很久呢！之前曾經打電話想預約，不過已經無位置了～這次終於有機會來到。打咭位好美啊😍現在臨近聖誕，餐廳已經換上聖誕佈置，十分有氣氛呢！而餐廳有室內和室外位置，用上籐椅、椰樹等設計，充滿渡假風感覺。我們二人各了一個主食、一杯飲品，還有一個甜品。♡法式奶油燴和牛肉丸配日式珍珠飯$131 🥢必點🥢配有是日餐湯南瓜忌廉湯🥣。法式奶油醬汁味道很香濃，味道調得剛好，吃下不會覺得膩，而肉丸更用上和牛製成的啊！內裡還有薯仔，加上醬汁，配上珍珠飯吃一流呢～♡香烤露絲瑪利春雞伴薯條配燒汁(半隻)$166配有是日餐湯南瓜忌廉湯🥣以及是日前菜有泡菜、木耳、芽菜和豆乾～看到露絲瑪利這個名稱覺得很有趣，原來是迷迭香的別稱，是一種香料來的呢～經烤過的春雞外皮呈金黃色，肉質幼嫩，而薯條🍟份量都不少啊～旁邊還有新鮮的沙律🥗和車厘茄伴碟，減低邪惡感。♡鹽漬櫻花柚子梳打$33是新糸列的飲品啊～清新味道的柚子梳打，帶有點櫻花🌸的香味。♡醇香暖心❤️薑蜜紅茶$28蜜糖另外用小容器附上，可以隨個人喜好添加，反正我就把全部倒了，但放心完全不會太甜的啊！這款茶飲非常適合現在的天氣喝，滋潤又暖胃。♡自家製美國核桃巧克

相約好友見面，佢知道我鍾意打卡影相，就建議我去呢間餐廳。而家嘅打卡餐廳，除咗食物精美之外，重要嘅係一定有啲影相嘅佈置，而呢間餐廳嘅影相佈置，亦都真係唔錯。講返食物先，打卡餐廳嘅食物就算唔好食，亦都需要一個字，就係靚，而我哋叫咗嘅Pizza同埋多士，上枱嘅時候，亦都冇令人失望，顏色鮮艷，多種食材配搭鋪排得非常精緻。好多打卡餐廳嘅嘢食，得個靚字，所以其實本身都冇乜期望。點知可能係冇期望之下，真係有意外驚喜，兩樣食物，都食得出花咗心思去煮，口感層次都好豐富，多士同埋薄餅底都係又香又脆，調味亦非常得當，值得推介。

位於觀塘既be leaf 啱晒打卡 好似去咗峇里島旅行咁 木系半開放式嘅設計 加上餐廳入面燈光柔和令到空間感好夠 成件事好relax 🌾🥥餐廳只可以walk in 我地一行3人加一隻小狗🐶只可以坐outdoor 位 我地等左一陣就入得 但用餐時間只有80分鐘(入坐起開始計 建議齊人先入)🥺食物方面 我覺得質數係ok的 但份量略嫌小 價錢偏貴 我地分別叫左: 💛粗薯條配松露蛋黃醬松露醬係做得唔錯的 好香黑松露味 點薯條味道幾特別💛蒜香欖菜鮮蝦意大利麵蝦肉爽口 但只得3隻 蒜香味重 好惹味 但每人食左一啖左右就冇了💛意式巴馬火腿馬蘇里芝士pizza餅底鬆厚 焗得香脆 芝士味濃 仲擺左d爆谷喺面 食落去都有驚喜 飲品方面:💛Ice Fresh Fruit Tea💛Papaya Mango Smoothie💛Ice Thai Milk Tea味道ok 用黎打卡一流 👍🏻

哩間cafe 之前見到好多post 介紹，好精緻，一直都係我嘅to go list. 一入門口已經見到好靚嘅怖置，仲未坐低已經想周圍衝去影相🤭 Be Leaf 小食拼盤 炸洋蔥圈｜魚餅｜水牛雞翼佢嘅水牛雞翼唔太辣，係我怕辣都絕對handle 到嘅程度，酸辣酸辣咁，超開胃👍🏻洋蔥圈同魚餅都好香口，仲有沙律菜配合，中和番成件事無咁罪惡，同朋友仔一人一d. 好快就清曬。墨西哥芝士粟米片配牛油果醬配酸忌廉蕃茄莎莎芝士係鋪滿曬成個碟，成個份量好多，d 粟米片食到底都仲係好脆，正！虎蝦意式蕃茄芝士意大利飯賣相好IG able, 有2 隻大大嘅虎蝦，意大利飯注入濃郁蕃茄味，係哩d 咁凍嘅天氣食番個熱辣辣嘅飯，讚👍🏻鹽漬櫻花柚子梳打少少咸咸地，加埋柚子，甜甜咸咸咁，感覺幾新穎蔓越莓玫瑰紅棗茶哩個注重養生嘅我，唔知大家知唔知，蔓越莓係女仔嘅恩物，具有抗氧化嘅功效！係正野黎嫁！ 最後補多幾張打卡靚相俾大家睇下啦🥰

之前都黎過d 間歺廳食， 已經覺得好靚， 忍唔住會狂打卡， 今日我個朋友係外國返黎， 尊登帶佢黎, 佢都好鍾意，剛好轉咗聖誕裝飾， 滿有聖誕氣氛， 對住靚靚環境係到食野心情都特別輕鬆愉快.今次叫咗個~香烤露絲瑪利春雞伴薯條配燒汁，雞烤得幾嫩， 個皮脆脆地， 有半隻，記住加埋個汁一齊食，薯條份量多， 即炸，大條有口感.~黑糖焙茶鮮奶，甜度適中，黑糖， 焙茶同鮮奶三個味都出，夾埋一齊係一個幾特別的配搭， 我個人好鍾意， 有驚喜.~香蒜欖油牛肝菌鮮大蝦意大利麵， 重蒜香味， 炒得好惹味，大蝦大隻彈牙， 推介.~蔓越莓玫瑰紅棗茶， 酸酸甜甜， 啖啖玫瑰香~泰式斑斕巴斯克微焦芝士蛋糕， 唔流， 第一次食斑斕味，口感唔錯.一定會再來~

Bookmark咗好一陣子 終於去咗食～又係生日飯 甜品可以寫字+蠟燭食物選擇幾多元化 除咗意粉 漢堡包 仲有飯!整體質素都幾高😋室外係pet-friendly 可以帶主子一齊chill～而家已經有聖誕decoration 好靚好打卡able!聖誕/ 慶祝都可以考慮呢間～-🐔【招牌花膠手撕口水雞配日式珍珠飯】$102✨推薦✨本身好掙扎叫飯/ 意粉 有啲擔心cafe食口水雞會伏但… 好彩有叫！好出色呀😋😋😋上枱已經覺得好吸引 勁香!!!口水雞份量好多 每件都幾滑口水汁重口味 勁惹味 撈飯食一流！-🍔【經典和牛大啡菇芝士漢堡配薯條】$158超厚超足料嘅burger !!! 成個burger好juicy 漢堡扒有牛味🤤最鍾意加咗大啡菇同炸洋蔥圈 口感味道都好豐富😋伴碟仲有薯條 大滿足～-🍰【蘋果金寶火灸焦糖蛋卷配Movenpick 雪糕】$72蛋卷+雪糕+肉桂蘋果 成個配搭好夾✨甜品仲可以寫字 慶祝一流！不過呢款食落有啲普通 疏乎厘pancake可能更好-🍓【Strawberry Avocado Smoothie】$52超杰身勁飽嘅smoothie 建議2個人share-✨推薦指數：8/10

難得朋友返工個lunch時間可以好彈性梗係約佢出嚟食tea啦呢間打卡cafe已經一直想試而家終於係時候喇閒日食tea真係比較少人啲除左環境靚 食物出品都唔錯招牌手撕口水雞配日式珍珠飯飯粒分明 手撕雞小辣好惹味 雞肉嫩得黎有咬口適合想食辣但係又唔係太食得辣嘅朋友經典芝士和牛漢堡配薯條漢堡包外脆內軟 質地恰到好處漢堡扒厚 2個人食岩岩好薯條好好食 凍咗都仲脆鹽漬櫻花柚子梳打佢同普通柚子梳打有啲分別因為佢有輕微嘅鹹味所以令到飲落去多一個層次 甜味亦都唔係太強啱啱好蔓越莓玫瑰紅棗茶聽個名已經覺得好滋補冬天飲養生茶就最好㗎喇呢個茶有紅棗就啱曬女人保養啦一嚟到嘅時候花香撲鼻味道微甜