BB辣

营业中

休息中

聽聞這間隱藏在工廈地庫以川味菜主打的小店水準不錯, 今日终可一試, 單看牆上推介便知強項。第一道菜是招牌必食之一酸菜魚，辣度五级可自選，我倆人只點例牌已覺份量足夠，客人亦可選加大版呢，麻辣配酸菜效果極佳，魚片新鮮又爽口，湯内豆芽粉皮作伴令整味菜更有口感。再試了兩個小炒，本想點干煸四季豆但缺貨，改要清炒萵筍片及熗炒油麥菜, 萵筍清甜香爽，熗炒用花椒起鑊令油麥菜香味四溢而不辣，值得一讚。川味菜濃沃口味，我和太座少有地叫了餐飲，柑桔酸梅湯及咸檸檬梳打，令舌頭舒緩不少。又是一餐有回憶的晚飯。

今日天氣突然凍了好多，路過見到呢間「BB辣」的廣告牌幾吸引，喜歡食辣野既我同朋友就即管試吓！加上食辣也是暖身一個不錯的選擇！一入店內，覺得店內空間很寬敞，光線很光明，很舒服！夫妻肺片（少辣）夫妻肺片每片大而薄，配上红油和酱油，恰到好處，十分惹味！麻辣水煮魚我們叫了中辣的麻辣水煮魚，每片魚肉完全吸收麻辣湯汁，食起來會食到啖啖辣味和魚肉的口感很滑嫩，再加上煲內巳有多種配料，有金菇，芽菜，芫荽，寬粉等等，全部和香麻的滋味很合拍！之後我們直接把水煮魚的鍋底當成麻辣鍋，加點火鍋配料打邊爐！我們點了手切肥牛及萵筍片！ 火鍋料份量很充足， 肥牛不但看起來相當誘人，食落去牛很有有質素，油脂適量，肉味又很濃郁。而萵筍切得簿簿均勻，而由於萵筍非常易入味，波入麻辣火鍋中，簡單令我食不停口！

和友人來到了位於荔枝角這間BB辣，久嚐了正宗的川菜，這間舖頭主打的是四川風味菜，也有特色雞煲邊爐。我們還是點了小菜來吃。我們點了半隻無骨口水雞，例牌酸菜桂花魚，炸饅頭，手撕包菜。食物方面：無骨口水雞，醬汁豐滿，雞肉鮮嫩，店家很貼心地去了骨，食的時候超級方便酸菜魚，豐富材料，有豆芽、水晶寬粉，而且份量十足，即使是例牌也有很多魚塊。炸饅頭，香脆可口，配上煉奶，十分推薦！手撕包菜，酸辣適中！我們還是了招牌菊花蜜，十分下火但是較甜。侍應們服務態度很好，值得一讚

今天下班後，時間尚早，便約了朋友到荔枝角站附近的「BB辣」川菜館。記得上次到來的時候，還是禁晚市堂食，只好買外賣回家。嘗過之後，覺得味道不錯，今次再來幫襯堂食。我們看見餐牌，毫不猶疑地點了二人套餐，當中包括前菜、主菜一及二、甜品（全部二選一）和加8元一瓶自家製涼茶。“蒜蓉黃瓜”，清脆爽口，加上微辣的蒜蓉味，非常開胃。“必食酸菜魚”，說到必食，當然是招牌菜了。魚肉很嫩滑，配料除了鹹酸菜外，還有大豆芽、粉皮、芫荽、菊花、金菇菜等。魚湯的味道調校得相當好，不鹹不膩。“蔥爆牛肉”，炒得很香，很夠鑊氣。大蔥爽口，牛肉嫩而不老，但有質感，非常好味。“黑糖糍粑”，外皮鬆化，內裏軟綿綿，是非常可口的甜品。“杞子六花茶”和“銀花雞骨草”，真是地地道道的涼茶，絕對不是一般甜耶耶的飲品，值得一試。很多人都以為川菜一定是麻辣，但「BB辣」的川菜卻說明了一點：微辣的餸菜更能讓人品嘗它的原味。

今日同朋友起荔枝角香工買平靚正衫。行完搵晚餐地方，見原來地庫有一間餐廳就入去試。見個2人火鍋套餐有我們至愛的麻辣雞煲，幾吸引就嗌咗。（唔揀雞煲仲可以揀酸菜魚/麻辣水煮魚）火鍋餐跟一碟手切安格斯肥牛，原本以為好細碟，來到原來好大碟，感覺有磅半。雞煲我們嗌咗BB辣，其實比想像中辣，但鍾意食辣的我覺得好正。味道香濃，雞都幾滑，只係略嫌細件左D。食完雞後加湯食火鍋，唔洗豉油都夠味。最驚喜竟然係安格斯牛，好食爽口！食哂整碟真係大滿足。餐牌將肥牛擺配料果行，以為係普通細碟，無唸過咁大碟，睇番原來碟牛都要二舊水，同雞煲都係主角！所以呢個2人餐其實係雙主打，有雞又有牛！最後要讚下個水晶寬粉，好襯雞煲的味，勁彈牙！如果兩個女仔食，其實呢個餐有點多肉，建議其實可以少D牛，但多些配菜，例如加少少餃子/豆皮/响鈴，會更吸引。跟餐加$7有咸檸梳打，以為係比一罐我哋，竟然比冰杯，抵飲！埋單3百幾每人唔洗2舊水，性價比算高。

今晚黎到香工地庫嘅一間川菜食晚餐。主打雞煲、酸菜魚、水煮魚、爐魚等招牌菜單點都幾多選擇，所有菜式都可以揀唔辣、BB辣至大辣！食煲就可以考慮火鍋套餐$368 包一碟肥牛、蔬菜拼盤、水晶寬粉！招牌二人餐靈活度都幾高。無骨口水雞 例$68是晚最出色一道，就因為想食口水雞而無叫雞煲或酸菜魚打邊爐，變了散叫。雞皮薄肉質嫩滑，重點無骨啖啖肉。炸三鮮餃 $36/6隻食落菇菌類味道較濃郁，皮薄酥脆。脆香雞軟骨 $55雞軟骨炸漿唔算厚粉，都夠熱辣辣。麻辣海蜇 $38 可選麻油唔辣口味，份量都幾多！仲有青瓜絲墊底～回鍋肉 $78 相對來說甘多碟較為遜色嘅一碟，味道是好，但火喉有點過，回鍋肉質地偏硬左。BB辣炒飯 $65 用左酸菜同牛肉做配料，感覺都幾襯川菜店出品，而且都幾惹味！

天氣涼涼地最好就食下辣野,今日係荔枝角做完國就黎BB辣買辣野番屋企食!今次買左好多野食!有.......回鍋肉(小辣)$78,麻婆豆腐(小辣)$65,農家小炒肉(小辣)$78,蕃茄炒蛋$66,蔥爆牛肉(小辣)$89咁多餸都只係$379!回鍋肉辣味到位,豬腩肉又爽口,不覺肥膩,餸飯一流麻婆豆腐醒胃醒神,豆腐充滿左辣椒味,伴埋豬肉碎,完美組合!農家小炒肉別有一番風味,肉質細嫩,麻辣鮮香,滑嫩適口!蕃茄炒蛋充滿新鮮蕃茄既炒蛋,已分不出那是主角!只係覺得又健康又好味!蔥爆牛肉牛肉好juicy,加上大蔥既香味,又辣又香!食到停唔到口!我地真係好鐘意食...so yummy

再次去到這裡吃東西，午市時間人流很多，無論是外賣/堂食也是很多人的。看看餐牌發現餐單不同了，新增了多款小吃😍，還有午市套餐供應。💥酸菜魚(例牌) HKD$168，採用生魚但魚肉嫰滑，有少許骨是正常的，因為生魚是很多骨。而味道可自行選擇不同的辣度，口味較大眾化🤤。魚肉份量挻多的，酸酸辣辣的味道很開胃😋。吸入湯汁的粗薯粉拌著來吃，口感煙韌入味又飽肚🙈。💥黑糖糍粑(大) HKD$36，這個小吃用來解辣確實不錯🤭，擺盤放到挻特別的感覺，大份版本有很多呢。黑糖糍粑的外皮是外脆內軟口感煙韌，配合黑糖醬吃味道更棒呢🤤。💥脆香雞軟骨 HKD$55，這個小吃靜靜也很喜歡吃的，份量挻多的。雞軟骨的口感煙韌脆卜卜，直接吃口感挻酥脆🤤，很快就被吃光光了。💥炸小饅頭 HKD$32，這個一份有6件，小饅頭被炸到金黃色，賣相挻吸引呢😍。這個簡單地吃口感很棒，另有煉奶拌著來吃，味道甜甜的更棒🤭。

想食雞煲，外賣返屋企食，就夠晒安全～等緊拎嘢食嘅時候見有其他人訂盆菜，同埋叫酸菜魚，睇嚟依間餐廳都幾受大家歡迎，啱晒唔同人嘅口味😄😄重慶麻辣鮑魚雞煲鮑魚雞煲無論係揀半份 定係一份，都係有四隻新鮮鮑魚👍🏼👍🏼 二/四個人食就啱啱好😁😁鮑魚都幾大隻，鮮甜！至於雞就比較入味，叫咗小辣，啱啱好👍🏼👍🏼唔洗辣到狂飲水。配埋面頭嘅芫荽一齊食，又夠清新～～ 如果可以多啲洋蔥或者其他配菜，相信會更加好食😋我仲另外加咗一份豬腩肉，份量都幾多㗎，豬腩肉勝在口感夠晒爽😛😛同雞煲味道都幾夾。牛展超正♥️♥️♥️係用夫妻肺片嘅汁非常入味，而且有啲部位直頭琳琳地，索晒啲汁！ 個人認為，放落雪櫃雪一陣間，涼涼地仲更加好食😋

今日晏晝要去荔枝角交文件，交完可以直接放工唔需要回公司，快快手做完到附近香工逛逛街買新衫過年。原來香工附近開了很多食店，而且全部感覺都很不錯，一於今晚買外賣回家吧！地庫隱藏了一間麻辣小店，餐牌選擇多而且外賣還有85折優惠，非常抵喔！無骨口水雞雞肉已經全部起晒骨，雞肉鮮嫩可口，口水雞醬汁麻香辛辣，香氣撲鼻。夫妻肺片材料非常豐富，有豬脷、牛𦟌，牛肚等等，各種食材都充滿麻辣香味，豬脷軟淋軟滑，牛𦟌爽口彈牙，牛肚爽脆鮮嫩，每一種都非常喜愛。麻辣手撕雞雞肉鮮味十足，肉質比較有咬口，配上麻辣醬汁，又香又麻感覺超正，而且味道都非常好。酸菜魚（例牌）份量非常之多，整整一大盒魚片再加上其他豐富材料，湯頭另外用碗盛裝，回到家中再倒入魚片內就可以，魚片肉質鮮嫩滑溜，魚肉鮮甜，酸菜味道恰到好處，芽菜爽口新鮮，薯粉口感煙靱有咬口，堅正呀！

意外嗌左呢個外賣，又幾好食喎講左重頭戲既酸菜魚先一開頭食左面頭幾塊魚片覺得雖然好食但冇乜辣味，跟住將佢地撈落去索下味先食就辣啲好味啲，之後撩左原先下面個啲魚出黎食就好味得多，夠辣果然好過癮下面仲有幾條水晶寬粉，好好味食左少少蔥爆牛肉，冇乜深刻印象，不過不失咁啦😂可能辣啲會好啲，不過男朋友唔食得太辣😂冇辦法啦😂😂兩樣小食炸花枝丸同炸墨魚餅都係普普通通🙈

上星期六點多左右在荔枝角下班，疫情關係已經不能在外解決晚飯問題，只能夠買外賣回家，剛好留意到這一家位於地庫的餐廳，之前已聽過在附近上班的朋友聽說過這一間的酸菜魚令人回味，於是便買外賣回家一試算是比較正宗的川菜餐廳，提供不少川式小菜，另外幔子亦提供套餐回到家後馬上打開酸菜魚，仍然是熱辣辣的溫度，另外魚肉和酸菜的份量也多，這個價錢絕對性價比高，湯底酸味和金湯本應的味道十足，配搭大量的酸菜和配搭水晶粉，分量令人滿足，二三人也絕對夠吃口水雞同樣令人驚喜，半隻雞的份量，雞肉黃油味重，配搭芝麻味和辣味調得剛好的紅油，非常滿意酸辣土豆絲，每次吃川菜餐廳必點的菜色，土豆絲爽脆，酸酸的味道令人開胃，配搭白飯一流

荔枝角上班的朋友介紹這家川菜小店，本人於是便慕名而來，買了一些外賣回家跟太太一起食位置：位於香工C座地庫，有點難找環境：店面挺大，位置多且感覺舒適服務：傳統家庭式作業，人情味濃食物：川菜口味為主，味道正宗必食酸菜魚（例牌）$170分開外賣盒擺放湯及酸菜魚的餸菜，挺細心酸菜魚份量頗多，魚很新鮮有口感整體味道酸中帶辣，非常開胃而底層加入了粗身的涼粉，把湯的酸辣味吸收後很惹味重慶麻辣雞煲（半份）$150同樣份量不少，用上大量雞件配合重慶麻辣的辣椒及花椒炒既麻且辣，香氣十足，相當過癮無骨口水雞（例牌）$69香辣入味的口水雞，而且由於已去骨一件件佈滿辣汁的雞肉，真的很配白飯總括而言，這家川菜小店整體味道不錯，而且亦挺舒適，喜歡吃辣的朋友真的可以來試試

喜歡吃辣的嗎？那你喜歡吃勁辣？大辣？中辣？小辣？若喜歡的話，那你一定要試試「BB辣」了！「BB辣」是一間位於茘枝角工業大廈內的一間食肆。店內裝修簡約，清潔乾淨，侍應有禮，給人的印象不錯！此店食物辣的層次是可以依你心意調校的（走辣也可），隨你喜歡！經量度體溫後，便到收銀處落單和付款（買外賣），我們叫了必食麻辣水煮魚，口水雞（例），水晶寬粉（我們選擇未煮的，回家後再加入水煮魚內煮），黑糖糍粑和泡椒牛肉。必食水煮魚+ 水晶寬粉大大片的魚片，又香又滑，伴以吸收了魚汁和麻辣汁的配菜（芽菜丶金菇丶指天椒🌶️等等），再加上煙韌口感的水晶寬粉，絶佳的配搭！值得推介！回家簡單煮至透明水晶寬粉，再略略加熱湯底，熱乎乎的水煮魚放在枱上，真的很吸引！口水雞（例）爽口嫰滑的雞皮加上入味的雞肉，脆花生和麻辣汁一起吃，令你停不了嘴！黑糖糍粑糍粑外脆內煙韌的口感，蘸著黑糖汁吃，真的想多吃幾口！泡椒牛肉牛肉滑嫩富肉汁，吸收了肉汁的酸菜脆而辣，十分和諧合拍，讚！

如果唔係黎試衫都唔會發現呢間餐廳皆因佢嘅位置實在太隱秘佢喺香公入面之餘仲要喺地庫多得佢喺商場地面嗰層痴左好多廣告比我spot到估唔到貼海報真係work不過都要因為佢係食辣先會吸引到我嘅餐廳間隔類似普通茶餐廳格局都好多卡位下午茶餐好抵食 本身已經唔係貴兩點後仲有八五折真係好抵今次係第二次黎第一次黎係食擔擔麵就比佢嘅擔擔麵吸引左所以今次返黎都係再叫擔擔麵唔知大家有冇同感有時第二次再食會冇第一次食咁好味但呢度果然冇令我失望依然覺得好好食無論麻辣味 定係麻醬味 定係麵身彈牙程度 樣樣都恰到好處配合得天衣無縫好似講到好誇張但真係好好食 佢仲要冇因為價錢平而份量少仲有熱飲送 推介菊蜜 唔係好多餐廳有另外仲叫左口水雞 麻辣肥腸 農家小炒肉 口水雞味道都係好地道 份量一樣唔少 雞肉略嫌唔夠滑 扣左啲分肥腸唔係好肥 唔韌 冇臭壓味小炒肉都好出色 惹味 連啲尖椒 蔥 同埋韭黃 都好好味 雖然地理位置唔就腳但都會再黎下次會想試佢嘅香鍋同酸辣粉