반찬앤쿡 Banchan and Cook (太古城中心)

营业中

休息中

🍴潮味韓食 🇰🇷想吃新潮的韓食，可以一試位於太古城的Banchan & Cook ，餐廳開揚寬敞，採取自助點餐和取餐模式，是一間高質的韓食快餐店。蜜糖炸雞 （無骨） 半份 $108筆者最喜愛的單項，當然是炸雞！ 點選了蜜糖味，炸雞炸得金黃香脆，充滿肉汁，而甜甜的蜜糖味令炸雞更顯得鮮甜美味。炸雞配以香糯的年糕和炸薯條，半份的份量亦充足。芝士泡菜紫菜包飯 $78滿佈芝士的泡菜紫菜包飯，芝士有拉絲效果，泡菜則中和了芝士的肥膩感。謹記襯熱進食，每一口都是滋味。韓式卡邦尼意粉$88忌廉味香濃，配以不少菇類和惹味香口的煙肉脆脆，意粉彈牙，掛汁力高。🔸小總結：餐廳感覺舒適企理，食物用心製作，必再回訪。👅 味道：4.9/5💰CP值：4.7/5🕴🏻服務：4.7/5🔰餐廳環境：4.9/5👀回頭率：4.8/5🍽 餐廳： Banchan and Cook🌐地址: 太古城中心二期二樓222A號舖

同朋友係太古城行街，成日經過都見好多人排隊，今日見少人d就去食下。餐廳本身有好多乾花，比人有小清新嘅感覺，環境舒適。適逢萬聖節餐廳更增添了不少萬聖節的🎃裝飾。店員會安排坐位，睇完餐牌之後就自己點餐及取餐。餐具都是自取的，所以不用加一收費。除咗裝飾之外亦有為萬聖節推出的餐牌。韓式炸雞無骨（半份）有六款口味可供選擇，而我今次就選擇了蜜糖味，炸雞外脆內嫩，充滿蜜糖甜味，而且仲有年糕和薯條作配料。燒醬油黑毛豬白切肉配大醬生菜黑毛豬白切肉，好厚切，肥瘦均勻。仲配有生菜、薄荷葉、泡菜，大醬等等，包住肉一齊食味道好配合。黑色海鮮蛋包飯蛋包飯加入了墨汁，變咗黑色，幾特別。份量都多，另外仲有海鮮，一隻焗大蝦和青口。韓式雜莓牛角包窩夫食落有肉桂香，外脆內軟，口感煙煙韌韌，不會太甜，幾好食。而飲品方面就點了暗黑地獄世界，係萬聖節嘅特色飲品和士多啤梨紅桑子梳打，記得攪拌左先飲，酸甜解渴。

今日收工諗住去太古城行吓，順便去無印良品買嘢，約咗老公喺地鐵站到等，諗住早啲食晚餐，見到有間舖頭都幾正，見唔係太多人，即刻入去坐低叫嘢食，我哋又勁眼闊肚窄，叫咗勁多嘢食🤣🤣➡️黑色海鮮蛋包飯➡️慢煮羊膝配薯條➡️蜂蜜無骨炸雞(半份)➡️韓式雜莓牛角包窩夫🧇➡️暗黑地獄世界 (竹炭牛奶沙冰)➡️士多啤梨紅桑子梳打，碟碟嘅份量都幾大，味道都唔錯，下次可以約埋班朋友一齊嚟食，因為個環境都好正👍👍👍

次次經過都勁多人排隊，主打韓式輕食揉西式料理，供應蛋包飯、炸雞、意粉及甜品等等，坐著清新舒適嘅環境，以cafe自助形式所以唔需要加一服務費👍🏻而臨近萬聖節，除咗喺擺設上加入節日元素外，亦喺menu上加入萬聖節🎃為主題嘅食物同飲料🥤🙌🏻▫️墨汁海鮮大蝦寬條麵 $98擺盤幾靚，煙韌寬條麵加大蝦▫️燒醬油黑毛豬白切肉配大醬生菜 $162推介🌟半肥瘦豬肉好有咬口，包住生菜🥬，可加泡菜韓式大醬食好惹味👍🏻▫️半份無骨韓式蜜糖炸雞 $108外層炸得好香脆，表面封上甜蜜蜜糖，滋味十足，以薯條伴碟▫️烤朱古力棉花糖 $78嗜甜嘅朋友千祈唔好錯過🤤係我食過最好食嘅烤朱古力棉花糖🍫烤得外脆內軟棉花糖，入口軟綿綿，面頭灑上大量朱古力碎糖霜朱古力醬。原來底部仲鋪滿消化餅碎，每啖多重口感，好滿足‼️🎃萬聖節限定飲品👻 🥤暗黑地獄世界 $48竹炭牛奶沙冰，黑色竹炭沙冰配牛奶，味道比較淡🥤科學怪人之夜 $48竹炭抹茶層次分明，加入南瓜籽增加口感，賣相唔錯👍🏻

太古城中心一間韓式花藝餐廳，雖然話喺太古城中心入邊，但係因為佢係中心嘅邊位，所以係一個舒服安靜嘅環境，而佢由落order，到攞水攞餐具，到最後出去攞返你嘅食物都係自助嘅，所以呢度係唔收服務費，所以lunch time 都幾多人㗎！食物。。。。。。。。。。。。。烤牛肉蛋包飯 $98慢煮雞胸蛋包飯 $105泡菜燉五花肉蛋包飯 $105- 佢嘅蛋包飯係你切開後仲有蛋漿係入面滲入飯度嘅😋- 牛肉夠味又夠霖👍🏻- 雞胸嫩滑👍🏻- 五花肉趁住泡菜又唔會太肥膩👍🏻- 所以三個都好好食👍🏻部隊鍋拉麵 $98- 超足料，不過都幾辣，所以平日唔食得好辣嘅人就千祈唔好叫啦醬油蒜頭炸雞半份 $108- 炸雞好味，仲有幾舊年糕襯托着，真係冇得輸白桃梳打 $42凍蜜桃茶 $42- 嘢飲用膠杯，價錢相對就偏高啦！總括嚟講，地點方便，環境舒服，價錢合理，會係一個好嘅聚腳點

今日因為工作關係黎到我極少踏足既太古😅 (申利:九龍人😂) 前一日就OpenRice 睇定lunch食乜好，第一間就係呢間Banchan & cook，銅鑼灣同東涌都有分店嫁😬 無乜耐性既我就係唔鐘意排隊囉😞 無得訂座🤦🏿‍♀️ 12點20分到竟然見到只係排第4張仲要10分鐘就入到，真好彩仲比4人圓枱我地兩個人坐😬睇完menu 就出去落order同比錢，水同餐具就自助的😌1️⃣黑色海鮮蛋包飯 $125萬聖節限定黎嫁，黑色既蛋真係夠哂嚇人😆 蛋夠滑，西式炒飯底好香同幾大份，但海鮮反而扣左分，蝦好硬青口更嚇人，海鮮不再鮮😖2️⃣ 韓式炸雞(柑橘炸雞+芝士炸雞無骨全份) $208等緊位個陣見好多人都叫炸雞，一支支炸雞咁企哂係度擺得好型，但仲有工作係身唔方便食有骨既雞就叫左懶人雞(無骨)🤣雞夠滑夠juicy👍🏻 柑橘味比較特別，甜甜地好醒胃好fresh🤩 但芝士味就落勁多粉，比較普通。炸雞仲配左年糕同沙律，係紅菜頭黎嫁，好好味🥰3️⃣科學怪人之夜 $48今次萬聖節野飲都有限定，分別叫”暗黑地獄世界”同我呢杯叫”科學怪人之夜”。由竹炭同抹茶組合而成。可惜成杯野都淡而無味，好失望呀😔如果下次見到唔洗排隊我都會再

這間Banchan & Cook 是一間韓式小清新Cafe, 格局乾淨舒適，菜式溶合韓式及西式文化，包括各式飯類、意粉、甜點等。當中以蛋包飯及炸雞最受歡迎。餐廳是自助形式，沒有加一服務費。萬聖節將至，所以餐廳在擺設及餐單上都加入了節日的原素，還提供免費face painting, 吸引了不少小朋友參加。期間限定之暗黑系的黑色海鮮蛋包飯（$125)很有萬聖節氣氛。圓潤飽滿的黑色蛋皮舖在番茄炒飯上，配上蕃茄汁，黑紅色的配搭十分應節。海鮮有大蝦及青口，份量大份。另加$48 有是日沙律及飲品。飲品一樣選了一杯有萬聖節氣氛的科學怪人之夜，是由竹炭及抹茶而成的Matcha。而紫色的士多啤梨紅桑子梳打亦很靚。燒醬油黑毛豬白切肉配大醬生菜（$162), 厚身的黑毛豬白切肉脂肪跟瘦肉層層相間，用醬油醃得入味，燒得帶點焦香，配上生菜，蒜片、辣椒粒、泡菜，沾上少許大醬一齊食，好味，又可減少肉的油膩感。半份無骨韓式蜜糖炸雞（$108), 大大份的炸雞起碼有9件，炸得香脆肉嫩，不會太厚粉，無骨食得更方便，更加啖啖肉。蜜糖味甜甜的，另有炸薯條及年糕配襯。韓式雜莓牛角包窩夫（$72), 兩塊熱辣辣鬆軟的窩夫 、內邊

之前食過一次，已經覺得環境好靚，啲嘢又好好食，所以今次係同閨蜜慶祝生日，估唔到有驚喜，係有Halloween主題嘅嘢飲，好特別，閨蜜都表示喜歡可以打卡。墨汁大蝦闊條麵墨汁闊條麵上面鋪滿芝士粉，而且仲有墨汁蘑菇，大大隻蝦，新鮮好味。燒醬油黑毛豬白切肉配大醬生菜好肥美呀黑毛豬白切肉，仲有生菜、芝麻葉、蒜頭片、清陽辣椒及醃蘿蔔絲做配菜，就好似韓國電視節目咁，攞菜包豬肉加大將加蒜頭片又蘿蔔絲，正呀！甜辣無骨炸雞（半份）炸雞一啲都唔辣，醬汁甜甜地，炸得金黃鬆，脆肉質鮮嫩，仲配有年糕及炸薯條。烤朱古力棉花糖呢個朱古力棉花糖一定試吓，幾個朋友仔一齊食，因為份量都幾多，而且甜到入心，入口軟綿綿嘅感覺，配上朱古力喺口入邊溶化，推介！暗黑地獄世界（竹炭牛奶沙冰）科學怪人之夜（竹炭抹茶）整體而言比之前食更加好味，可能之前啱啱開舖啲味道都未拿捏得咁好，但而家食真係好好味，而且仲有新嘅菜式，超級吸引。

太古呢間蛋包飯好似幾吸引，今日路經此地睇下好無食。叫左幾款野食share，價錢ok不用加一。🥢黑色海鮮蛋包飯$125墨汁蛋包飯咸香惹味，炒飯炒得好香🥢墨汁海鮮大蝦寛條麵$98海鮮份量多，墨汁夠creamy,寛條面軟硬適中🥢燒醬油黑毛豬白切肉配大醬生菜$162白切肉大大塊，醃得好份味，配上大醬生菜更添清新🥢海鮮煎蔥餅$89蔥餅煎得十分香脆，唔會好粉🥢炸雞牛角包窩夫$145分別食到三種食物但出奇地幾恰🥢科學怪人之夜$48 / 士多啤梨紅桑子梳打$44仲有幾杯特色halloween飲品

𝐁𝐚𝐧𝐜𝐡𝐚𝐧 𝐀𝐧𝐝 𝐂𝐨𝐨𝐤📍太古城______________________________餐廳環境好靚，燈光好柔和，加埋啲好可愛嘅裝飾，小清新感覺，好舒適餐廳以自助式落單取餐，沒有加一服務費👍🏻______________________________🇰🇷𝓜𝓲𝓼𝓼 𝓛𝓲𝓸𝓷𝓷🦁評分：8.4/10黑色海鮮蛋包飯$125 🌕🌕🌕🌖🌑 (🎃💀萬聖節限👽👻)萬聖節就到啦，餐廳好貼心整左個萬聖節menu，創意又有特色，蛋包飯嘅蛋加入墨魚汁， 好吸睛，海鮮🦞有大蝦同青口，飯就用左蕃茄醬炒過，都幾好味😋加埋面上淋上新鮮番茄肉同汁🍅同少許沙律茶，健康配搭得好好👍🏻芝士泡菜柴菜包飯$78 🌕🌕🌕🌕🌑超級芝味之選，傳統泡菜kimbap加埋超大份量嘅邪惡芝士，芝士份量多到會癡住個碟🤤🧀韓式辣炒年糕$89 🌕🌕🌕🌖年糕較幼身可以吸哂啲甜辣醬，入面有魚糕片，好惹面又甜又辣又有咬口，流口水🤤蜂蜜牛油味韓式炸雞(有骨半份)$118 🌕🌕🌕🌑🌑每份炸雞都有薯條同年糕做配菜，唔好因為佢係配菜而睇少佢地，佢地好好味😋炸雞中規中矩，蜜糖香甜但會令到食落個雞無咩味，以為有骨嘅雞肉會嫩滑啲，點知唔係，而且肉較少，建

呢度無得預先book枱，要walk in等位入座，無加一服務費，所以無論落單丶取餐丶取餐具丶水都係自助。被安排入座後，店員會遞上餐牌，客人自己出去收銀處落單，當個取餐機響嘅時候，客人就自行到取餐處攞食物。黑色海鮮蛋包飯 $125份量多，黑色嘅蛋包飯差唔多係半隻碟咁大慢煮羊膝配薯條 $165羊膝大大件，經過慢煮後，肉質軟腍蜂蜜無骨炸雞(半份) $108甜度超足，無骨炸雞夠方便韓式雜莓牛角包窩夫 $72質感係將牛角包夾成窩夫樣，脆暗黑地獄世界 (竹炭牛奶沙冰) $48士多啤梨紅桑子梳打 $42

一口氣點了黑色海鮮蛋包飯燒醬油黑毛豬白切肉配大醬生菜蜜糖無骨炸雞韓式雜莓牛角包窩夫暗黑地獄世界 (竹炭牛奶沙冰) 士多啤梨紅桑子梳打是有點誇張🙂值得一提黑色蛋包飯其實是墨汁染色，既有墨汁香味，亦保持到滑蛋的軟滑程度，頗為欣賞牛角包窩夫完全俘虜小編的心，外脆內軟固然做到，而且比平常的更要脆，真的有點像牛角包的口感，還帶有肉桂味，必點🙂Please check it out: .Taste: 🥰🥰🥰Igable: 📸📸📸Environment: 🥂🥂🥂🥂.Find more📌📌📌

前日趁住阿媽放假，佢去完行山之後就約佢去太古呢邊食dinner～佢話想食韓國菜🇰🇷朋友推介左呢間韓國餐廳，我哋就揀咗呢間餐廳試吓～墨汁大蝦寬條麵$98黑色嘅寬條麵，有一大隻蝦喺面，擺盤好靚，寬條麵幾有咬口，煙煙韌韌，食落會成口黑色，但係幾特別燒醬油黑毛豬白切肉配大醬生菜$162一大碟醬油黑毛豬白切肉，半肥瘦嘅豬肉咬落啖啖肉，仲有生菜包住，同埋有韓式大醬，食落辣辣地，仲可以包住啲泡菜夾埋一齊食，幾香是日沙律沙律菜有蕃茄仔，生菜等等，唔錯蜜糖韓式炸雞無骨半份$108一大碟炸雞🍗表面有蜜糖，外層脆卜卜，內層係好香嘅炸雞肉，食落幾有咬口，幾好食😋但係幾邪惡，仲有啲薯條伴碟🍟食落幾香口韓式雜莓牛角包窩夫$72好靚嘅牛角包窩夫🧇表面仲有啲雜莓同埋有忌廉伴碟，窩夫幾香脆，甜甜地，作為飯後甜品好好食😋暗黑地獄世界$48個名好特別，其實係竹炭牛奶沙冰，表面係黑色嘅竹炭沙冰，伴住淡淡嘅牛奶🥛唔會覺得甜，唔錯士多啤梨紅桑子梳打$42酸酸甜甜嘅士多啤梨梳打🍓有紅桑子醬喺杯底，幾香甜，幾好飲

早排試過時代廣場既Banchan and Cook，今日係太古城中心見到原來呢度都有，不如又試試！周日午飯時間黎到，排哂長龍，好彩等左15分鐘左右就有位。有位之後就可以去收銀落單，服務員會俾個機仔你，個機響就可以自己去攞野食，不設加一服務費。Banchan and Cook係做韓式fusion菜式。 餐牌有招牌蛋包飯，韓式輕食，韓式年糕及意粉，牛角包窩夫，休閑小食，甜品，炸雞，同各式飲品。主菜可以升級套餐，配是日沙律及推介飲品加$48。今日叫左一款意粉，一份肉，一個小食，一份甜品同兩杯飲品分享。等左一陣就有得攞，分開三轉攞，甜品自動後上。餐具水杯等都係自助。墨汁大蝦寬條麵  $98墨汁大蝦寬條麵原來係Halloween特別版意粉，其實係加左墨汁嘅扁意粉，上面灑上芝士粉。意粉少少鹹，味道調得好，質感好正，非常有咬口。伴碟有一隻連殼大蝦，肉質唔錯而蝦頭有膏，上面仲加左香草。伴碟仲有新鮮沙律菜同兩粒車厘茄，加左極少沙律醬。呢道菜如果熱啲食應該會更加正。燒醬油黑毛豬白切肉配大醬生菜 $182    白切肉即中菜既東坡肉，非常邪惡！呢道菜首先賣相唔錯，燒醬油黑毛豬白切肉一客9件擺到好似把扇，伴碟

萬聖節將至，今次就來到位於太古城中心的BANCHAN & COOK，一嚐期間限定Halloween 新Menu。室內裝潢以明亮淺色的天然木材為主調，走小清新路線，加上樓底夠高，甚具空間感。店內亦放置不少萬聖節裝飾，洋溢著得意又趣怪的節日氣氛。Menu選擇不少，提供各款韓式fushion輕食，有韓牛三文治、蛋包飯、意粉、拉麵，炒年糕、炸雞、甜品等。到收銀處落單就可自選座位，等到感應器振動時就可取餐。食水及餐具放於自助區，不收加一服務費。萬聖節當然少不了以黑色為主的暗黑料理，由一年一度的暗黑饗宴帶來視覺與味覺的雙重驚喜。黑色海鮮蛋包飯 $125黑紅配色相當應節，圓潤飽滿的黑色蛋皮溫柔地包覆著墊底的番茄炒飯。輕輕一劃，墨汁蛋液立刻往兩側攤開，像瀑布一樣緩緩流下，蛋皮仍是處於半熟狀態，軟嫩滑口。米飯粒粒分明，蕃茄汁酸酸甜甜特別開胃。海鮮配料亦不算少，有爽彈大蝦和兩隻青口。燒醬油黑毛豬白切肉配大醬生菜 $162黑毛豬白切肉肥瘦相間，醃得入味，發出陣陣油香。拌以清爽可口的紫蘇葉、生菜和大醬，不搶味之餘更能帶出其肉香。蜜糖無骨炸雞 $108炸雞表面掃上蜜糖，令雞皮的色澤更顯金黃亮麗，單是賣相已令人垂